Nr I vendimit Data palët faqe

VENDIM

NË EMËR TË REPUBLIKËS

Kolegji Civil i Gjykates se Larte i perbere nga:

Nikoleta Kita Anetare

Shpresa Beçaj Anetare

Agron Lamaj Anetar

Vladimir Metani Anetar

ne daten 24.06.2004, mori ne shqyrtim ne seance gjyqesore ceshtjen civile qe i perket:

I PADITUR: MINISTRIA E RENDIT PUBLIK, perfaqesuar nga Avokati i Avokatures se Shtetit Petrit Myftari.

PERSON I TRETË: SINDIKATA AUTONOME E NAFTES (SAN) - PATOS
OBJEKTI:

Kthim sendi dhe pagim te ardhurash

Baza Ligjore: Nenet 296 e 298 te Kodit Civil.


Gjykata e shkalles se pare Vlore, me vendimin nr.1444, date 22.11.2001 ka vendosur:

Pranimin e padise duke detyruar Ministrine e Rendit Publik, te ktheje Kampin e Pioniereve ne Vlore, sipas vertetimit te pronesise pjesen qe posedohet prej saj me kufizimet perkatese.

Detyrimin e te paditurit qe te paguaje shumen 8.364.000 leke ne favor te nderhyresit kryesor dhe paditesit, si vlere per perdorimin e sendit.
Gjykata e Apelit Vlore, me vendimin nr.475, date 13.09.2002 ka vendosur:

Ndryshimin e vendimit nr.1444, date 22.11.2001 te Gjykates se shkalles se pare Vlore dhe duke e gjykuar ceshtjen ne fakt:

Rrezimin e padise se paditesve.
Kunder vendimit te gjykates se apelit ne mbeshtetje te nenit 472 te K.Pr.Civile, ka ushtruar rekurs pala paditese Organizata Sindikale e Pavarur e Naftes Patos, e cila kerkon prishjen e vendimit te gjykates se apelit dhe lenien ne fuqi te vendimit te gjykates se shkalles se pare, duke parashtruar keto shkaqe:

- Gjykata e apelit ka gabuar kur ka marre per baze vetem Ligjin nr.8340, date 06.05.1998, i cili ne nenin 1 te tij nuk ka miratuar Dekretin nr.204, date 05.06.1992 “Per Pasurine e Sindikatave”.

- Gjykata e apelit ka gabuar kur arsyeton qe veprimet juridike per kalimin e pronesise se pasurise se paluajteshme te sindikatave jane absolutisht te pavlefshme ne baze te Dekretit nr.204, date 05.06.1992.

- Ligji nr.8340/1, date 06.05.1998, i ka rregulluar ne meyre prapavepruese pasurite e sindikateve qe kane rrjedhur nga zbatimi i Dekretit nr.204, date 05.06.1992.

- Ligji nr.8340/1, date 06.05.1998 ne nenin 2 te tij, njeh akt-marreveshjet e arritura ndermjet sindikatave per ndarjen e pasurise deri ne daten e hyrjes ne fuqi te ketij ligji.
KOLEGJI CIVIL I GJYKATËS SË LARTË

pasi degjoi relacionin e anetarit Vladimir Metani, perfaqesuesin e pales se paditur Avokatin e Shtetit Petrit Myftari, i cili kerkoi lenien ne fuqi te vendimit te gjykates se apelit, si dhe pasi diskutoi ceshtjen ne teresi,

Vendimi nr.475, date 13.09.2002, i Gjykates se Apelit Vlore, me te cilin eshte vendosur ndryshimi i vendimit nr.1444, date 22.11.2001, i Gjykates se shkalles se pare Vlore eshte jo i drejte e i bazuar ne ligj si i tille ai duhet te prishet.

Nga aktet e dosjes gjyqesore rezulton se, Organizata Sindikale e Pavarur e Naftes Patos, ka ne pronesi te saj ish Kampin e Pioniereve ne Vlore, i cili i ka kaluar ne baze te Dekretit te Presidentit nr.204, date 05.05.1992 dhe akt marreveshjes date 28.02.1994, e dale ne zbatim te dekretit te sipercituar.

Ministria e Rendit Publik e perdor objektin per disllokimin e forcave te Nderhyrjes se Shpejte (FNSH) qe nga viti 1991.

Gjykata e shkalles se pare Vlore ka vendosur pranimin e padise, duke detyruar Ministrine e Rendit Publik, te ktheje Kampin e Pioniereve ne Vlore, sipas vertetimit te pronesise pjesen qe posedohet prej saj, me kufizimet perkatese.

Detyrimin e te paditurit qe te paguaje shumen 8.364.000 leke ne favor te nderhyresit kryesor dhe paditesit, si vlere per perdorimin e sendit.

Gjykata e Apelit Vlore, ka vendosur ndryshimin e vendimit nr.1444, date 22.11.2001 te Gjykates se shkalles se pare Vlore dhe duke e gjykuar ceshtjen ne fakt, rrezimin e padise se paditesave.

Kolegji Civil i Gjykates se Larte, cmon se pretendimet e parashtruara ne rekursin e paraqitur nga pala paditese jane pjeserisht te drejta e te bazuara ne ligj.

