Nr I vendimit Data palët faqe

Nr. 3168/ 1070 i Regj. Themeltar

Nr. 1786 i Vendimit

VENDIM

NË EMËR TË REPUBLIKËS

Kolegji Civil i Gjykates se Lartë i perbere nga:

Nikoleta Kita Anetare

Valentina Kondili Anetare

Irma Bala Anetare

Evjeni Sinoimeri Anetare
ne seancen gjyqesore te dates 13.10.2004, mori ne shqyrtim ceshtjen civile qe i perket:

PADITËS: SHOQERIA "RIGEL" SHPK,

SHOQERIA "AURORA GIPS" SHPK,

SHOQERIA "NO LIMITS" SHPK,

SHOQERIA "ADAS" SHPK,

SHOQERIA "KLUBI MUZIKOR" SHA,

SHOQERIA "SKANDERBEG TRAVEL" SHA,

SHOQERIA "ADRION LTD" SHPK,

SHOQERIA "MIX TECNIC" SHPK,

SHOQERIA "ASG" SHPK,

SHOQERIA "VOL ALBA" SHPK,

SHOQERIA "DEA (SOUVENIR SHOP)" SHPK,

SHOQERIA "EDICOM" SHPK,

BANKA E KURSIMEVE,

SWIS AIR, DEGA SHQIPERI,

TELEVIZIONI ARBERIA SHA,

FONDACIONI "HANS SAIDEL",

AUSTRIAN AIRLINES, te perfaqesuara nga Av. G. Velaj dhe S. Elmazaj.

TË PADITUR: DREJTORIA E POLICISE ELEKTRIKE, perfaqesuar nga Av. i Shtetit Sh. Muçi.
OBJEKTI I PADISË:

Kundershtim akti administrativ.

Baza Ligjore: Nenet 31, 32, 324 te K.Pr.C.,

Ligji nr.8637, date 06.07.2000

Gjykata e shkalles se pare Tirane, me vendimin nr.3728, date 30.09.2002, ka vendosur:

Rrezimin e kerkese padise si te pambeshtetur ne ligj e ne prova.
Gjykata e Apelit Tirane, me vendimin nr.855, date 26.06.2003, ka vendosur:

Lenien ne fuqi te vendimit nr.3728, date 30.09.2002 te Gjykates se shkalles se pare Tirane.

- a. Vendi i marrjes se energjise elektrike per paditesit nuk jane linjat e KESH, por instalimet elektrike te bera sipas projektit dhe te kontrolluara nga filiali elektrik, prandaj nuk mund te pretendohet se ata marrin energji elektrike ne menyre te parregullt.

- b. Paditesave qe kane marre ambjentet me qira u faturohen shpenzimet operacionale dhe nuk u faturohet energji elektrike.

- c. Te dy qiradhenesit, si Hotel Europa Park, ashtu edhe Qendra Nderkombetare e Kultures, kane kontrate te rregullt me KESH dhe cdo muaj kane shlyer detyrimet per energjine elektrike.

pasi degjoi relacionin e anetarit Zamir Poda,

pasi degjoi perfaqesuesit e paleve paditese, te cilet kerkuan prishjen e vendimeve dhe pranimin e kerkese padise,

pasi degjuan perfaqesuesin e pales se paditur, qe kerkoi lenien ne fuqi te vendimit te Gjykates se Apelit Tirane,

Si vendimi nr.855, date 26.06.2003 i gjykates se apelit, ashtu edhe ai me nr.3728, date 30.9.2002 i Gjykates se shkalles se pare Tirane, jane rrjedhoje e zbatimit te gabuar te ligjit. Per pasoje, ne perputhje me kerkesat e parashikuara ne nenin 485/d te K.Pr.Civile, ato duhet te ndryshohen dhe duhet te pranohet kerkese padia.

Eshte vertetuar se palet paditese jane persona juridike te rregjistruar prane Gjykates se shkalles se pare Tirane, ne baze te kerkesave te Ligjit nr.7638, date 19.11.1992 "Per shoqerite tregtare". Per ushtrimin e veprimtarise se tyre, ata kane marre ambjente, kundrejt kontrates se qirase, ne godinen e Hotel "Europa Park" dhe ne Qendren Nderkombetare te Zhvillimit dhe Kultures, ne Tirane. Sipas kushteve te kontratave respektive, eshte parashikuar qe ne pagesen e percaktuar te perfshihet edhe shpenzimi i energjise elektrike.

Nderkohe, gjate kontrollit te ushtruar nga inspektoret e Deges se Policise Elektrike ne Tirane, ne periudhen 29 qershor dhe 16 korrik 2001, sipas procesverbaleve respektive, eshte konstatuar se paditesit konsumonin energji elektrike pa patur kontrate me KESH, gje per te cilen jane denuar me 50.000 leke gjobe secili.

