Uvumo Lokholo lweWestminster

e1 Kor. 5:7 Ngakho khuphani imvubelo endala, ukuze libe yinhlama entsha, njengabangelamvubelo. Ngoba lePhasika lethu lihlatshelwe thina, ngitsho uKristu. 2 Kor. 6:17 Ngakho phumani phakathi kwabo lehlukaniswe, itsho iNkosi, lingathinti okungcolileyo; mina-ke ngizalemukela. Juda 23 Kodwa lisindise abanye ngokwesaba libahluthuna emlilweni, lizonda lesembatho esoniwe ngokuvela enyameni.

fKol. 2:14 Esesule incwadi yezimiso emelana lathi, ephambene lathi, wayisusa phakathi, ngokuyibethela esiphambanweni. 16 Ngakho kakungabi khona olilahla ekudleni kumbe ekunatheni, loba endabeni yomkhosi loba yokuthwasa kwenyanga kumbe yamasabatha; 17 eziyisithunzi sezinto ezizayo, kodwa umzimba ngokaKristu. Dan. 9:27 Njalo uzaqinisa isivumelwano labanengi okweviki eyodwa, laphakathi kweviki uzakwenza umhlatshelo lomnikelo kume; ngophiko lezinengiso kuzakwenza kuchitheke, kuze kube sekutshabalaleni, lokumisiweyo kuzathululelwa phezu kochithwayo. Efe. 2:15 Echithile ubutha enyameni yakhe, umlayo wemithetho ezimisweni, ukuze kuye labo ababili abadale babe ngumuntu munye omutsha, enze ukuthula, 16 njalo enze ukuthi bobabili babuyisane loNkulunkulu emzimbeni munye ngesiphambano, esebulele ubutha ngaso.

g§4

g Eks. 21. Eks. 22:1-29. Gen. 49:10 Intonga yobukhosi kayiyikusuka kuJuda, lomnikimthetho phakathi kwenyawo zakhe, aze afike lowo engeyakhe, njalo izizwe zizamlalela. 1 Pet. 2:13 Ngakho zehliseleni ngaphansi kwaso sonke isimiso sabantu ngenxa yeNkosi; loba kuyinkosi, njengebusayo; 14 loba kubabusi, njengabathunywe yiyo ekujezisweni kwabenzi bobubi, kodwa kube lodumo lwabenzi bokuhle. Mat. 5:17 Lingacabangi ukuthi ngize ukuchitha umlayo kumbe abaprofethi; angizanga ukuchitha kodwa ukugcwalisa. 38 Lizwile ukuthi kwathiwa: Ilihlo ngelihlo, lezinyo ngezinyo; 39 kodwa mina ngithi kini: Lingamelani lobubi; kodwa loba ngubani okuwakala esihlathini sokunene, mphendulele lesinye. 1 Kor. 9:8 Kambe lezizinto ngizitsho ngokomuntu? Kumbe lomlayo kawutsho lezizinto yini? 9 Ngoba kulotshiwe emlayweni kaMozisi ukuthi: Ungayifaki isayeke inkabi nxa ibhula amabele. Kambe uNkulunkulu ukhathalela inkabi? 10 Kumbe utsho ngenxa yethu isibili? Ngoba kubhalwe ngenxa yethu, ukuze kuthi olimayo kufanele alime ethembeni, lobhulayo esethembeni uhlanganyela ethembeni lakhe.

h§5

h Roma 13:8 Lingabi lamlandu kumuntu, ngaphandle kowokuthandana; ngoba othanda omunye, ugcwalisile umlayo. 9 Ngoba lokhu ukuthi: Ungafebi, ungabulali, ungebi, ungafakazi amanga, ungabi lomhawu, loba-ke kukhona lawuphi umlayo, kuhlanganiswa kulelilizwi, kulokhu: Wothanda umakhelwane wakho njengalokhu uzithanda wena. 10 Uthando kalwenzi okubi kumakhelwane; ngakho uthando luyikugcwaliseka komlayo. Efe. 6:2 Hlonipha uyihlo lonyoko okungumlayo wokuqala olesithembiso. 1 Joha. 2:3 Langalokho siyakwazi ukuthi siyamazi, uba sigcina imilayo yakhe. 4 Lowo othi: Ngiyamazi, futhi engagcini imilayo yakhe, ungumqambimanga, lakulo kalikho iqiniso. 7 Bazalwane, kangilibhaleli umlayo omutsha, kodwa umlayo omdala, elalilawo kusukela ekuqaleni; umlayo omdala uyilizwi elalizwayo kusukela ekuqaleni. 8 Ngiphinda ngilibhalele umlayo omutsha, into eliqiniso kuye, lakini; ngoba ubunyama buyadlula, lokukhanya kweqiniso sekukhanya.

