Missále románum 1957 en préparation
|
|  Yüklə 4.47 Mb.
|
FESTA JANUÁRIIDie 23 Januárii IN DESPONSATIÓNE B. MARÍÆ V.CUM S. JOSEPHIntróitus Sedúlius SALVE, sancta parens, eníxa puérpera Regem: qui cælum terrámque regit in sǽcula sæculórum. Ps. 44, 2 Eructávit cor meum verbum bonum: dico ego ópera mea Regi. V/. Glória Patri. Orátio FÁMULIS tuis, quǽsumus, Dómine, cæléstis grátiæ munus impertíre: ut, quibus beátæ Vírginis partus éxstitit salútis exórdium; desponsatiónis ejus votíva solémnitas, pacis tríbuat increméntum. Per Dóminum. Et fit Commemorátio S. Joseph. Orátio
SANCTÍSSIMÆ Genitrícis tuæ Sponsi, quǽsumus, Dómine, méritis adjuvémur: ut, quod possibílitas nostra non óbtinet, ejus nobis intercessióne donétur: Qui vivis. Léctio libri Sapiéntiæ. Prov. 8, 22-35 DÓMINUS possédit me in inítio viárum suárum, ántequam quidquam fáceret a princípio. Ab ætérno ordináta sum, et ex antíquis, ántequam terra fíeret. Nondum erant abýssi, et ego jam concépta eram: necdum fontes aquárum erúperant: necdum montes gravi mole constíterant: ante colles ego parturiébar: adhuc terram non fécerat, et flúmina, et cárdines orbis terræ. Quando præparábat cælos, áderam: quando certa lege et gyro vallábat abýssos: quando ǽthera firmábat sursum, et librábat fontes aquárum: quando circúmdabat mari términum suum, et legem ponébat aquis, ne transírent fines suos: quando appendébat fundaménta terræ. Cum eo eram cuncta compónens: et delectábar per síngulos dies, ludens coram eo omni témpore: ludens in orbe terrárum: et delíciæ meæ esse cum fíliis hóminum. Nunc ergo, fílii, audíte me: Beáti, qui custódiunt vias meas. Audíte disciplínam, et estóte sapiéntes, et nolíte abjícere eam. Beátus homo, qui audit me, et qui vígilat ad fores meas quotídie, et obsérvat ad postes óstii mei. Qui me invénerit, invéniet vitam, et háuriet salútem a Dómino. Graduále Benedícta et venerábilis es, Virgo María: quæ sine tactu pudóris invénta es mater Salvatóris. V/. Virgo Dei Génitrix, quem totus non capit orbis, in tua se clausit víscera factus homo. Allelúja, allelúja. V/. Felix es, sacra Virgo María, et omni laude digníssima: quia ex te ortus est sol justítiæ, Christus Deus noster. Allelúja. Post Septuagésimam, omíssis Allelúja et Versu sequénti, dícitur Tractus Gaude, María Virgo, cunctas hǽreses sola interemísti. V/. Quæ Gabriélis Archángeli dictis credidísti. V/. Dum Virgo Deum et hóminem genuísti: et post partum, Virgo, invioláta permansísti. V/. Dei Génitrix, intercéde pro nobis. Témpore autem Pascháli omíttitur Graduále, et ejus loco dícitur: Allelúja, allelúja. V/. Virgo Dei Génitrix, quem totus non capit orbis, in tua se clausit víscera factus homo. Allelúja. V/. Felix es, sacra Virgo María, et omni laude digníssima: quia ex te ortus est sol justítiæ, Christus Deus noster. Allelúja. + Sequéntia sancti Evangélii secúndum Matthǽum. Matth. 1, 18-21 CUM esset desponsáta mater Jesu María Joseph, ántequam convenírent, invénta est in útero habens de Spíritu Sancto. Joseph autem vir ejus, cum esset justus, et nollet eam tradúcere, vóluit occúlte dimíttere eam. Hæc autem eo cogitánte, ecce Angelus Dómini appáruit in somnis ei, dicens: Joseph, fili David, noli timére accípere Maríam cónjugem tuam: quod enim in ea natum est, de Spíritu Sancto est. Páriet autem fílium: et vocábis nomen ejus Jesum: ipse enim salvum fáciet pópulum suum a peccátis eórum. Credo.
