a Jobe 8:13 Zinjalo indlela zabo bonke abamkhohlwayo uNkulunkulu, lethemba longamesabiyo uNkulunkulu lizabhubha. 14 Othemba lakhe lizaqunywa, lakuthembayo kuyibulembu besayobe. Mika 3:11 Inhloko zayo zahlulelela izipho, labapristi bayo bafundisela inkokhelo, labaprofethi bayo bavumisela imali; kanti beyama eNKOSIni besithi: INKOSI kayikho phakathi kwethu yini? Okubi kakuyikusehlela. Dute. 29:19 Njalo kuzakuthi nxa esizwa amazwi alesisiqalekiso, azibusise enhliziyweni yakhe esithi: Ngizakuba lokuthula lanxa ngihamba ebuqholweni benhliziyo yami; ukuze kuqedwe okumanzi kanye lokomileyo. Joha. 8:41 Lina lenza imisebenzi kayihlo. Ngakho athi kuye: Kasizalwanga ngobufebe thina; silobaba munye, uNkulunkulu.
e Heb. 6:11 Kodwa sifisa ukuthi ilowo lalowo wenu akubonakalise lokhukukhuthala ekuqinisekeni okupheleleyo kwethemba ekupheleni. 19 Esilalo njengengwegwe yomphefumulo eqinileyo legxilileyo, lingena kokuphakathi kweveyili.
p Ngoma 5:2 Ngiyalala, kodwa inhliziyo yami iphapheme. Ilizwi lesithandwa sami liqoqoda, lisithi: Ngivulela, dadewethu, sithandwa sami, juba lami, opheleleyo wami, ngoba ikhanda lami ligcwele amazolo, inwele zami amathonsi ebusuku. 3 Ngikhuphile isigqoko sami, ngingasigqoka njani? Ngigezile inyawo zami, ngingazingcolisa njani? 6 Ngasivulela isithandwa sami, kodwa sasitshibilike sedlula. Umphefumulo wami wehluleka ekukhulumeni kwaso. Ngasidinga, kodwa kangisitholanga, ngasibiza, kodwa kasingiphendulanga. Hlab. 51:8 Ngizwise intokozo lenjabulo, ukuze athabe amathambo owachobozileyo. 12 Buyisela kimi intokozo yosindiso lwakho, ungisekele ngomoya okhululekileyo. 14 Ngikhulula ecaleni legazi, Nkulunkulu, Nkulunkulu wosindiso lwami, ulimi lwami luzahlabelela kakhulu ngokulunga kwakho. Efe. 4:30 Njalo lingamdabukisi uMoya oyiNgcwele kaNkulunkulu, elaphawulwa ngaye kuze kube lusuku lohlengo. 31 Konke ukubaba lentukuthelo lolaka lomsindo lokunyeya, kakususwe kini, kanye layo yonke inzondo. Hlab. 77:1 Kumhlabelelisi, uJeduthuni. Isihlabelelo sikaAsafi. Ngiyamemeza kuNkulunkulu ngelizwi lami, kuNkulunkulu ngelizwi lami, wasebeka indlebe kimi. 2 Osukwini lokuhlupheka kwami ngiyayidinga iNkosi; ebusuku ngiyelula isandla sami ngikhuleka, umphefumulo wami uyala ukududuzwa. 3 Ngiyamkhumbula uNkulunkulu, ngibubule; ngiyacabanga, lomoya wami uphele amandla. 4 Ungenzile ukuthi ngingalali; ngikhathazekile, kangisakwazi ukukhuluma. 5 Ngiyazikhumbula insuku zasendulo leminyaka yasendulo. 6 Ngiyakhumbula enhliziyweni yami ebusuku, ngiyacabanga, ngizibuze ngithi: 7 INkosi izangilahla kokuphela, kumbe izaphinda ibe lomusa yini? 8 Uthando lwayo seluphelile kokuphela yini? Lezithembiso zayo seziphelile kokuphela yini? 9 UNkulunkulu usekhohliwe ukuba lomusa yini? Usevalele isihawu sakhe ngolaka yini? 10 Ngasengisithi: Lobu yibuthakathaka bami: Isandla sokunene soPhezukonke siphendukile. Mat. 26:69 UPetro wayesehlezi ngaphandle egumeni; kwasekusiza kuye incekukazi ethile encane, yathi: Lawe ubuloJesu weGalili. 70 Kodwa walandula phambi kwabo bonke, wathi: Kangikwazi lokho okutshoyo. 71 Kwathi esephuma esiya esangweni, enye incekukazi encane yambona, yathi kwababekhona: Laye lo ubeloJesu weNazaretha. 72 Wasebuya elandula ngesifungo esithi: Kangimazi lumuntu. Hlab. 31:22 Ngoba mina ngathi ekuphangiseni kwami: Ngiqunyiwe ngisuswa phambi kwamehlo akho. Loba kunjalo uzwile ilizwi lokuncenga kwami ekukhaleni kwami kuwe. Hlab. 88, bona "k". Isa. 50:10 Ngoba ngezami zonke inyamazana zehlathi lezifuyo ezisentabeni eziyizinkulungwane.