iJak. 2:10 Ngoba loba ngubani ogcina umlayo wonke, kodwa akhubeke kokukodwa, uba lecala kuyo yonke. 11 Ngoba owathi: Ungafebi; wathi futhi: Ungabulali; uba-ke ungafebi, kodwa ubulala, usungumeqi womlayo.

kMat. 5:17 Lingacabangi ukuthi ngize ukuchitha umlayo kumbe abaprofethi; angizanga ukuchitha kodwa ukugcwalisa. 18 Ngoba ngiqinisile ngithi kini: Kuze kudlule izulu lomhlaba, kakusoze kudlule ibadlana libe linye kumbe lechatshana libe linye lomlayo kuze kwenzakale konke. 19 Ngakho owephula owodwa kulimilayo emincinyane, futhi afundise abantu ngokunjalo, uzathiwa ngomncinyane embusweni wamazulu; kodwa oyenzayo njalo ayifundise, lowo uzathiwa mkhulu embusweni wamazulu. Jak. 2:8 Uba liphelelisa umlayo wobukhosi, ngokombhalo othi: Wothanda umakhelwane wakho njengalokhu uzithanda wena, lenza kuhle. Roma 3:31 Ngakho siyawenza umlayo ube yize yini ngokholo? Phinde! Kodwa siyawuqinisa umlayo.

l§6

l Roma 6:14 Ngoba isono kasiyikubusa phezu kwenu; ngoba kalikho ngaphansi komlayo, kodwa ngaphansi komusa. Gal. 2:16 Sisazi ukuthi umuntu kalungisiswa ngemisebenzi yomlayo, kodwa ngokholo lukaJesu Kristu, lathi sakholwa kuKristu Jesu, ukuze silungisiswe ngokholo lukaKristu, njalo kungeyisikho ngemisebenzi yomlayo; ngakho yonke inyama kayiyikulungisiswa ngemisebenzi yomlayo. Gal. 3:13 UKristu wasihlenga kusiqalekiso somlayo, esebeyisiqalekiso esikhundleni sethu; ngoba kulotshiwe ukuthi: Uqalekisiwe wonke olenga esihlahleni. Gal. 4:4 Kodwa kwathi ukuphelela kwesikhathi sekufikile, uNkulunkulu wathuma iNdodana yakhe, yazalwa ngowesifazana, yazalelwa ngaphansi komthetho, 5 ukuze ihlenge abangaphansi komlayo, ukuze samukele ukuma kwabantwana. Seb. 13:39 Njalo kulo wonke okholwayo uyalungisiswa kukho konke obungelungisiswe kukho ngomlayo kaMozisi. Roma 8:1 Ngakho khathesi kakusekho ukulahlwa kibo abakuKristu Jesu, abangahambi ngokwenyama, kodwa ngokoMoya.

mRoma 7:12 Ngakho umthetho ungcwele, lomlayo ungcwele njalo ulungile futhi muhle. 22 Ngoba ngiyathokoza emthethweni kaNkulunkulu ngomuntu ophakathi. 25 Ngiyabonga uNkulunkulu ngoJesu Kristu iNkosi yethu. Ngalokho-ke mina ngokwami ngikhonza umthetho kaNkulunkulu ngengqondo, kodwa ngenyama umthetho wesono. Hlab. 119:4 Wena usulayile ukugcina kakhulu imithetho yakho. 5 E, kungathi izindlela zami zingaqondiswa ukugcina izimiso zakho! 6 Khona ngingayikuyangeka, lapho nginanzelela yonke imithetho yakho. 1 Kor. 7:19 Ukusoka kakusilutho, lokungasoki kakusilutho, kodwa ukulondolozwa kwemilayo kaNkulunkulu. Gal. 5:14 Ngoba umlayo wonke ugcwaliseka elizwini linye, kulokhu ukuthi: Wothanda umakhelwane wakho njengalokhu uzithanda wena. 16 Kodwa ngithi: Hambani ngoMoya, njalo lingagcwalisi lakanye inkanuko zenyama. 18 Kodwa uba likhokhelwa nguMoya, kalikho ngaphansi komlayo. 19 Imisebenzi yenyama-ke isobala, eyile: Ukufeba, ukuphinga, ukungcola, amanyala, 20 ukukhonza izithombe, ukuthakatha, ubutha, inkani, umona, ulaka, ukubanga, ukuxabana, ukubhazuka, 21 umhawu, ukubulala, ukudakwa, ukuminza, lezinye izinto ezinjalo; engilitshela ngakho ngaphambili, njengoba ngatsho futhi ngaphambili, ukuthi abenza okunje kabayikulidla ilifa lombuso kaNkulunkulu. 22 Kodwa isithelo sikaMoya luthando, intokozo, ukuthula, ukubekezela, ububele, ukulunga, ukholo, 23 ubumnene, ukuzithiba; kokunje kakulamlayo.

