Uvumo Lokholo lweWestminster

eSeb. 15:8 Njalo uNkulunkulu umazi wenhliziyo wabafakazela, ebanika uMoya oyiNgcwele, njengoba lakithi. Hlab. 94:8 Qedisisani, lina bobunyamazana phakathi kwabantu; ziphukuphuku, lizahlakanipha nini? 9 Yena owagxumeka indlebe kezwa yini? Owabumba ilihlo kaboni yini? 10 Yena olaya izizwe kajezisi yini? Yena ofundisa abantu ulwazi? 11 INKOSI iyayazi imicabango yabantu ukuthi iyize.

fEfe. 1:11 Ngitsho kuye, okuthi kuye lathi sabelwa ilifa, esamiselwa ngaphambili njengokwesimiso sakhe owenzayo izinto zonke njengokwecebo lentando yakhe. Hlab. 33:10 INKOSI ichitha icebo lezizwe, iphuthisa imicabango yabantu. 11 Icebo leNKOSI limi kuze kube nininini, lemicabango yenhliziyo yayo ezizukulwaneni ngezizukulwana.

gIsa. 63:14 Njengezinkomo zisehlela esigodini, uMoya weNKOSI wamphumuza. Ngokunjalo wabakhokhela abantu bakho, ukuze uzenzele ibizo elilodumo. Efe. 3:10 Ukuze khathesi emibusweni lemandleni endaweni zezulu yaziswe libandla inhlakanipho kaNkulunkulu ezinhlobonhlobo. Roma 9:17 Ngoba umbhalo uthi kuFaro: Ngakuphakamisela khona lokho, ukuze ngibonakalise amandla ami ngawe, njalo ukuze ibizo lami litshunyayelwe emhlabeni wonke. Gen. 45:7 Njalo uNkulunkulu wangithuma phambi kwenu ukulimisela insali emhlabeni, lokuligcina liphila ngokukhulula okukhulu. Hlab. 145:7 Bazathulula ngamazwi isikhumbuzo sokulunga kwakho okukhulu, bahlabele ngentokozo ngokulunga kwakho.

h§2

h Seb. 2:23 Yena lo esenikelwe ngecebo elimisiweyo langokwazi okuphambili kukaNkulunkulu lamthatha, ngezandla zabangelamthetho lambethela lambulala.

iGen. 8:22 Ngazo zonke insuku zomhlaba, ukuhlanyela lokuvuna, lamakhaza lokukhudumala, lehlobo lobusika, lemini lobusuku, kakuyikuphela. Jer. 31:35 Itsho njalo iNKOSI, enika ilanga libe yikukhanya emini, izimiso zenyanga lezenkanyezi zibe yikukhanya ebusuku, evusa ulwandle ukuthi amagagasi alo ahlokome, iNKOSI yamabandla libizo layo. Eks. 21:13 Kodwa uba ebengamcathamelanga, kodwa uNkulunkulu ekwenze wahlangana lesandla sakhe, ngizakumisela indawo ukuthi abalekele kuyo. Dute. 19:5 Njengongena egangeni lomakhelwane wakhe ukuyagamula izihlahla, lesandla sakhe sitshaya ngehloka ukugamula isihlahla, lensimbi ikhumuke emphinini, imtshaye umakhelwane wakhe aze afe, yena uzabalekela komunye waleyomizi ukuze aphile. 1 Kho. 22:28 UMikaya wasesithi: Uba ubuya isibili ngokuthula, iNKOSI kayikhulumanga ngami. Wasesithi: Zwanini, bantu, lina lonke. 34 Umuntu othile wasedonsa idandili lakhe engananzelele, wahlaba inkosi yakoIsrayeli phakathi kwenhlangano lebatshi lensimbi; yasisithi kumtshayeli wenqola yayo: Phendula isandla sakho, ungikhuphe phakathi kwebutho, ngoba sengilimele kakhulu. Isa. 10:6 Ngizayithumela isizwe esizenzisayo, ngizayilaya ukumelana labantu bolaka lwami, ukuphanga impango lokuthumba okuthunjiweyo, libenze okunyathelwayo njengodaka lwezitalada. 7 Kodwa yona kayitsho njalo, lenhliziyo yayo kayicabangi njalo; ngoba kusenhliziyweni yayo ukuchitha, lokuquma izizwe ezingenlutshwana.

