Nr I vendimit Data palët faqe

Nr. 3160/1062 i Regj. Themeltar

Nr. 1749 i Vendimit

VENDIM

NË EMËR TË REPUBLIKËS

Kolegji Civil i Gjykates se Lartë i perbere nga:

Nikoleta Kita Anetare

Evjeni Sinoimeri Anetare

Irma Bala Anetare

Valentina Kondili Anetare

ne seancen gjyqesore te dates 05.10.2004, mori ne shqyrtim ceshtjen civile nr.3160/1062 qe i perket:

E PADITUR: NDERMARRJA "HOTEL DAJTI", ne mungese

OBJEKTI I PADISË:

Detyrimi i te paditurit te demshperbleje

me pagen e nje viti per zgjidhjen e marredhenieve te punes.

Baza Ligjore: Nenet 145, 153 e vijues te Kodit te Punes.

Pranimin e padise.

Detyrimin e te paditurit Ndermarrja "Hotel Dajti", te paguaje ne favor te paditesit Gazmend Bujari, pagen e nje viti pune me page mesatare mujore 24.000 leke per periudhen 02.08.2002-02.08.2003, si pasoje e zgjidhjes se marredhenies se punes.

Gjykata e Apelit Tirane, me vendimin nr.843, date 25.06.2003 ka vendosur:

Lenien ne fuqi te vendimit nr.771, date 26.02.2003 te Gjykates se shkalles se pare Tirane.
Kunder vendimit te Gjykates Apelit Tirane, ne baze te nenit 472 te Kodit te Procedures Civile, ka ushtruar rekurs pala e paditur Ndermarrja "Hotel Dajti", e cila kerkon prishjen e ketij vendimi dhe pushimin e çeshtjes, duke parashtruar keto shkaqe:

- Paditesi nuk ka patur kontrate pune e megjithate eshte respektuar Kodi i Punes ne lidhje me afatet e njoftimit.

- Paditesi ka patur dijeni te plote per shkurtimin e vendit te punes si rrjedhoje e ristrukturimit te ndermarrjes.

KOLEGJI CIVIL I GJYKATËS SË LARTË

pasi degjoi relacionin e anetares Valentina Kondili, ne mungese te paleve ndergjyqese dhe pasi e bisedoi ceshtjen ne teresi,
V Ë R E N

Gjykata e apelit ka respektuar dhe zbatuar drejt kerkesat ligjore, prandaj dhe vendimi i dhene prej saj duhet te lihet ne fuqi.

Paditesi Gazmend Bujari, ka qene ne marredhenie pune prane anes se paditur Ndermarrjes "Hotel Dajti" Tirane qe ne vitin 2000, duke qene fillimisht drejtor i saj. Ne muajin maj 2002, ka kaluar me detyren e nen/drejtorit dhe me daten 02.08.2002, eshte njoftuar se ne daten 07.08.2002 t’i nderpriteshin marredheniet financiare, pasi i eshte shkurtuar vendi i punes.

Paditesi, me padine e paraqitur prej anes se paditur, ka kerkuar detyrimin e kesaj te fundit qe t'i shperbleje pagen per nje kohe prej nje viti, pasi ana e paditur nuk ka respektuar kerkesat ligjore per largimin e tij nga puna dhe per rrjedhoje, largimi duhet te konsiderohet si zgjidhje e menjehereshme e kontrates se punes per arsye te pajustifikuar.

Gjykata e shkalles se pare, si dhe gjykata e apelit, duke lene ne fuqi vendimin e gjykates se shkalles se pare, kane vendosur pranimin e kerkese padise.

Ana e paditur ka paraqitur rekurs kunder vendimit te gjykates se apelit, duke parashtruar se me paditesin nuk ka pasur kontrate pune dhe se njoftimi sipas saj i eshte bere ne muajin prill kur paditesi si nen/drejtor eshte njohur me strukturen e re te ndermarrjes qe nuk e perfshinte vendin e tij te punes.