nRoma 7:7 Pho-ke sizakuthini? Umthetho uyisono yini? Phinde! Kodwa bengingasazi isono, ngaphandle ngomthetho; ngoba bengingawazi umhawu futhi, uba umthetho ubungatshongo ukuthi: Ungabi lomhawu. Roma 3:20 Ngoba emisebenzini yomlayo kakulanyama ezalungisiswa phambi kwakhe; ngoba ngomlayo kulokwazi isono.

oJak. 1:23 Ngoba uba umuntu engumuzwi welizwi futhi engesimenzi, yena ufanana lendoda ebuka ubuso bayo bemvelo esibukweni; 24 ngoba iyazibuka, ibisisuka, ibisihle ikhohlwa ukuthi ibinjani. 25 Kodwa lowo okhangelisisa emlayweni opheleleyo, lowo owenkululeko, abesebambelela kuwo, yena engesimuzwi okhohlwayo kodwa engumenzi womsebenzi, lo uzakuba ngobusisiweyo ekwenzeni kwakhe. Roma 7:9 Mina-ke ngake ngaphila ngaphandle komlayo; kodwa kwathi sekufike umthetho, isono savuka, njalo ngafa mina. 14 Ngoba siyazi ukuthi umthetho ungowomoya; kanti mina ngingowenyama, ngithengisiwe ngaphansi kwesono. 24 Hawu mina muntu olusizi! Ngubani ozangikhulula kulumzimba walokhukufa?

pGal. 3:24 Ngakho umlayo wawungumeluleki wethu kuKristu, ukuze silungisiswe ngokholo. Roma 7:24 Hawu mina muntu olusizi! Ngubani ozangikhulula kulumzimba walokhukufa? 25 Ngiyabonga uNkulunkulu ngoJesu Kristu iNkosi yethu. Ngalokho-ke mina ngokwami ngikhonza umthetho kaNkulunkulu ngengqondo, kodwa ngenyama umthetho wesono. Roma 8:3 Ngoba lokho umthetho owawungekwenze, ngoba ubuthakathaka ngokwenyama, uNkulunkulu ethuma eyakhe iNdodana ekufananeni kwenyama elesono, njalo kusenzelwa isono, walahla isono enyameni; 4 ukuze ukulunga komthetho kugcwaliswe kithi, esingahambi ngokwenyama kodwa ngokukaMoya.

qJak. 2:11 Ngoba owathi: Ungafebi; wathi futhi: Ungabulali; uba-ke ungafebi, kodwa ubulala, usungumeqi womlayo. Hlab. 119:101 Ngizinqandile inyawo zami kuyo yonke indlela embi, ukuze ngigcine ilizwi lakho. 104 Emithethweni yakho ngizuza ukuqedisisa; ngakho ngizonda yonke indlela yamanga. 128 Ngakho imithetho yakho yonke mayelana lazo zonke izinto ngiyibona iqondile; yonke indlela yamanga ngiyayizonda.

rEzra 9:13 Lemva kwakho konke okusehleleyo ngenxa yezenzo zethu ezimbi langenxa yesono sethu esikhulu, ngoba wena Nkulunkulu wethu uzibambile ekusijeziseni ngokungalingani lezono zethu, wasinika ukuphepha okunje, 14 sizayephula futhi yini imilayo yakho, sithathane labantu balezizinengiso? Kawuyikusithukuthelela yini uze usiqede, kuze kungabi lensali kumbe ukuphepha? Hlab. 89:30 Uba abantwana bakhe betshiya umlayo wami, bangahambi ngezahlulelo zami, 31 uba besephula izimiso zami, bengagcini imithetho yami, 32 ngizaphindisela iziphambeko zabo ngenduku, lezono zabo ngenswazi. 33 Kodwa kangiyikulususa du uthando lwami kuye, ngingakhohlisi ngothembeko lwami. 34 Kangiyikwephula isivumelwano sami, lalokho okuphuma endebeni zami kangiyikukuguqula.

