a Joha. 5:26 Njengoba uYise elempilo ngokwakhe, kunjalo uyinikile layo iNdodana ukuthi ibe lempilo ngokwayo.
o 1 Joha. 5:7 Ngoba bathathu abafakazayo ezulwini, uYise, uLizwi, loMoya oNgcwele; laba abathathu banye. Mat. 3:16 UJesu esebhabhathiziwe wahle wakhuphuka emanzini; njalo khangela, amazulu amvulekela, wasebona uMoya kaNkulunkulu esehla kungathi lijuba esiza phezu kwakhe. 17 Njalo khangela, ilizwi livela emazulwini, lisithi: Lo uyiNdodana yami ethandekayo, engithokoza ngayo. Mat. 28:19 Ngakho hambani lenze izizwe zonke zibe ngabafundi, libabhabhathize ebizweni likaYise leleNdodana lelikaMoya oNgcwele. 2 Kor. 13:14 Umusa weNkosi uJesu Kristu, lothando lukaNkulunkulu, lokuhlanganyela kukaMoya oNgcwele kakube lani lonke. Ameni.
a Efe. 1:11 Ngitsho kuye, okuthi kuye lathi sabelwa ilifa, esamiselwa ngaphambili njengokwesimiso sakhe owenzayo izinto zonke njengokwecebo lentando yakhe. Roma 11:33 Yeka ukujula kwenotho lenhlakanipho lolwazi lukaNkulunkulu! Kakuphenyeki kangakanani ukwahlulela kwakhe, lendlela zakhe kazilandeleki! Heb. 6:17 Okwathi uNkulunkulu kukho, ethanda ukubonisa ngokwengezelelweyo kakhulu kuzindlalifa zesithembiso ukungaphenduki kwecebo lakhe, walamula ngesifungo. Roma 9:15 Ngoba uthi kuMozisi: Ngizakuba lomusa kwengilomusa kuye, njalo ngimhawukele engimhawukelayo. 18 Ngakho uhawukela lowo athanda ukumhawukela; njalo amenze abe lukhuni lowo athanda ukumenza lukhuni.
d Seb. 15:18 Kwaziwa kuNkulunkulu imisebenzi yonke yakhe kusukela ephakadeni. 1 Sam. 23:11 khi zeKeyila zizanginikela esandleni sakhe yini? USawuli uzakwehla yini njengokuzwa kwenceku yakho? NKOSI, Nkulunkulu kaIsrayeli, akuyitshele inceku yakho. INKOSI yasisithi: Uzakwehla. 12 UDavida wasesithi: Izakhi zeKeyila zizanginikela mina labantu bami esandleni sikaSawuli yini? INKOSI yasisithi: Zizalinikela. Mat. 11:21 Maye kuwe, Korazini! Maye kuwe, Betsayida! Ngoba uba kwakwenziwe eTire leSidoni imisebenzi yamandla eyenziwe kini, ngabe kade baphenduka bembethe amasaka lomlotha. 23 Lawe, Kapenawume, ophakanyiselwe ezulwini, uzakwehliselwa esihogweni; ngoba uba yayenziwe eSodoma imisebenzi yamandla eyenziwe kuwe, ngabe lisekhona kuze kube lamuhla.
f 1 Tim. 5:21 Ngiyakulayisisa phambi kukaNkulunkulu leNkosi uJesu Kristu lengilosi ezikhethiweyo, ukuze uzigcine lezizinto ngokungaqumi okungakathoniswa, ungenzi lutho ngokubandlulula. Mat. 25:41 Ngalesosikhathi izakuthi njalo kubo abangakwesokhohlo: Sukani kimi, lina eliqalekisiweyo, liye emlilweni olaphakade, olungiselwe uSathane lengilosi zakhe.
h 2 Tim. 2:19 Loba kunjalo isisekelo sikaNkulunkulu simi siqinile, silaloluphawu lokuthi: INkosi iyabazi abangabayo, lokuthi: Wonke ophatha ibizo likaKristu kehlukane lokungalungi. Joha. 13:18 Kangikhulumi ngani lonke; mina ngiyabazi engibakhethileyo; kodwa ukuze kugcwaliseke umbhalo othi: Odla lami isinkwa ungiphakamisele isithende sakhe.
i Efe. 1:4 Njengoba wasikhetha kuye ngaphambi kokusekelwa komhlaba, ukuthi sibe ngcwele, njalo singasoleki phambi kwakhe ethandweni. 9 Esesazisile imfihlo yentando yakhe, njengokufisa kwakhe okuhle, akumisa kuye ngokwakhe. 11 Ngitsho kuye, okuthi kuye lathi sabelwa ilifa, esamiselwa ngaphambili njengokwesimiso sakhe owenzayo izinto zonke njengokwecebo lentando yakhe. Roma 8:30 Lalabo abamisayo ngaphambili, bona labo wababiza; lalabo ababizayo, bona labo wabalungisisa; lalabo abalungisisayo, bona labo wabapha inkazimulo. 2 Tim. 1:9 Owasisindisayo, njalo wasibiza ngobizo olungcwele, kungeyisikho njengemisebenzi yethu kodwa ngokwelakhe icebo langomusa asinika wona kuKristu Jesu kungakafiki izibanga zesikhathi. 1 Tes. 5:9 Ngoba uNkulunkulu kasimiselanga ulaka, kodwa ukuzuza usindiso ngeNkosi yethu uJesu Kristu.
