Uvumo Lokholo lweWestminster

a§1

a Roma 13:1 Wonke umphefumulo awuzehlisele ngaphansi kwamandla aphezulu; ngoba kakukho amandla ngaphandle kwavela kuNkulunkulu; lamandla akhona amiswe nguNkulunkulu. 2 Ngakho omelana lamandla, umelana lesimiso sikaNkulunkulu; lalabo abamelana lawo bazazithathela ukulahlwa. 3 Ngoba ababusi kabesabeki emisebenzini emihle, kodwa kwemibi. Njalo uyathanda yini ukungesabi amandla? Yenza okuhle, njalo uzakuba lodumo ngawo; 4 ngoba uyinceku kaNkulunkulu ukuze kube kuhle kuwe. Kodwa nxa usenza okubi, yesaba; ngoba umhedla kawuphatheli ize. Ngoba uyinceku kaNkulunkulu, ungumphindiseli wolaka kulowo owenza okubi. 1 Pet. 2:13 Ngakho zehliseleni ngaphansi kwaso sonke isimiso sabantu ngenxa yeNkosi; loba kuyinkosi, njengebusayo; 14 loba kubabusi, njengabathunywe yiyo ekujezisweni kwabenzi bobubi, kodwa kube lodumo lwabenzi bokuhle.

b§2

b Zaga 8:15 Ngami amakhosi ayabusa, lababusi bamisa ukulunga. 16 Ngami iziphathamandla ziyabusa, lezikhulu, labo bonke abahluleli bomhlaba. Roma 13:1 Wonke umphefumulo awuzehlisele ngaphansi kwamandla aphezulu; ngoba kakukho amandla ngaphandle kwavela kuNkulunkulu; lamandla akhona amiswe nguNkulunkulu. 2 Ngakho omelana lamandla, umelana lesimiso sikaNkulunkulu; lalabo abamelana lawo bazazithathela ukulahlwa. 4 Ngoba uyinceku kaNkulunkulu ukuze kube kuhle kuwe. Kodwa nxa usenza okubi, yesaba; ngoba umhedla kawuphatheli ize. Ngoba uyinceku kaNkulunkulu, ungumphindiseli wolaka kulowo owenza okubi.

cHlab. 2:10 Ngakho-ke hlakaniphani makhosi, liyaleke bahluleli bomhlaba. 11 Ikhonzeni iNKOSI ngokwesaba, lithokoze ngokuthuthumela, 12 liyange iNdodana, hlezi ithukuthele, libhubhe endleleni, nxa ulaka lwayo luzavutha kancinyane. Babusisiwe bonke abaphephela kuyo. 1 Tim. 2:2 Amakhosi, labo bonke abayiziphathamandla, ukuze sichithe impilo elokuthula lepholileyo kukho konke ukukhonza uNkulunkulu langenhlonipho. Hlab. 82:3 Yahlulelani umyanga lentandane, lilungisele ohluphekayo loswelayo. 4 Khululani umyanga loswelayo, libephule esandleni sababi. 2 Sam. 23:3 UNkulunkulu kaIsrayeli wathi, iDwala likaIsrayeli likhulumile kimi lathi: Obusa abantu ngokulunga, abuse ngokumesaba uNkulunkulu. 1 Pet. 2:13 Ngakho zehliseleni ngaphansi kwaso sonke isimiso sabantu ngenxa yeNkosi; loba kuyinkosi, njengebusayo.

dLuka 3:14 Lamabutho lawo ambuza, athi: Thina-ke sizakwenzani? Wasesithi kuwo: Lingenzi udlakela emuntwini, njalo lingacali ngamanga; njalo yeneliswani yimivuzo yenu. Roma 13:4 Ngoba uyinceku kaNkulunkulu ukuze kube kuhle kuwe. Kodwa nxa usenza okubi, yesaba; ngoba umhedla kawuphatheli ize. Ngoba uyinceku kaNkulunkulu, ungumphindiseli wolaka kulowo owenza okubi. Mat. 8:9 Ngoba lami ngingumuntu ongaphansi kwamandla, ngilamabutho ngaphansi kwami; njalo ngithi kuleli: Hamba, beselihamba; lakwelinye: Woza, beselisiza; lencekwini yami: Yenza lokhu, njalo ikwenze. 10 Kwathi uJesu esezwile wamangala, wasesithi kwabamlandelayo: Ngiqinisile ngithi kini: Angitholanga ukholo olunje ngitsho lakoIsrayeli. Seb. 10:1 Kwakukhona eKesariya indoda ethile ngebizo nguKorneliyu, eyinduna yekhulu yebutho elithiwa eleItaliya, 2 eyindoda eqotho lemesabayo uNkulunkulu kanye lendlu yayo yonke, eyenza imisebenzi yomusa eminengi ebantwini, njalo ekhuleka njalonjalo kuNkulunkulu. Isam. 17:14 La azahlasela iWundlu, njalo iWundlu lizawanqoba, ngoba liyiNkosi yamakhosi loMbusi wababusi, labakanye lalo ngababiziweyo labakhethiweyo labathembekileyo. 16 Lempondo ezilitshumi, ozibonileyo esilweni, zona zizasizonda isifebe, besezisichitha zisinqunule, zidle inyama yaso, zisitshise ngomlilo.