Offertórium Beáta es, Virgo María, quæ ómnium portásti Creatórem: genuísti qui te fecit, et in ætérnum pérmanes Virgo. Secréta
UNIGÉNITI tui, Dómine, nobis succúrrat humánitas: ut, qui natus de Vírgine, matris integritátem non mínuit, sed sacrávit; in Desponsatiónis ejus solémniis, nostris nos piáculis éxuens, oblatiónem nostram tibi fáciat accéptam Jesus Christus Dóminus noster: Qui tecum. Pro S. Joseph Secréta
DÉBITUM tibi, Dómine, nostræ réddimus servitútis, supplíciter exorántes: ut, suffrágiis beáti Joseph, Sponsi Genitrícis Fílii tui Jesu Christi Dómini nostri, in nobis tua múnera tueáris, ob cujus venerándam commemoratiónem laudis tibi hóstias immolámus. Per eúmdem Dóminum. Præfátio de beáta María Vírgine Et te in Desponsatióne. Commúnio Beáta víscera Maríæ Vírginis, quæ portavérunt ætérni Patris Fílium. Postcommúnio SÚMPSIMUS, Dómine, celebritátis ánnuæ votíva sacraménta: præsta, quǽsumus; ut et temporális vitæ nobis remédia prǽbeant, et ætérnæ. Per Dóminum.
Postcommúnio ADÉSTO nobis, quǽsumus, miséricors Deus: et, intercedénte pro nobis beáto Joseph Confessóre, tua circa nos propitiátus dona custódi. Per Dóminum.
MISSÆ PRO ALÍQUIBUS LOCISEadem die 23 Januárii S. ILDEFÓNSIEpíscopi et Confessóris Missa In médio, de Commúni Doctórum, sine Credo, et cum Oratiónibus ut infra. Orátio
DEUS, qui per gloriosíssimam Fílii tui Matrem beátum Ildefónsum Confessórem tuum atque Pontíficem, misso de thesáuris cæléstibus múnere, decorásti: concéde propítius; ut, per ejus preces et mérita, múnera capiámus ætérna. Per eúmdem Dóminum. Secréta
SANCTI Ildefónsi Confessóris tui atque Pontíficis, quǽsumus, Dómine, ánnua solémnitas pietáti tuæ nos reddat accéptos: ut, per hæc piæ placatiónis offícia, et illum beáta retribútio comitétur, et nobis grátiæ tuæ dona concíliet. Per Dóminum. Postcommúnio DEUS, fidélium remunerátor animárum: præsta; ut beáti Ildefónsi Confessóris tui atque Pontíficis, cujus venerándam celebrámus festivitátem, précibus indulgéntiam consequámur. Per Dóminum.
MISSÆ PRO ALÍQUIBUS LOCISFESTA FEBRUARIIDie 17 Februarii FUGÆ D. N. J. C. IN ÆGÝPTUMIntróitus Matth. 2, 13 ANGELUS Dómini appáruit in somnis Joseph, dicens: Surge, et áccipe púerum et matrem ejus, et fuge in Ægýptum. Ps. 54, 8 Ecce elongávi fúgiens: et mansi in solitúdine. V/. Glória Patri. Orátio PROTÉCTOR in te sperántium, Deus, qui Unigénitum tuum Redemptórem nostrum ex Heródis gládio, fuga in Ægýptum, erípere voluísti: concéde nobis fámulis tuis, beatíssima semper Vírgine ejus matre María intercedénte; ut, ab ómnibus mentis et córporis perículis liberáti, ad cæléstem pátriam perveníre mereámur. Per eúmdem Dóminum. Léctio Isaíæ Prophétæ. Isai. 19, 20-22 IN diébus illis: Clamábunt ad Dóminum a fácie tribulántis, et mittet eis salvatórem et propugnatórem, qui líberet eos. Et cognoscétur Dóminus ab Ægýpto, et cognóscent Ægýptii Dóminum in die illa, et colent eum in hóstiis, et in munéribus, et vota vovébunt Dómino, et solvent. Et percútiet Dóminus Ægýptum plaga, et sanábit eam: et reverténtur ad Dóminum, et placábitur eis, et sanábit eos Dóminus Deus noster. Graduále Ps. 90, 11-12 Angelis suis mandávit de te: ut custódiant te in ómnibus viis tuis. V/. In mánibus portábunt te, ne umquam offéndas ad lápidem pedem tuum. Allelúja, allelúja. V/. Matth. 2, 13 Angelus Dómini appáruit in somnis Joseph, dicens: Surge, et áccipe púerum et matrem ejus, et fuge in Ægýptum. Allelúja.