sLev. 26:1 Lingazenzeli izithombe, lingazimiseli isifanekiso esibaziweyo lensika, lingabeki elizweni lakini ilitshe elilemifanekiso ukulikhothamela; ngoba ngiyiNKOSI uNkulunkulu wenu. 2 Gcinani amasabatha ami, lesabe indlu yami engcwele. NgiyiNKOSI. 3 Uba lihamba ngezimiso zami, ligcine imilayo yami, liyenze, 4 khona ngizanika izulu lenu ngesikhathi salo, lelizwe lizaveza isivuno salo, lezihlahla zeganga zithele isithelo sazo. 5 Lesikhathi sokubhula kwenu sizafinyelela esikhathini sokuvuna amavini, lesikhathi sokuvuna amavini sizafinyelela esikhathini sokuhlanyela; njalo lizakudla ukudla kwenu lize lisuthe, lihlale livikelekile elizweni lakini. 6 Njalo ngizanika ukuthula elizweni, lilale futhi kungelamuntu owethusayo, njalo ngisuse inyamazana ezimbi elizweni, lomhedla kawuyikudabula elizweni lakini. 7 Njalo lizaxotsha izitha zenu, zizakuwa-ke phambi kwenu ngomhedla. 8 Labahlanu benu bazaxotsha ikhulu, labalikhulu benu bazaxotsha inkulungwane ezilitshumi; lezitha zenu zizakuwa phambi kwenu ngomhedla. 9 Njalo ngizaphendukela kini, ngilenze ukuthi lizale, ngilandise, ngimise isivumelwano sami lani. 10 Lizakudla-ke okudala osekukudala, likhuphe okudala ngenxa yokutsha. 11 Njalo ngizamisa idokodo lami phakathi kwenu, lomphefumulo wami kawuyikunengwa yini. 12 Ngizahambahamba-ke phakathi kwenu, ngibe nguNkulunkulu wenu, lina libe ngabantu bami. 13 NgiyiNKOSI uNkulunkulu wenu owalikhupha elizweni leGibithe ukuze lingabi yizigqili zabo; ngephule izikeyi zejogwe lenu, ngenze ukuthi lihambe leluleme. 14 Kodwa uba lingangilaleli, lingayenzi yonke le imilayo. 2 Kor. 6:16 Njalo kulokuvumelana bani ithempeli likaNkulunkulu lezithombe? Ngoba lina lilithempeli likaNkulunkulu ophilayo, njengokutsho kukaNkulunkulu ukuthi: Ngizahlala kibo, njalo ngizabhoda phakathi kwabo; sengizakuba nguNkulunkulu wabo, bona-ke bazakuba ngabantu bami. Efe. 6:2 Hlonipha uyihlo lonyoko okungumlayo wokuqala olesithembiso, 3 ukuze kube kuhle kuwe, njalo uphile isikhathi eside emhlabeni. Hlab. 37:11 Kodwa abamnene bazakudla ilifa lelizwe, bazithokozise ngobunengi bokuthula. Mat. 5:5 Babusisiwe abamnene; ngoba bona bazakudla ilifa lomhlaba. Hlab. 19:11 Futhi inceku yakho iyelulekwa ngazo; ekuzigcineni kulomvuzo omkhulu.

tGal. 2:16 Sisazi ukuthi umuntu kalungisiswa ngemisebenzi yomlayo, kodwa ngokholo lukaJesu Kristu, lathi sakholwa kuKristu Jesu, ukuze silungisiswe ngokholo lukaKristu, njalo kungeyisikho ngemisebenzi yomlayo; ngakho yonke inyama kayiyikulungisiswa ngemisebenzi yomlayo. Luka 17:10 Kunjalo-ke lani, nxa selikwenzile konke elikulayiweyo, kalibokuthi: Sizinceku ezingasizi lutho, ngoba senze lokhu ebesifanele ukukwenza.