e§3

e 2 Lan. 26:18 Bamelana loUziya inkosi, bathi kuye: Kakusikho okwakho, Uziya, ukutshisela iNKOSI impepha, kodwa ngokwabapristi amadodana kaAroni abehlukaniselwe ukutshisa impepha. Phuma endaweni engcwele, ngoba usuphambekile; njalo kakusikho kodumo lwakho oluvela eNKOSIni uNkulunkulu. Mat. 18:17 Njalo nxa esala ukubezwa bona, tshela ibandla; uba esala ukuzwa lalo ibandla, kabe njengowezizwe lomthelisi kuwe. Mat. 16:19 Futhi ngizakunika izihluthulelo zombuso wamazulu; njalo loba yini ozayibopha emhlabeni, izakuba ibotshiwe emazulwini; njalo loba yini ozayithukulula emhlabeni, izakuba ithukululwe emazulwini. 1 Kor. 12:28 Njalo uNkulunkulu umisile abathile ebandleni kuqala abaphostoli, okwesibili abaprofethi, okwesithathu abafundisi, besekusiba amandla, besekusiba izipho zokusilisa, izenzo ezisizayo, ubukhokheli, indimi ezehlukeneyo. 29 Bonke bangabaphostoli yini? Bonke bangabaprofethi yini? Bonke bangabafundisi yini? Bonke benza amandla yini? Efe. 4:11 Yena wasenika abanye babe ngabaphostoli, labanye babe ngabaprofethi, labanye babe ngabavangeli, labanye babe ngabalusi labafundisi, 12 ekuphelelisweni kwabangcwele, emsebenzini wenkonzo, ekwakhiweni komzimba kaKristu. 1 Kor. 4:1 Umuntu kasazi ngokunje, njengezisebenzi zikaKristu labaphathi bemfihlo zikaNkulunkulu. 2 Futhi-ke, kuyadingeka ebaphathini, ukuthi umuntu aficwe ethembekile. Roma 10:15 Bazatshumayela njani uba bengathunywanga? Njengokulotshiweyo ukuthi: Zinhle kangakanani inyawo zabatshumayela ivangeli lokuthula, zabatshumayela ivangeli ngezinto ezinhle! Heb. 5:4 Futhi kakulamuntu ozithathela le inhlonipho, kodwa obizwa nguNkulunkulu, lanjengoAroni.