Tractus Matth. 2, 13 Angelus Dómini appáruit in somnis Joseph, dicens: Surge, et áccipe púerum, et matrem ejus, et fuge in Ægýptum. V/. Et esto ibi usque dum dicam tibi. V/. Futúrum est enim ut Heródes quærat púerum ad perdéndum eum. Témpore autem Pascháli, omíttitur Graduále, et ejus loco dícitur: Allelúja, allelúja. V/. Matth. 2, 13 Angelus Dómini appáruit in somnis Joseph, dicens: Surge, et áccipe púerum et matrem ejus, et fuge in Ægýptum. Allelúja. V/. Et esto ibi usque dum dicam tibi. Allelúja. + Sequéntia sancti Evangélii secúndum Matthǽum. Matth. 2, 13-15 IN illo témpore: Angelus Dómini appáruit in somnis Joseph, dicens: Surge, et áccipe púerum, et matrem ejus, et fuge in Ægýptum, et esto ibi usque dum dicam tibi. Futúrum est enim ut Heródes quærat púerum ad perdéndum eum. Qui consúrgens accépit púerum, et matrem ejus nocte, et secéssit in Ægýptum: et erat ibi usque ad óbitum Heródis: ut adimplerétur quod dictum est a Dómino per prophétam dicéntem: Ex Ægýpto vocávi Fílium meum. Credo.
Offertórium Isai. 19, 21 Cognoscétur Dóminus ab Ægýpto, et cognóscent Ægýptii Dóminum in die illa, et colent eum in hóstiis et in munéribus, et vota vovébunt Dómino, et solvent. Secréta
LAUDIS tibi, Dómine, hóstias immolámus, supplíciter deprecántes: ut, qui cum beatíssima matre Vírgine María in Ægýptum exsul deférri voluísti; éxsules nos, eádem beáta Vírgine intercedénte, ad cæléstem pátriam benígnus perdúcas: Qui vivis. Præfátio de Nativitáte. Commúnio Matth. 2, 15 Et erat ibi usque ad óbitum Heródis: ut adimplerétur quod dictum est a Dómino per prophétam dicéntem: Ex Ægýpto vocávi fílium meum. Postcommúnio LARGÍRE sénsibus nostris, omnípotens Deus: ut per temporálem Fílii tui fugam, quam mystéria veneránda testántur, vitam te nobis dedísse perpétuam confidámus. Per eúmdem Dóminum.
MISSÆ PRO ALÍQUIBUS LOCISDie 26 vel 27 Februarii S. MARGARÍTÆ DE CORTONAPœniténtis Intróitus Ps. 118, 75 et 120 COGNÓVI, Dómine, quia ǽquitas judícia tua, et in veritáte tua humiliásti me: confíge timóre tuo carnes meas, a mandátis tuis tímui. Ps. ibid., 1 Beáti immaculáti in via: qui ámbulant in lege Dómini. V/. Glória Patri. Orátio DEUS, qui fámulam tuam Margarítam de perditiónis via ad salútis trámitem misericórditer deduxísti: eádem nobis miseratióne concéde; ut, quam prius errántem sectári non erubúimus, mox pœniténtem ímpigre sequi gloriémur. Per Dóminum. Léctio libri Sapiéntiæ. Cant. 3, 2-5; 8, 6-7 SURGAM, et circuíbo civitátem: per vicos et platéas quæram quem díligit ánima mea: quæsívi illum, et non invéni. Invenérunt me vígiles, qui custódiunt civitátem: Num quem díligit ánima mea, vidístis? Páululum cum pertransíssem eos, invéni quem díligit ánima mea: ténui eum nec dimíttam, donec introdúcam illum in domum matris meæ, et in cubículum genitrícis meæ. Adjúro vos, fíliæ Jerúsalem, per cápreas cervósque campórum, ne suscitétis, neque evigiláre faciátis diléctam donec ipsa velit. Pone me ut signáculum super cor tuum, ut signáculum super bráchium tuum: quia fortis est ut mors diléctio, dura sicut inférnus æmulátio: lámpades ejus lámpades ignis atque flammárum. Aquæ multæ non potuérunt exstínguere caritátem, nec flúmina óbruent illam: si déderit homo omnem substántiam domus suæ pro dilectióne, quasi nihil despíciet eam. Graduále Ps. 44, 3 et 5 Diffúsa est grátia in lábiis tuis: proptérea benedíxit te Deus in ætérnum. V/. Propter veritátem, et mansuetúdinem, et justítiam: et dedúcet te mirabíliter déxtera tua. Allelúja, allelúja . V/. Ibid., 5 Spécie tua et pulchritúdine tua inténde, próspere procéde, et regna. Allelúja.
