l 1 Joha. 1:8 Uba sisithi kasilasono, siyazikhohlisa, leqiniso kalikho kithi. 10 Uba sisithi kasonanga, simenza umqambimanga, lelizwi lakhe kalikho kithi. Roma 7:14 Ngoba siyazi ukuthi umthetho ungowomoya; kanti mina ngingowenyama, ngithengisiwe ngaphansi kwesono. 17 Kodwa khathesi-ke kakuseyimi engikwenzayo, kodwa yisono esihlala kimi. 18 Ngoba ngiyazi ukuthi kimi, lokhu kuyikuthi enyameni yami, kakuhlali okuhle; ngoba kukhona ukuthanda kimi, kodwa ukwenza okuhle kangikutholi. 23 kodwa ngibona ezithweni zami omunye umthetho olwa lomthetho wengqondo yami, longithumbela emthethweni wesono osezithweni zami. Jak. 3:2 Ngoba sonke siyakhubeka ezintweni ezinengi. Uba umuntu engakhubeki elizwini, lowo uyindoda epheleleyo, elamandla okukhina lomzimba wonke. Zaga 20:9 Ngubani ongathi: Ngihlanzile inhliziyo yami, ngihlambulukile esonweni sami? Tshu. 7:20 Ngoba kakulamuntu olungileyo emhlabeni owenza okuhle engoni.
n 1 Joha. 3:4 Wonke owenza isono, weqa lomlayo; ngoba isono siyikweqa umlayo.
a Isa. 40:13 Ngubani oqondise uMoya weNKOSI, kumbe wamfundisa engumeluleki wakhe? 14 Yelulekane lobani waze wayiqondisa, wayifundisa ngendlela yokulunga, wayifundisa ulwazi, wayazisa indlela yokuqedisisa? 15 Khangelani, izizwe zinjengethonsi embizeni, zibalwa njengothuli lwezikali. Izihlenge iyaziphakamisa njengothuli lucholekile. 16 LeLebanoni kayeneli ukutsha, lenyamazana zayo kazeneli umnikelo wokutshiswa. 17 Zonke izizwe zinjengezingasilutho phambi kwayo, zibalwa kuyo zingaphansi kokungelutho njalo ziyize. Jobe 9:32 Ngoba kasuye umuntu njengami ukuze ngimphendule, ukuze size ndawonye kusahlulelo. 33 Kakukho umqamuli phakathi kwethu ongabeka izandla zakhe phezu kwethu sobabili. 1 Sam. 2:25 Uba umuntu esona komunye, onkulunkulu bazamahlulela; kodwa uba umuntu esona eNKOSIni, ngubani ozamlamulela? Kodwa kawalalelanga ilizwi likayise; ngoba iNKOSI yayifuna ukuwabulala. Hlab. 113:5 Ngubani onjengeNKOSI uNkulunkulu wethu ehlezi phezulu, 6 ezithobela ukubona emazulwini lemhlabeni? Hlab. 100:2 Ikhonzeni iNKOSI ngenjabulo, wozani phambi kwayo ngokuhlabela ngentokozo. 3 Yazini ukuthi iNKOSI inguNkulunkulu. Yiyo eyasenzayo, njalo ayisithi: singabantu bayo lezimvu zedlelo layo. Jobe 22:2 Umuntu angaba losizo kuNkulunkulu yini, njengalowo ohlakaniphileyo elusizo kuye ngokwakhe? 3 Kuyintokozo yini kuSomandla ukuthi ulungile? Kumbe inzuzo kuye ukuthi uphelelise indlela zakho? Jobe 35:7 Uba ulungile, umnikani? Kumbe wemukelani esandleni sakho? 8 Ububi bakho buqondana lomuntu onjengawe, lokulunga kwakho kuthinta indodana yomuntu. Luka 17:10 Kunjalo-ke lani, nxa selikwenzile konke elikulayiweyo, kalibokuthi: Sizinceku ezingasizi lutho, ngoba senze lokhu ebesifanele ukukwenza. Seb. 17:24 UNkulunkulu owenza umhlaba lakho konke okukuwo, yena, oyiNkosi yezulu lomhlaba, kahlali emathempelini enziwe ngezandla, 25 futhi kakhonzwa ngezandla zabantu, njengoswela ulutho, ngoba yena uqobo lwakhe uyabapha bonke impilo lokuphefumula lakho konke.
b Gal. 3:12 Kodwa umlayo kawusiwo wokholo, kodwa kuthiwa: Umuntu owenza lezizinto uzaphila kuzo.
