Uvumo Lokholo lweWestminster

a§1

a Roma 2:14 Ngoba nxa abezizwe abangelawo umlayo besenza ngokwemvelo okungokomlayo, bona, bengelawo umlayo, bangumlayo wabo ngokwabo; 15 ababonakalisa ukuthi umsebenzi womlayo ulotshiwe enhliziyweni zabo; isazela sabo siyafakaza laso, lemicabango yabo phakathi kwabo ibasole kumbe njalo ibavumele. Roma 1:19 Ngoba lokho okwaziwayo ngoNkulunkulu kusobala phakathi kwabo; ngoba uNkulunkulu ukubonakalisile kibo. 20 Ngoba okungabonwayo kwakhe, selokhu kwadatshulwa umhlaba, kuzwisiseka ngezinto ezenziweyo, kubonakaliswa obala, amandla akhe aphakade kanye lobuNkulunkulu bakhe, kuze kuthi kabalakuzivikela. Hlab. 19:1 Amazulu ayazisa udumo lukaNkulunkulu, lomkhathi ulandisa umsebenzi wezandla zakhe. 2 Usuku kusuku luphumisela inkulumo, lobusuku kubusuku butshengisa ulwazi. 3 Kakukho nkulumo, kawakho amazwi, lapho ilizwi labo elingezwakali khona. Roma 1:32 Bona besazi umlayo wokulunga kaNkulunkulu, lokuthi abenza izinto ezinjalo bafanele ukufa, kungesikuthi bayazenza kuphela, kodwa futhi bevumelana labazenzayo. Roma 2:1 Ngakho kawulakuzilandulela, wena muntu, loba ungubani owahlulelayo; ngoba ngalokho owahlulela ngakho omunye, uyazilahla wena, ngoba wena owahlulelayo wenza izinto ezifananayo.

b1 Kor. 1:21 Ngoba kuthe enhlakanipheni kaNkulunkulu umhlaba kawumazanga uNkulunkulu ngenhlakanipho, kwaba kuhle kuNkulunkulu ukusindisa abakholwayo ngobuthutha bentshumayelo. 1 Kor. 2:13 Futhi esizitshoyo, kungeyisikho ngamazwi afundiswayo awenhlakanipho yabantu, kodwa ngamazwi afundiswa nguMoya oNgcwele, sichasisa okomoya ngokomoya. 14 Kodwa umuntu wemvelo kazamukeli izinto zikaMoya kaNkulunkulu; ngoba ziyibuthutha kuye, njalo kalawo amandla okuqedisisa, ngoba zihlolisiswa ngokomoya.

cHeb. 1:1 UNkulunkulu owakhuluma endulo kubobaba ngabaprofethi ngezigaba ngezigaba langendlela ezinengi.

dIzaga 22:19 Ukuze ithemba lakho libe seNKOSIni, ngikwazisile lamuhla, ngitsho wena. 20 Kangikubhalelanga yini izinto ezinhle kakhulu kuzeluleko lelwazini, 21 ukukwazisa ukuqiniseka kwamazwi eqiniso, ukuze ubuyisele amazwi eqiniso kulabo abakuthumileyo. Luka 1:3 Kukhanye kukuhle lakimi, sengizihlolisisile zonke izinto kusukela ekuqaleni, ukuthi ngikubhalele ngokulandelana, mhlekazi Teyofilu, 4 ukuze wazi iqiniso ngalezozinto ozifundisiweyo. Roma 15:4 Ngoba konke okwabhalwa ngaphambili, kwabhalelwa ukufundiswa kwethu, ukuze ngokubekezela langenduduzo yemibhalo sibe lethemba. Mat. 4:4 Kodwa yena waphendula wathi: Kulotshiwe ukuthi: Umuntu kayikuphila ngesinkwa sodwa, kodwa ngalo lonke ilizwi eliphuma emlonyeni kaNkulunkulu. 7 UJesu wathi kuye: Kulotshiwe futhi ukuthi: Ungayilingi iNkosi uNkulunkulu wakho. 10 UJesu wasesithi kuye: Suka, Sathane! Ngoba kulotshiwe ukuthi: Uzakhothamela eNkosini uNkulunkulu wakho, njalo uzamkhonza yena yedwa. Isa. 8:19 Lalapho bezakuthi kini: Buzani kwabalamadlozi, lakubathakathi abatshaya imilozwi labanyenyezayo; kakufanele yini ukuthi abantu babuze kuNkulunkulu wabo? ngenxa yabaphilayo kwabafileyo? 20 Kuwo umthetho lakubo ubufakazi; uba bengakhulumi njengalelilizwi, kungokuba kakukho ukukhanya kubo.