Tractus Veni, sponsa Christi, áccipe corónam, quam tibi Dóminus præparávit in ætérnum. V/. Ps. 44, 8 et 5 Dilexísti justítiam, et odísti iniquitátem: proptérea unxit te Deus, Deus tuus, óleo lætítiæ præ consórtibus tuis. V/. Spécie tua et pulchritúdine tua inténde, próspere procéde, et regna. Témpore autem Pascháli omíttitur Graduále, et ejus loco dícitur: Allelúja, allelúja . V/. Ps. 44, 5 Spécie tua et pulchritúdine tua inténde, próspere procéde, et regna. Allelúja. V/. Propter veritátem, et mansuetúdinem, et justítiam: et dedúcet te mirabíliter déxtera tua. Allelúja. + Sequéntia sancti Evangélii secúndum Matthǽum. Matth. 13, 44-52 IN illo témpore: Dixit Jesus discípulis suis parábolam hanc: Símile est regnum cælórum thesáuro abscóndito in agro: quem qui invénit homo, abscóndit, et præ gáudio illíus vadit, et vendit univérsa, quæ habet, et emit agrum illum. Íterum símile est regnum cælórum hómini negotiatóri, quærénti bonas margarítas. Invénta autem una pretiósa margaríta, ábiit, et véndidit ómnia, quæ hábuit, et emit eam. Íterum símile est regnum cælórum sagénæ missæ in mare, et ex omni génere píscium congregánti. Quam, cum impléta esset, educéntes, et secus littus sedéntes, elegérunt bonos in vasa, malos autem foras misérunt. Sic erit in consummatióne sǽculi: exíbunt Angeli, et separábunt malos de médio justórum, et mittent eos in camínum ignis: ibi erit fletus, et stridor déntium. Intellexístis hæc ómnia? Dicunt ei: Étiam. Ait illis: Ideo omnis scriba doctus in regno cælórum símilis est hómini patrifamílias, qui profert de thesáuro suo nova et vétera. Offertórium Ps. 44, 3 Diffúsa est grátia in lábiis tuis: proptérea benedíxit te Deus in ætérnum, et in sǽculum sǽculi. Secréta PLACATIÓNIS hóstia, quam tibi offérimus, Dómine, beátæ Margarítæ interveniénte suffrágio, optátæ nobis indulgéntiæ plenitúdinem largiátur. Per Dóminum. Commúnio Ps. 44, 8 Dilexísti justítiam, et odísti iniquitátem: proptérea unxit te Deus, Deus tuus, óleo lætítiæ præ consórtibus tuis. Postcommúnio ÚBERE, Dómine, sanctæ tuæ Margarítæ lácrimæ durítiem nostri cordis emólliant: ut, per hujus virtútem sacraménti, débitas reátibus flammas incessánti fletu exstinguámus Per Dóminum.
MISSÆ PRO ALÍQUIBUS LOCISFéria IIIpost Domínicam in Septuagésima ORATIÓNIS D. N. J. C.Intróitus Ps. 54, 5-6 COR meum conturbátum est in me, et formído mortis cécidit super me. Timor et tremor venérunt super me. Ps. 68, 2 Salvum me fac, Deus: quóniam intravérunt aquæ usque ad ánimam meam. V/. Glória Patri. Orátio DÓMINE Jesu Christe, qui in horto verbo et exémplo nos oráre docuísti, ad tentatiónum perícula superánda: concéde propítius; ut nos, oratióni semper inténti, ejus copiósum fructum cónsequi mereámur: Qui vivis et regnas cum Deo Patre in unitáte Spíritus Sancti Deus. Léctio Epístolæ beáti Pauli Apóstoli ad Hebrǽos. Hebr. 5, 5-10 FRATRES: Christus non semetípsum clarificávit ut póntifex fíeret: sed qui locútus est ad eum: Fílius meus es tu, ego hódie génui te. Quemádmodum et in álio loco dicit: Tu es sacérdos in ætérnum, secúndum órdinem Melchísedech. Qui in diébus carnis suæ preces, supplicationésque ad eum, qui possit illum salvum fácere a morte, cum clamóre válido et lácrimis ófferens, exaudítus est pro sua reveréntia: et quidem cum esset Fílius Dei, dídicit ex iis, quæ passus est, obediéntiam: et consummátus, factus est ómnibus obtemperántibus sibi, causa salútis ætérnæ, appellátus a Deo póntifex juxta órdinem Melchísedech. Graduále Ps. 87, 4-5 Repléta est malis ánima mea, et vita mea inférno appropinquávit. V/. Æstimátus sum cum descendéntibus in lacum, factus sum sicut homo sine adjutório. Tractus Ps. 68, 17 et 18 Exáudi me, Dómine, quóniam benígna est misericórdia tua. V/. Et ne avértas fáciem tuam a púero tuo: quóniam tríbulor, velóciter exáudi me. V/. Ps. 21, 12 Ne discésseris a me: quóniam tribulátio próxima est: quóniam non est qui ádjuvet.
