E diela e XVI gjatë vitit / c 21 Korrik 2013 Zemra e Maries dhe duart e Martes
|
|  Yüklə 69 Kb.
|
E  diela e XVI Gjatë vitit / C
21 Korrik 2013 Zemra e Maries dhe duart e Martes www.dehon.al M  ikpritja nuk është një gjest thjesht formal, por një gjest për "t’u bërë hapësi-re dashurie" për të tjerët. Hyji në Jezu-sin fiton mikpritje. “Jezusi hyri në një fshat dhe një grua, e quajtur Marta, e priti në shtëpi”. Jezusi ishte lidhur me një miqësi të fortë me familjen e Betanisë. Këtu ai ndihet si në shtëpinë e vet. Marta, për "të mikpritur" Mikun, ishte “e zënë krejtësisht me punët e shërbimit të pritjes” e i ankohet Jezusit sepse motra nuk bashkëpunonte. Marta donte t’i ofronte Jezusit një mikëpritje të mirë, por nuk kuptonte çfarë Ai dëshironte më shumë. Maria, "e ulur te këmbët e Jezusit, dëgjon-te Fjalën e tij". Jezusi pranon se edhe gratë janë thirrur të bëhen dishepujt e tij, e qorton Martën: “ti po shqetësohesh për shumë gjëra, e pra e nevojshme është ve-tëm një. Vërtet, Maria zgjodhi pjesën më të mirë.” Maria realizon figurën e dishepu-llit, që vë në vend të parë Jezusin, duke e pranuar në jetë. Fjala e tij ka përparësinë mbi të gjitha shqetësimet njerëzore e mbi shërbimin e Martës, që Jezusi nuk e refu-zon. Kisha pa dëgjesën me vëmendje e të vazhdueshme të Fjalës, humbet "pjesën më të mirë", që është përkatësia në Zotin dhe bashkimi me të. "Diakonia" e Kishës, do-methënë promovimi i njeriut dhe shërbimi i tij i bamirësisë ndaj të fundit, humbet vle-rën e bëhet i pafrytshëm e pa kuptim. Ja identiteti i të krishterit: të jetë Marta me zemrën e Maries ose Maria me duart e Martës.
Ritet fillestare Në emër të Atit e të Birit e të Shpirtit Shenjt. Amen. Po i rrëfehem Hyjit të gjithëpushte-tshëm dhe juve o vëllezër, se kam mëkatuar shumë, me mendime, me fjalë, me vepra dhe me lëshime: për fajin tim, për fajim tim, për më të madhin fajin tim. Prandaj po i porositem së lumes Mari gjithmonë Virgjër, të gjithë engjëjve, shenjtërve dhe juve, o vëllezër, që t’i luteni për mua Zotit, Hyjit tonë. Lavdi Lavdi i qoftë Hyjit në lartësitë qiellore e paqe njerëzve vullnetmirë mbi tokë. Ne po të lëvdojmë, po të bekojmë, po të adhuro-jmë, po të madhërojmë, po të falënderojmë për lavdinë tënde të pakufi. Zot Hyj, Mbret qiellor, Hyj, Atë i gjithëpushtetshëm. Zot Bir i njëlindur, Jezu Krisht, Zot Hyj, Qengji i Hyjit, Biri i Atit, ti që shlyen mëkatet e botës, ki mëshirë për ne, ti që shlyen mëkatet e botës, pranoje lutjen tonë. Ti që rri në të djathtën e Atit, ki mëshirë për ne. Sepse ti vetëm je Shenjti, ti vetëm Zoti, ti vetëm gjithë i Larti, o Jezu Krisht, së bashku me Shpirtin Shenjt: në lumturinë e Hyjit Atë. Amen.Të lutemi Ji i butë, o Zot, me shërbëtorët e tu, dhe shto në ta dhuratat e hirit tënd, që të zellshëm për kah shpresa, feja dhe dashuria, t’i zbatojmë vazhdimisht dhe pikërisht urdhërimet e tua. Nëpër Zotin tonë... Liturgjia e Fjalës Leximi i parë Zan 18, 1-10 Kjo pjesë paraqet temën e mikpritjes. Tregon bujarinë, mikpritjen që Abrahami u bën tre miqve misteriozë. Një mirësi e tillë i lejon atij të kuptojë misterin që ata mbartin. Njëri i zbulohet si Hyji dhe dy të tjerët si engjëjt e tij. Ky tregim është një mësim mbi kuptimin e thellë të mikpritjes. Jezusi do të na thotë se kush mikëpret më të voglin e vëllezërve të mi mikëpret vetë Hyjin. Lexim prej Librit të Zanafillës Në ato ditë, Zoti iu duk Abrahamit te Qarret e Mambres, ndërsa po rrinte në derë të tendës. Ishte pika e zhegut. Si i çoi sytë përpjetë i pa tre burra në këmbë pranë tij. Si i shikoi, vrapoi t’u dalë para prej derës së tendës dhe u përkul në nderim e tha: “Imzot, nëse kam ndonjë farë rëndësie para syve të tu, mos kalo pa hyrë te shërbëtori yt. Do t’u sillet