e2 Tim. 3:15 Lokuthi kusukela ebuntwaneni wayazi imibhalo engcwele, elamandla okukuhlakaniphisa kube esindisweni ngokholo olukuKristu Jesu. 2 Petro 1:19 Njalo silelizwi eliqinileyo kakhulu lesiprofetho, elenza kuhle ukuliqaphelisa njengesibane esikhanyayo endaweni emnyama, luze lukhanye usuku, lekhwezi liphumele enhliziyweni zenu.

fHeb. 1:1 UNkulunkulu owakhuluma endulo kubobaba ngabaprofethi ngezigaba ngezigaba langendlela ezinengi, 2 kulezinsuku zokucina ukhulume kithi ngeNdodana, ayimise ibe yindlalifa yezinto zonke, owadala ngayo futhi imihlaba.

g§2

g Luka 16:29 UAbrahama wathi: BaloMozisi labaprofethi; kabezwe bona. 31 Kodwa wathi kuye: Uba bengalaleli uMozisi labaprofethi, futhi bangeke bavunyiswe, loba kuvuka omunye kwabafileyo. Efe. 2:20 Lakhiwe phezu kwesisekelo sabaphostoli labaprofethi, uJesu Kristu uqobo eyilitshe eliyinhloko yengonsi. Isam. 22:18 Ngoba ngiyafakaza kuye wonke ozwa amazwi esiprofetho salolugwalo, uba umuntu esengeza kulezizinto, uNkulunkulu uzakwengezelela kuye izinhlupheko ezilotshwe kulolugwalo; 19 njalo uba umuntu esusa okwamazwi ogwalo lwalesisiprofetho, uNkulunkulu uzasusa isabelo sakhe egwalweni lwempilo, lemzini ongcwele, lezintweni ezilotshiweyo kulolugwalo. 2 Tim. 3:16 Wonke umbhalo waphefumulelwa nguNkulunkulu, njalo ulungele imfundiso, ukukhalimela, ukuqondisa, ukufundisa okusekulungeni.

h§3

h Luka 24:27 Esesusela kuMozisi lakubo bonke abaprofethi, wabachasisela emibhalweni yonke izinto eziqondene laye. 44 Wasesithi kubo: Yila amazwi, engawakhuluma kini ngiseselani okuthi, kumele ukuthi kugcwaliseke konke okwabhalwa ngami emlayweni kaMozisi lakubaprofethi lakuziHlabelelo. Roma 3:2 Kukhulu ngendlela yonke; ngoba kuqala ukuthi baphathiswe amazwi kaNkulunkulu. 2 Petro 1:21 Ngoba kakuzanga kulethwe isiprofetho ngentando yomuntu, kodwa abantu abangcwele bakaNkulunkulu bakhuluma beqhutshwa nguMoya oNgcwele.

i§4

i 2 Pet. 1:19 Njalo silelizwi eliqinileyo kakhulu lesiprofetho, elenza kuhle ukuliqaphelisa njengesibane esikhanyayo endaweni emnyama, luze lukhanye usuku, lekhwezi liphumele enhliziyweni zenu. 21 Ngoba kakuzanga kulethwe isiprofetho ngentando yomuntu, kodwa abantu abangcwele bakaNkulunkulu bakhuluma beqhutshwa nguMoya oNgcwele. 2 Tim. 3:16 Wonke umbhalo waphefumulelwa nguNkulunkulu, njalo ulungele imfundiso, ukukhalimela, ukuqondisa, ukufundisa okusekulungeni. 1 Johane 5:9 Uba sisemukela ubufakazi babantu, ubufakazi bukaNkulunkulu bukhulu; ngoba lobu yibufakazi bukaNkulunkulu, abufakazileyo ngeNdodana yakhe. 1 Tesalonika 2:13 Ngenxa yalokhu njalo thina kasiyekeli ukumbonga uNkulunkulu, ukuthi kuthe lapho selamukele ilizwi likaNkulunkulu elalizwa kithi, lemukela kungeyisilo ilizwi labantu, kodwa linjengeqiniso ilizwi likaNkulunkulu, osebenza lakini elikholwayo.