vRoma 6:12 Ngakho kakumelanga isono sibuse emzimbeni wenu ofayo, lize lilalele inkanuko zawo. 14 Ngoba isono kasiyikubusa phezu kwenu; ngoba kalikho ngaphansi komlayo, kodwa ngaphansi komusa. 1 Pet. 3:8 Okokucina-ke, banini nhliziyonye lonke, lizwelane, lithande abazalwane, libe lobubele lomusa; 9 lingaphindiseli okubi ngokubi, kumbe ukuthuka ngokuthuka; kodwa esikhundleni salokhu busisani, lisazi ukuthi labizelwa lokho, ukuze lidle ilifa lesibusiso. 10 Ngoba lowo ofuna ukuthanda impilo, lokubona insuku ezinhle, kanqande ulimi lwakhe kokubi, lendebe zakhe ukuze zingakhulumi inkohliso; 11 kaphambuke kokubi, abesesenza okuhle; adinge ukuthula, njalo akunxwanele. 12 Ngoba amehlo eNkosi aphezu kwabalungileyo, lendlebe zayo zingasemkhulekweni wabo; kodwa ubuso beNkosi bumelana labenza okubi. Hlab. 34:12 Ngubani umuntu ofisa impilo, othanda insuku ukubona okuhle? 13 Londa ulimi lwakho kokubi, lendebe zakho ekukhulumeni inkohliso. 14 Suka kokubi, wenze okuhle, dinga ukuthula, kunxwanele. 15 Amehlo eNKOSI akwabalungileyo, lezindlebe zayo kukukhala kwabo. 16 Ubuso beNKOSI bumelene labenza okubi, ukuquma ukukhunjulwa kwabo emhlabeni. Heb. 12:28 Ngakho njengoba sisemukela umbuso ongelakunyikinyekiswa, asibe lomusa esingamkhonza uNkulunkulu ngawo ngokwemukelekayo kanye lokuthobeka lokwesaba uNkulunkulu; 29 ngoba-ke uNkulunkulu wethu ungumlilo oqothulayo.

w§7

w Gal. 3:21 Pho umlayo uphambene lezithembiso zikaNkulunkulu yini? Phinde! Ngoba uba wawunikiwe umlayo olamandla okuphilisa, isibili ukulunga ngabe kuvela ngomlayo.

xHez. 36:27 Njalo ngizafaka uMoya wami phakathi kwenu, ngilenze ukuthi lihambe ngezimiso zami, ligcine izahlulelo zami lizenze. Heb. 8:10 Ngoba yilesi isivumelwano engizavumelana ngaso lendlu kaIsrayeli emva kwalezonsuku, itsho iNkosi, ngizafaka imilayo yami engqondweni yabo, lenhliziyweni zabo ngiyibhale; ngibe nguNkulunkulu kibo, bona-ke bazakuba ngabantu kimi. Jer. 31:33 Kodwa yilesi isivumelwano engizasenza lendlu kaIsrayeli emva kwalezonsuku, kutsho iNKOSI. Ngizafaka umlayo wami emibilini yabo, ngiwubhale enhliziyweni yabo, ngibe nguNkulunkulu wabo, labo babe ngabantu bami.

a§1

a Tit. 2:14 Owazinikelela thina, ukuze asihlenge ebubini bonke, lokuzihlambululela isizwe esikhethekileyo, esitshisekela imisebenzi emihle.; 1 Tes. 1:10 Lilindele iNdodana yakhe ivela emazulwini, ayivusa kwabafileyo, uJesu osihlangula elakeni oluzayo. Gal. 3:13 UKristu wasihlenga kusiqalekiso somlayo, esebeyisiqalekiso esikhundleni sethu; ngoba kulotshiwe ukuthi: Uqalekisiwe wonke olenga esihlahleni.

bGal. 1:4 Owazinikela ngenxa yezono zethu, ukuze asephule kulesisikhathi esibi sakhathesi, ngokwentando kaNkulunkulu lekaBaba wethu. Kol. 1:13 Owasikhulula emandleni obunyama, wasesisa embusweni weNdodana yothando lwakhe. Seb. 26:18 Ukuvula amehlo abo, lokubaphendula emnyameni baye ekukhanyeni, lemandleni kaSathane baye kuNkulunkulu, ukuze bamukeliswe uthethelelo lwezono, lelifa phakathi kwalabo abehlukanisiweyo ngokholo olukimi. Roma 6:14 Ngoba isono kasiyikubusa phezu kwenu; ngoba kalikho ngaphansi komlayo, kodwa ngaphansi komusa.