fIsa. 49:23 Amakhosi-ke azakuba ngabondli bakho, lamakhosikazi awo abe ngabalizane bakho. Bazakukhothamela, ubuso bube semhlabathini, bakhothe uthuli lwezinyawo zakho. Lapho uzakwazi ukuthi ngiyiNKOSI, ukuthi labo abangithembayo kabayikuyangeka. Hlab. 122:9 Ngenxa yendlu yeNKOSI uNkulunkulu wethu ngizakudingela okuhle. Ezra 7:23 Konke okungokomlayo kaNkulunkulu wamazulu kakwenzelwe indlu kaNkulunkulu wamazulu ngokukhuthala. Ngoba kungani kuzakuba lolaka phezu kombuso wenkosi lamadodana ayo? 25 Lawe Ezra, ngokwenhlakanipho kaNkulunkulu wakho esesandleni sakho, beka omantshi labahluleli abazakwahlulela bonke abantu abangaphetsheya komfula, bonke abayaziyo imilayo kaNkulunkulu wakho; labo abangayaziyo uzabafundisa. 26 Wonke-ke ongawenziyo umlayo kaNkulunkulu wakho lomlayo wenkosi, isigwebo kasenziwe ngokukhuthala phezu kwakhe, kungaba ngokufa, loba ngokuxotshwa, loba ngokuthathelwa impahla, loba ngezibopho. 27 Kayibusiswe iNKOSI uNkulunkulu wabobaba eyakufaka kanje enhliziyweni yenkosi ukucecisa indlu yeNKOSI eseJerusalema, 28 eyelule umusa kimi phambi kwenkosi labacebisi bayo laphambi kwazo zonke izinduna ezilamandla zenkosi. Mina-ke ngaziqinisa ngoba isandla seNKOSI uNkulunkulu wami sasiphezu kwami, ngabutha koIsrayeli inhloko ukwenyuka lami. Lev. 24:16 Lohlambaza ibizo leNKOSI uzabulawa lokubulawa; inhlangano yonke izamkhanda lokumkhanda ngamatshe. Njengowokuzalwa elizweni uzakuba njalo owemzini, nxa ehlambaza iBizo uzabulawa. Dute. 13:5 Lalowomprofethi loba lowomphuphi wamaphupho kabulawe, ngoba ukhulume ukuhlamukela iNKOSI uNkulunkulu wenu, eyalikhupha elizweni leGibithe, yakuhlenga endlini yobugqili, ukukufuqa uphambuke endleleni iNKOSI uNkulunkulu wakho eyakulaya ukuhamba ngayo. Ngalokhu uzakhupha ububi phakathi kwakho. 6 Uba umfowenu, indodana kanyoko, loba indodana yakho, loba indodakazi yakho, loba umkakho wesifuba sakho, kumbe umngane wakho onjengomphefumulo wakho, ekuyenga ensitha esithi: Asihambe, siyekhonza abanye onkulunkulu, ongabazanga, wena laboyihlo. 12 Uba usizwa komunye wemizi yakho, iNKOSI uNkulunkulu wakho ekunika yona, ukuthi uhlale khona, kuthiwa. 2 Kho. 18:4 Yena wasusa indawo eziphakemeyo, wabhidliza insika zokukhonzela, wagamula oAshera, wachoboza inyoka yethusi uMozisi ayeyenzile, ngoba kuze kube yilezonsuku abantwana bakoIsrayeli babelokhu beyetshisela impepha, wayibiza ngokuthi nguNehushitani. 1 Lan. 13:1 UDavida wakhulumisana labaphathi bonke bezinkulungwane labamakhulu. 2 Wathi kubandla lonke lakoIsrayeli: Uba kulungile kini, uba kuyintando yeNKOSI uNkulunkulu wethu, asithumeleni ilizwi kubafowethu abaseleyo elizweni lonke lakoIsrayeli lakubapristi lamaLevi emizini elamadlelo ukuze bazehlangana lathi. 3 Besesilanda futhi umtshokotsho wesivumelwano sikaNkulunkulu wethu, ngoba kasiwunanzanga ensukwini zikaSawuli. 4 Ibandla lonke lavuma ukwenza njalo, ngoba lokhu kwakukuhle emehlweni abo bonke abantu. 5 UDavida wasebuthanisa uIsrayeli wonke kusukela eShihori leGibithe kuze kube sekungeneni kweHamathi ukuze balande umtshokotsho kaNkulunkulu eKiriyathi-Jeyarimi. 6 UDavida loIsrayeli wonke baya eBhahala, eKiriyathi-Jeyarimi elakoJuda, ukuze bayethatha lapho umtshokotsho kaNkulunkulu obizwa ngebizo leNKOSI esihlalo sayo sobukhosi siphezu kwamakherubi. 7 Bawuthwala umtshokotsho kaNkulunkulu ngenqola entsha, bewususa endlini kaAbinadaba, uUza loAhiyo babetshayela leyonqola. 8 UDavida loIsrayeli wonke babegida phambi kukaNkulunkulu ngamandla wonke, behlabela, betshaya imihubhe, lamachacho, lezingungu, lezigubhu, lezimpondo. 9 Lapho befika esizeni sikaKidoni, uUza welula isandla sakhe ukubamba umtshokotsho wesivumelwano, ngoba inkabi zazikhubeka. 2 Kho. 23:1-26. 2 Lan. 34:33 UJosiya wasesusa zonke izinengiso kuwo wonke amazwe ayengawabantwana bakoIsrayeli, wenza wonke owaficwa koIsrayeli ukuthi akhonze, akhonze iNKOSI uNkulunkulu wabo. Ngensuku zakhe zonke kabaphambukanga ekuyilandeleni iNKOSI, uNkulunkulu waboyise. 2 Lan. 15:12 Basebengena kusivumelwano sokuthi bayidinge iNKOSI, uNkulunkulu waboyise, ngenhliziyo yabo yonke langomphefumulo wabo wonke; 13 njalo wonke ongadingi iNKOSI uNkulunkulu kaIsrayeli uzabulawa, kusukela komncinyane kusiya komkhulu, kusukela kowesilisa kusiya kowesifazana.