k§3

k Seb. 27:31 UPawuli wathi enduneni yekhulu lakwabebutho: Uba laba bengahlali emkhunjini, lingesindiswe lina. 44 Labaseleyo, abanye ngamapulanka, labanye ngezinye zezinto zomkhumbi. Ngokunjalo-ke kwenzeka ukuthi bonke bafike emhlabathini besindile. Isa. 55:10 Ngoba njengalokhu izulu lisehla leliqhwa elikhithikayo livela emazulwini, kungabuyeli khona kodwa kuthambisa umhlaba, kuwenze ukuthi uthele uhlume, unike inhlanyelo kumhlanyeli, lokudla kodlayo, 11 lizakuba njalo ilizwi lami eliphuma emlonyeni wami; kaliyikubuyela kimi lize, kodwa lizafeza lokho engikufisayo, liphumelelise lokho engilithumele khona. Hos. 2:21 Kuzakuthi-ke ngalolosuku, ngizanika impendulo, kutsho iNKOSI, ngizaphendula amazulu, lona liphendule umhlaba, 22 lomhlaba uphendule amabele lewayini elitsha lamafutha, wona aphendule uJizereyeli.

lHos. 1:7 Kodwa ngizahawukela indlu yakoJuda, ngibakhulule ngeNKOSI uNkulunkulu wabo; njalo kangiyikubakhulula ngedandili, loba ngomhedla, loba ngempi, ngamabhiza, kumbe ngabagadi bamabhiza. Mat. 4:4 Kodwa yena waphendula wathi: Kulotshiwe ukuthi: Umuntu kayikuphila ngesinkwa sodwa, kodwa ngalo lonke ilizwi eliphuma emlonyeni kaNkulunkulu. Jobe 34:20 Bayafa ngokucwayiza kwelihlo; phakathi kobusuku abantu bayatshaywa, baphele, labalamandla banyamalala bengathintwanga langesandla.

mRoma 4:19 Njalo kabanga buthakathaka ekholweni, kanakanga umzimba wakhe uqobo owawusufile, ngoba wayesengaba leminyaka elikhulu, lokufa kwesizalo sikaSara; 20 kodwa kathandabuzanga ngesithembiso sikaNkulunkulu ngokungakholwa, kodwa waqiniswa ekholweni, enika uNkulunkulu udumo, 21 njalo eqinisekile ngokupheleleyo ukuthi lokho ayekuthembisile, ulamandla lokukwenza.

n2 Kho. 6:6 Umuntu kaNkulunkulu wasesithi: Liwele ngaphi? Esemtshengisile indawo, wagamula uswazi, waluphosela khona, wenza ihloka landenda. Dan. 3:27 Iziphathamandla, izinduna, lababusi, labeluleki benkosi babuthana, babona lamadoda ukuthi umlilo kawubanga lamandla phezu kwemizimba yawo, lokuthi unwele lwamakhanda awo kalutshanga, lezambatho zawo kaziguqukanga, lokunuka komlilo kakunamathelanga kiwo.