cRoma 8:28 Njalo siyazi ukuthi izinto zonke zisebenzelana okuhle kulabo abamthandayo uNkulunkulu, ababiziweyo ngokwecebo lakhe. Hlab. 119:71 Kungilungele ukuthi ngihlutshwe, ukuze ngifunde izimiso zakho. 1 Kor. 15:54 Nxa-ke lokho okubolayo sekwembethe ukungaboli, lalokho okufayo sekwembethe ukungafi, kuzakwenzakala ngalesosikhathi ilizwi elilotshiweyo lokuthi: Ukufa kuginyiwe ekunqobeni. 55 Lungaphi, kufa, udonsi lwakho? Kungaphi, ngcwaba, ukunqoba kwakho? 56 Lodonsi lokufa yisono; lamandla esono ngumlayo; 57 kodwa kabongwe uNkulunkulu osinika ukunqoba ngeNkosi yethu uJesu Kristu. Roma 8:1 Ngakho khathesi kakusekho ukulahlwa kibo abakuKristu Jesu, abangahambi ngokwenyama, kodwa ngokoMoya.

dRoma 5:1 Ngakho sesilungisisiwe ngokholo, silokuthula kuNkulunkulu ngeNkosi yethu uJesu Kristu, 2 okungaye njalo silokungena ngokholo kulumusa esimi kuwo, sizincoma ethembeni lobukhosi bukaNkulunkulu.

eRoma 8:14 Ngoba bonke abakhokhelwa nguMoya kaNkulunkulu, bona bangabantwana bakaNkulunkulu. 15 Ngoba kalemukelanga umoya wobugqili ukuze libuye lesabe, kodwa lamukele umoya wokuma kwabantwana, esimemeza ngawo sisithi: Aba, Baba! 1 Joha. 4:18 Kakukho ukwesaba ethandweni, kodwa uthando olupheleleyo luyaxotsha ukwesaba, ngoba ukwesaba kulobuhlungu; lowesabayo kapheleliswanga ethandweni.

fGal. 3:9 Ngakho abangabokholo babusiswa kanye loAbrahama okholwayo. 14 Ukuze kuthi isibusiso sikaAbrahama sifike kwabezizwe ngoKristu Jesu, ukuze samukele isithembiso sikaMoya ngokholo.

gGal. 4:1 Kodwa ngithi, ngalesosikhathi indlalifa iseyingane, kayehlukananga ngalutho esigqilini lanxa ingumnikazi wakho konke; 2 kodwa ingaphansi kwabaphathi lababonisi, kuze kufike isikhathi esamiswa nguyise. 3 Ngokunjalo lathi, lapho siseyizingane, sasiyizigqili ngaphansi kwemfundiso zakuqala zomhlaba. 6 Njengoba lingamadodana, uNkulunkulu wathuma uMoya weNdodana yakhe enhliziyweni zenu, ememeza esithi: Aba, Baba! 7 Ngakho kawuseyiso isigqili, kodwa indodana; njalo uba uyindodana, futhi uyindlalifa kaNkulunkulu ngoKristu. Gal. 5:1 Ngakho manini liqine enkululekweni uKristu asikhulula ngayo, lingabuyi libotshelwe futhi ejogweni lobugqili. Seb. 15:10 Pho-ke limlingelani uNkulunkulu, ngokubeka ijogwe entanyeni yabafundi, obaba bethu kanye lathi esingabanga lamandla okulithwala? 11 Kodwa sikholwa ukuthi sisindiswa ngomusa weNkosi uJesu Kristu, ngandlelanye labo.

hHeb. 4:14 Ngakho lokhu silompristi omkhulu kakhulu, odlulele emazulwini, uJesu iNdodana kaNkulunkulu, asibambelele kusivumo sethu. 16 Ngakho kasisondele ngesibindi esihlalweni sobukhosi somusa, ukuze samukeliswe isihawu, sizuze umusa wosizo ngesikhathi esifaneleyo. Heb. 10:19 Ngakho, bazalwane, silesibindi sokungena kwezingcwele ngegazi likaJesu, 20 ngendlela entsha lephilayo, asivulele yona ngeveyili, eliyinyama yakhe, 21 futhi silaye umpristi omkhulu phezu kwendlu kaNkulunkulu, 22 kasisondele ngenhliziyo eqinisileyo ekuqinisekeni okupheleleyo kokholo, inhliziyo zifafaziwe esazeleni sokubi, lomzimba ugezisiwe ngamanzi acwebileyo.

