Missále románum 1957 en préparation

APPÉNDIX

I

BENEDICTIÓNES DIVÉRSÆ

EX RITUÁLI ROMÁNO

BENEDÍCTIO AGNI IN PASCHA

R/. Qui fecit cælum et terram.

V/. Dóminus vobíscum.

R/. Et cum spíritu tuo.

Orémus

DEUS, qui per fámulum tuum Móysen, in liberatióne pópuli tui de Ægýpto, agnum occídi jussísti in similitúdinem Dómini nostri Jesu Christi, et utrósque postes domórum de sánguine ejúsdem agni perúngi præcepísti: ita bene+dícere, et sancti+ficáre dignéris hanc creatúram carnis, quam nos fámuli tui ad laudem tuam súmere desiderámus, per resurrectiónem ejúsdem Dómini nostri Jesu Christi: Qui tecum vivit et regnat in sǽcula sæculórum. R/. Amen.

BENEDÍCTIO OVÓRUM

R/. Qui fecit cælum et terram.

V/. Dóminus vobíscum.

R/. Et cum spíritu tuo.

Orémus

SUBVÉNIAT, quǽsumus, Dómine, tuæ bene+dictiónis grátia huic ovórum creatúræ: ut cibus salúbris fiat fidélibus tuis, in tuárum gratiárum actióne suméntibus, ob resurrectiónem Dómini nostri Jesu Christi: Qui tecum vivit et regnat in sǽcula sæculórum. R/. Amen.

BENEDÍCTIO PANIS

R/. Qui fecit cælum et terram.

V/. Dóminus vobíscum.

R/. Et cum spíritu tuo.

Orémus

DÓMINE, sancte Pater, omnípotens ætérne Deus, bene+dícere dignéris hunc panem tua sancta spirituáli benedictióne: ut sit ómnibus suméntibus salus mentis et córporis; atque contra omnes morbos et univérsas inimicórum insídias tutámen. Per Dóminum nostrum Jesum Christum Fílium tuum, panem vivum, qui de cælo descéndit, et dat vitam et salútem mundo: et tecum vivit et regnat in unitáte Spíritus Sancti Deus: per ómnia sǽcula sæculórum. R/. Amen.

BENEDÍCTIO NOVÓRUM FRÚCTUUM

R/. Qui fecit cælum et terram.

V/. Dóminus vobíscum.

R/. Et cum spíritu tuo.

Orémus

BÉNE+DIC, Dómine, hos novos fructus N. et præsta: ut, qui ex eis in tuo sancto nómine vescéntur, córporis et ánimæ salúte potiántur. Per Christum Dóminum nostrum. R/. Amen.

BENEDÍCTIO

AD QUODCÚMQUE COMESTÍBILE

R/. Qui fecit cælum et terram.

V/. Dóminus vobíscum.

R/. Et cum spíritu tuo.

Orémus

BÉNE+DIC, Dómine, creatúram istam N., ut sit remédium salutáre géneri humáno: et præsta per invocatiónem sancti nóminis tui; ut, quicúmque ex ea súmpserint, córporis sanitátem, et ánimæ tutélam percípiant. Per Christum Dóminum nostrum. R/. Amen.

BENEDÍCTIO CANDELÁRUM

R/. Qui fecit cælum et terram.

V/. Dóminus vobíscum.

R/. Et cum spíritu tuo.

Orémus

DÓMINE Jesu Christe, Fili Dei vivi, béne+dic candélas istas supplicatiónibus nostris: infúnde eis, Dómine, per virtútem sanctæ Cru+cis, benedictiónem cæléstem, qui eas ad repelléndas ténebras humáno géneri tribuísti: talémque benedictiónem signáculo sanctæ Cru+cis accípiant, ut, quibuscúmque locis accénsæ sive pósitæ fúerint, discédant príncipes tenebrárum, et contremíscant, et fúgiant pávidi cum ómnibus minístris suis ab habitatiónibus illis: nec præsúmant ámplius inquietáre aut molestáre serviéntes tibi omnipoténti Deo: Qui vivis et regnas in sǽcula sæculórum. R/. Amen.

BENEDÍCTIO AD OMNIA

V/. Adjutórium nostrum in nómine Dómini.

R/. Qui fecit cælum et terram.

V/. Dóminus vobíscum.

R/. Et cum spíritu tuo.

Orémus

Et aspergátur (vel aspergántur) aqua benedícta.