Allelúja, allelúja . V/. Ps. 21, 25 Dóminus non avértit fáciem suam a me: et cum clamárem ad eum, exaudívit me. Allelúja. Témpore autem Pascháli, omíssis Graduáli et Tractu, dícitur: Allelúja, allelúja . V/. Ps. 27, 6-7 Benedíctus Dóminus: quóniam exaudívit vocem deprecatiónis meæ. V/. Dóminus adjútor meus et protéctor meus: in ipso sperávit cor meum, et adjútus sum. Allelúja. + Sequéntia sancti Evangélii secúndum Lucam. Luc. 22, 39-44 IN illo témpore: Egréssus Jesus ibat, secúndum consuetúdinem, in montem Olivárum. Secúti sunt autem illum et discípuli. Et cum pervenísset ad locum, dixit illis: Oráte, ne intrétis in tentatiónem. Et ipse avúlsus est ab eis quantum jactus est lápidis, et pósitis génibus orábat, dicens: Pater, si vis, transfer cálicem istum a me: verúmtamen non mea volúntas, sed tua fiat. Appáruit autem illi Angelus de cælo, confórtans eum. Et factus in agonía, prolíxius orábat. Et factus est sudor ejus, sicut guttæ sánguinis decurréntis in terram. Credo.
Offertórium Ps. 68, 2 Salvum me fac, Deus: quóniam intravérunt aquæ usque ad ánimam meam. Secréta
HUJUS sancti sacrifícii méritis fac nos, quǽsumus, Dómine, divína institutióne formátos curam oratióni tam efficáciter impéndere: ut Jesus Christus Fílius tuus in éxitu nostro vígiles nos et a culpa solútos invéniat: Qui tecum. Præfátio de Cruce. Commúnio Matth. 26, 41 Vigiláte et oráte, ut non intrétis in tentatiónem: spíritus quidem promptus est, caro autem infírma. Postcommúnio REFÉCTI alimónia cælésti, súpplices te rogámus, Pater omnípotens: ut, per unigéniti Fílii tui oratiónis virtútem, nos in tantis córporis et ánimæ perículis constitúti, ad cæléstia regna secúre perveníre mereámur. Per eúmdem Dóminum.
MISSÆ PRO ALÍQUIBUS LOCISFéria IIIpost Domínicam in Sexagésima IN COMMEMORATIÓNEPASSIÓNIS D. N. J. C.Missa Humiliávit, quæ habétur inter votívas circa finem Missális, præter Oratiónem sequéntem: Orátio
OMNÍPOTENS sempitérne Deus, qui humáno géneri, ad imitándum humilitátis exémplum, Salvatórem nostrum carnem súmere et crucem subíre fecísti: concéde propítius; ut, sicut solémnem Commemoratiónem Passiónis ejus celebrámus, ita et patiéntiæ ipsíus habére documénta, et resurrectiónis consórtia mereámur. Per eúmdem Dóminum nostrum. Et dícitur Credo. MISSÆ PRO ALÍQUIBUS LOCISFéria VIpost Cíneres SACRÆ SPÍNEÆ CORÓNÆ D. N. J. C.Intróitus Cant. 3, 11 EGREDÍMINI et vidéte, fíliæ Sion, regem Salomónem in diadémate, quo coronávit eum mater sua, parans crucem Salvatóri suo. Ps. 8, 6-7 Glória et honóre coronásti eum, Dómine: et constituísti eum super ópera mánuum tuárum. V/. Glória Patri. Orátio PRÆSTA, quǽsumus, omnípotens Deus: ut, qui in memóriam passiónis Dómini nostri Jesu Christi Corónam ejus spíneam venerámur in terris, ab ipso glória et honóre conorári mereámur in cælis: Qui tecum vivit. Léctio libri Sapiéntiæ. Cant. 3, 7-11; 4, 1 et 8 LÉCTULUM Salomónis sexagínta fortes ámbiunt ex fortíssimis Israël: omnes tenéntes gládios, et ad bella doctíssimi: uniuscujúsque ensis super femur suum propter timóres noctúrnos. Férculum fecit sibi rex Sálomon de lignis Líbani: colúmnas ejus fecit argénteas, reclinatórium áureum, ascénsum purpúreum: média caritáte constrávit propter fílias Jerúsalem. Egredímini et vidéte, fíliæ Sion, regem Salomónem in diadémate, quo coronávit illum mater sua in die desponsatiónis illíus, et in die lætítiæ cordis ejus. Quam pulchra es, amíca mea, quam pulchra es! Oculi tui columbárum, absque eo quod intrínsecus latet. Veni de Líbano, sponsa mea, veni de Líbano, veni: coronáberis. Graduále Eccli. 45, 14 Coróna áurea super caput ejus: expréssa signo sanctitátis, glória honóris, et opus fortitúdinis. V/. Ps. 20, 4 Quóniam prævenísti eum in benedictiónibus dulcédinis: posuísti in cápite ejus corónam de lápide pretióso. Tractus Isai. 61, 10 Induit eum Dóminus vestiméntis salútis, et induménto justítiæ, quasi sponsum decorátum coróna. V/. Isai. 28, 5 Coróna tribulatiónis efflóruit in corónam glóriæ, et sertum exsultatiónis. V/. Sap. 5, 17 Accépit regnum decóris, diadéma speciéi.
