i 2 Tim. 1:9 Owasisindisayo, njalo wasibiza ngobizo olungcwele, kungeyisikho njengemisebenzi yethu kodwa ngokwelakhe icebo langomusa asinika wona kuKristu Jesu kungakafiki izibanga zesikhathi. Tit. 3:4 Kodwa lapho sekubonakele umusa lothando lukaNkulunkulu uMsindisi wethu kubantu, 5 kungeyisikho okuvela ezenzweni zokulunga esazenzayo thina, kodwa njengokwesihawu sakhe wasisindisa, ngokugeziswa kokuzalwa kutsha lokuvuselelwa koMoya oNgcwele. Efe. 2:4 Kodwa uNkulunkulu, enothile esihawini, ngenxa yothando lwakhe olukhulu asithanda ngalo, 5 lanxa sasifile ngeziphambeko, wasiphilisa kanye loKristu (ngomusa lisindisiwe). 8 Ngoba ngomusa lisindisiwe ngokholo, lalokhu kakuveli kini; yisipho sikaNkulunkulu; 9 kakuveli emisebenzini, ukuze kungabi khona ozincomayo. Roma 9:11 Ngoba abantwana bengakazalwa, bengakenzi okuhle loba okubi, ukuze icebo likaNkulunkulu elingokokukhetha lime, kungaveli emisebenzini, kodwa kuvele kobizayo.
m Luka 18:15 Basebeletha kuye lensane, ukuze azibambe; kodwa abafundi bekubona babakhuza. 16 Kodwa uJesu wazibizela kuye wathi: Vumelani abantwana abancane beze kimi, njalo lingabanqabeli, ngoba umbuso kaNkulunkulu ungowabanje. Seb. 2:38 UPetro wasesithi kubo: Phendukani, libhabhathizwe lonke ngamunye wenu ebizweni likaJesu Kristu ethethelelweni lwezono, njalo lizakwemukela isipho sikaMoya oNgcwele. 39 Ngoba isithembiso ngesenu, lesabantwana benu, lesabo bonke abakhatshana, ngobunengi ezababizela kuyo iNkosi uNkulunkulu wethu. Joha. 3:3 UJesu waphendula wathi kuye: Ngiqinisile ngiqinisile ngithi kuwe: Ngaphandle kokuthi umuntu azalwe ngokutsha, angewubone umbuso kaNkulunkulu. 5 UJesu waphendula wathi: Ngiqinisile ngiqinisile, ngithi kuwe: Uba umuntu engazalwanga ngamanzi langoMoya, angengene embusweni kaNkulunkulu. 1 Joha. 5:12 Olayo iNdodana ulempilo; ongelayo iNdodana kaNkulunkulu kalampilo. Roma 8:9 Lina-ke alisenyameni, kodwa likuMoya, uba phela uMoya kaNkulunkulu ehlala kini. Uba-ke umuntu engelaye uMoya kaKristu, lowo kayisuye owakhe.
p Mat. 22:14 Ngoba banengi ababiziweyo, kodwa balutshwana abakhethiweyo.
a Roma 8:30 Lalabo abamisayo ngaphambili, bona labo wababiza; lalabo ababizayo, bona labo wabalungisisa; lalabo abalungisisayo, bona labo wabapha inkazimulo. Roma 3:24 Balungisiswa ngesihle ngomusa wakhe ngohlengo olukuKristu Jesu.
d Joha. 1:12 Kodwa bonke abamemukelayo, wabapha amandla okuthi babe ngabantwana bakaNkulunkulu, labo abakholwa ebizweni lakhe. Roma 3:28 Ngakho sicina ngokuthi umuntu ulungisiswe ngokholo, ngaphandle kwemisebenzi yomlayo. Roma 5:1 Ngakho sesilungisisiwe ngokholo, silokuthula kuNkulunkulu ngeNkosi yethu uJesu Kristu.