k§5

k 1 Tim. 3:15 Kodwa uba ngibambeka, ukuze wazi ukuthi kufanele ukuziphatha njani endlini kaNkulunkulu, elibandla likaNkulunkulu ophilayo, insika lesisekelo seqiniso.

l1 Joha 2:20 Kodwa lina lilokugcotshwa okuvela koNgcwele, njalo liyazi izinto zonke. 27 Lina-ke ukugcotshwa elakwemukela kuye kuhlala kini, njalo kalisweli ukuthi umuntu alifundise; kodwa njengoba ukugcotshwa okufananayo kuyalifundisa ngakho konke, futhi kuqinisile, njalo kayisiwomanga, futhi njengoba kwalifundisa, lizahlala kuye. Joha 16:13 Kodwa nxa yena esefikile, uMoya weqiniso, uzalikhokhelela eqinisweni lonke; ngoba kayikuzikhulumela ngokwakhe, kodwa loba yini ayizwayo uzayikhuluma, alibikele izinto ezizayo. 14 Yena uzangidumisa, ngoba uzathatha okungokwami, alibikele khona. 1 Kor. 2:10 UNkulunkulu-ke usembulele thina lokhu ngoMoya wakhe; ngoba uMoya uhlolisisa konke, ngitsho izinto ezijulileyo zikaNkulunkulu. 11 Ngoba ngubani ebantwini owazi okomuntu, ngaphandle komoya womuntu okuye? Ngokunjalo okukaNkulunkulu kakwaziwa muntu, ngaphandle koMoya kaNkulunkulu. 12 Thina-ke kasemukelanga umoya womhlaba, kodwa uMoya ovela kuNkulunkulu, ukuze sazi izinto esiziphiwa ngesihle nguNkulunkulu. Isa. 59:21. Mina-ke, lesi yisivumelwano sami labo, itsho iNKOSI; uMoya wami ophezu kwakho, lamazwi ami engiwafake emlonyeni wakho, kawayikusuka emlonyeni wakho, lemlonyeni wenzalo yakho, lemlonyeni wenzalo yenzalo yakho, itsho iNKOSI, kusukela khathesi kuze kube phakade.

m§6

m 2 Tim. 3:15 Lokuthi kusukela ebuntwaneni wayazi imibhalo engcwele, elamandla okukuhlakaniphisa kube esindisweni ngokholo olukuKristu Jesu. 16 Wonke umbhalo waphefumulelwa nguNkulunkulu, njalo ulungele imfundiso, ukukhalimela, ukuqondisa, ukufundisa okusekulungeni; 17 ukuze umuntu kaNkulunkulu aphelele, alungisiselwe wonke umsebenzi omuhle. Gal. 1:8 Kodwa lanxa kungaba yithi kumbe ingilosi evela ezulwini engalitshumayeza ivangeli elehlukene lalelo esalitshumayeza lona, kayibe yisiqalekiso. 9 Njengoba sesitshilo, lakhathesi ngiyaphinda ngithi: Uba umuntu elitshumayeza ivangeli elehlukene lalelo elalemukelayo, kabe yisiqalekiso. 2 Tes. 2:2. Ukuze lingaphangisi liqhuqhiswe engqondweni, njalo lethuswe, loba ngumoya, loba yilizwi, loba yincwadi ngokungathi ivela kithi, ngokungathi usuku lukaKristu selufikile.