o§4

o Roma 11:32 Ngoba uNkulunkulu ubavalele bonke ekungalalelini, ukuze abe lesihawu kibo bonke. 33 Yeka ukujula kwenotho lenhlakanipho lolwazi lukaNkulunkulu! Kakuphenyeki kangakanani ukwahlulela kwakhe, lendlela zakhe kazilandeleki! 34 Ngoba ngubani owazi ingqondo yeNkosi? Kumbe ngubani owaba ngumeluleki wayo? 2 Sam. 24:1 Lwaselubuya lwamvuthela uIsrayeli ulaka lweNKOSI, yabavusela uDavida, esithi: Hamba ubale uIsrayeli loJuda. 1 Lan. 21:1 USathane wema emelana loIsrayeli, wavusa uDavida ukuthi abale uIsrayeli. 1 Kho. 22:22 INKOSI yathi kuye: Ngani? Wasesithi: Ngizaphuma ngibe ngumoya wamanga emlonyeni wabo bonke abaprofethi bakhe. Yasisithi: Uzamhuga, njalo uzaphumelela; phuma wenze njalo. 23 Ngakho-ke, khangela, iNKOSI ifakile umoya wamanga emlonyeni walababaprofethi bakho bonke, njalo iNKOSI ikhulume okubi ngawe. 1 Lan. 10:4 USawuli wasesithi kumphathi wezikhali zakhe: Hwatsha umhedla wakho, ungigwaze ngawo, hlezi laba abangasokanga bafike, badlale kubi ngami. Kodwa umphathi wezikhali zakhe kavumanga, ngoba wesaba kakhulu. Ngakho uSawuli wasethatha owakhe umhedla, waziwisela phezu kwawo. 13 Ngakho uSawuli wafa ngenxa yokungathembeki kwakhe ayekwenze emelene leNKOSI, emelene lelizwi leNKOSI ayengaligcinanga, langokubuza koledlozi edinga kuye, 14 kakudinganga eNKOSIni. Ngakho yambulala, yaguqulela umbuso kuDavida indodana kaJese. 2 Sam. 16:10 Kodwa inkosi yathi: Ngilokwenzani lani, madodana kaZeruya? Ngakho myekeleni athuke, ngoba iNKOSI ithe kuye: Thuka uDavida; ngubani-ke ongathi: Ukwenzeleni njalo? Seb. 2:23 Yena lo esenikelwe ngecebo elimisiweyo langokwazi okuphambili kukaNkulunkulu lamthatha, ngezandla zabangelamthetho lambethela lambulala. Seb. 4:27 Ngoba isibili bahlangana ndawonye bemelane leNdodana yakho engcwele uJesu, owayigcobayo, bonke uHerodi loPontiyusi Pilatu, kanye labezizwe labantu bakoIsrayeli, 28 ukwenza konke isandla sakho lecebo lakho elakumisa phambili ukuthi kwenzeke.

pSeb. 14:16 Owathi ezizukulwaneni ezidlulileyo wayekela izizwe zonke zahamba ngendlela zazo.

qHlab. 76:10 Qotho, ulaka lwabantu luzakudumisa; insalela yolaka uzayikhina. 2 Kho. 19:28 Ngenxa yokungithukuthelela kwakho, lomsindo wakho wenyukele endlebeni zami, ngizafaka umkhala wami emakhaleni akho, letomu lami endebeni zakho, ngikwenze ubuyele ngendlela oweza ngayo.

rGen. 50:20 Kodwa lina laceba okubi kimi, uNkulunkulu waceba ngokuhle, ukuze enze njengalamuhla, ukuze alondoloze abantu abanengi bephila. Isa. 10:6 Ngizayithumela isizwe esizenzisayo, ngizayilaya ukumelana labantu bolaka lwami, ukuphanga impango lokuthumba okuthunjiweyo, libenze okunyathelwayo njengodaka lwezitalada. 7 Kodwa yona kayitsho njalo, lenhliziyo yayo kayicabangi njalo; ngoba kusenhliziyweni yayo ukuchitha, lokuquma izizwe ezingenlutshwana; 12 Kuzakuthi-ke lapho iNkosi isiqedile umsebenzi wayo wonke entabeni yeZiyoni laseJerusalema, ngiphindisele isithelo sokuzikhukhumeza kwenhliziyo yenkosi yeAsiriya lobuhle bokuziqhenya kwamehlo akhe.

sJak. 1:13 Kakulamuntu olingwayo omele athi: Ngilingwa nguNkulunkulu; ngoba uNkulunkulu kalasilingo sokubi, laye uqobo kalingi muntu. 14 Kodwa ilowo lalowo uyalingwa, lapho edonswa ehugwa ngezakhe inkanuko. 17 Sonke isipho esihle laso sonke isipho esipheleleyo sivela phezulu, sehla sivela kuYise wezibane, okungekho kuye ukuguquka, kumbe isithunzi sokuphenduka. 1 Joha. 2:16 Ngoba konke okusemhlabeni, inkanuko yenyama, lenkanuko yamehlo, lokuzigqaja kwempilo, kakuveli kuYise kodwa kuvela emhlabeni. Hlab. 50:21 Lezizinto uzenzile, ngathula; wacabanga ukuthi nginjengawe. Ngizakukhuza, ngikuhlele phambi kwamehlo akho.