e Gal. 3:21 Pho umlayo uphambene lezithembiso zikaNkulunkulu yini? Phinde! Ngoba uba wawunikiwe umlayo olamandla okuphilisa, isibili ukulunga ngabe kuvela ngomlayo. Roma 8:3 Ngoba lokho umthetho owawungekwenze, ngoba ubuthakathaka ngokwenyama, uNkulunkulu ethuma eyakhe iNdodana ekufananeni kwenyama elesono, njalo kusenzelwa isono, walahla isono enyameni. Roma 3:20 Ngoba emisebenzini yomlayo kakulanyama ezalungisiswa phambi kwakhe; ngoba ngomlayo kulokwazi isono. 21 Kodwa khathesi-ke sekubonakalisiwe ukulunga kukaNkulunkulu ngaphandle komlayo, okufakazelwa ngumlayo labaprofethi. Gen. 3:15 Njalo ubutha ngizabufaka phakathi kwakho lowesifazana lenzalo yakho lenzalo yakhe. Yona izakuchoboza ikhanda, wena uzayichoboza isithende. Isa. 42:6 Mina NKOSI ngikubizile ngokulunga, ngizabamba isandla sakho, ngikulondoloze, ngikunike ube yisivumelwano sabantu, ube yisibane sezizwe.
h Heb. 9:15 Langenxa yalokhu ungumlamuli wesivumelwano esitsha, ukuze, lokhu ukufa sekufikile ekuhlengeni kweziphambeko ngesikhathi sesivumelwano sokuqala, ababiziweyo bamukele isithembiso selifa laphakade. 16 Ngoba lapho okukhona incwadi yelifa, kufuneka ukuthi kubikwe ukufa komenzi wencwadi yelifa. 17 Ngoba incwadi yelifa isebenza kwabafileyo, lokhu kayikabi lamandla lapho ephila umenzi wencwadi yelifa. Heb. 7:22 UJesu waba yisiqiniso sesivumelwano esingcono kakhulu. Luka 22:20 Ngokunjalo lenkezo emva kokudla, esithi: Inkezo le yisivumelwano esitsha egazini lami, elichithelwa lina. 1 Kor. 11:25 Ngokunjalo lenkezo, sebedlile, yathi: Inkezo le iyisivumelwano esitsha egazini lami; lokhu kwenzeni, loba nini liyinatha, ukungikhumbula.
i 2 Kor. 3:6 Owasenza futhi senelisa ukuba yizikhonzi zesivumelwano esitsha, esingayisiso sokulotshiweyo kodwa esikaMoya; ngoba okulotshiweyo kuyabulala, kodwa uMoya uyaphilisa. 7 Kodwa uba inkonzo yokufa, emazwini, abazwe ematsheni, yafikela enkazimulweni, kwaze kwathi abantwana bakoIsrayeli behluleka ukujolozela ubuso bukaMozisi ngenxa yenkazimulo yobuso bakhe, eyenziwa yaphela, 8 pho ingebe nkulu kangakanani inkonzo kaMoya izakuba enkazimulweni? 9 Ngoba uba inkonzo yokulahlwa iyinkazimulo, kangakanani inkonzo yokulunga yengeziwe enkazimulweni.
n Kol. 2:17 Eziyisithunzi sezinto ezizayo, kodwa umzimba ngokaKristu.
a Isa. 42:1 Khangela inceku yami engiyisekelayo, okhethiweyo wami, othokoza ngaye umphefumulo wami; ngibekile uMoya wami phezu kwakhe, uzavezela izizwe ukwahlulela. 1 Pet. 1:19 Kodwa ngegazi likaKristu eliligugu kungathi ngelewundlu elingelasici lelingelabala. 20 Isibili owamiswa ngaphambili phambi kwesisekelo somhlaba, kodwa wabonakaliswa esikhathini sokucina ngenxa yenu. Joha. 3:16 Ngoba uNkulunkulu wawuthanda umhlaba ngokunjalo, ngakho wanika iNdodana yakhe ezelwe yodwa, ukuze wonke okholwa kuyo angabhubhi, kodwa abe lempilo elaphakade. 1 Tim. 2:5 Ngoba munye uNkulunkulu; njalo munye umlamuli phakathi kukaNkulunkulu labantu, umuntu uKristu Jesu.
k Joha. 1:1 Ekuqaleni wayekhona uLizwi, njalo uLizwi wayeloNkulunkulu, njalo uLizwi wayenguNkulunkulu. 14 ULizwi wasesiba yinyama, wahlala phakathi kwethu, njalo sabona inkazimulo yakhe, inkazimulo injengeyozelwe yedwa kaYise, egcwele umusa leqiniso. 1 Joha. 5:20 Njalo siyazi ukuthi iNdodana kaNkulunkulu isifikile, yasinika ukuqedisisa ukuze simazi oweqiniso; njalo sikuye oweqiniso, eNdodaneni yakhe uJesu Kristu. Yena unguNkulunkulu weqiniso, lempilo elaphakade. Fil. 2:6 Owathi esesimeni sikaNkulunkulu, kanakananga ukuthi kuyikuphanga ukulingana loNkulunkulu. Gal. 4:4 Kodwa kwathi ukuphelela kwesikhathi sekufikile, uNkulunkulu wathuma iNdodana yakhe, yazalwa ngowesifazana, yazalelwa ngaphansi komthetho.