nJoha 6:45 Kulotshiwe kubaprofethi ukuthi: Njalo bonke bazafundiswa nguNkulunkulu. Ngakho wonke ozwileyo ngoBaba wafunda, uyeza kimi. 1 Kor. 2:9 Kodwa njengokulotshiweyo ukuthi: Izinto ilihlo elingazibonanga, lendlebe engazizwanga, lezingangenanga enhliziyweni yomuntu, uNkulunkulu azilungisele abamthandayo. 10 UNkulunkulu-ke usembulele thina lokhu ngoMoya wakhe; ngoba uMoya uhlolisisa konke, ngitsho izinto ezijulileyo zikaNkulunkulu. 11 Ngoba ngubani ebantwini owazi okomuntu, ngaphandle komoya womuntu okuye? Ngokunjalo okukaNkulunkulu kakwaziwa muntu, ngaphandle koMoya kaNkulunkulu. 12 Thina-ke kasemukelanga umoya womhlaba, kodwa uMoya ovela kuNkulunkulu, ukuze sazi izinto esiziphiwa ngesihle nguNkulunkulu.

o1 Kor. 11:13 Ziboneleni lina; kufanele yini ukuthi owesifazana akhuleke kuNkulunkulu engambombozanga? 14 Imvelo uqobo lwayo kayilifundisi yini, ukuthi uba indoda ilenwele ezinde, kulihlazo kuyo? 1 Kor. 14:26 Ngakho kuyini, bazalwane? Loba nini libuthana, ilowo lalowo wenu elesihlabelelo, elemfundiso, elolimi, elesambulelo, elokutolika. Konke kakwenzelwe ekwakheni. 40 Konke kakwenziwe ngemfanelo langokulandelana.

p§7

p 2 Pet. 3:16 Njengoba kunjalo lencwadini zakhe zonke, ekhuluma kuzo ngalezizinto, okukuzo kukhona izinto ezithile ezilukhuni ukuzwisiseka, okuthi abangaziyo labangaqinanga bazihlanekele, lanjengakweminye imibhalo, kube kokwabo ukubhujiswa.

qHlu. 119:105 Ilizwi lakho liyisibane enyaweni zami lenkanyiso endleleni yami. 130 Ukwembulwa kwamazwi akho kuyakhanyisa, kunika ukuqedisisa kwabangelalwazi.

r§8

r Mat. 5:18 Ngoba ngiqinisile ngithi kini: Kuze kudlule izulu lomhlaba, kakusoze kudlule ibadlana libe linye kumbe lechatshana libe linye lomlayo kuze kwenzakale konke.

sIsa. 8:20 Kuwo umthetho lakubo ubufakazi; uba bengakhulumi njengalelilizwi, kungokuba kakukho ukukhanya kubo. Seb. 15:15 Njalo amazwi abaprofethi ayavumelana lalokhu, njengoba kulotshiwe ukuthi. Joha 5:39 Hlolani imibhalo, ngoba lina licabanga ukuthi lilempilo elaphakade kiyo, njalo yiyo engifakazelayo; 46 Ngoba uba belikholwa kuMozisi, belizakholwa kimi; ngoba yena wabhala ngami.

tJoha 5:39 Hlolani imibhalo, ngoba lina licabanga ukuthi lilempilo elaphakade kiyo, njalo yiyo engifakazelayo.

u1 Kor. 14:6 Khathesi-ke, bazalwane, uba ngifika kini ngikhuluma ngendimi, ngizalisiza ngani, nxa ngingakhulumi kini kumbe ekwembulelweni, loba ekwazini, loba kusiprofetho kumbe ekufundiseni? 9 Kunjalo lani, uba linganiki inkulumo ecacileyo ngolimi, kuzakwaziwa njani okukhulunywayo? Ngoba lizakuba likhuluma emoyeni. 11 Ngakho uba ngingawazi umqondo welizwi, ngizakuba ngowezizweni kulowo okhulumayo, lalowo okhulumayo uzakuba ngowezizweni kimi. 12 Kunjalo lani, lokhu litshisekela izipho zomoya, dingani ukuthi livame ekwakhiweni kwebandla. 24 Kodwa uba bonke beprofetha, njalo kungene othile ongakholwayo loba ongafundanga, uyakhuzwa yibo bonke, ahlolwe yibo bonke. 27 Uba umuntu ekhuluma ngendimi, kakube ngababili kumbe ebunengini abathathu, njalo badedelane, lomunye kumele atolike; 28 kodwa uba kungekho umtoliki, kumele athule ebandleni; akhulume kuye ngokwakhe lakuNkulunkulu.

