CAPUT 32
RITUS BENEDICTIONIS PAPALIS SUPER POPULUM ELARGIENDÆ
servandus a Sacerdotibus, quibus a S. Sede hujusmodi facultas indulta est.
(Juxta decretum S. C. Rituum die 12 Martii 1940.)
1. Admoneatur populus de ecclesia, die et hora, qua dabitur ponitificia Benedictio. Postquam populus ad ecclesiam convenerit, ad contritionis et devotionis sensus pio brevique sermone excitetur. Mox vero Sacerdos, nullis circumstantibus ministris, superpelliceo et stola alba indutus, ante altare genuflexus, sequentibus versibus Dei opem imploret.
V. Adjutórium nostrum in nómine Dómini.
R. Qui fecit cælum et terram.
V. Salvum fac pópulum tuum, Dómine.
R. Et bénedic hereditáti tuæ.
V. Dóminus vobíscum.
R. Et cum spíritu tuo.
Deinde stans sequentem recitet Orationem:
Orémus. Oratio
Omnípotens et miséricors Deus, da nobis auxílium de sancto, et vota pópuli hujus, in humilitáte cordis véniam peccatórum poscéntis tuámque benedictiónem præstolántis et grátiam, cleménter exáudi: déxteram tuum super eum benígnus exténde, ac plenitúdinem divínæ benedictiónis effúnde, qua, bonis ómnibus cumulátus, felicitátem et vitam consequátur ætérnam. Per Christum Dóminum nostrum.
R. Amen.
2. Postea ad cornu Epistolæ accedat; ibique stans, una alta voce hæc verba:
Benedícat vos omnípotens Deus, Pater, et Fílius, † et Spíritus Sanctus.
R. Amen.
3. Sacerdotes qui facultate gaudent impertiendi Benedictionem Papalem formulam præscriptam servent; hac facultate non utantur nisi in designata ecclesia; non autem eodem die et loco quo Episcopus eam impertiat.
CAPUT 33
RITUS ABSOLUTIONIS GENERALIS ET BENEDICTIONIS PAPALIS
ex Apostolicæ Sedis indulto pro regularibus Ordinibus et Tertiariis ad eos pertinentibus
1. Pro Benedictione Apostolica cum indulgentia plenaria in articulo mortis retineatur in omnibus formula superius (pag. 85) præscripta, addito tantum ad Confíteor nomine Sancti proprii Fundatoris.
2. Benedictio Summi Pontificis nomine super Congregationem impertienda detur cum formula superius tradita (pag. 152), sed nonnisi bis in anno, et sub conditione quod hæc Benedictio numquam detur eodem die et loco quo Episcopus eam impertiat.
3. In Absolutione generali pro Regularibus cujuscumque Ordinis, atque in Benedictione cum indulgentia plenaria pro Tertiariis sæcularibus adhibeantur omnino duas insequentes formulæ:
cujuscumque Ordinis hoc privilegio fruentibus
Sacerdos, superpelliceo et stola violacea indutus, dicit:
Ant. Ne reminiscáris, Dómine, delícta nostra vel paréntum nostrórum, neque vindíctam sumas de peccátis nostris.
Kýrie, eléison. Christe, eléison. Kýrie, eléison.
Pater noster secreto usque ad
V. Et ne nos indúcas in tentatiónem.
R. Sed líbera nos a malo.
V. Osténde nobis, Dómine, misericórdiam tuam.
R. Et salutáre tuum da nobis.
V. Dómine, exáudi oratiónem meam.
R. Et clamor meus ad te véniat.
V. Dóminus vobíscum.
R. Et cum spíritu tuo.
Orémus. Oratio
Deus, cui próprium est, miseréri semper et párcere, súscipe deprecatiónem nostram, ut nos, et omnes fámulos tuos, quos delictórum caténa constríngit, miserátio tuæ pietátis cleménter absólvat.
Exáudi, quǽsumus, Dómine, súpplicum preces, et confiténtium tibi parce peccátis, ut páriter nobis indulgéntiam tríbuas benígnus et pacem.
Ineffábilem nobis, Dómine, misericórdiam tuam cleménter osténde: ut simul nos et a peccátis ómnibus éxuas, et a pœnis, quas pro his merémur, erípias.
Deus, qui culpa offénderis, pœniténtia placáris: preces pópuli tui supplicántis propítius réspice; et flagélla tuæ iracúndiæ, quæ pro peccátis nostris merémur, avérte. Per Christum Dóminum nostrum.