Allelúja, allelúja. V/. Isai. 28, 5 Coróna tribulatiónis efflóruit in corónam glóriæ, et sertum exsultatiónis. Allelúja. Témpore autem Pascháli, omíssis Graduáli et Tractu, dícitur: Allelúja, allelúja. V/. Eccli. 45, 14 Coróna áurea super caput ejus: expréssa signo sanctitátis, glória honóris, et opus fortitúdinis. Allelúja. V/. Tibi glória, hosánna: tibi triúmphus et victória: tibi summæ laudis et honóris coróna. Allelúja. + Sequéntia sancti Evangélii secúndum Joánnem. Joann. 19, 1-5 IN illo témpore: Apprehéndit Pilátus Jesum, et flagellávit. Et mílites plecténtes corónam de spinis, imposuérunt cápiti ejus: et veste purpúrea circumdedérunt eum. Et veniébant ad eum, et dicébant: Ave, Rex Judæórum: et dabant ei álapas. Exívit ergo íterum Pilátus foras, et dicit eis: Ecce addúco vobis eum foras, ut cognoscátis, quia nullam invénio in eo causam. Exívit ergo Jesus portans corónam spíneam, et purpúreum vestiméntum. Credo.
Offertórium Tuam Corónam adorámus, Dómine: tuam gloriósam recólimus passiónam. Secréta
TUÓRUM mílitum, Rex omnípotens, virtútem róbora: ut, quos in hujus mortalitátis stádio unigéniti Fílii tui Coróna lætíficat; consummáto cursu certáminis, immortalitátis bravíum apprehéndant. Per eúmdem Dóminum. Præfátio de Cruce. Commúnio Prov. 4, 9 Lætáre, mater nostra, quia dabit Dóminus cápiti tuo augménta gratiárum, et coróna ínclita próteget te. Postcommúnio SÚPPLICES te rogámus, omnípotens Deus: ut hæc sacraménta quæ súmpsimus, per sacrosánctæ Fílii tui Corónæ, cujus solémnia recensémus, virtútem, nobis profíciant ad medélam. Per eúmdem Dóminum.
MISSÆ PRO ALÍQUIBUS LOCISFéria VIpost Domínicam primam Quadragésimæ SACRÓRUM LÁNCEÆ ET CLAVÓRUMD. N. J. C.Intróitus Ps. 21, 17-18 et 15 FODÉRUNT manus meas, et pedes meos: dinumeravérunt ómnia ossa mea: et sicut aqua effúsus sum. Ps. ibid., 15 Factum est cor meum tamquam cera liquéscens, in médio ventris mei. V/. Glória Patri. Orátio DEUS, qui in assúmptæ carnis infirmitáte Clavis affígi et Láncea vulnerári pro mundi salúte voluísti: concéde propítius; ut, qui eorúmdem Clavórum et Lánceæ solémnia venerámur in terris, de glorióso victóriæ tuæ triúmpho gratulémur in cælis: Qui vivis. Léctio Zacharíæ Prophétæ. Zach. 12, 10-11; 13, 6-7 HÆC dicit Dóminus: Effúndam super domum David, et super habitatóres Jerúsalem spíritum grátiæ et precum: et aspícient ad me, quem confixérunt: et plangent eum planctu quasi super unigénitum, et dolébunt super eum, ut doléri solet in morte primogéniti. In die illa magnus erit planctus in Jerúsalem, et dicétur: Quid sunt plagæ istæ in médio mánuum tuárum? Et dicet: His plagátus sum in domo eórum, qui diligébant me. Frámea, suscitáre super pastórem meum, et super virum cohæréntem mihi, dicit Dóminus exercítuum: pércute pastórem, et dispergéntur oves: ait Dóminus omnípotens. Graduále Ps. 68, 21-22 Impropérium exspectávit cor meum, et misériam: et sustínui, qui simul mecum contristarétur, et non fuit: consolántem me quæsívi, et non invéni. V/. Dedérunt in escam meam fel, et in siti mea potavérunt me acéto. Tractus Isai. 53, 4-5 Vere languóres nostros ipse tulit, et dolóres nostros ipse portávit. V/. Et nos putávimus eum quasi leprósum, et percússum a Deo, et humiliátum. V/. Ipse autem vulnerátus est propter iniquitátes nostras, attrítus est propter scélera nostra. V/. Disciplína pacis nostræ super eum: et livóre ejus sanáti sumus.