pak ujë dhe lani këmbët tuaja e pushoni nën hije të trungut. Po ju sjell një kafshore bukë që ta merrni veten para se të vazhdoni udhën. Ju po i bini kah dera shërbëtorit tuaj!” Ata i thanë: “Bëj, pra, si the!” Abrahami shpejtoi në tendë te Sara e i tha: “Shpejto e përziej tri masë të miellit më të mirë dhe na i bëj do kuleç.” Ai vetë vrapoi në vathë dhe prej andej e nxori një viç të ri e të majmë dhe ia dha shërbëtorit. Ai e përgatiti me të shpejtë. Mori edhe mazë, qumësht dhe viçin që e kishte pjekur dhe ua shtroi përpara, ndërsa ai vetë, derisa ata ngrenin, rrinte pranë tyre në këmbë rrëzë trungut. Ata i thanë: “Ku është Sara, gruaja jote?” Ai përgjigji: “Qe, është në tendë!” Ai i tha: “Do të kthehem dhe do të vijë te ti pasi të kalojë koha e shtatzënësisë, dhe Sara, gruaja jote, do të ketë djalë.” Fjala e Zotit. Falënderojmë Hyjin. Psalmi 15 Ata që e kanë zemrën e pastër do të banojnë në shtëpinë e ZotitO Zot, e kush do të guxojë të hyjë në tendën tënde? Vetëm ai që jeton me nder, që vepron me drejtësi, e prej zemrës flet të vërtetën. Që s’i shpifet kujt me fjalë, që të afërmin s’e dëmton, që shokun nuk e çnderon: ai që bëkeqin e mban për asgjë, e i çmon ata që e druajnë Zotin.
e nuk merr ryshfet kundër të pafajshmit. Kush vepron kështu kurrë e për këtë jetë nuk do tëluhatet.
Lexim prej Letrës së shën Palit apostull drejtuar KolosianëveVëllezër, tani vetë u gëzohem vuajtjeve të mia për të mirën tuaj dhe plotësoj në trupin tim çka u mungon mundimeve të Krishtit për Trupin e tij, Kishën. U bëra mbarështues i Saj në fuqi të misionit që Hyji më caktoi për të mirën tuaj që ta bëj të njohur njëherë e përgjithmonë Fjalën e Hyjit: Misterin e mbajtur fshehur gjatë shekujsh dhe breznish, të cilin tani ua zbuloi shenjtërve të vet. Këtyre Hyji deshi t’ua njoftojë lavdinë e begatshme të këtij Misteri në paganë, domethënë: Krishti është ndër ju, shpresa e lavdisë! Ne kumtojmë Atë. Qortojmë çdo njeri dhe mësojmë gjithkënd me çdo njohuri për të bërë që gjithkush t’ia arrijë përsosmërisë në Krishtin. Fjala e Zotit. Falënderojmë Hyjin. ALELUJA, aleluja. Fjala jote, o Zot, është e Vërtetë: na shenjtëro në të Vërtetën.
Leximi i Ungjillit shenjt sipas LukësNë atë kohë, Jezusi hyri në një fshat dhe në grua, me emër Martë, e priti në shtëpi. Ajo kishte një motër që quhej Mari. Kjo iu ul Zotërisë te këmbët dhe dëgjonte fjalën e tij. Marta, e zënë krejtësisht me punët e shërbimit të pritjes, iu afrua e i tha: “Zotëri, a nuk po të duket rëndë që motra ime më la krejt vetëm të shërbej? Thuaj, pra, të më ndihmojë!” Iu përgjigj Zotëria: “Martë, Martë, ti po brengosesh dhe po shqetësohesh për shumë gjëra, e pra e nevojshme është vetëm një. Vërtet, Maria zgjodhi pjesën më të mirën që nuk do t’i merret.” Fjala e Zotit. Lavdi të qoftë ty, o Krisht. Besoj Besoj në një Hyj të vetëm, Atin e gjithëpushtetshëm, krijuesin e qiellit e të tokës, të gjitha sendeve që shihen e që nuk shihen. Edhe në një Zot të vetëm, Jezu Krishtin, një të vetmin Birin e Hyjit, të lindur prej Atit para të gjithë shekujve. Hyj prej Hyjit, Dritë prej Dritës, Hyji i vërtetë prej Hyjit të vërtetë. Të lindur, jo të krijuar, të njëgjëjtë me Atin: nëpërmjet të cilit u krijuan të gjitha sendet. Ai për ne njerëzit dhe për shpëtimin tonë zbriti prej qiellit. (Përkulet koka) E u mishërua për virtyt të Shpirtit Shenjt në kraharorin e Virgjërës Mari: e u bë njeri. Dhe u kryqëzua për ne nën Poncin Pilat; pësoi dhe u varros, dhe u ngjall të tretën ditë sipas Shkrimeve, e u ngrit në qiell dhe rri në të djathtën e Atit. Dhe përsëri do të vijë me lavdi për të gjykuar të gjallët e të vdekurit, e Mbretëria e tij nuk do të ketë mbarim. Edhe në Shpirtin Shenjt, që është Zot dhe jetëbërës: që rrjedh prej