m 1 Pet. 1:2 Abakhethiweyo njengokolwazi ngaphambili lukaNkulunkulu uBaba, ekungcwelisweni koMoya, ekulaleleni lekufafazweni kwegazi likaJesu Kristu. Efe. 1:4 Njengoba wasikhetha kuye ngaphambi kokusekelwa komhlaba, ukuthi sibe ngcwele, njalo singasoleki phambi kwakhe ethandweni, 5 esesimisele ngaphambili ekumeni kwabantwana kuye ngoJesu Kristu, njengokufisa okuhle kwentando yakhe. Efe. 2:10 Ngoba singumsebenzi wakhe, kuKristu Jesu sadalelwa imisebenzi emihle, uNkulunkulu ayilungisela ngaphambili, ukuze sihambe kiyo. 2 Tes. 2:13 Kodwa thina simele ukubonga uNkulunkulu njalonjalo ngani, bazalwane abathandwa beNkosi, ukuthi uNkulunkulu walikhethela usindiso kusukela ekuqaleni, ekungcwelisweni koMoya, langokholo lweqiniso.
r Mat. 11:25 Ngalesosikhathi uJesu waphendula wathi: Ngiyakubonga, Baba, Nkosi yezulu lomhlaba, ngoba uzifihlile lezizinto kwabahlakaniphileyo labaqedisisayo, kodwa wazembulela izingane; 26 yebo Baba, ngoba ngokunjalo kwaba kuhle phambi kwakho. Roma 9:17 Ngoba umbhalo uthi kuFaro: Ngakuphakamisela khona lokho, ukuze ngibonakalise amandla ami ngawe, njalo ukuze ibizo lami litshunyayelwe emhlabeni wonke. 18 Ngakho uhawukela lowo athanda ukumhawukela; njalo amenze abe lukhuni lowo athanda ukumenza lukhuni. 21 Kumbe kalagunya yini umbumbi phezu kwebumba, ukuthi ngesigaqa sisinye enze isitsha esinye esihloniphekayo, lesinye esingahloniphekiyo? 22 Njalo uba uNkulunkulu ethanda ukubonakalisa ulaka lwakhe, lokwazisa amandla akhe, wathwala ngokubekezela okukhulu izitsha zolaka ezilungiselwe ukubhujiswa. 2 Tim. 2:19 Loba kunjalo isisekelo sikaNkulunkulu simi siqinile, silaloluphawu lokuthi: INkosi iyabazi abangabayo, lokuthi: Wonke ophatha ibizo likaKristu kehlukane lokungalungi. 20 Kodwa endlini enkulu kakukho izitsha zegolide lezesiliva kuphela, kodwa lezesihlahla lezebumba, njalo ezinye ngezenhlonipho, kodwa ezinye ngezokungahlonitshwa. Juda 4 Ngoba sekungenile ngokunyenya abantu abathile, ababhalelwa ngaphambili lokhukulahlwa kudala, abeyisa uNkulunkulu, abaphendula umusa kaNkulunkulu wethu ube ngamanyala, njalo bephika uMbusi oyedwa uNkulunkulu, leNkosi yethu uJesu Kristu. 1 Pet. 2:8 Lelitshe lokukhubekisa, ledwala lokuwisa; abakhubeka elizwini, bengalaleli; okuyikho labo ababekumiselwe.
s Roma 9:20 Hatshi bo, o muntu, ungubani wena ophikisana loNkulunkulu? Okubunjiweyo kungatsho yini kowakubumbayo ukuthi: Wangenzelani ngabanje? Roma 11:33 Yeka ukujula kwenotho lenhlakanipho lolwazi lukaNkulunkulu! Kakuphenyeki kangakanani ukwahlulela kwakhe, lendlela zakhe kazilandeleki! Dute. 29:29 Imfihlo ngezeNKOSI uNkulunkulu wethu, kodwa izinto ezembuliweyo zingezethu lezabantwana bethu kuze kube nininini, ukwenza wonke amazwi alumlayo.
a Heb. 1:2 Kulezinsuku zokucina ukhulume kithi ngeNdodana, ayimise ibe yindlalifa yezinto zonke, owadala ngayo futhi imihlaba. Joha. 1:2 Yena lo wayeloNkulunkulu ekuqaleni. 3 Zonke izinto zenziwa ngaye, njalo ngaphandle kwakhe kakulalutho lolulodwa olwenziwayo lolo olwenziweyo. Gen. 1:2 Njalo umhlaba wawungelasimo ungelalutho, lobunyama babuphezu kokujula; loMoya kaNkulunkulu wayendiza phezu kwamanzi. Jobe 26:13 Ngomoya wakhe amazulu aceciswa, lesandla sakhe sabumba inyoka ebalekayo. Jobe 33:4 UMoya kaNkulunkulu wangenza, lokuphefumula kukaSomandla kwanginika impilo.
d Gen. 1:27 UNkulunkulu wasemdala umuntu ngomfanekiso wakhe; wamdala ngomfanekiso kaNkulunkulu; owesilisa lowesifazana wabadala.
a Heb. 1:3 Yona eyikubenyezela kwenkazimulo, lomfuziselo uqobo wobukhona bakhe, njalo iphethe izinto zonke ngelizwi lamandla ayo, lapho isiyenzile ngokwayo ukuhlanjululwa kwezono zethu, yahlala phansi ngakwesokunene soBukhulu obuphezulu.