Allelúja, allelúja. V/. Ave, Rex noster: tu solus nostros es miserátus erróres: Patri obédiens, ductu s es ad crucifigéndum, ut agnus mansuétus ad occisiónem. Allelúja. Témpore autem Pascháli, omíssis Graduáli et Tractu, dícitur: Allelúja, allelúja. V/. Ave, Rex noster: tu solus nostros es miserátus erróres: Patri obédiens, ductus es ad crucifigéndum, ut agnus mansuétus ad occisiónem. Allelúja. V/. Tibi glória, hosánna: tibi triúmphus et victória: tibi summæ laudis et honóris coróna. Allelúja. + Sequéntia sancti Evangélii secúndum Joánnem. Joann. 19, 28-35 IN illo témpore: Sciens Jesus, quia ómnia consummáta sunt, ut consummarétur Scriptúra, dixit: Sítio. Vas ergo erat pósitum acéto plenum. Illi autem spóngiam plenam acéto, hyssópo circumponéntes, obtulérunt ori ejus. Cum ergo accepísset Jesus acétum, dixit: Consummátum est. Et inclináto cápite trádidit spíritum. Judǽi ergo (quóniam Parascéve erat) ut non remanérent in cruce córpora sábbato (erat enim magnus dies ille sábbati), rogavérunt Pilátum, ut frangeréntur eórum crura, et tolleréntur. Venérunt ergo mílites: et primi quidem fregérunt crura, et altérius, qui crucifíxus est cum eo. Ad Jesum autem cum veníssent, ut vidérunt eum jam mórtuum, non fregérunt ejus crura, sed unus mílitum láncea latus ejus apéruit, et contínuo exívit sanguis, et aqua. Et qui vidit, testimónium perhíbuit: et verum est testimónium ejus. Credo.
Offertórium Insurrexérunt in me viri iníqui: absque misericórdia quæsiérunt me interfícere: et non pepercérunt in fáciem meam spúere: lánceis suis vulneravérunt me, et concússa sunt ómnia ossa mea. Secréta
SANCTÍFICET nos, quǽsumus, Dómine, hoc sanctum et immaculátum sacrifícium vespertínum: quod unigénitus Fílius tuus in Cruce óbtulit pro salúte mundi: Qui tecum. Præfátio de Cruce. Commúnio Vidébunt in quem transfixérunt, cum moveréntur fundaménta terræ. Postcommúnio DÓMINE Jesu Christe, qui temetípsum in Cruce holocáustum immaculátum et spontáneum Deo Patri obtulísti: quǽsumus; ut ejúsdem sacrifícii oblátio veneránda indulgéntiam nobis obtíneat, et glóriam sempitérnam: Qui vivis et regnas cum eódem Deo Patre.
MISSÆ PRO ALÍQUIBUS LOCISFéria VIpost Domínicam II Quadragésimæ SACRATÍSSIMÆ SÍNDONISD. N. J. C.Intróitus Philip. 2, 8-9 HUMILIÁVIT semetípsum Dóminus Jesus Christus usque ad mortem, mortem autem crucis: propter quod et Deus exaltávit illum, et donávit illi nomen, quod est super omne nomen. Ps. 88, 2 Misericórdias Dómini in ætérnum cantábo: in generatiónem et generatiónem annuntiábo veritátem tuam in ore meo. V/. Glória Patri. Orátio DEUS, qui nobis in sancta Síndone, qua corpus tuum sacratíssimum, e Cruce depósitum, a Joseph involútum fuit, passiónis tuæ vestígia reliquísti: concéde propítius; ut per mortem et sepultúram tuam, ad resurrectiónis glóriam perducámur: Qui vivis. Léctio Isaíæ Prophétæ. Isai. 62, 11; 63, 1-7 HÆC dicit Dóminus Deus: Dícite fíliæ Sion: Ecce Salvátor tuus venit: ecce merces ejus cum eo. Quis est iste, qui venit de Edom, tinctis véstibus de Bosra? Iste formósus in stola sua, grádiens in multitúdine fortitúdinis suæ. Ego, qui loquor justítiam, et propugnátor sum ad salvándum. Quare ergo rubrum est induméntum tuum, et vestiménta tua sicut calcántium in torculári? Tórcular calcávi solus, et de géntibus non est vir mecum: calcávi eos in furóre meo, et conculcávi eos in ira mea: et aspérsus est sanguis eórum super vestiménta mea, et ómnia induménta mea inquinávi. Dies enim ultiónis in corde meo, annus redemptiónis meæ venit. Circumspéxi, et non erat auxiliátor: quæsívi, et non fuit qui adjuváret: et salvávit mihi bráchium meum, et indignátio mea ipsa auxiliáta est mihi. Et conculcávi pópulos in furóre meo, et inebriávi eos in indignatióne mea, et detráxi in terram virtútem eórum. Miseratiónum Dómini recordábor, laudem Dómini super ómnibus, quæ réddidit nobis Dóminus Deus noster. Graduále Ps. 68, 21-22 Impropérium exspectávit cor meum, et misériam: et sustínui, qui simul mecum contristarétur, et non fuit: consolántem me quæsívi, et non invéni. V/. Dedérunt in escam meam fel, et in siti mea potavérunt me acéto. Tractus Isai. 53, 4-5 Vere languóres nostros ipse tulit, et dolóres nostros ipse portávit. V/. Et nos putávimus eum quasi leprósum, et percússum a Deo, et humiliátum. V/. Ipse autem vulnerátus est propter iniquitátes nostras, attrítus est propter scélera nostra. V/. Disciplína pacis nostræ super eum: et livóre ejus sanáti sumus.