t§5

t 2 Lan. 32:25 Kodwa uHezekiya kabuyiselanga njengokwenzuzo eyenzelwa yena, ngoba inhliziyo yakhe yayisiziphakamisile. Ngakho ulaka lwehlela phezu kwakhe laphezu kukaJuda laphezu kweJerusalema. 26 Lanxa kunjalo uHezekiya wazithoba ngenxa yokuziphakamisa kwenhliziyo yakhe, yena lezakhi zeJerusalema; ngakho ulaka lweNKOSI kalwehlelanga phezu kwabo ensukwini zikaHezekiya. 31 Lendabeni yezithunywa zeziphathamandla zeBabiloni ezazithunywe kuye ukuzabuza ngesibonakaliso esasenziwe elizweni, uNkulunkulu wamyekela ukuthi azenzele ngokuthanda kwakhe ukuze amhlole, abone konke okusenhliziyweni yakhe. 2 Sam. 24:1 Lwaselubuya lwamvuthela uIsrayeli ulaka lweNKOSI, yabavusela uDavida, esithi: Hamba ubale uIsrayeli loJuda.

u2 Kor. 12:7 Futhi ukuze ngingaphakanyiswa kakhulukazi ngezembulo ezingajwayelekanga, nganikwa ameva enyameni, isithunywa sikaSathane, ukungidutshuza, ukuze ngingaziphakamisi kakhulukazi. 8 Ngalokho nganxusa iNkosi kathathu ukuze kusuke kimi. 9 Yasisithi kimi: Umusa wami ukwanele; ngoba amandla ami apheleliswa ebuthakathakeni. Ngakho ngizazincoma ngentokozo enkulu ebuthakathakeni bami, ukuze amandla kaKristu ahlale phezu kwami. Hlab. 73. Hlab. 77:1 Kumhlabelelisi, uJeduthuni. Isihlabelelo sikaAsafi. Ngiyamemeza kuNkulunkulu ngelizwi lami, kuNkulunkulu ngelizwi lami, wasebeka indlebe kimi. 2 Osukwini lokuhlupheka kwami ngiyayidinga iNkosi; ebusuku ngiyelula isandla sami ngikhuleka, umphefumulo wami uyala ukududuzwa. 3 Ngiyamkhumbula uNkulunkulu, ngibubule; ngiyacabanga, lomoya wami uphele amandla. 4 Ungenzile ukuthi ngingalali; ngikhathazekile, kangisakwazi ukukhuluma. 5 Ngiyazikhumbula insuku zasendulo leminyaka yasendulo. 6 Ngiyakhumbula enhliziyweni yami ebusuku, ngiyacabanga, ngizibuze ngithi: 7 INkosi izangilahla kokuphela, kumbe izaphinda ibe lomusa yini? 8 Uthando lwayo seluphelile kokuphela yini? Lezithembiso zayo seziphelile kokuphela yini? 9 UNkulunkulu usekhohliwe ukuba lomusa yini? Usevalele isihawu sakhe ngolaka yini? 10 Ngasengisithi: Lobu yibuthakathaka bami: Isandla sokunene soPhezukonke siphendukile. 11 Ngizakhumbula izenzo zakho, NKOSI. Yebo, ngizakhumbula izimangaliso zakho ezindala. 12 Ngizacabanga ngomsebenzi wakho wonke, nginakane ngezenzo zakho. Mark. 14:66 UPetro esegumeni ngaphansi, kwafika enye yezincekukazi zompristi omkhulu, 67 isibona uPetro esotha, yamkhangela yathi: Lawe ubulomNazaretha, uJesu. 68 Kodwa walandula, wathi: Kangikwazi, futhi kangikuqedisisi okutshoyo. Wasephuma phandle, waya entubeni; laselikhala iqhude. 69 Lencekukazi encane imbona yabuya yaqala ukutsho kwababemi khona ukuthi: Lo ungomunye wabo. 70 Kodwa wabuya walandula. Kwathi emva kwesikhatshana futhi labo ababemi khona bathi kuPetro: Ngeqiniso ungomunye wabo; ngoba lawe ungumGalili, lolimi lwakho luyavuma. 71 Waseqala ukuqalekisa lokufunga esithi: Kangimazi lumuntu elimutshoyo. 72 Iqhude laselikhala ngokwesibili. UPetro wasekhumbula ilizwi uJesu ayelitshilo kuye lokuthi: Lingakakhali kabili iqhude, uzangilandula kathathu. Esekhumbule ngalokhu wakhala. Joha. 21:15 Sebedlile, uJesu wathi kuSimoni Petro: Simoni kaJona, uyangithanda kulalaba yini? Wathi kuye: Yebo Nkosi; wena uyazi ukuthi ngiyakuthanda. Wathi kuye: Phana amawundlu ami ukudla. 16 Wabuya wathi kuye ngokwesibili: Simoni kaJona, uyangithanda yini? Wathi kuye: Yebo Nkosi, wena uyazi ukuthi ngiyakuthanda. Wathi kuye: Yelusa izimvu zami. 17 Wathi kuye ngokwesithathu: Simoni kaJona, uyangithanda yini? UPetro wadabuka ngoba wathi kuye ngokwesithathu: Uyangithanda yini? Wasesithi kuye: Nkosi, wena uyakwazi konke; wena uyakwazi ukuthi ngiyakuthanda. UJesu wathi kuye: Phana izimvu zami ukudla.