g2 Lan. 19:8 Futhi eJerusalema layo uJehoshafati wabeka abanye kumaLevi labapristi lakunhloko zaboyise zakoIsrayeli kusahlulelo seNKOSI lakumibango, sebebuyela eJerusalema. 9 Wasebalaya esithi: Lizakwenza njalo ekuyesabeni iNKOSI, ngobuqotho langenhliziyo epheleleyo. 10 Lawuphi umbango oza kini ovela kubafowenu abahlala emizini yabo, phakathi kwegazi legazi, phakathi komthetho lomlayo, izimiso, lezahlulelo, lizabaxwayisa ukuthi bangabi lecala eNKOSIni, lolaka lwehlele phezu kwenu labafowenu. Lizakwenza njalo, futhi lingabi lacala. 11 Khangelani-ke, uAmariya umpristi omkhulu uphezu kwenu kulo lonke udaba lweNKOSI; uZebhadiya indodana kaIshmayeli, umbusi wendlu yakoJuda, kuzo zonke indaba zenkosi; lamaLevi azakuba ngabaphathi phambi kwenu. Qinani likwenze; leNKOSI izakuba lolungileyo. 2 Lan. 29 lo 30; Mat. 2:4 Esebuthanisile bonke abapristi abakhulu lababhali babantu, wabuza kubo ukuthi uKristu uzazalelwa ngaphi. 5 Basebesithi kuye: EBetelehema eseJudiya; ngoba kulotshiwe ngokunjalo ngumprofethi ukuthi.

h§4

h 1 Tim. 2:1 Ngakho kuqala kukho konke ngikhuthaza ukuthi ukunxusa, imikhuleko, ukulabhela, ukubonga kwenzelwe abantu bonke; 2 amakhosi, labo bonke abayiziphathamandla, ukuze sichithe impilo elokuthula lepholileyo kukho konke ukukhonza uNkulunkulu langenhlonipho.

i1 Pet. 2:17 Hloniphani bonke. Thandani ubuzalwane. Mesabeni uNkulunkulu. Hloniphani inkosi.

kRoma 13:6 Ngoba ngenxa yalokho lithela lomthelo; ngoba bayizinceku zikaNkulunkulu, ezikhuthalela khona lokho. 7 Ngakho phanini bonke okufaneleyo; umthelo kofanele umthelo; inkokhelo kofanele inkokhelo; ukwesatshwa kofanele ukwesatshwa; udumo kofanele udumo.

lRoma 13:5 Ngakho kumele ukuthi uzehlise, kungabi ngenxa yolaka kuphela, kodwa langenxa yesazela. Tit. 3:1 Bakhumbuze ukuthi bazehlisele ngaphansi kwababusi leziphathamandla, babalalele, balungele wonke umsebenzi omuhle.

m1 Pet. 2:13 Ngakho zehliseleni ngaphansi kwaso sonke isimiso sabantu ngenxa yeNkosi; loba kuyinkosi, njengebusayo; 14 loba kubabusi, njengabathunywe yiyo ekujezisweni kwabenzi bobubi, kodwa kube lodumo lwabenzi bokuhle. 16 Njengabakhululekileyo, kodwa lingabi lenkululeko njengesigubuzelo sobubi, kodwa njengezigqili zikaNkulunkulu.