Pretendimet e anes se paditur nuk gjejne mbeshtetje ligjore. Kerkesa e saj per zgjidhjen e kontrates se punes dhe fakti qe paditesi ka punuar disa vjet prane anes se paditur, verteton faktin se midis paleve ka ekzistuar kontrata e punes. Po ashtu njoftimi per largimin nga puna ka karakter personal dhe nuk mund te konsiderohet si i tille fakti qe paditesi eshte njohur me strukturen e ndermarrjes, e cila percakton menyren e organizimit te ndermarrjes, por jo personat qe do te kryenin detyrat perkatese.
Ne keto rrethana konkludohet se ana e paditur nuk ka parashtruar ne rekursin e paraqitur asnje prej shkaqeve te parashikuara ne nenin 472 te Kodit te Procedures Civile, prandaj perderisa ajo nuk ka zbatuar drejt kerkesat ligjore ne lidhje me zgjidhjen e kontrates se punes, percaktimin e llojit te saj, zbatimin e afateve te njoftimit, etj., me te drejte gjykatat kane vendosur pranimin e padise.

PËR KËTO ARSYE

Kolegji Civil i Gjykates se Larte, mbeshtetur ne nenin 485/a te K.Pr.Civile,
V E N D O S I

Lenien ne fuqi te vendimit nr.843, date 25.06.2003 te Gjykates se Apelit Tirane.

Nr. 2895/829 i Regj. Themeltar

Nr. 1750 i Vendimit

VENDIM

NË EMËR TË REPUBLIKËS

Kolegji Civil i Gjykates se Lartë i perbere nga:

Valentina Kondili Anetare

Nikoleta Kita Anetare

Irma Bala Anetare

Evjeni Sinoimeri Anetare

ne seancen gjyqesore te dates 05.10.2004, mori ne shqyrtim ceshtjen civile qe i perket:

E PADITUR: BANKA ITALO - SHQIPTARE, perfaqesuar nga Av. S. Elmazaj

PERSON I TRETË: BANKA KOMBETARE TREGTARE (MINISTRIA E FINANCAVE), ne mungese

BANKA E SHQIPERISE, ne mungese

OBJEKTI I PADISË:

Shperblim demi kontraktor ne shumen 1.130.258 leke,

shtuar me interesat dhe shpenzimet gjyqesore.

Baza Ligjore: Neni 640 i Kodit Civil.

Gjykata e shkalles se pare Tirane, me vendimin nr.2134, date 05.07.1999, ka vendosur:

Pranimin e padise.

Detyrimin e B.I.A. t’i paguaje Alcatel Italia - Dega Shqiperi, demin e shkaktuar ne shumen prej 1.130.258 leke (10% e detyrimit te paguar me vonese).

Ndryshimin e vendimit nr.2134, date 05.07.1999 te Gjykates se Rrethit Tirane dhe pranimin e kerkese padise, duke detyruar Banken Kombetare Tregtare Tirane t’i paguaje demin e shkaktuar Alcatel Italia - Dega Shqiperi shumen 1.130.258 leke.

Prishjen e vendimit nr.138, date 17.02.2000 te Gjykates se Apelit Tirane dhe kthimin e ceshtjes per rishqyrtim ne po ate gjykate, me tjeter trup gjykues.

Lenien ne fuqi te vendimit nr.2134, date 05.07.1999 te Gjykates se shkalles se pare Tirane.

- a. Arsyetimi i gjykates se apelit se BIA ka shkelur kontraten me klientin e saj-paditesin, mbasi ka zgjedhur kleringun ne vend te cekut per pagesen, eshte i pasakte dhe ne kundershtim me kerkesat e Marreveshjes Nderbankare nr.4, date 26.12.1997 “Mbi zhvillimin e kleringut”. Ne kete marreveshje parashikohet shprehimisht se qellimi final i marreveshjes eshte sherbimi sa me i shpejte dhe efikas ndaj klienteve. Efektivisht Banka Italo Shqiptare e ka bere nje gje te tille.

- b. Arsyetim i i gjykates se BKT ka rregjistruar pagesen e TVSH ne dobi te llogarise se tatim taksave, sipas 4.3 te Memorandumit te Mirekuptimit, eshte i pabazuar.