x§6

x Roma 1:24 Ngalokho-ke uNkulunkulu wabanikela emanyaleni enkanuko zenhliziyo zabo, ukuthi badumaze imizimba yabo phakathi kwabo. 26 Ngenxa yalokho uNkulunkulu wabanikela enkanukweni ezilihlazo; ngoba labesifazana babo baphendula ukwenza kwemvelo kwaba ngokuphambene lemvelo. 28 Njalo njengalokhu bengavumanga ukuba lolwazi ngoNkulunkulu, uNkulunkulu wabanikela ukuthi babe lengqondo ebolileyo, yokwenza okungafanelanga. Roma 11:7 Pho-ke? UIsrayeli ayekudinga, lokhu kakutholanga, kodwa abakhethiweyo bakuthola, labanye benziwa baba lukhuni; 8 njengokulotshiweyo ukuthi: UNkulunkulu wabanika umoya wobuthongo obukhulu, amehlo ukuze bangaboni, lendlebe ukuze bangezwa, kuze kube lusuku lwalamuhla.

yDute. 29:4 Kodwa iNKOSI kayilinikanga inhliziyo yokuqedisisa lamehlo okubona lendlebe zokuzwa kuze kube lamuhla.

zMat. 13:12 Ngoba loba ngubani olakho uzaphiwa, abe lokwengezelelweyo; kodwa lowo ongelakho, uzakwemukwa lalokho alakho. Mat. 25:29 Ngoba wonke olakho uzaphiwa, uzakwengezelelwa; kodwa ongelakho uzathathelwa lalokho alakho.

aDute. 2:30 Kodwa uSihoni inkosi yeHeshiboni kasivumelanga ukuthi sidlule kuye; ngoba iNKOSI uNkulunkulu wakho yenza umoya wakhe waba lukhuni, yenza lenhliziyo yakhe yaba lenkani, ukuze imnikele esandleni sakho, njengalamuhla. 2 Kho. 8:12 UHazayeli wasesithi: Inkosi yami ililelani? Wasesithi: Ngoba ngiyazi ububi ozabenza ebantwaneni bakoIsrayeli; uzathungela inqaba zabo ngomlilo, ubulale amajaha abo ngomhedla, uphahlaze ingane zabo, uqhaqhe abesifazana abo abakhulelweyo. 13 UHazayeli wasesithi: Kodwa kuyini, inceku yakho iyinja yini, ukuthi yenze linto enkulu? UElisha wasesithi: INKOSI ingibonisile ukuthi uzakuba yinkosi yeSiriya.

bHlab. 81:11 Kodwa abantu bami kabalilalelanga ilizwi lami; loIsrayeli kavumelananga lami. 12 Ngasengibanikela enkanini yenhliziyo yabo, ukuze bahambe kumacebo abo. 2 Tes. 2:10 Lenkohlisweni yonke yokungalungi kulabo ababhubhayo, ngoba kabemukelanga uthando lweqiniso ukuze basindiswe. 11 Ngenxa yalokhu-ke uNkulunkulu uzabathumezela amandla enkohliso, ukuze bakholwe amanga; 12 ukuze balahlwe bonke abangakholwanga iqiniso, kodwa bathokoza kukho ukungalungi.