Gjykata e Apelit Vlore ne vendimin e saj arsyeton se: "Dekreti nr.204, date 05.06.1992 "Per pasurine e sindikatave" nuk ka marre fuqi juridike, ndonese eshte zbatuar, per kalimin e prones se paluajteshme Sindikatave (apo Konfederatave te ndryshme).

Ne rrethana te tilla, veprimet juridike te kryera per kalimin e pronesise se paluajteshme sindikatave jane absolutisht te pavlefshme. Ligji nr.8340/1, date 06.05.1998 "Per rregullimin e pasojave qe rrjedhin nga zbatimi i Dekretit nr.204, date 05.06.1992", nuk mund t’i jape fuqi prapavepruese akteve qe nuk kane fuqi juridike …".

Sa me siper eshte e gabuar dhe ne kundershtim me permbajtjen e Ligjit nr.8340/1, date 06.05.1998 "Per rregullimin e pasojave qe rrjedhin nga zbatimi i Dekretit nr.204, date 05.06.1992". Ky ligj ka bere rregullimin e pasojave te Dekretit nr.204; ne nenin 1 te tij thuhet: "Pasurite e fituara nga zbatimi i Dekretit nr.204, date 05.06.1992, konsiderohen pasuria e luajteshme dhe e paluajteshme dhe vlerat monetare te ish Bashkimeve Profesionale te Shqiperise…" dhe sipas nenit 4 te ketij ligji "Pasuria e paluajteshme e perfituar nga sindikatat ne baze te ketij ligji nuk mund te tjetersohet deri me 31.12.2000.

Sipas dispozitave te sipercituara, ne kundershtim me cfare ka pranuar Gjykata e Apelit Vlore, pala paditese eshte pronare e ish Kampit te Pioniereve Vlore. Me ligjin e mesiperm eshte pranuar qe pronat e perfituara nga Dekreti 204, i cili ne fakt eshte akt pa fuqi juridike, te mbeten ne pronesi te subjekteve qe ato i kane perfituar nga ky dekret.
Konkluzioni i Gjykates se Apelit Vlore, se paditesi nuk ka fituar pronesine mbi mbi ish kampin e pioniereve eshte i gabuar. Gjykata e shkalles se pare Vlore ka vendosur drejt persa i perket pranimit te padise per detyrimin e pales paditese t’i ktheje paditesit Kampin e Pioniereve Vlore. Per kete pjese ky vendim eshte i drejte e i bazuar ne ligj dhe duhet te lihet ne fuqi. Por ky vendim eshte i gabuar per pjesen qe detyron palen e paditur te paguaje shumen 8.364.000 leke ne favor te nderhyresit kryesor.

Vendimi i Gjykates se shkalles se pare Vlore, eshte ne kundershtim me aktet e administruara ne dosjen gjyqesore dhe kerkesat e nenit 298 te K.Civil.

Ajo ka vendosur detyrimin e te paditurit te paguaje te ardhurat per perdorimin e sendit, per shkak se ai nga data 05.06.1992, eshte perdorues ne keqbesim. Ky konkluzion eshte i gabuar. Nuk eshte vertetuar qe ne kuptim te nenit 298 te K.Civil, paditesi nga data 05.06.1992 te jete perdorues ne keqbesim i objektit.

Gjykata detyron palen e paditur te paguaje te ardhurat nga perdorimi i sendit nga data 05.06.1992, qe perkon me daten e nxjerrjes se Dekretit nga Presidenti i Republikes, ne nje kohe qe nuk eshte saktesuar ne gjykim prej pales paditese, se kur i ka kaluar efektivisht pronesia per kampin e pioniereve.

Duke qene se per kete pjese, Gjykata e shkalles se pare Vlore nuk ka "kryer nje hetim gjyqesor te plote e te gjithaneshem ne perputhje me ligjin", ashtu si percakton neni 14 i K.Pr.Civile, vendimi i saj duhet te prishet.

Kolegji Civil i Gjykates se Larte, çmon dergimin e ceshtjes per kete pjese per rigjykim ne Gjykaten e Apelit Vlore, pasi nuk ndodhemi para ndonje rasti te parashikuar nga neni 467 i K.Pr.Civile.

Kolegji Civil i Gjykates se Larte, mbeshtetur ne nenin 485 germat "a" dhe "c" te K.Pr.Civile,

Prishjen e vendimit nr.475, date 13.09.2002 te Gjykates se Apelit Vlore dhe lenien ne fuqi te vendimit nr.1444, date 22.11.2001 te Gjykates se shkalles se pare Vlore, persa i perket detyrimit te M.R.P. t'i ktheje paditesit ish Kampin e Pioniereve Vlore.

Prishjen e vendimit nr.1444, date 22.11.2001 te Gjykates se shkalles se pare Vlore, persa i perket detyrimit te te paditurit qe te paguaje shumen 8.364.000 leke, ne favor te nderhyresit kryesor dhe paditesit si vlere per perdorimin e sendit dhe dergimin e ceshtjes per rishqyrtim ne Gjykaten e Apelit Vlore, me tjeter trup gjykues.

Tirane, me 24.06.2004