- c. BKT duke vepruar ne kundershtim me paragrafet 4.2 dhe 4.3 te Memorandumit, ka bere rregjistrimin e arketimit ne shumen perkatese nje dite me vonese, gje qe sjell penalizimin e paditesit. Si rrjedhoje eshte BKT shkaktare e demit.

pasi degjoi relacionin e anetarit Zamir Poda,

pasi degjoi perfaqesuesin e pales se paditur, i cili kerkoi prishjen e vendimit te Gjykates se Apelit Tirane dhe rrezimin e kerkeses,
V Ë R E N

Vendimi nr.272, date 28.2.2003 i Gjykates se Apelit Tirane, eshte rrjedhoje e zbatimit dhe respektimit te ligjit. Per pasoje, ne perputhje me kerkesat e nenit 485/a te K.Pr.Civile, ai duhet te lihet ne fuqi.

Eshte vertetuar se pala paditese Shoqeria Alcatel Italia, ne veshtrim te kerkesave te Ligjit nr.7928, date 27.4.1995 “Per Tatimin mbi Vleren e Shtuar”, ka patur detyrimin per shlyerje te tatimit mbi vleren e shtuar, brenda dates 14 te cdo muaji pasardhes, prane numerit te llogarise se Drejtorise se Pergjithshme te Tatimeve ne Banken Kombetare Tregtare. Kjo e fundit, ne baze te Memorandumit te Mirekuptimit lidhur mes saj dhe Drejtorise se Pergjithshme te Tatimeve, eshte e vetmja Banke e nivelit te dyte e autorizuar per mbledhjen e ketij detyrimi.

Sipas marreveshjes nr.4, date 26.12.1997 “Mbi Zhvillimin e Kleringut”, lidhur ndermjet Bankes se Shqiperise dhe Bankave te nivelit te dyte, eshte percaktuar menyra e organizimit dhe drejtimit te seancave te kleringut te pagesave ndermjet tyre. Ne zbatim te marreveshjes dhe Rregullores “Per Sistemin dhe Instrumentat e Pagesave”, ndermjet pales se paditur-Banka Italo Shqiptare dhe Banka Kombetare Tregtare, eshte lidhur nje marreveshje, sipas te ciles, te pares i njihet e drejta te pranoje pagesat e TVSH nga subjektet tregtare. Ne kete funksion, pala e paditur i ka ofruar pales paditese-Shoqeria Alcatel Italia, sherbim kleringu ne baze te marreveshjes nr.4, date 26.12.1997 “Mbi zhvillimin e kleringut”.

Konkretisht ne daten 14.10.1998, paditesi ka arketuar prane te paditurit shumen prej 11.303.579 leke, qe perben pagesen e TVSH per muajin shtator. Po ne kete date, pala e paditur, me urdher xhirim i ka kaluar pagesen e permendur, personit te trete-Banka Kombetare Tregtare. Me tej akoma, kjo e fundit ne intervalin nga ora 13.00 deri 14.00, ne seancen e kleringut qe eshte zhvilluar ne Banken e Shqiperise, ka terhequr nga pala e paditur-Banka Italo Shqiptare, urdher xhirimin dhe eshte urdheruar kryerja e pageses se paditesit-Shoqeria Alcatel Italia, per llogari te Buxhetit te Shtetit. Nderkohe, pas perfundimit te seances ne oren 14.00, eshte bere pranimi i dokumentacionit dhe eshte percjelle ai prane Deges se Bankes Tirana nr.1 dhe vetem te nesermen ne date 15 tetor 1998, eshte bere rregjistrimi i pagesave dhe detyrimeve Tatimore.

Pikerisht mbi kete vonese ne rregjistrimin e pageses, eshte mbeshtetur Drejtoria e Pergjitheshme e Tatimeve, e cila ka nxjerre urdher pagesen ndaj pales paditese-Shoqeria Alkatel Italia, per demin e shkaktuar ne shumen 1.130.258 leke.