Atit e prej Birit. Dhe së bashku me Atin e me Birin adhurohet e lavdërohet, që foli me anën e profetëve. Edhe në një Kishë të vetme, shenjte, katolike dhe apostolike. Dëshmoj një pagëzim të vetëm për faljen e mëkateve. Pres ngjalljen e të vdekurve dhe jetën e pasosur. Amen. Lutja e Besimtarëve M. Vëllezër, Zoti ka premtuar të jetë i pranishëm në mes nesh çdo herë që bashkohemi në emrin e tij. Të pranojmë fjalën e tij në jetën tonë dhe t’i ofrojmë lutjen tonë. L. Të lutemi së bashku e të themi: O Zot, Na jep forcën e dashurisë sate. L. Për Kishën: që të jetë në botë një shenjë e vërtetë e vëllazërisë nëpërmjet bujarisë dhe mikpritjes. Të lutemi L. Për qeveritarët e kombeve: që të jenë të gatshëm për të ndihmuar refugjatët, të arratisurit, ata pa shtëpi, duke rritur të mirën shoqërore për të gjithë. Të lutemi L. Për Kishat e reja: që t’u japin rëndësi besimtarëve laikë në shërbimin e katekizmit dhe në shpalljen e parë të fesë. Të lutemi L. Për rregulltarët: që me jetën e tyre të mbushur me besim dhe gëzim, të dëshmojnë me forcë Krishtin Zot. Të lutemi L. Për ne, pjestarët e kësaj bashkësie: që të dimë të pranojmë Krishtin në personat e vëllezërve të varfër dhe të vuajtur, duke marrë forcë nga Liturgjia. Të lutemi M. O Hyj Atë, shkëlqeftë drita e fytyrës sate mbi çdo familje dhe bashkësi, që të jetojë me gëzim fjalën tënde dhe të kryejë të mirën që ti i frymëzon. Për Krishtin, Zotin tonë. Amen. Liturgjia Eukaristike Zoti e pranoftë flinë prej duarve të tua e ajo daltë për lavd e lumturi të emrit të tij si edhe për dobinë tonë dhe të mbarë Kishës së tij të shenjtë.Lutja mbi dhurata O Hyj, ti me një fli të vetme të Krishtit i përsose flitë e ndryshme të Besëlidhjes së Vjetër: pranoje flinë prej shërbëtorëve të tu të përshpirtshëm, dhe shenjtëroje si kushtin e Abelit, kështu që, çkado të kushton çdonjëri në nder të emrit tënd, t’i vlejë secilit për shëlbim. Nëpër Krishtin.... Shenjt, shenjt, shenjt Zoti, Hyji i gjithësisë. Qielli e toka janë plot me lavdinë tënde. Hosana në lartësitë qiellore. Bekuar qoftë Ai që vjen në emër të Zotit. Hosana në lartësitë qiellore.Misteri i fesë Kumtojmë vdekjen tënde, o Zot, shpallim ngjalljen tënde, dhe presim ardhjen tënde me lumturi. Riti i Kungimit Ati ynë, që je në qiell, u shenjtëroftë emri yt, ardhtë mbretëria jote, u bëftë vullnesa jote, si në qiell ashtu në tokë. Bukën tonë të përditshme na jep sot; na i fal fajet tona, si i falim ne fajtorët tanë. E mos na le të biem në tundim, por na liro nga i Keqi. Ti, o Zot, je mbret, ti je i gjithëpushtetshëm, ti je i lumtur në amshim. O Qengji i Hyjit, ti që shlyen mëkatet e botës, ki mëshirë për ne. O Qengji i Hyjit, ti që shlyen mëkatet e botës, ki mëshirë për ne. O Qengji i Hyjit, ti që shlyen mëkatet e botës, jepna paqe neve. O Zot, unë nuk jam i denjë që të marr pjesë në tryezën tënde, por thuaj vetëm një fjalë e shpirti im do të shëlbohet. Lutja pas kungimit Po të lutemi, o Zot, ji pranë popullit tënd, dhe sikurse e ushqeve me sakramentin e qiellit, bëj të kalojë prej fajësisë së vjetër në jetën e re të hirit. Nëpër Krishtin.... Lutu me Ungjillin O Zot Jezus, Ti do që ne të provojmë personalisht dashurinë tënde duke dëgjuar fjalën tënde dhe vetëm pas kësaj Ti na kërkon të veprojmë konkretisht për të mirën e të afërmit. Ne që jemi shumë të shqetësuar për të realizuar vepra shoqërore për të mirën e të afërmit, Ti na kujton që nuk duhet të jemi shumë aktivë sa të harrojmë kundrimin e Hyjit, as shumë kundrues sa të harrojmë kundrimin e dashurisë së Hyjit për të mirën e të afërmit. Na ndihmo të zgjedhim në jetën tonë, në çdo situatë, pjesën më të mirë: mikpritjen e dashurisë së Hyjit që është themeli dhe u jep kuptim të gjitha veprimeve tona. |