cEks. 7:3 Kodwa mina ngizakwenza inhliziyo kaFaro ibe lukhuni, ngandise izibonakaliso zami lezimangaliso zami elizweni leGibithe. Eks. 8:15 Kodwa uFaro ebona ukuthi sekungcono, wenza inhliziyo yakhe yaba nzima, ukuthi kabalalelanga, njengokutsho kweNKOSI. 32 Kodwa uFaro wenza inhliziyo yakhe yaba nzima langalesisikhathi, kayekelanga isizwe sihambe. 2 Kor. 2:15 Ngoba siliphunga elimnandi likaKristu kuNkulunkulu kulabo abasindiswayo lakulabo ababhubhayo; 16 kulaba siliphunga lokufa ekufeni, kwabanye siliphunga elimnandi lempilo empilweni. Njalo ngubani olingene lezizinto? Isa. 8:14 Njalo izakuba yindawo engcwele, kodwa ibe yilitshe lokukhubekisa, ibe lidwala lokuwisa kuzo zombili indlu zakoIsrayeli, ibe ngumjibila lesifu kwabakhileyo eJerusalema. 1 Pet. 2:7 Ngakho kini elikholwayo uligugu; kodwa kwabangalaleliyo, ilitshe abakhi abalalayo, leli selibe yinhloko yengonsi, 8 lelitshe lokukhubekisa, ledwala lokuwisa; abakhubeka elizwini, bengalaleli; okuyikho labo ababekumiselwe. Isa. 6:9 Yasisithi: Hamba, utshele lababantu uthi: Zwanini lizwe, kodwa kaliyikuqedisisa; bonani libone, kodwa kaliyikubonisisa. 10 Yenza inhliziyo yalababantu ikhuluphale, lendlebe zabo zibe nzima, uvale amehlo abo, hlezi babone ngamehlo abo, bezwe ngendlebe zabo, baqedisise ngenhliziyo zabo, baphenduke basiliswe. Seb. 28:26 Esithi: Hamba uye kulesisizwe ubususithi: Ngokuzwa lizakuzwa, njalo kalisoze liqedisise; lokubona lizabona, njalo kalisoze libonisise; 27 ngoba inhliziyo yalesisizwe seyaba buthundu, njalo bezwa kanzima ngendlebe, lamehlo abo bawacimezile; hlezi babone ngamehlo, njalo bezwe ngendlebe, futhi baqedisise ngenhliziyo, njalo baphenduke, besengibasilisa.

d§7

d 1 Tim. 4:10 Ngoba ngalokho lathi siyasebenza nzima futhi siyathukwa ngoba sithembele kuNkulunkulu ophilayo onguMsindisi wabo bonke abantu, ikakhulu wabakholwayo. Amos 9:8 Khangela, amehlo eNkosi Jehova aphezu kombuso owonayo; ngizawuchitha ngiwususe ebusweni bomhlaba, kube kanti kangiyikuyichitha ngokupheleleyo indlu kaJakobe, kutsho iNKOSI. 9 Ngoba khangela, ngizalaya njalo ngizahlungula indlu kaIsrayeli phakathi kwazo zonke izizwe njengomuntu ehlungula ngokhomane, kodwa kakuyikuwela emhlabathini uhlamvu. Roma 8:28 Njalo siyazi ukuthi izinto zonke zisebenzelana okuhle kulabo abamthandayo uNkulunkulu, ababiziweyo ngokwecebo lakhe. Isa. 43:3 Ngoba ngiyiNKOSI uNkulunkulu wakho, oNgcwele kaIsrayeli, uMsindisi wakho. Nginikile iGibithe ibe lihlawulo lakho, iEtiyopiya leSeba esikhundleni sakho. 4 Njengoba uligugu emehlweni ami, udumile, mina ngikuthandile. Ngakho ngizanika abantu esikhundleni sakho, lezizwe endaweni yempilo yakho. 5 Ungesabi, ngoba mina ngilawe; ngizaletha inzalo yakho ivela empumalanga, ngikubuthe entshonalanga. 14 Itsho njalo INKOSI, umhlengi wenu, oNgcwele kaIsrayeli: Ngenxa yenu ngithumele eBabiloni, ngehlisile imigoqo yonke, lamaKaladiya osimemezo sawo sisemikhunjini.

a§1

a Gen. 3:13 INKOSI uNkulunkulu yasisithi kowesifazana: Kuyini lokhu okwenzileyo? Owesifazana wasesithi: Inyoka ingikhohlisile, ngasengisidla. 2 Kor. 11:3 Kodwa ngiyesaba ukuthi hlezi mhlawumbe njengalokhu inyoka yakhohlisa uEva ngobuqili bayo, ngokunjalo imicabango yenu ingaduhiswa ebuqothweni obukuKristu.

