TITULUS IX Caput 1
DE PROCESSIONIBUS
Publicæ sacræque Processiones, seu Supplicationes, quibus ex antiquissimo Sanctorum Patrum instituto catholica Ecclesia vel ad commemoranda Dei beneficia, eique gratias agendas, vel ad divinum auxilium implorandum uti consuevit, qua par est religione celebrari debent: continent enim magna ac divina mysteria, et salutares Christianæ pietatis fructus eas pie exsequentes a Deo consequuntur: de quibus fideles præmonere et erudire, quo tempore magis opportunum sit, Parochorum officium est.
2. Videant in primis Sacerdotes, aliique ecclesiastici ordinis, ut in his Processionibus ea modestia ac reverentia tum ab ipsis, tum ab aliis adhibeatur, quæ piis et religiosis hujusmodi actionibus maxime debetur.
3. Omnes decenti habitu, superpelliceis, vel aliis sacris vestibus, sine galeris, nisi pluvia cogente, induti, graviter, modeste ac devote bini suo loco procedentes, sacris precibus ita sint intenti, ut, remoto risu, mutuoque colloquio, et vago oculorum aspectu, populum etiam ad pie, devoteque precandum invitent.
4. Laici a Clericis, feminæ a viris separatæ, orantes prosequantur.
5. Præferatur Crux, et, ubi viget consuetudo, vexillum sacris imaginibus insignitum, non tamen factum militari seu triangulari forma.
6. Edendi ac bibendi abusum, secumve esculenta et poculenta deferendi in sacris Processionibus, agrisque lustrandis, et suburbanis ecclesiis visitandis, tollere Parochi studeant; ac fideles, præsertim die Dominica, quæ proximo Rogationes antecedit, quantum hæc dedeceat corruptela, sæpius admoneant.
7. Processiones prius fieri debent, deinde Missa solemniter celebrari: nisi aliter ob gravem causam interdum Ordinario vel Clero videatur.
8. Processiones autem quædam sunt ordinariæ, quæ fiunt certis diebus per annum, ut in festo Purificationis Beatæ Mariæ Virginis, et in Dominica Palmarum, et in Litaniis majoribus in festo S. Marci Evangelistæ, et in minoribus triduo Rogationum ante Ascensionem Domini, et in festo Ssmi Corporis Christi, vel alii diebus pro consuetudine Ecclesiarum.
9. Quædam vero sunt extraordinariæ, ut quæ aliis publicis de causis in alios dies indicuntur.
CAPUT 2
DE PROCESSIONE IN FESTO PURIFICATIONIS B.M.V.
1. Completa benedictione, et distributione candelarum, ut in Missali Romano præscribitur, fit Processio. Et primo Celebrans imponit incensum in thuribulum; postea Diaconus vertens se ad populum, dicit:
Et Chorus Respondet:
2. Præcedit thuriferarius cum thuribulo fumigante, deinde subdiaconus paratus, deferens Crucem, medius inter duos acolythos cum candelabris et candelis acensis: sequitur Clerus per ordinem, ultimo Celebrans cum Diacono a sinistris, omnes cum candelis acensis in manibus: et cantantur Antiphonæ sequentes:
Ant VI
Alia Ant. II
Et ingrediendo ecclesiam, cantantur:
Resp. II
3. Finita Processione, Celebrans et Ministri, depositis violaceis, accipiunt paramenta alba pro Missa. Et candelæ tenentur in manibus accensæ, dum legitur Evangelium, et iterum ab incepto Canone usque ad expletam Communionem.
CAPUT 3
DE PROCESSIONE IN DIE PALMARUM
1. In Dominica Palmarum, facta benedictione, et distributione palmarum seu olivarum, post ultimam Orationem Omnípotens, etc., fit Processio; ac primo Celebrans imponit incensum in thuribulum, et Diaconus vertens se ad populum, dicit:
Et Chorus Respondet:
2. Procedit thuriferarius cum thuribulo fumigante; deinde Subdiaconus paratus, deferens Crucem, medius inter duos acolythos cum candelabris et candelis accensis: sequitur Clerus per ordinem, ultimo Celebrans cum Diacono a sinistris, omnes cum ramis in manibus: et cantantur sequentes Antiphonæ, vel omnes, vel aliquæ, quousque durat Processio.
Alia Ant. V
Alia Ant. VIII
Alia Ant. VIII
Alia Ant. VII
Alia Ant. VI
3. In reversione Processionis, duo vel quatuor cantores intrant in ecclesiam, et clauso ostio, stantes versa facie ad Processionem incipiunt V. Glória, laus, etc., et decantant duos primos Versus Sacerdos vero, cum aliis extra ecclesiam, repetit eosdem. Deinde qui sunt intus, cantant alios Versus sequentes, vel omnes, vel partem, prout videbitur: et qui sunt extra, ad quoslibet duos versus respondent: Glória, laus, etc., sicut a principio.
4. Postea Subdiaconus hastili Crucis percutit portam: qua statim aperta, Processio intrat ecclesiam, cantando :
Et non dicitur Glória Patri.
5. Deinde celebratur Missa: et rami tenentur in manibus, dum cantantur Passio et Evangelium tantum.
CAPUT 4
DE PROCESSIONE IN LITANIIS MAJORIBUS IN FESTO S. MARCI EVANGELISTÆ ET IN MINORIBUS TRIDUO ROGATIONUM ANTE ASCENSIONEM DOMINI
1. Clerus et populus hora statuta mane in ecclesia congregati, omnes contrito et humili corde Deum flexis genibus paulisper precentur. Sacerdos amictu, alba, cingulo, stola, et pluviali cum ministris, vel saltem superpelliceo et stola violacei coloris sit indutus; cujus coloris habitu in reliquis Processionibus semper utatur, præterquam in Processionibus Corporis Christi, et quæ fiunt solemnibus diebus, vel in gratiarum actionem; quibus diebus utitur colore propriæ solemnitati congruente. Ceteri vero Sacerdotes et Clerici superpelliceis induti, sequentem Antiphonam stantes concinant.
Ant. II
2. Deinde genuflectant omnes: et duo Clerici ante Altare majus genuflexi, devote Litanias Sanctorum (pag. 74) cantare incipiant, ceteris eadem simul repetentibus.
3. Cum autem erit:
surgunt omnes et ordinatim procedunt, egredientes, Litaniasque prosequentes præcedente Cruce, et sequente Clero, ultimo loco Sacerdos paratus, ut supra dictum est, cum Ministris, prout res vel locus postulat, sacris vestibus indutis.
4. Si Processio sit longior, vel repetantur Litaniæ, vel Litaniis absolutis usque ad Preces exclusive, dicantur aliqui Psalmi ex Pœnitentialibus, seu Gradualibus. Hymni vero, vel cantica lætitiæ in iis, aut aliis pœnitentiæ causa institutis Processionialibus, ne dicantur.
5. Si ad unam vel plures ecclesias in via sit divertandum, ingressis ecclesiam, intermissisque Litaniis vel Psalmis, cantatur Antiphona cum Versu et Oratione sancti Patrone illius ecclesiæ. Deinde egredientes, resumptis Litaniis vel Psalmis, eodem ordine procedunt usque ad ecclesiam, ubi cum Precibus et Orationibus omnibus terminatur, ut in fine Litaniarium Sanctorum (pag. 76) post septem Psalmos Pœnitentiales.
6. Si contingat transferri Festum S. Marci Evangelistæ, non tamen transferatur Processio, nisi quando prædictum Festum occurrat in die Paschæ: tunc enim in Feriam III sequentem transferatur.
|
Yüklə 2.47 Mb.