Pala paditese, duke pretenduar se pergjegjes eshte pala e paditur per mosekzekutim ne afat te detyrimit te marre persiper, ka kerkuar me kerkese padine objekt gjykimi. Ne te kundert, pala e paditur ka pretenduar se realizimi i pageses nga ana e saj eshte bere brenda dites dhe se pergegjesia duhet kerkuar tek personi i trete-Banka Kombetare Tregtare.

Mbasi kane zhvilluar gjykimin e ceshtjes, te dy gjykatat, si ajo e shkalles se pare, ashtu edhe e apelit, kane arritur ne perfundimin per pranimin e padise.

Duke e pare ne teresine e tij gjykimin e ceshtjes, Kolegji Civil i Gjykates se Larte, cmon se drejte kane vepruar te dy gjykatat ne perfundimet e tyre.

Keshtu gjate rigjykimit te ceshtjes, gjykata e apelit, ne perputhje me kerkesat e parashikuara ne nenin 486 te K.Pr.Civile, jo vetem ka mbajtur parasysh dhe ka realizuar udhezimet dhe konkluzionet e lena ne vendimin e Kolegjit Civil te Gjykates se Larte, por i ka bere nje analize konkrete dhe objektive te gjithe rrethanave te ceshtjes. Ne perfundim, me te drejte ajo ka konfirmuar konkluzionet e arritura ne vendimin nr.2134, date 5.7.1999 te Gjykates se shkalles se pare Tirane. Sikunder u permend, pala paditese ka realizuar pagesen e saj prane pales se paditur, ne daten 14 tetor 1998, pra diten e fundit te afatit te percaktuar me pare. Eshte e vertete se pala e paditur, po brenda asaj dite ka bere kalimin e pageses me urdher xhirim prane personit te trete-Banka Kombetare Tregtare. Por megjithate, ky moment nuk e perjashton ate nga pergjegjesia per shkaktimin e demit, si rrjedhoje e kalimit te shumes ne favor te buxhetit te shtetit vetem ne daten 15 tetor, pra me nje dite vonese. Per me teper, kur si rrjedhoje e eksperiences se veprimeve per raste te tilla, ajo e dinte fare mire se procedura per raste te tilla kerkon nje kohe domosdoshmerisht te percaktuar. Eshte pikerisht pala e paditur, ne cilesine e Bankes pritese te klientit te saj, e cila duhet te zgjedhe menyren me te shpejte te pageses, vecanerisht kur nje pagese e tille eshte e lidhur me nje afat skadence. Nje gje e tille, nga ana tjeter do te thote se ajo kishte detyrimin ligjor qe jo vetem te gjente menyren per realizimin e pageses ne afat dhe me menyren me te shpejte, por edhe paraprakisht t’i bente te qarte klientit se ndjekja e procedures se pageses efektivisht kerkon nje fare kohe te detyrueshme. Ne keto kushte, klienti perkates, i ndergjegjesuar per proceduren, detyrimisht mund dhe duhet te kryeje veprimet prane pales se paditur-Banka Italo Shqiptare, para afatit te fundit te pageses, ne menyre qe te jape mundesi konkrete dhe objektive per te respektuar afatet nepermjet kryerjes se procedurave perkatese.

Persa i perket shkaqeve te parashtruara ne rekursin e paraqitur nga pala e paditur, cmohet se ato nuk qendrojne dhe nuk jane te tilla qe te motivojne apo perligjin cenimin e vendimit te Gjykates se Apelit Tirane. Ato kane te bejne me analize te provave, gje qe ne veshtrim te kerkesave te nenit 472 te K.Pr.Civile, nuk perbejne objekt shqyrtimi dhe Gjykaten e Larte. Megjithate pretendimet e ngritura, pergjithesisht kane marre pergjigje ne analizen e bere ne vendimin e gjykates se apelit.
PËR KËTO ARSYE

Kolegji Civil i Gjykates se Larte, konform nenit 485/a te K.Pr.Civile,

Lenien ne fuqi te vendimit nr.272, date 28.2.2003 te Gjykates se Apelit Tirane.