bRoma 11:32 Ngoba uNkulunkulu ubavalele bonke ekungalalelini, ukuze abe lesihawu kibo bonke.

c§2

c Gen. 3:6 Owesifazana-ke ebona ukuthi isihlahla sihle ukuba yikudla, lokuthi sona siyabukeka emehlweni, lesihlahla sikhwabitheka ukwenza uhlakaniphe, wakha okwesithelo saso wadla; wasenika lendoda yakhe kanye laye, yasisidla. 7 Asevulwa amehlo abo bobabili, basebesazi ukuthi babenqunu; basebethungela ndawonye amahlamvu omkhiwa, bazenzela izembatho. 8 Basebesizwa ilizwi leNKOSI uNkulunkulu ihamba esivandeni ekupholeni kwelanga; uAdamu lomkakhe basebecatsha ebusweni beNKOSI uNkulunkulu phakathi kwezihlahla zesivande. Tshu. 7:29 Khangela, yilokhu kuphela engikutholileyo ukuthi uNkulunkulu wamenza umuntu waqonda; kodwa sebedinge amacebo amanengi. Roma 3:23 Ngoba bonke bonile njalo basilele enkazimulweni kaNkulunkulu.

dGen. 2:17 Kodwa okwesihlahla solwazi lokuhle lokubi, ungadli kuso, ngoba mhla usidla kuso uzakufa isibili. Efe. 2:1 Lina-ke walivusa elalifile ngeziphambeko langezono.

eTit. 1:15 Kwabahlambulukileyo konke kuhlambulukile; kodwa kwabangcolileyo labangakholwayo kakulalutho oluhlanzekileyo; kodwa lengqondo lezazela zabo kungcolile. Gen. 6:5 INKOSI yasibona ukuthi ububi bomuntu bukhulu emhlabeni, lokuthi konke ukuceba kwemicabango yenhliziyo yakhe kwakukubi kuphela usuku lonke. Jer. 17:9 Inhliziyo iyakhohlisa okwedlula izinto zonke, futhi imbi kakhulu. Ngubani ongayazi? Roma 3:10 Njengokulotshiweyo ukuthi: Kakho olungileyo ngitsho loyedwa; 11 kakho oqedisisayo, kakho odinga uNkulunkulu; 12 bonke baphambukile, kabasizi lutho bonkana; kakho owenza okuhle, kakho ngitsho loyedwa; 13 umphimbo wabo ulingcwaba elivulekileyo, bakhohlisa ngenlimi zabo; ubuhlungu bephimpi bungaphansi kwendebe zabo; 14 omlomo wabo ugcwele ukuqalekisa lokubaba; 15 inyawo zabo ziphangisela ukuchitha igazi; 16 incithakalo losizi kusendleleni zabo, 17 njalo indlela yokuthula kabayazanga; 18 ukwesaba uNkulunkulu kakukho phambi kwamehlo abo.