nRoma 13:1 Wonke umphefumulo awuzehlisele ngaphansi kwamandla aphezulu; ngoba kakukho amandla ngaphandle kwavela kuNkulunkulu; lamandla akhona amiswe nguNkulunkulu. 1 Kho. 2:35 Inkosi yasibeka uBenaya indodana kaJehoyada esikhundleni sakhe phezu kwebutho, loZadoki umpristi yambeka esikhundleni sikaAbiyatha. Seb. 25:9 Kodwa uFestusi ethanda ukuthabisa amaJuda, waphendula uPawuli wathi: Uyathanda yini ukwenyukela eJerusalema, wahlulelwe khona ngalezizinto phambi kwami? 10 Kodwa uPawuli wathi: Ngimi phambi kwesihlalo sokwahlulela sikaKesari, lapho okufanele ngahlulelwe khona; kangonanga lutho kumaJuda, njengoba lawe usazi kuhle kakhulu. 11 Ngoba uba ngonile njalo ngenze ulutho olufanele ukufa, kangali ukufa; kodwa uba kungekho lutho lwezinto abangimangalela ngazo, kakulamuntu onganginikela kubo ngesihle. Ngilidlulisela kuKesari. 2 Pet. 2:1 Kodwa kwakukhona labaprofethi bamanga phakathi kwabantu, njengoba lakini kuzakuba khona abafundisi bamanga, abazangenisa ngensitha imfundiso ezehlukanisayo ezichithayo, bephika leNkosi eyabathengayo, bezehlisela ukuchitheka okuphangisayo. 10 Kodwa ikakhulu bona abalandela inyama enkanukweni engcolileyo, labadelela ubukhosi. Abangakhathaliyo, abalenkani, kabesabi ukuhlambaza ubukhosi; 11 kanti ingilosi, ezinkulu ngamandla langengalo, kazilethi isigwebo senhlamba ukumelana labo phambi kweNkosi. Juda 8 Ngokunjalo lalaba bephupha bayona inyama, njalo badelela ukubusa, bahlambaze ubukhosi. 9 Kanti uMikayeli ingilosi eyinduna, lapho ebanga loSathane ephikisa ngesidumbu sikaMozisi, kabanga lesibindi sokumlethela isigwebo senhlamba, kodwa wathi: INkosi kayikukhalimele. 10 Kodwa laba bathuka konke abangakwaziyo; lakho konke abakwaziyo ngemvelo njengezinyamazana ezingelangqondo, bazonakalisa kulezizinto. 11 Maye kibo! Ngoba bahambe ngendlela kaKayini, futhi baziwisele ekuduheni kukaBalami ngenxa yenzuzo, lenkanini kaKora babhubhile.

o2 Tes. 2:4 Emelana ibisizikhukhumeza phezu kwakho konke okuthiwa nguNkulunkulu loba yinto ekhonzwayo, ize ihlale ethempelini likaNkulunkulu njengoNkulunkulu, izitshaya uNkulunkulu. Isam. 13:15 Sanikwa futhi ukupha umfanekiso wesilo umoya, ukuze umfanekiso wesilo lawo ukhulume, besesisenza ukuthi bonke abangakhonziyo umfanekiso wesilo babulawe. 16 Sasesisenza bonke, abancinyane labakhulu, labanothileyo labayanga, labakhululekileyo lezigqili, ukuthi baphiwe uphawu esandleni sabo sokunene, loba emabunzini abo, 17 ukuze kungabi khona olokuthenga loba ukuthengisa, ngaphandle kwalowo olophawu, loba ibizo lesilo loba inombolo yebizo laso.

a§1

a Gen. 2:24 Ngenxa yalokhu indoda izatshiya uyise lonina, inamathele kumkayo; njalo bazakuba nyamanye. Mat. 19:5 Wasesithi: Ngenxa yalokhu indoda izatshiya uyise lonina, inamathele kumkayo, labo ababili bazakuba nyamanye, 6 ngakho kabasebabili, kodwa sebenyamanye. Ngakho lokho uNkulunkulu akuhlanganisileyo kakungabi lamuntu okwehlukanisayo. Zaga 2:17 otshiya umkhokheli wobutsha bakhe, okhohlwa isivumelwano sikaNkulunkulu wakhe.

b§2

b Gen. 2:18 INKOSI uNkulunkulu yasisithi: Kakukuhle ukuthi umuntu abe yedwa. Ngizamenzela umsizi onjengaye.

cMal. 2:15 Kenzanga oyedwa, lanxa elomoya oseleyo yini? Njalo kungani oyedwa? Ngoba edinga inzalo kaNkulunkulu. Ngakho qaphelisani umoya wenu, njalo kakungabi lamunye okhohlisa umfazi wobutsha bakhe.