f Roma 5:8 Kodwa uNkulunkulu uqinisa uthando lwakhe uqobo kithi, ukuthi uKristu wasifela siseyizoni. 9 Ngakho kakhulu-ke, lokhu sesilungisisiwe khathesi ngegazi lakhe, sizasindiswa ngaye elakeni. 10 Ngoba uba, lapho siseyizitha, sesibuyisene loNkulunkulu ngokufa kweNdodana yakhe, ikakhulu lokhu sesibuyisene sizasindiswa ngempilo yayo. 19 Ngoba njengoba ngokungalaleli komuntu munye abanengi benziwa izoni, ngokunjalo langokulalela koyedwa abanengi bazakwenziwa abalungileyo. 1 Tim. 2:5 Ngoba munye uNkulunkulu; njalo munye umlamuli phakathi kukaNkulunkulu labantu, umuntu uKristu Jesu, 6 owazinikela yena ukuba lihlawulo labo bonke, ubufakazi ngezikhathi ezifaneleyo. Heb. 10:10 Kuleyontando singcwelisiwe, ngokunikelwa komzimba kaJesu Kristu kanye kuphela. 14 Ngoba ngomnikelo munye uphelelisile ephakadeni labo abangcwelisiweyo. Dan. 9:24 Amaviki angamatshumi ayisikhombisa amiswe phezu kwabantu bakho laphezu komuzi wakho ongcwele ukuqeda ububi, lokuphela izono, lokuhlawulela isono, lokungenisa ukulunga okulaphakade, lokuphawula umbono lesiprofethi, lokugcoba ingcwele yezingcwele. 26 Lemva kwamaviki angamatshumi ayisithupha lambili uMesiya uzaqunywa, kodwa kungesi kwakhe; lomuzi lendawo engcwele abantu bombusi abazakuza bazawuchitha; lokuphela kwawo kuzakuba ngesikhukhula, njalo kuze kube sekupheleni kwempi ukuchitheka kumisiwe. Isa. 53:4 Isibili yathwala eyethu imikhuhlane, yathwala insizi zethu. Kanti thina sathi itshayiwe, itshayiwe nguNkulunkulu, njalo ihlutshiwe. 5 Kodwa yalinyazwa ngenxa yeziphambeko zethu, yachotshozwa ngenxa yobubi bethu, ukujeziswa kokuthula kwethu kwakuphezu kwayo, langemivimvinya yayo siyasiliswa thina. 6 Thina sonke njengezimvu siduhile; saphenduka lowo lalowo ngendlela yakhe; njalo iNKOSI yehlisele phezu kwayo ububi bethu sonke. 10 Kanti iNKOSI yathanda ukuyichoboza, yayihlupha. Uba umphefumulo wayo usenza umnikelo wesono, izabona inzalo yayo, yelule izinsuku, lentando yeNKOSI izaphumelela esandleni sayo. 11 Izabona okuvela ekuhluphekeni komphefumulo wayo, yeneliswe; ngolwazi lwayo inceku yami elungileyo izalungisisa abanengi, ngoba izono zabo yona izazithwala. 12 Ngakho ngizayabela kanye labakhulu, yehlukaniselane impango labalamandla; ngoba yathululela umphefumulo wayo ekufeni, yabalwa kanye lezoni; njalo yona yathwala izono zabanengi, yalabhelela izoni.
l Gal. 3:8 Lombhalo wabona ngaphambili ukuthi uNkulunkulu ulungisisa abezizwe ngokholo, watshumayela ivangeli ngaphambili kuAbrahama wathi: Izizwe zonke zizabusiswa kuwe. 1 Pet. 1:2 Njengokolwazi ngaphambili lukaNkulunkulu uBaba, ekungcwelisweni koMoya, ekulaleleni lekufafazweni kwegazi likaJesu Kristu: Umusa lokuthula kungathi kungandiswa kini. 19 Kodwa ngegazi likaKristu eliligugu kungathi ngelewundlu elingelasici lelingelabala. 20 Isibili owamiswa ngaphambili phambi kwesisekelo somhlaba, kodwa wabonakaliswa esikhathini sokucina ngenxa yenu. Roma 8:30 Lalabo abamisayo ngaphambili, bona labo wababiza; lalabo ababizayo, bona labo wabalungisisa; lalabo abalungisisayo, bona labo wabapha inkazimulo.
o Mat. 6:12 Njalo usithethelele izono zethu, njengalokhu lathi sibathethelela abasonayo. 1 Joha. 1:7 Kodwa uba sihamba ekukhanyeni, njengalokhu yena esekukhanyeni, silenhlanganyelo omunye lomunye, legazi likaJesu Kristu iNdodana yakhe liyasihlambulula kuso sonke isono. 9 Uba sivuma izono zethu, uthembekile futhi ulungile ukuze asithethelele izono zethu, njalo asihlambulule kukho konke ukungalungi. 1 Joha. 2:1 Bantwanyana bami, ngilibhalela lezizinto, ukuze lingoni. Njalo uba umuntu esona, siloMmeli kuYise, uJesu Kristu olungileyo; 2 njalo yena uyinhlawulo yokuthula yezono zethu; futhi kungeyisizo ezethu zodwa, kodwa lezomhlaba wonke.
r Gal. 3:9 Ngakho abangabokholo babusiswa kanye loAbrahama okholwayo. 13 UKristu wasihlenga kusiqalekiso somlayo, esebeyisiqalekiso esikhundleni sethu; ngoba kulotshiwe ukuthi: Uqalekisiwe wonke olenga esihlahleni; 14 ukuze kuthi isibusiso sikaAbrahama sifike kwabezizwe ngoKristu Jesu, ukuze samukele isithembiso sikaMoya ngokholo. Roma 4:22 Ngalokho-ke kwabalelwa kuye ukuthi yikulunga. 23 Kodwa kakubhalwanga ngenxa yakhe yedwa, ukuthi kwabalelwa kuye; 24 kodwa langenxa yethu, esizabalelwa khona, abakholwa kuye owavusa uJesu iNkosi yethu kwabafileyo. Heb. 13:8 UJesu Kristu unguye izolo lalamuhla, lephakadeni.
a Efe. 1:5 Esesimisele ngaphambili ekumeni kwabantwana kuye ngoJesu Kristu, njengokufisa okuhle kwentando yakhe. Gal. 4:4 Kodwa kwathi ukuphelela kwesikhathi sekufikile, uNkulunkulu wathuma iNdodana yakhe, yazalwa ngowesifazana, yazalelwa ngaphansi komthetho, 5 ukuze ihlenge abangaphansi komlayo, ukuze samukele ukuma kwabantwana.