Allelúja, allelúja. V/. Ave, Rex noster: tu solus nostros es miserátus erróres: Patri obédiens, ductus es ad crucifigéndum, ut agnus mansuétus ad occisiónem. Allelúja. Témpore autem Pascháli, omíssis Graduáli et Tractu, dícitur: Allelúja, allelúja. V/. Ave, Rex noster: tu solus nostros es miserátus erróres: Patri obédiens, ductus es ad crucifigéndum, ut agnus mansuétus ad occisiónem. Allelúja. V/. Tibi glória, hosánna: tibi triúmphus et victória: tibi summæ laudis et honóris coróna. Allelúja. + Sequéntia sancti Evangélii secúndum Marcum. Marc. 15, 42-46 IN illo témpore: Cum jam sero esset factum (quia erat Parascéve, quod est ante sábbatum) venit Joseph ab Arimathǽa, nóbilis decúrio, qui et ipse erat exspéctans regnum Dei, et audácter introívit ad Pilátum, et pétiit corpus Jesu. Pilátus autem mirabátur si jam obiísset. Et accersíto centurióne, interrogávit eum si jam mórtuus esset. Et cum cognovísset a centurióne, donávit corpus Joseph. Joseph autem mercátus síndonem, et depónens eum invólvit síndone, et pósuit eum in monuménto, quod erat excísum de petra, et advólvit lápidem ad óstium monuménti. Credo.
Offertórium Levit. 16, 2 et 5 Ingréssus Aaron tabernáculum, ut holocáustum offérret super altáre pro peccátis filiórum Israël, túnica línea indútus est. Secréta
ACCÉPTA tibi, Dómine, sint hæc múnera: cui pro mundi salúte grata éxstitit Fílii tui pássio gloriósa: Qui tecum vivit. Præfátio de Cruce. Commúnio Marc. 15, 46 Joseph autem mercátus síndonem, et depónens eum invólvit síndone. Postcommúnio SATIÁSTI, Dómine, famíliam tuam munéribus sacris: quǽsumus; ut, per temporálem Fílii tui mortem, quam mystéria veneránda testántur, vitam te nobis dedísse perpétuam confidámus. Per eúmdem Dóminum.
MISSÆ PRO ALÍQUIBUS LOCISFéria VIpost Domínicam III Quadragésimæ SACRÓRUM QUINQUE VÚLNERUMD. N. J. C.Missa Humiliávit, quæ habétur inter votívas circa finem Missális, cum Oratiónibus ut infra; et dícitur Credo. Orátio
DEUS, qui unigéniti Fílii tui passióne et, per quinque Vúlnera ejus, sánguinis effusióne, humánam natúram peccáto pérditam reparásti: tríbue nobis, quǽsumus; ut, qui ab eo suscépta Vúlnera venerámur in terris, ejúsdem pretiosíssimi sánguinis fructum cónsequi mereámur in cælis. Per eúmdem Dóminum. Secréta
MAJESTÁTI tuæ, quǽsumus, Dómine, accépta sint dona: in quibus ipsa Unigéniti tui Vúlnera tibi offérimus, nostræ prétia libertátis. Per eúmdem Dóminum. Postcommúnio REFÉCTI vitálibus alimóniis, quǽsumus, Dómine Deus noster: ut qui Vúlnera Dómini nostri Jesu Christi hódie devóte cólimus; hæc in nostris córdibus impréssa, móribus et vita teneámus. Per eúmdem Dóminum.
MISSÆ PRO ALÍQUIBUS LOCISFéria VIpost Domínicam IV Quadragésimæ PRETIOSÍSSIMI SÁNGUINISD. N. J. C.Missa Redemísti, ut in Missáli, die 1 Júlii. MISSÆ PRO ALÍQUIBUS LOCIS |