Duke mos e pranuar nje gje te tille, paditesit, ne perputhje me kerkesat e Ligjit nr.8637, date 06.07.2000 "Per policine elektrike" kane ndjekur rrugen administrative, duke ushtruar ankim prane Drejtorit te Pergjithshem te Policise Elektrike. Ky i fundit, me vendimet date 07.08.2001, ka lene ne fuqi aplikimin e gjobes vendosur nga ana e Inspektoreve te Policise Elektrike. Ne keto kushte, paditesit i jane drejtuar Gjykates se shkalles se pare Tirane, me padite objekt gjykimi, te cilat ne veshtrim te kerkesave te nenit 330 te K.Pr.Civile, jane bashkuar ne nje gjykim.

Pas shqyrtimit qe i kane bere kesaj ceshtje, te dy gjykatat kane konkluduar per rrezimin e kerkese padise.

Duke pare rekursin e ushtruar nga palet paditese, kunder vendimit te permendur te Gjykates se Apelit Tirane, ne raport me aktet e ndodhura ne dosje, si dhe kerkesat ligjore, Kolegji Civil i Gjykates se Larte, arrin ne perfundimin se te dy vendimet jane marre ne zbatim te keq te ligjit.

Sikunder u permend edhe me lart, te gjithe subjektet jane ne marredhenie kontraktore me Hotel "Europa Park" dhe Qendren Nderkombetare te Zhvillimit dhe Kultures per marrjen me qira te ambjenteve te vecante te tyre. Ne kontratat respektive, sic pranohet ne vendimet e gjykatave, eshte percaktuar qe shpenzimet per energjine elektrike te perfshihen ne pagesen per qira te te gjithe ambjentit. Pra, me fjale te tjera energjia elektrike do te paguhet nga te dy palet qiradhenese, te cilat sic del, kane patur kontrate te rregullt me Korporaten Energjetike Shqiptare, Dega e Tiranes. Dhe efektivisht, shpenzimi i energjise elektrike eshte paguar normalisht, gje per te cilen nuk ka pretendime nga asnjera prej paleve ne gjykim, perfshire edhe palen e paditur Drejtorine e Policise Elektrike.

Duke pare me kujdes kerkesat ligjore te parashikuara ne Ligjin nr.8637, date 06.07.2000 "Per policine elektrike" dhe Ligjin nr.7962, date 13.07.1995 "Per energjine elektrike", Kolegji Civil i Gjykates se Larte, cmon se ne rastin konkret, nuk vihen re shkelje te dispozitave te parashikuara ne to.

Gjykatat ne arsyetimin e vendimeve te tyre, i referohen kerkesave te nenit 10/c te Ligjit nr.8637, date 06.07.2000. Sipas kesaj dispozite, perdorimi i energjise elektrike pa kontrate ne KESH, eshte e denueshme me gjobe. Mirepo, ne kete rast nuk kemi te bejme me lidhje ne rrjetin elektrik pa kontrate, mbasi ambjentet e marra me qira, kane patur instalim elektrik te rregullt dhe kontrate me Degen e Filialit Elektrik. Qiramarresi nuk kishte se perse te realizonte kontrate te re, kur ne kontraten e qirase eshte percaktuar se shpenzimi i energjise perballohet sipas kontrates qe ka patur qiradhenesi dhe perfshihet ne pagesen totale te qirase, dhe qe, sikunder u permend me lart, efektivisht eshte paguar normalisht.

Po ashtu gjykatat ne arsyetimin e vendimeve, i referohen edhe nenit 10.2 te Ligjit nr.7962, date 13.07.1995 "Per energjine elektrike”, sipas te cilit, per dhenien e energjise elektrike furnizuesi lidh "me perdoruesin kontrate me shkrim per cdo vend marrje". Edhe ne kete rast, vlejne te njejtat argumente qe u dhane sa siper.

Nga sa u tha dhe analizua, cmohet se shkaqet e parashtruara ne rekurset e paraqitura jane te drejta, gje qe sjell per rrjedhoje edhe cenimin e te dy vendimeve te gjykatave. Keshtu qe padite duhet te pranohen, per shkak se aktet administrative te nxjerra nga ana e pales se paditur per denimin me gjobe te tyre, jane te pambeshtetura nga ana ligjore.

Kolegji Civil i Gjykates se Larte, mbeshtetur ne nenin 485/d te K.Pr.Civile,

V E N D O S I

Ndryshimin e vendimeve nr.855, date 26.06.2003 te Gjykates se Apelit Tirane, e nr.3728, date 30.09.2002 te Gjykates se shkalles se pare Tirane dhe pranimin e kerkesepadise.

Anullimin e akteve administrative date 07.08.2001 nxjerre nga pala e paditur Drejtoria e Policise Elektrike, kunder paleve paditese Shoqeria "Rigel" shpk, Shoqeria "Aurora Gips" shpk, Shoqeria "No Limits" shpk, Shoqeria "Adas" shpk, Shoqeria "Klubi Muzikor" sha, Shoqeria "Skanderbeg travel" sha, Shoqeria "Adrion Ltd" shpk, Shoqeria "Mix tecnic" shpk, Shoqeria "ASG" shpk, Shoqeria "VolAlba" shpk, Shoqeria "DEA (Souvenir shop)" shpk, Shoqeria "Edicom" shpk, Banka e Kursimeve, Swis Air, Dega Shqiperi, Televizioni Arberia sha, Fondacioni "Hans Saidel" dhe Austrian Airlines.
Tirane, me 13.10.2004