iJoha. 7:38 Okholwa kimi, njengokutsho kombhalo, kuzagobhoza esiswini sakhe imifula yamanzi aphilayo. 39 Lalokhu wakutsho ngoMoya ababezamemukela abakholwa kuye; ngoba uMoya oNgcwele wayengakafiki, lokhu uJesu wayengakadunyiswa. 2 Kor. 3:13 Njalo kasinjengoMozisi kanye owambomboza ubuso bakhe ngesimbombozo, ukuze abantwana bakoIsrayeli bangajolozeli isiphetho sento eyenziwa yaphela. 17 LeNkosi inguMoya; lalapho akhona uMoya weNkosi, lapho kukhona inkululeko. 18 Thina-ke, sonke esilobuso obembuliweyo sibona inkazimulo yeNkosi esibukweni, siyaguqulelwa esimeni esifananayo sisuka enkazimulweni sisiya enkazimulweni, njengokuvela kuMoya weNkosi kanye.

k§2

k Jak. 4:12 Munye ummisimlayo, olamandla okusindisa lokubhubhisa; wena ungubani owahlulela omunye? Roma 14:4 Ungubani wena ogweba inceku yomunye? Ukuma kumbe ukuwa kungokweyayo inkosi. Izakuma isibili; ngoba uNkulunkulu ulamandla okuyimisa.

lSeb. 4:19 Kodwa uPetro loJohane babaphendula bathi: Uba kulungile phambi kukaNkulunkulu ukulalela lina kuloNkulunkulu, yehlukanisani. Seb. 5:29 Kodwa uPetro waphendula labaphostoli bathi: Kumele ukulalela uNkulunkulu kulabantu. 1 Kor. 7:23 Lathengwa ngentengo; lingabi yizigqili zabantu. Mat. 23:8 Kodwa lina kalingabizwa ngokuthi Rabi; ngoba munye ongumfundisi wenu, uKristu; njalo lina lonke lingabazalwane. 9 Futhi lingabizi muntu emhlabeni ngokuthi nguyihlo; ngoba munye onguYihlo, osemazulwini; 10 kalingabizwa ngokuthi lingabafundisi; ngoba munye ongumfundisi wenu, uKristu. 2 Kor. 1:24 Kungesikuthi sibusa ukholo lwenu, kodwa siyizisebenzi ndawonye zentokozo yenu; ngoba limi ngokholo. Mat. 15:9 Kodwa bangikhonza ngeze, befundisa izimfundiso eziyimilayo yabantu.

mKol. 2:20 Ngakho uba lafa kanye loKristu, emfundisweni zakuqala zomhlaba, libophekeleni ngemikhuba ngokungathi liphila elizweni 22 njengokwemilayo lezimfundiso zabantu? 23 Ezilesimo senhlakanipho ekukhonzeni kokuzenzela lekuzithobeni lekuphatheni nzima umzimba, kakusizi lutho ukumelana lokusuthisa inyama. Gal. 1:10 Ngoba ngincenga abantu loba uNkulunkulu khathesi yini? Kumbe ngidinga ukuthokozisa abantu yini? Ngoba uba ngisathokozisa abantu, ngingebe yinceku kaKristu. Gal. 2:4 njalo ngenxa yabazalwane bamanga abangeniswa ngensitha, abangena ngokunyenya ukuze bahlole ukukhululeka kwethu esilakho kuKristu Jesu, ukuze basenze izigqili; 5 esingabathobelanga ngokuzehlisa ngitsho okwehola, ukuze iqiniso levangeli lime njalo kini. Gal. 5:1 Ngakho manini liqine enkululekweni uKristu asikhulula ngayo, lingabuyi libotshelwe futhi ejogweni lobugqili.

nRoma 10:17 Ngakho ukholo luvela ekuzweni, lokuzwa ngelizwi likaNkulunkulu. Roma 14:23 Kodwa othandabuzayo, uba esidla, ulahliwe, ngoba akuveli ekholweni; njalo konke okungaveli ekholweni, kuyisono. Isa. 8:20 Kuwo umthetho lakubo ubufakazi; uba bengakhulumi njengalelilizwi, kungokuba kakukho ukukhanya kubo. Seb. 17:11 Lawo ayekhaliphile kulalawo aweThesalonika, emukela ilizwi ngokuvuma konke, ehlolisisa imibhalo insuku ngensuku, ukuthi zinjalo yini lezizinto. Joha. 4:22 Lina likhonza elingakwaziyo; thina sikhonza esikwaziyo; ngoba usindiso luvela kumaJuda. Hos. 5:11 UEfrayimi ucindezelwe wachotshozwa ngesahlulelo, ngoba wavuma ukulandela umlayo. Isam. 13:12 Njalo sasebenzisa wonke amandla esilo sokuqala phambi kwaso, futhi senza ukuthi umhlaba labakhileyo kuwo bakhonze isilo sokuqala, esinxeba laso lokufa lapholiswa. 16 Sasesisenza bonke, abancinyane labakhulu, labanothileyo labayanga, labakhululekileyo lezigqili, ukuthi baphiwe uphawu esandleni sabo sokunene, loba emabunzini abo, 17 ukuze kungabi khona olokuthenga loba ukuthengisa, ngaphandle kwalowo olophawu, loba ibizo lesilo loba inombolo yebizo laso. Jer. 8:9 Abahlakaniphileyo bayayangeka, bathuthumele babanjwe; khangela, balalile ilizwi leNKOSI; pho, balokuhlakanipha bani?