a Gen. 1:26 UNkulunkulu wasesithi: Asenze abantu ngomfanekiso wethu, ngesimo sethu, babesebebusa phezu kwenhlanzi zolwandle, laphezu kwenyoni zamazulu, laphezu kwezifuyo, laphezu komhlaba wonke, laphezu kwakho konke okuhuquzelayo lokho okuhuquzela emhlabeni. 27 UNkulunkulu wasemdala umuntu ngomfanekiso wakhe; wamdala ngomfanekiso kaNkulunkulu; owesilisa lowesifazana wabadala. Gen. 2:17 Kodwa okwesihlahla solwazi lokuhle lokubi, ungadli kuso, ngoba mhla usidla kuso uzakufa isibili. Roma 2:14 Ngoba nxa abezizwe abangelawo umlayo besenza ngokwemvelo okungokomlayo, bona, bengelawo umlayo, bangumlayo wabo ngokwabo; 15 ababonakalisa ukuthi umsebenzi womlayo ulotshiwe enhliziyweni zabo; isazela sabo siyafakaza laso, lemicabango yabo phakathi kwabo ibasole kumbe njalo ibavumele. Roma 10:5 Ngoba uMozisi ubhala ngokulunga okungokomlayo, ukuthi umuntu owenza lezizinto uzaphila ngazo. 12 Ngoba kakukho umehluko phakathi komJuda lomGriki; ngoba yinye iNkosi yabo bonke, inothele bonke abakhuleka kuyo. 19 Kodwa ngithi: UIsrayeli kaqedisisanga yini? Kuqala uMozisi uthi: Mina ngizalivusela umona ngabo abangesiso isizwe, ngilithukuthelise ngesizwe esingelangqondo. Gal. 3:10 Ngoba bonke abemisebenzini yomlayo bangaphansi kwesiqalekiso; ngoba kulotshiwe ukuthi: Uqalekisiwe wonke ongemi njalo kukho konke okulotshiweyo encwadini yomlayo ukukwenza. 12 Kodwa umlayo kawusiwo wokholo, kodwa kuthiwa: Umuntu owenza lezizinto uzaphila kuzo. Tshu. 7:29 Khangela, yilokhu kuphela engikutholileyo ukuthi uNkulunkulu wamenza umuntu waqonda; kodwa sebedinge amacebo amanengi. Jobe 28:28 Wasesithi emuntwini: Khangela, ukwesaba iNkosi lokhu kuyikuhlakanipha, lokusuka ebubini kuyikuqedisisa.
b Jak. 1:25 Kodwa lowo okhangelisisa emlayweni opheleleyo, lowo owenkululeko, abesebambelela kuwo, yena engesimuzwi okhohlwayo kodwa engumenzi womsebenzi, lo uzakuba ngobusisiweyo ekwenzeni kwakhe. Jak. 2:8 Uba liphelelisa umlayo wobukhosi, ngokombhalo othi: Wothanda umakhelwane wakho njengalokhu uzithanda wena, lenza kuhle. 10 Ngoba loba ngubani ogcina umlayo wonke, kodwa akhubeke kokukodwa, uba lecala kuyo yonke. 11 Ngoba owathi: Ungafebi; wathi futhi: Ungabulali; uba-ke ungafebi, kodwa ubulala, usungumeqi womlayo. 12 Khulumani ngokunjalo lenze njalo, njengabazakwahlulelwa ngomlayo wenkululeko. Roma 13:8 Lingabi lamlandu kumuntu, ngaphandle kowokuthandana; ngoba othanda omunye, ugcwalisile umlayo. 9 Ngoba lokhu ukuthi: Ungafebi, ungabulali, ungebi, ungafakazi amanga, ungabi lomhawu, loba-ke kukhona lawuphi umlayo, kuhlanganiswa kulelilizwi, kulokhu: Wothanda umakhelwane wakho njengalokhu uzithanda wena. Dute. 5:32 Ngakho qaphelani ukuthi lenze njengokulilaya kweNKOSI uNkulunkulu wenu; lingaphambukeli ngakwesokunene langakwesokhohlo. Dute. 10:4 Yasibhala ezibhebheni njengokubhala kwakuqala, amazwi alitshumi iNKOSI eyawakhuluma kini entabeni iphakathi komlilo ngosuku lokuhlangana; njalo iNKOSI yanginika zona. Eks. 34:1 INKOSI yasisithi kuMozisi: Zibazele izibhebhe ezimbili zamatshe njengezakuqala; ngibe sengibhala phezu kwezibhebhe amazwi ayesezibhebheni zakuqala owaziphahlazayo.