f§3

f Gen. 1:27 UNkulunkulu wasemdala umuntu ngomfanekiso wakhe; wamdala ngomfanekiso kaNkulunkulu; owesilisa lowesifazana wabadala. 28 UNkulunkulu wasebabusisa, uNkulunkulu wasesithi kibo: Zalani lande, ligcwalise umhlaba njalo liwehlisele phansi; libuse phezu kwenhlanzi zolwandle, laphezu kwenyoni zamazulu, laphezu kwakho konke okuphilayo okuhuquzela emhlabeni. Gen. 2:16 INKOSI uNkulunkulu yasimlaya umuntu isithi: Kuso sonke isihlahla sesivande ungadla ukhululekile; 17 kodwa okwesihlahla solwazi lokuhle lokubi, ungadli kuso, ngoba mhla usidla kuso uzakufa isibili. Seb. 17:26 Njalo wazenza zonke izizwe zabantu zivela egazini linye, ukuthi zihlale ebusweni bonke bomhlaba, wazimisela izikhathi eziqunyiweyo ngaphambili lemingcele yokuhlala kwazo. Roma 5:12 Ngakho, njengalokhu ngamuntu munye isono sangena emhlabeni, langesono ukufa, ngokunjalo ukufa kwedlulela kubo bonke abantu, ngoba bonke bonile. 15 Kodwa kungenjengesiphambeko, sinjalo lesipho somusa. Ngoba uba ngesiphambeko soyedwa abanengi bafa, ikakhulu kwanda kwabanengi umusa kaNkulunkulu lesipho ngomusa womuntu munye uJesu Kristu. 16 Futhi isipho kasinjengoyedwa owonayo; ngoba isigwebo sivela kwesisodwa sisiya ekulahlweni, kodwa isipho somusa savela eziphambekweni ezinengi sisiya ekulungisisweni. 17 Ngoba uba ngesiphambeko somuntu oyedwa ukufa kwabusa ngalowo oyedwa, ikakhulu bona abemukela ubunengi bomusa lobesipho sokulunga bazabusa empilweni ngalowo oyedwa, uJesu Kristu. 18 Ngakho njengoba ngesiphambeko sinye isigwebo saba kubo bonke abantu ukuya ekulahlweni, ngokunjalo langokulunga koyedwa umusa weza kubo bonke abantu ukuya ekulungisisweni kwempilo. 19 Ngoba njengoba ngokungalaleli komuntu munye abanengi benziwa izoni, ngokunjalo langokulalela koyedwa abanengi bazakwenziwa abalungileyo. 1 Kor. 15:21 Ngoba lokhu ngomuntu ukufa kweza, langomuntu ukuvuka kwabafileyo kweza. 22 Ngoba njengalokhu kuAdamu bonke bayafa, ngokunjalo futhi kuKristu bonke bazakwenziwa baphile. 45 Langokunjalo kulotshiwe ukuthi: Umuntu wokuqala uAdamu waba ngumphefumulo ophilayo; uAdamu wokucina ngumoya ophilisayo. 49 Futhi njengoba silesimo sowomhlabathi, lathi sizakuba lesimo sowezulwini.

gHlab. 51:5 Khangela, ngazalelwa ebubini, lomama wangomulela esonweni. Gen. 5:3 UAdamu wasephila iminyaka elikhulu lamatshumi amathathu; wasezala indodana efuzweni lwakhe njengokomfanekiso wakhe, wabiza ibizo layo wathi nguSeti. Jobe 14:4 Ngubani ongaveza okuhlambulukileyo kokungcolileyo? Kakho loyedwa. Jobe 15:14 Umuntu uyini ukuthi abe ngohlambulukileyo? Lozelwe ngowesifazana ukuthi abe ngolungileyo?

h§4

h Roma 5:6 Ngoba sisebuthakathaka, ngesikhathi esifaneleyo uKristu wafela abeyisa uNkulunkulu. Roma 8:7 Ngoba ukuzindla kwenyama kuyibutha kuNkulunkulu; ngoba kakuzehliseli ngaphansi komthetho kaNkulunkulu, ngoba isibili kungekwenze. Roma 7:18 Ngoba ngiyazi ukuthi kimi, lokhu kuyikuthi enyameni yami, kakuhlali okuhle; ngoba kukhona ukuthanda kimi, kodwa ukwenza okuhle kangikutholi. Kol. 1:21 Lani elalikade lenziwe abemzini lezitha ngengqondo emisebenzini emibi, kodwa khathesi-ke usebuyisene lani.

iGen. 6:5 INKOSI yasibona ukuthi ububi bomuntu bukhulu emhlabeni, lokuthi konke ukuceba kwemicabango yenhliziyo yakhe kwakukubi kuphela usuku lonke. Gen. 8:21 INKOSI yasisizwa uqhatshi olumnandi; iNKOSI yasisithi enhliziyweni yayo: Kangisayikuphinda ngiqalekise umhlaba ngenxa yomuntu, ngoba ukuceba kwenhliziyo yomuntu kubi kusukela ebutsheni bakhe; futhi kangisayikuphinda ngitshaye konke okuphilayo njengalokhu ngenzile. Roma 3:10 Njengokulotshiweyo ukuthi: Kakho olungileyo ngitsho loyedwa; 11 kakho oqedisisayo, kakho odinga uNkulunkulu; 12 bonke baphambukile, kabasizi lutho bonkana; kakho owenza okuhle, kakho ngitsho loyedwa; 13 umphimbo wabo ulingcwaba elivulekileyo, bakhohlisa ngenlimi zabo; ubuhlungu bephimpi bungaphansi kwendebe zabo.