II

BENEDICTIÓNES

AB EPÍSCOPIS

VEL ÁLIIS

FACULTÁTEM HABÉNTIBUS

FACIÉNDÆ

EX RITUÁLI ROMÁNO

BENEDÍCTIO

SACERDOTÁLIUM INDUMENTÓRUM

R/. Qui fecit cælum et terram.

V/. Dóminus vobíscum.

R/. Et cum spíritu tuo.

Orémus

OMNÍPOTENS sempitérne Deus, qui per Móysen fámulum tuum pontificália et sacerdotália seu levítica vestiménta, ad expléndum in conspéctu tuo ministérium eórum, ad honórem et decórem nóminis tui fíeri decrevísti: adésto propítius invocatiónibus nostris: ut hæc induménta sacerdotália, désuper irrigánte grátia tua, ingénti benedictióne per nostræ humilitátis servítium puri+ficáre, bene+dícere et conse+cráre dignéris: ut divínis cúltibus et sacris mystériis apta et benedícta exsístant: his quoque sacris véstibus Pontífices, et Sacerdótes, seu Levítæ tui indúti, ab ómnibus impulsiónibus seu tentatiónibus malignórum spirítuum muníti et defénsi esse mereántur: tuísque mystériis apte et condígne servíre et inhærére, atque in his tibi plácite et devóte perseveráre tríbue. Per Christum Dóminum nostrum. R/. Amen.

DEUS, invíctæ virtútis triumphátor, et ómnium rerum creátor ac sanctificátor: inténde propítius preces nostras; et hæc induménta levíticæ, sacerdotális, et pontificális glóriæ, minístris tuis fruénda, tuo ore próprio bene+dícere, sancti+ficáre et conse+cráre dignéris: omnésque eis uténtes, tuis mystériis aptos, et tibi in eis devóte ac laudabíliter serviéntes, gratos effícere dignéris. Per Christum Dóminum nostrum. R/. Amen.

Orémus

DÓMINE Deus omnípotens, qui vestiménta Pontifícibus, Sacerdótibus et Levítis, in usum tabernáculi fǿderis necessária, Móysen fámulum tuum ágere jussísti, eúmque spíritu sapiéntiæ ad id peragéndum replevísti: hæc vestiménta in usum et cultum mystérii tui bene+dícere, sancti+ficáre et conse+cráre dignéris: atque minístros altáris tui, qui ea indúerint, septifórmis Spíritus grátia dignánter repléri atque castitátis stola, beáta fácias cum bonórum fructu óperum ministérii congruéntis immortalitáte vestíri. Per Dóminum... in unitáte ejúsdem Spíritus. R/. Amen.

BENEDÍCTIO MAPPÁRUM

ET TOBALEÁRUM ALTÁRIS

R/. Qui fecit cælum et terram.

V/. Dóminus vobíscum.

R/. Et cum spíritu tuo.

Orémus

EXÁUDI, Dómine, preces nostras, et hæc linteámina sacri altáris úsui præparáta bene+dícere, et sancti+ficáre dignéris. Per Christum Dóminum nostrum. R/. Amen.

DÓMINE Deus omnípotens, qui Móysen fámulum tuum ornaménta et linteámina fácere per quadragínta dies docuísti: quæ étiam María téxuit et fecit in usum ministérii tabernáculi fǿderis; bene+dícere, sancti+ficáre et conse+cráre dignéris hæc linteámina ad tegéndum, involvendúmque altáre gloriosíssimi Fílii tui Dómini nostri Jesu Christi: Qui tecum vivit et regnat in unitáte Spíritus Sancti Deus: per ómnia sǽcula sæculórum. R/. Amen.

Et aspergántur aqua benedícta.

BENEDÍCTIO

PALLÆ ET CORPORÁLIS

R/. Qui fecit cælum et terram.

V/. Dóminus vobíscum.

R/. Et cum spíritu tuo.

Orémus

CLEMENTÍSSIME Dómine, cujus inenarrábilis est virtus, cujus mystéria arcánis mirabílibus celebrántur: tríbue, quǽsumus; ut hoc linteámen tuæ propitiatiónis bene+dictióne sanctificétur ad consecrándum super illud Corpus et Sánguinem Dei et Dómini nostri Jesu Christi Fílii tui: Qui tecum vivit et regnat in unitáte Spíritus Sancti Deus: per ómnia sǽcula sæculórum. R/. Amen.