wKol. 3:16 Ilizwi likaKristu kalihlale phakathi kwenu ngokwenotho enhlakanipheni yonke; lifundisane lilayane, ngezihlabelelo, lamahubo odumo, lengoma zomoya, lihlabelela lilomusa enhliziyweni zenu eNkosini.

xRoma 15:4 Ngoba konke okwabhalwa ngaphambili, kwabhalelwa ukufundiswa kwethu, ukuze ngokubekezela langenduduzo yemibhalo sibe lethemba.

y§9

y 2 Pet. 1:20 Lisazi lokhu kuqala, ukuthi kasikho isiprofetho sombhalo esivela kungcazelo engeyakhe. 21 Ngoba kakuzanga kulethwe isiprofetho ngentando yomuntu, kodwa abantu abangcwele bakaNkulunkulu bakhuluma beqhutshwa nguMoya oNgcwele. Seb 15:15 Njalo amazwi abaprofethi ayavumelana lalokhu, njengoba kulotshiwe ukuthi: 16 Emva kwalezizinto ngizabuya, ngilakhe futhi idokodo likaDavida eliwileyo; njalo ngizakwakha okudilikileyo kwalo, njalo ngilimise.

z§10

z Mat. 22:29 Kodwa uJesu waphendula wathi kubo: Liduhile, lingayazi imibhalo, loba amandla kaNkulunkulu. 31 Kodwa mayelana lokuvuka kwabafileyo, kalifundanga yini okwakhulunywa kini nguNkulunkulu, esithi: Efe. 2:20 Lakhiwe phezu kwesisekelo sabaphostoli labaprofethi, uJesu Kristu uqobo eyilitshe eliyinhloko yengonsi. Seb 28:25 Kwasekusithi bengezwanani bodwa basuka bahamba, uPawuli esekhulume ilizwi laba linye lokuthi: Wayekhulume kuhle uMoya oyiNgcwele ngoIsaya umprofethi kubobaba bethu.

a§1

a Dute. 6:4 Zwana, Israyeli, iNKOSI uNkulunkulu wethu, yiNKOSI yinye. 1 Kor. 8:4 Ngakho mayelana lokudla izinto ezihlatshelwe izithombe, siyazi ukuthi isithombe kasilutho emhlabeni, lokuthi kakho omunye unkulunkulu ngaphandle koyedwa. 6 Kanti kithi kuloNkulunkulu munye uBaba, okuvela kuye izinto zonke, lathi sikuye; leNkosi inye uJesu Kristu, okwavela ngaye konke, lathi sikhona ngaye.

b1 Tes. 1:9 Ngoba bona uqobo lwabo balandisa ngathi ukuthi saba lokungena okunjani kini, lokuthi laphendukela njani kuNkulunkulu livela ezithombeni, ukuthi likhonze uNkulunkulu ophilayo loweqiniso. Jer. 10:10 Kodwa iNKOSI inguNkulunkulu weqiniso, inguNkulunkulu ophilayo lenkosi yaphakade.

cJobe 11:7 Ungayihlola yini imfihlakalo kaNkulunkulu, ungamhlola yini uSomandla kuze kube sekupheleleni? 8 Kuphakeme njengamazulu, ungenzani na? Kutshonile kulesihogo, ungazini na? 9 Isilinganiso sakho side kulomhlaba, sibanzi kulolwandle. Jobe 26:14 Khangela, lokhu kungamaphethelo ezindlela zakhe; njalo kuzwakala okuncinyane kangakanani ngaye? Kanti umdumo wamandla akhe ngubani ongawuqedisisa?

dJoha. 4:24 UNkulunkulu unguMoya; lalabo abamkhonzayo, bafanele ukumkhonza ngomoya langeqiniso.