R. Amen.
Completis precibus, ab uno ex astantibus dicitur Confitéor, addito nomine Sancti proprii Fundatoris, Deinde Sacerdos dicit: Misereátur vestri, etc., Indulgéntiam, absolutiónem, etc.
Postea subjungit:
Dóminus noster Jesus Christus per mérita suæ sacratíssimæ passiónis vos absólvat, et grátiam suam vobis infúndat. Et ego auctoritáte ipsíus, et beatórum Apostolórum Petri et Pauli, et Summórum Pontíficum Ordini nostro ac vobis concéssa, et mihi in hac parte commíssa, absólvo vos ab omni vínculo excommunicatiónis, suspensiónis et interdícti, si quod forte incurrístis, et restítuo vos unióni, et participatióni fidélium, necnon sacrosánctis Ecclésiæ sacraméntis. Item eádem auctoritáte absólvo vos ab omni transgressióne votórum et régulæ, constitutiónum, ordinatiónum et admonitiónum majórum nostrórum, ab ómnibus pœniténtiis oblítis, seu étiam negléctis, concédens vobis remissiónem et indulgéntiam ómnium peccatórum, quibus contra Deum et próximum fragilitáte humána, ignorántia, vel malítia deliquístis, ac de quibus jam conféssi estis: In nómine Patris, et Fílii, † et Spíritus Sancti. Amen.
II. Formula Benedictionis cum indulgentia plenaria pro Tertiariis sæcularibus
ceterisque omnibus communicationem privilegiorum et gratiarum cum iisdem, vel cum Regularibus cujuscumque Ordinis habentibus
Sacerdos, superpelliceo et stola violacea indutus, dicit:
Ant. Intret orátio mea in conspéctu tuo, Dómine; inclína aurem tuam ad preces nostras; parce, Dómine, parce pópulo tuo, quem redemísti sánguine tuo pretióso, ne in ætérnum irascáris nobis.
Kýrie, eléison. Christe, eléison. Kýrie, eléison.
Pater noster secreto usque ad
V. Et ne nos indúcas in tentatiónem.
R. Sed líbera nos a malo.
V. Salvos fac servos tuos.
R. Deus meus, sperántes in te.
V. Mitte eis, Dómine, auxílium de sancto.
R. Et de Sion tuére eos.
V. Esto eis, Dómine, turris fortitúdinis.
R. A fácie inimíci.
V. Nihil profíciat inimícus in nobis.
R. Et fílius iniquitátis non appónat nocére nobis.
V. Dómine, exáudi oratiónem meam.
R. Et clamor meus ad te véniat.
V. Dóminus vobíscum.
R. Et cum spíritu tuo.
Orémus. Oratio
Deus, cui próprium est miseréri semper et párcere, súscipe deprecatiónem nostram, ut nos, et omnes fámulos tuos, quos delictórum caténa constríngit, miserátio tuæ pietátis cleménter absólvat.
Exáudi, quǽsumus, Dómine, súpplicum preces, et confiténtium tibi parce peccátis: ut páriter nobis indulgéntiam tríbuas benígnus et pacem.
Ineffábilem nobis, Dómine, misericórdiam tuam cleménter osténde: ut simul nos et a peccátis ómnibus éxuas, et a pœnis, quas pro his merémur, erípias.
Deus, qui culpa offénderis, pœniténtia placáris: preces pópuli tui supplicántis propítius réspice; et flagélla tuæ iracúndiæ, quæ pro peccátis nostris merémur, avérte. Per Christum Dóminum nostrum.
R. Amen.
Dicto deinde Confíteor, etc., Misereátur, etc., indulgéntiam, etc., Sacerdos prosequitur:
Dóminus noster Jesus Christus, qui beáto Petro Apóstolo dedit potestátem ligándi atque solvéndi, ille vos absólvat ab omni vínculo delictórum, ut habeátis vitam ætérnam et vivátis in sǽcula sæculórum. R. Amen.
Per sacratíssimam passiónem et mortem Dómini nostri Jesu Christi, précibus et méritis beatíssimæ semper Vírginis Maríæ, beatórum Apostolórum Petri et Pauli, beáti Patris nostri N. et ómnium Sanctórum, auctoritáte a Summis Pontifícibus mihi commíssa, plenáriam indulgéntiam ómnium peccatórum vestrórum vobis impértior. In nómine Patris, et Fílii, † et Spíritus Sancti. R. Amen.
Si hæc indulgentia immediate post sacramentalem absolutionem impertiatur, reliquis omissis, Sacerdos absolute incipiat a verbis: Dóminus noster Jesus Christus, etc., et ita prosequatur usque ad finem, plurali tantum numero in singularem immutato.
|
Yüklə 2.47 Mb.