d1 Kor. 7:2 Kodwa ngenxa yokuphinga ilowo lalowo kumele abe lowakhe umfazi, njalo ilowo lalowomfazi abe leyakhe indoda. 9 Kodwa uba bengelakuzithiba kabende; ngoba kungcono ukwenda kulokutsha.

e§3

e Heb. 13:4 Ukuthathana kuhlonitshwa kubo bonke, lombheda ungangcoliswa; kodwa uNkulunkulu uzagweba iziphingi lezifebe. 1 Tim. 4:3 Besalela ukuthathana, bezila ukudla uNkulunkulu akudalileyo ekwemukelweni lokubonga ngabakholwayo labazi iqiniso. 1 Kor. 7:36 Kodwa uba umuntu ebona ukuthi uziphatha ngokungafanele entombini yakhe, yona isikhulile, futhi kumele kwenzakale kanje, kenze akufunayo; koni; kabathathane. 37 Kodwa omiyo eqinile enhliziyweni yakhe, engacindezelwa lutho, futhi elamandla ngesakhe isifiso, esekumisile lokhu enhliziyweni yakhe ukuthi uzagcina eyakhe intombi, wenza kuhle; 38 ngakho lowo owendisayo wenza kuhle; kodwa ongendisiyo wenza ngcono. Gen. 24:57 Basebesithi: Asiyibize intombi, sizwe emlonyeni wayo. 58 Basebembiza uRebeka, bathi kuye: Uzahamba lalindoda yini? Wasesithi: Ngizahamba.

f1 Kor. 7:39 Umfazi ubotshiwe ngomthetho selokhu indoda yakhe iphila; kodwa uba indoda yakhe isifile, ukhululekile ukuthi endele kulowo amthandayo, kuphela eNkosini.

gGen. 34:14 Athi kubo: Asilakuyenza lindaba, ukunika udadewethu indoda elejwabu, ngoba kulihlazo kithi. Eks. 34:16 Uwathathele amadodana akho kumadodakazi abo; nxa amadodakazi abo ephinga ngokulandela onkulunkulu bawo, enze lamadodana akho ukuthi aphinge ngokulandela onkulunkulu bawo. Dute. 7:3 Ungathathani lazo, unganiki indodakazi yakho kundodana yakhe, njalo indodakazi yakhe ungayithatheli indodana yakho. 4 Ngoba izaphambula indodana yakho ekungilandeleni, ukuze bakhonze abanye onkulunkulu; ngakho ulaka lweNKOSI luzalivuthela, lukubhubhise masinyane. 1 Kho. 11:4 Ngoba kwathi esikhathini sokuluphala kukaSolomoni, abafazi bakhe baphambulela inhliziyo yakhe ekulandeleni abanye onkulunkulu, lenhliziyo yakhe yayingaphelele eNKOSIni uNkulunkulu wakhe, njengenhliziyo kaDavida uyise. Neh. 13:25 Ngasengiphikisana lawo, ngawaqalekisa, ngatshaya abanye bawo, ngangcothula inwele zawo; ngawafungisa ngoNkulunkulu: Kaliyikunika amadodakazi enu amadodana abo, njalo kaliyikuthathela amadodana enu emadodakazini abo, kumbe lina ngokwenu. 26 USolomoni inkosi yakoIsrayeli konanga yini ngalezozinto? Kube kanti ezizweni ezinengi kwakungelankosi enjengaye, owayethandeka kuNkulunkulu wakhe, loNkulunkulu wamenza inkosi phezu kukaIsrayeli wonke; kanti laye abafazi bezizweni bamenza ukuthi one. 27 Pho, sizalilalela yini ukwenza bonke lobobubi obukhulu, lokona kuNkulunkulu wethu ngokuthatha abafazi bezizweni? Mal. 2:11 UJuda ukhohlisile, njalo kwenziwe amanyala koIsrayeli leJerusalema; ngoba uJuda ungcolisile ubungcwele bukaJehova abuthandayo, njalo uthethe indodakazi kankulunkulu wezizweni. 12 INKOSI izaquma umuntu owenza lokhu, lowo olindayo lalowo ophendulayo, esemathenteni kaJakobe, lalowo oletha umnikelo eNKOSIni yamabutho. 2 Kor. 6:14 Lingabotshwa ngokungalingani ejogweni labangakholwayo; ngoba kulokuhlanganyela bani ukulunga lokungalungi? Kulokuhlanganyela bani ukukhanya lobunyama?