e1 Tim. 1:17 Kuyo-ke iNkosi eyisimakade, engabhubhiyo, engelakubonwa, uNkulunkulu yedwa ohlakaniphileyo, kakube udumo lobukhosi kuze kube nini lanininini. Ameni.

fDute. 4:15 Ngakho-ke qaphelani kakhulu ngenxa yemiphefumulo yenu. Ngoba kalibonanga lasimo ngosuku iNKOSI ikhuluma kini eHorebe iphakathi komlilo, 16 hlezi lizone, lizenzele isithombe esibaziweyo, isimo saloba yiwuphi umfanekiso, isifanekiso sowesilisa loba sowesifazana. Joha. 4:24 UNkulunkulu unguMoya; lalabo abamkhonzayo, bafanele ukumkhonza ngomoya langeqiniso. Luka 24:39 Khangelani izandla zami lenyawo zami, ukuthi yimi uqobo; lingibambe libone, ngoba umoya kawulanyama lamathambo, njengoba lingibona ngilakho.

gSeb. 14:11 Kwathi amaxuku, ebona uPawuli akwenzileyo, aphakamisa amazwi awo esithi ngesiLikawoniya: Onkulunkulu behlele kithi befanana labantu. 15 njalo besithi: Madoda, lizenzelani lezizinto? Lathi singabantu abalemizwa efanana leyenu, sitshumayela indaba ezinhle kini ukuthi liphenduke kulezozinto eziyize liphendukele kuNkulunkulu ophilayo, owenza izulu lomhlaba lolwandle lakho konke okukukho.

hJak. 1:17 Sonke isipho esihle laso sonke isipho esipheleleyo sivela phezulu, sehla sivela kuYise wezibane, okungekho kuye ukuguquka, kumbe isithunzi sokuphenduka. Mal. 3:6 Ngoba mina NKOSI kangiphenduki, ngalokho lina madodana kaJakobe kaliqedwa.

i1 Kho. 8:27 Kodwa isibili uNkulunkulu uzahlala yini emhlabeni? Khangela, amazulu, lamazulu amazulu angekwanele; incane kangakanani lindlu engiyakhileyo? Jer. 23:23 NginguNkulunkulu oseduze yini, itsho iNKOSI, njalo hatshi uNkulunkulu okhatshana? 24 Umuntu angacatsha yini endaweni ezisithekileyo ukuze mina ngingamboni? kutsho iNKOSI. Kangigcwalisi yini amazulu lomhlaba? kutsho iNKOSI.

kHlab. 90:2 Zingakazalwa intaba, njalo wenze umhlaba lelizwe, kusukela ephakadeni kuze kube sephakadeni wena unguNkulunkulu. 1 Tim. 1:17 Kuyo-ke iNkosi eyisimakade, engabhubhiyo, engelakubonwa, uNkulunkulu yedwa ohlakaniphileyo, kakube udumo lobukhosi kuze kube nini lanininini. Ameni.

lHlab. 145:3 Yinkulu iNKOSI, ifanele ukudunyiswa kakhulu, lobukhulu bayo kabuhloleki.

mGen. 17:1 Kwathi uAbrama eseleminyaka engamatshumi ayisificamunwemunye lesificamunwemunye iNKOSI yasibonakala kuAbrama, yathi kuye: NginguNkulunkulu uSomandla; hamba phambi kwami, uphelele. Isam. 4:8 Lezidalwa ezine eziphilayo zilamaphiko ayisithupha ileso laleso ngokukhethekileyo emaceleni wonke, langaphakathi zigcwele amehlo, njalo kazilakuphumula emini lebusuku, zisithi: Ingcwele, ingcwele, ingcwele, iNkosi uNkulunkulu uSomandla, owayekhona lokhona lozakuza.

nRoma 16:27 KuNkulunkulu ololwazi yena yedwa kakube ubukhosi, ngoJesu Kristu, kuze kube nininini. Ameni.