OMNÍPOTENS sempitérne Deus, bene+dícere, sancti+ficáre et conse+cráre dignéris linteámen istud ad tegéndum, involvendúmque Corpus et Sánguinem Dómini nostri Jesu Christi Fílii tui: Qui tecum vivit et regnat in unitáte Spíritus Sancti Deus: per ómnia sǽcula sæculórum. R/. Amen.

Orémus

OMNÍPOTENS Deus, mánibus nostris opem tuæ benedictiónis infúnde: ut per nostram bene+dictiónem hoc linteámen sanctificétur, et Córporis ac Sánguinis Redemptóris nostri novum sudárium, Spíritus Sancti grátia, efficiátur. Per eúmdem Dóminum nostrum Jesum Christum Fílium tuum: Qui tecum vivit et regnat in unitáte ejúsdem Spíritus Sancti Deus: per ómnia sǽcula sæculórum. R/. Amen.

BENEDÍCTIO

TABERNÁCULI SEU VÁSCULI

V/. Adjutórium nostrum in nómine Dómini.

R/. Qui fecit cælum et terram.

V/. Dóminus vobíscum.

R/. Et cum spíritu tuo.

Orémus

Et aspergántur aqua benedícta.

III

FORMA

CONFIRMATIÓNIS

ET

CONSECRATIÓNIS

PATÉNÆ ET CÁLICIS

E PONTIFICÁLI ROMÁNO

DE CONFIRMATIÓNE

Quo facto, lavat manus: deínde, depósita mitra, surgit, et versa fácie ad Confirmándos ante se genufléxos, junctis mánibus dicit:

SPÍRITUS Sanctus supervéniat in vos, et virtus Altíssimi custódiat vos a peccátis. R/. Amen.

Deínde, signans se manu déxtera a fronte ad pectus signo crucis, dicit:

V/. Adjutórium nostrum in nómine Dómini.

R/. Qui fecit cælum et terram.

V/. Dómine, exáudi oratiónem meam.

R/. Et clamor meus ad te véniat.

V/. Dóminus vobíscum.

R/. Et cum spíritu tuo.

Tunc, exténsis versus Confirmándos mánibus, dicit:

Orémus

Spíritum sapiéntiæ et intelléctus.

R/. Amen.

Spíritum consílii et fortitúdinis.

R/. Amen.

Spíritum sciéntiæ et pietátis.

R/. Amen.

ADÍMPLE eos Spíritu timóris tui, et consígna eos signo Cru+cis Christi, in vitam propitiátus ætérnam. Per eúmdem Dóminum nostrum Jesum Christum Fílium tuum: Qui tecum vivit et regnat in unitáte ejúsdem Spíritus Sancti Deus, per ómnia sǽcula sæculórum. R/. Amen.

Póntifex, accepta mitra, sedet in faldistório, et, inquisíto cujúslibet Confirmándi nomine, sibi per patrinum vel matrinam flexis génibus præsentáti, et summitáte póllicis déxteræ manus Chrísmate intíncta, dicit:

N. Signo te signo Cru+cis:

quod dum dicit, prodúcit póllice signum crucis in fronte illíus; deínde proséquitur:

Et confírmo te Chrísmate salútis: In nómine Pa+tris, et Fí+lii, et Spíritus + Sancti.

R/. Amen.

Et léviter eum in maxílla cædit, dicens:

Pax tecum.

Unctióne perácta, Póntifex tergit cum mica panis, et lavat póllicem et manus super pelvim; et aqua lotiónis cum pane fúnditur in piscínam sacrárii.

Intérim, dum lavat manus, légitur a minístris vel cantátur sequens

Ant. Confírma hoc, Deus, quod operátus es in nobis a templo sancto tuo, quod est in Jerúsalem.

V/. Glória Patri, et Fílio, et Spirítui Sancto.

R/. Sicut erat in princípio, et nunc, et semper: et in sǽcula sæculórum. Amen.

Deínde repétitur Antiphóna Confírma hoc. Qua repetíta, Póntifex, depósita mitra, surgit, et stans versus ad altáre, junctis ante pectus mánibus, dicit:

V/. Osténde nobis, Dómine, misericórdiam tuam.

R/. Et salutáre tuum da nobis.

V/. Dómine, exáudi oratiónem meam.

R/. Et clamor meus ad te véniat.

V/. Dóminus vobíscum.

R/. Et cum spíritu tuo.