h§4

h Lev. 18:1. 1 Kor. 5:1 Isibili kuzwakele ukuthi kukhona ukuphinga phakathi kwenu, futhi ukuphinga kohlobo olungekho ngitsho laphakathi kwabezizwe, ukuze kuthi omunye abe lomkayis. Amos 2:7 Abalangatha uthuli lomhlaba phezu kwekhanda labayanga, baphambukisa indlela yabamnene. Umuntu loyise baya entombininye, ukuze bangcolise ibizo lami elingcwele.

iMark. 6:18 Ngoba uJohane wayethe kuHerodi: Kawuvunyelwa ukuba lomkamfowenu. Lev. 18:24 Lingazingcolisi langenye yalezizinto, ngoba ngazo zonke lezizinto izizwe ziyangcoliswa engizixotsha phambi kwenu. 25 Ngalokho ilizwe lingcolile; ngakho ngiphindisela ububi balo phezu kwalo, lelizwe liyabahlanza abahlali balo. 26 Ngakho lina lizagcina izimiso zami lezehlulelo zami, lingenzi okwazo zonke lezizinengiso; owokuzalwa elizweni loba owemzini ohlala njengowezizwe phakathi kwenu. 27 Ngoba zonke lezizinengiso bazenza abantu balelolizwe ababekhona ngaphambi kwenu, ngakho ilizwe langcola. 28 Ukuze ilizwe lingalihlanzi lapho lilingcolisa, njengalokhu lahlanza isizwe esasikhona ngaphambi kwenu.

kLev. 20:19 Njalo ungembuli ubunqunu bukadadewabo kanyoko, loba obukadadewabo kayihlo; ngoba wembule isihlobo sakhe; bazathwala ububi babo. 20 Lendoda elala lomkamfowabo kayise, yembule ubunqunu bomfowabo kayise; bazathwala isono sabo; bafe bengelabantwana. 21 Lendoda ethatha umkamfowabo, kuyikungcola; yembule ubunqunu bukamfowabo; bazakuba ngabangelabantwana.

l§5

l Mat. 1:18 Ngakho ukuzalwa kukaJesu Kristu kwaba nje. Ngoba unina uMariya esegane uJosefa, bengakahlangani wabonakala eselesisu ngoMoya oNgcwele. 19 Kodwa uJosefa indoda yakhe engumuntu olungileyo, njalo engathandi ukumthela ihlazo, wayefuna ukumala ensitha. 20 Kwathi esanakana lezizinto, khangela, ingilosi yeNkosi yabonakala kuye ephutsheni, yathi: Josefa, ndodana kaDavida, ungesabi ukumthatha uMariya umkakho. Ngoba lokho akukhulelweyo kungoMoya oNgcwele.

mMat. 5:31 Kwathiwa: Loba ngubani owala umkakhe, kumele amnike incwadi yesehlukaniso; 32 kodwa mina ngithi kini: Loba ngubani owala umkakhe, ngaphandle kokufeba, umenza afebe, njalo loba ngubani omthathayo owaliweyo uyafeba.

nMat. 19:9 Kodwa ngithi kini: Loba ngubani owala umkakhe, ngaphandle kokufeba abesethatha omunye, uyafeba; futhi othatha owaliweyo uyafeba. Roma 7:2 Ngoba umfazi owendileyo ubotshelwe ngomlayo endodeni ephilayo; kodwa uba indoda isifile, ukhululiwe emlayweni wendoda. 3 Ngakho uba indoda isaphila uzathiwa yisifebe, uba esiba ngowenye indoda; kodwa uba indoda isifile, ukhululekile emlayweni, ukuze angabi yisifebe, uba esendela kwenye indoda.

o§6

o Mat. 19:8 Wathi kubo: Ngenxa yobulukhuni benhliziyo zenu uMozisi walivumela ukwala omkenu; kodwa kusukela ekuqaleni kwakungenjalo. 9 Kodwa ngithi kini: Loba ngubani owala umkakhe, ngaphandle kokufeba abesethatha omunye, uyafeba; futhi othatha owaliweyo uyafeba. 1 Kor. 7:15 Uba-ke ongakholwayo ezehlukanisa, kazehlukanise; kwezinjalo umzalwane kumbe umzalwanekazi kabotshwanga; kodwa uNkulunkulu usibizele ekuthuleni. Mat. 19:6 Ngakho kabasebabili, kodwa sebenyamanye. Ngakho lokho uNkulunkulu akuhlanganisileyo kakungabi lamuntu okwehlukanisayo.