oIsa. 6:3 Lelinye lamemeza kwelinye lathi: Ingcwele, ingcwele, ingcwele iNKOSI yamabandla; umhlaba wonke ugcwele inkazimulo yayo. Isam. 4:8 Lezidalwa ezine eziphilayo zilamaphiko ayisithupha ileso laleso ngokukhethekileyo emaceleni wonke, langaphakathi zigcwele amehlo, njalo kazilakuphumula emini lebusuku, zisithi: Ingcwele, ingcwele, ingcwele, iNkosi uNkulunkulu uSomandla, owayekhona lokhona lozakuza.

pHlab. 115:3 Kodwa uNkulunkulu wethu usemazulwini, wenza konke akuthandayo.

qEks. 3:14 UNkulunkulu wasesithi kuMozisi: NGINGUYE ENGINGUYE. Wathi futhi: Uzakutsho njalo kubantwana bakoIsrayeli ukuthi: UNGINGUYE ungithumile kini.

rEfe. 1:11 Ngitsho kuye, okuthi kuye lathi sabelwa ilifa, esamiselwa ngaphambili njengokwesimiso sakhe owenzayo izinto zonke njengokwecebo lentando yakhe,

sZaga 16:4 INKOSI izenzele konke, lomubi laye usuku lobubi. Roma 11:36 Ngoba konke kuvela kuye, kungaye, kuya kuye; kabube kuye ubukhosi kuze kube nininini. Ameni.

t1 Joha. 4:8 Ongathandiyo, kamazi uNkulunkulu; ngoba uNkulunkulu uluthando. 16 Thina sesisazi sakholwa uthando uNkulunkulu alalo kithi. UNkulunkulu uluthando, lohlala ethandweni uhlala kuNkulunkulu, loNkulunkulu kuye.

uEks. 34:6 INKOSI yasisedlula phambi kwakhe, yamemeza yathi: INKOSI! INKOSI, uNkulunkulu, elesihawu elomusa, ephuza ukuthukuthela, evame ububele lobuqotho, 7 egcinela abayizinkulungwane umusa, ethethelela ububi lesiphambeko lesono, engayikuyekela lokuyekela olecala, ephindisela ububi baboyise phezu kwabantwana laphezu kwabantwana babantwana kuze kube sesizukulwaneni sesithathu lesesine.

wHeb. 11:6 Kodwa ngaphandle kokholo kakwenzeki ukumthokozisa; ngoba ozayo kuNkulunkulu umele akholwe, ukuthi ukhona, lokuthi ungumvuzi walabo abamdingisisayo.

xNeh. 9:32 Ngakho khathesi, Nkulunkulu wethu, uNkulunkulu omkhulu, olamandla lowesabekayo, ogcina isivumelwano lomusa, ukuhlupheka konke kakungabi kuncinyane phambi kwakho, okusehleleyo, amakhosi ethu, iziphathamandla zethu, abapristi bethu, abaprofethi bethu, obaba, labo bonke abantu bakho, kusukela ensukwini zamakhosi eAsiriya kuze kube lamuhla. 33 Kodwa wena ubulungile kukho konke okusehleleyo, ngoba wenzile ngokuqonda, kodwa thina senze ngenkohliso.

yHlab. 5:5 Abazikhukhumezayo kabayikuma phambi kwamehlo akho; uzonda bonke abenza okubi. 6 Uzababhubhisa abaqamba amanga. INKOSI iyamenyanya umuntu wegazi lenkohliso.

zNah. 1:2 INKOSI inguNkulunkulu olobukhwele ophindiselayo; iNKOSI ingumphindiseli, igcwele ulaka; iNKOSI iphindisela ezitheni zayo, igcinela izitha zayo intukuthelo. 3 INKOSI iyaphuza ukuthukuthela, kodwa ilamandla amakhulu, kayiyikumyekela ngitsho olecala; indlela yayo isesivunguzaneni lesiphepheni, lamayezi aluthuli lwenyawo zayo. Eks. 34:7 Egcinela abayizinkulungwane umusa, ethethelela ububi lesiphambeko lesono, engayikuyekela lokuyekela olecala, ephindisela ububi baboyise phezu kwabantwana laphezu kwabantwana babantwana kuze kube sesizukulwaneni sesithathu lesesine.