Orémus

Deínde dicit:

Ecce sic benedicétur omnis homo, qui timet Dóminum.

Et vertens se ad Confirmátos, et fáciens super eos signum crucis, dicit:

Bene+dícat vos Dóminus ex Sion: ut videátis bona Jerúsalem ómnibus diébus vitæ vestræ, et habeátis vitam ætérnam. R/. Amen.

Expedíta Confirmatióne, Póntifex sedens, accepta mitra, patrinis et matrinis annúntiat, quod ínstruat fílios suos bonis móribus, quod fúgiant mala, et fáciant bona, et dóceant eos Credo in Deum, et Pater noster, et Ave, María, quóniam ad hoc sunt obligáti.

DE PATÉNÆ ET CÁLICIS

CONSECRATIÓNE

In Paténæ ígitur consecratióne, pro qua parándum est sanctum Chrisma, et vas aquæ benedíctæ cum aspersório, Póntifex stans cum mitra, dicit:

V/. Adjutórium nostrum in nómine Dómini.

R/. Qui fecit cælum et terram.

ORÉMUS, fratres caríssimi, ut divínæ grátiæ benedíctio cónsecret, et sanctíficet hanc Paténam (has Paténas) ad confringéndum in ea (eis) corpus Dómini nostri Jesu Christi, qui crucis passiónem sustínuit pro nostrum ómnium salúte.

Tum, depósita mitra, dicit:

V/. Dóminus vobíscum.

R/. Et cum spíritu tuo.

Orémus

OMNÍPOTENS sempitérne Deus, qui legálium institútor es hostiárum, quique inter eas conspérsam similáginem deférri in paténis áureis et argénteis ad altáre tuum jussísti: bene+dícere, sancti+ficáre et conse+cráre dignéris hanc Paténam (has Paténas), in administratiónem Eucharístiæ Jesu Christi Fílii tui, qui pro nostra omniúmque salúte seípsum tibi Deo Patri in patíbulo crucis elégit immolári, ac tecum vivit et regnat in unitáte Spíritus Sancti Deus, per ómnia sǽcula sæculórum. R/. Amen.

CONSE+CRÁRE et sancti+ficáre dignéris, Dómine Deus, Paténam hanc per istam unctiónem et nostram bene+dictiónem in Christo Jesu Dómino nostro: Qui tecum vivit et regnat in unitáte Spíritus Sancti Deus, per ómnia sǽcula sæculórum. R/. Amen.

Deínde, stans adhuc cum mitra procédit ad benedictiónem Cálicis, dicens:

ORÉMUS, fratres caríssimi, ut Deus et Dóminus noster Cálicem istum (Cálices istos) in usum ministérii sui consecrándum (consecrándos), cæléstis grátiæ inspiratióne sanctíficet: et ad humánam consecratiónem plenitúdinem divíni favóris accómmodet. Per Christum Dóminum nostrum. R/. Amen.

Tum. depósita mitra. dicit:

V/. Dóminus vobíscum.

R/. Et cum spíritu tuo.

Orémus

Deínde, accepta mitra, facit crucem cum póllice déxteræ manus de Chrísmate intra ipsum Cálicem (síngulos Calices) a lábio ejus (cujúsque) in labium, et mox linit et perúngit intérius ipsum totum, dicens:

CONSE+CRÁRE, et sancti+ficáre dignéris, Dómine Deus, Cálicem hunc per istam unctiónem et nostram bene+dictiónem in Christo Jesu Dómino nostro: Qui tecum vivit et regnat in unitáte Spíritus Sancti Deus, per ómnia sǽcula sæculórum. R/. Amen.

Tum, depósita mitra, dicit super Calices et Paténas:

V/. Dóminus vobíscum.

R/. Et cum spíritu tuo.

Orémus

OMNÍPOTENS sempitérne Deus, mánibus nostris, quǽsumus, opem tuæ benedictiónis infúnde: ut per nostram bene+dictiónem hoc Vásculum et Paténa (hæc Váscula et Paténæ) sanctificéntur, et Córporis et Sánguinis Dómini nostri Jesu Christi novum sepúlcrum Sancti Spíritus grátia efficiántur. Per eúmdem Dóminum nostrum Jesum Christum Fílium tuum: Qui tecum vivit et regnat in unitáte ejúsdem Spíritus Sancti Deus, per ómnia sǽcula sæculórum. R/. Amen.