pDute. 24:1 Uba indoda ithatha umfazi, imgane, kuzakuthi nxa engatholi umusa emehlweni ayo, ngoba ifice kuye into elihlazo, kayimbhalele incwadi yesehlukaniso, iyifake esandleni sakhe, imkhuphe endlini yayo. 2 Nxa esephumile endlini yayo, angahamba, ayekuba ngowenye indoda. 3 Uba lindoda elandelayo imzonda, imbhalele incwadi yesehlukaniso, ifake esandleni sakhe, imkhiphe endlini yayo; loba lindoda elandelayo isifa ebimthethe waba ngumkayo, 4 indoda yakhe yokuqala eyamkhiphayo ingelakumthatha futhi abe ngumkayo, emva kokuba esengcolisiwe; ngoba kuyisinengiso phambi kweNKOSI. Ngakho kawuyikonisa ilizwe iNKOSI uNkulunkulu wakho ekunika lona ukuba yilifa.

a§1

a Efe. 1:10 Ukuze, ekuphatheni kokugcwaliseka kwezikhathi, ahlanganise ndawonye izinto zonke kuKristu, zombili ezisemazulwini lezisemhlabeni. 22 Wasebeka konke ngaphansi kwenyawo zakhe, wamnikela ukuba yinhloko phezu kwakho konke kulo ibandla, 23 elingumzimba wakhe, ukugcwala kwalowo ogcwalisa konke jikelele. Efe. 5:23 Ngoba indoda iyinhloko yomfazi, njengoba uKristu laye eyinhloko yebandla, njalo yena unguMsindisi womzimba. 27 Ukuze alimise ibandla phambi kwakhe lilenkazimulo, lingelachatha, kumbe umxhele kumbe okunye nje, kodwa ukuze libe ngcwele njalo lingelacala. 32 Inkulu le imfihlo; kodwa mina ngikhuluma ngoKristu lebandla. Kol. 1:18 Njalo yona yinhloko yomzimba, olibandla; eyikuqala, izibulo kwabafileyo, ukuze yona ibe ngeyokuqala ezintweni zonke.

b§2

b 1 Kor. 1:2 Kubandla likaNkulunkulu eliseKorinte, kubo abangcwelisiweyo kuKristu Jesu, ababizelwe ukuba ngabangcwele, kanye labo bonke ababiza ibizo leNkosi yethu uJesu Kristu endaweni zonke, eyabo kanye leyethu. 1 Kor. 12:12 Ngoba njengoba umzimba umunye, njalo ulezitho ezinengi, kodwa zonke izitho zalowomzimba munye, zizinengi, zingumzimba munye; kunjalo-ke loKristu; 13 ngoba ngoMoya munye lathi sonke sabhabhathizelwa emzimbeni munye, loba amaJuda loba amaGriki, loba izigqili loba abakhululekileyo; futhi thina sonke sanathiswa kuMoya munye. Hlab. 2:8 Cela kimi, ngizakunika izizwe zibe yilifa lakho, lemikhawulo yomhlaba ibe yimfuyo yakho. Isam. 7:9 Emva kwalezizinto ngabona, khangela-ke, ixuku elikhulu, okungelamuntu ongalibala, elivela kuzo zonke izizwe lemihlobo labantu lezindimi, limi phambi kwesihlalo sobukhosi laphambi kweWundlu, lembethe izembatho ezimhlophe, lengatsha zezihlahla zamalala ezandleni zabo. Roma 15:9 Lezizwe zimdumise uNkulunkulu ngenxa yesihawu sakhe; njengokulotshiweyo ukuthi: Ngakho ngizakuvuma phakathi kwezizwe, ngizahuba izibongo kubizo lakho. 10 Njalo futhi uthi: Thokozani, bezizwe, kanye labantu bakhe. 11 Futhi-ke: Dumisani iNkosi lina bezizwe lonke; idumiseni-ke lina bantu bonke. 12 Njalo futhi uIsaya uthi: Kuzakuba khona impande kaJese, lophakama ukubusa abezizwe; kuye abezizwe bazathembela.