o§3

o Gal. 5:13 Ngoba lina labizelwa enkululekweni, bazalwane; kuphela lingenzi inkululeko ibe lithuba enyameni, kodwa ngothando sizanani. 1 Pet. 2:16 Njengabakhululekileyo, kodwa lingabi lenkululeko njengesigubuzelo sobubi, kodwa njengezigqili zikaNkulunkulu. 2 Pet. 2:19 Bebathembisa inkululeko, bona uqobo beyizigqili zokubola; ngoba lowo umuntu ehlulwe ngaye, lakuye wenziwa isigqili. Joha. 8:34 UJesu wawaphendula wathi: Ngiqinisile ngiqinisile ngithi kini: Wonke owenza isono uyisigqili sesono. Luka 1:74 Ukusinika, ukuthi sesikhululiwe esandleni sezitha zethu, siyikhonze singelakwesaba 75 ngobungcwele langokulunga phambi kwayo zonke insuku zempilo yethu.

p§4

p Mat. 12:25 Kodwa eseyazi uJesu imicabango yabo wathi kubo: Wonke umbuso owehlukene phakathi uyachitheka; lawo wonke umuzi kumbe indlu eyehlukene phakathi kwayo ingeze yema. 1 Pet. 2:13 Ngakho zehliseleni ngaphansi kwaso sonke isimiso sabantu ngenxa yeNkosi; loba kuyinkosi, njengebusayo; 14 loba kubabusi, njengabathunywe yiyo ekujezisweni kwabenzi bobubi, kodwa kube lodumo lwabenzi bokuhle. 16 Njengabakhululekileyo, kodwa lingabi lenkululeko njengesigubuzelo sobubi, kodwa njengezigqili zikaNkulunkulu. Roma 13:1 Wonke umphefumulo awuzehlisele ngaphansi kwamandla aphezulu; ngoba kakukho amandla ngaphandle kwavela kuNkulunkulu; lamandla akhona amiswe nguNkulunkulu. 2 Ngakho omelana lamandla, umelana lesimiso sikaNkulunkulu; lalabo abamelana lawo bazazithathela ukulahlwa. 3 Ngoba ababusi kabesabeki emisebenzini emihle, kodwa kwemibi. Njalo uyathanda yini ukungesabi amandla? Yenza okuhle, njalo uzakuba lodumo ngawo; 4 ngoba uyinceku kaNkulunkulu ukuze kube kuhle kuwe. Kodwa nxa usenza okubi, yesaba; ngoba umhedla kawuphatheli ize. Ngoba uyinceku kaNkulunkulu, ungumphindiseli wolaka kulowo owenza okubi. 5 Ngakho kumele ukuthi uzehlise, kungabi ngenxa yolaka kuphela, kodwa langenxa yesazela. 6 Ngoba ngenxa yalokho lithela lomthelo; ngoba bayizinceku zikaNkulunkulu, ezikhuthalela khona lokho. 7 Ngakho phanini bonke okufaneleyo; umthelo kofanele umthelo; inkokhelo kofanele inkokhelo; ukwesatshwa kofanele ukwesatshwa; udumo kofanele udumo. 8 Lingabi lamlandu kumuntu, ngaphandle kowokuthandana; ngoba othanda omunye, ugcwalisile umlayo. Heb. 13:17 Lalelani abakhokheli benu, lizehlisele ngaphansi kwabo; ngoba laba balinda imiphefumulo yenu, njengabazalandisa; ukuze bakwenze lokhu ngenjabulo, njalo bengabubuli; ngoba kungalisizi lokhu.