Anno Domini..., die... mensis..., ego N. Parochus hujus ecclesiæ S. N., civitatis vel loci N., in ecclesia S. N. baptizavi infantem natum vel natam die... ex N., et N, conjugibus hujus parœciæ vel parœciæ S. N., civitatis vel loci N, ; cui impositum est nomen N, Patrini fuerunt N., filius N. ex parœcia seu loco N., et N., conjux N., filia N. ex parœcia seu loco N.
In quorum fidem testimonium hoc mea manu subscripsi.
(Locus Sigilli) N. N. Parochus.
Ubi vero de illegitimis filiis agatur, matris nomen est inserendum, si publice ejus maternitas constet, vel ipsa sponte sua scripto vel coram duobus testibus id petat; item nomen patris, dummodo ipse sponte sua a Parocho vel scripto vel coram duobus testibus id requirat, vel ex publico authentico documento sit notus; in ceteris casibus inscribatur natus tamquam filius patris ignoti vel ignotorum parentum.
Si expositus sit infans, exprimatur quo die, ubi, et a quo repertus, et quot dierum verisimiliter sit.
Si infans domi ob imminens mortis periculum baptizatus sit, tunc ita scribatur:
Anno... die... mensis... natus est N., filius N. et N. conjugum, etc., ut supra: quem ob imminens mortis periculum, in domo rite baptizavit N. obstetrix probata, vel N. filius N. ut mihi retulit N.
Si supervixerit infans, et ei adhibitæ sint in ecclesia sacræ cæremoniæ, ita addatur:
Die... ejusdem mensis ad ecclesiam portatus est infans prædictus, ipsique ego Parochus sacras cæremonias et preces adhibui, et N. nomen imposui.
Si alius, loco Parochi, infantem baptizaverit, id exprimatur.
Si infans fuerit baptizatus sub conditione, id pariter exprimatur.
Anno Domini..., die... mensis... (in hebdomada Pentecostes), N., filius N. et N. conjugum vel N. filia N. et N. conjugum (et, si fuerit nupta, addatur uxor N.), Sacramentum Confirmationis accepit a Reverendissimo D. N., Episcopo N., in ecclesia S. N., civitas vel loci N. Patrinus fuit N., filius N., parœciæ S. N., civitatis vel loci N.
In quorum fidem testimonium hoc mea manu subscripsi.
(Locus Sigilli) N.N. Parochus.
Si non constet, an confirmatus ex legitimo matrimonio genitus sit, vel ejus parentes ignorentur, servetur quod in libro baptizatorum præscriptum est.
Anno Domini..., die... mensis..., publicationibus præmissis tribus continuis diebus festivis, quarum prima die..., secunda die..., tertia die..., inter Missarum solemnia habita est, nulloque canonico impedimento detecto, ego N., Parochus hujus ecclesiæ S. N., civitatis vel loci N., N., filium N., annorum..., parœciæ S. N., et filiam N. seu relictam quondam N. (si fuerit vidua), annorum..., parœciæ S. N., in ecclesia S. N., interrogavi, eorumque mutuo consensu habita solemniter per verba de præsenti in Matrimonium conjunxi præsentibus testibus notis N., filio N., qui habitat in parœcia S. N., et N., filio N., etc., et N., filio N., etc. Postea eis ex ritu S. Matris Ecclesiæ (si tamen nuptias benedixerit) in Missæ celebratione benedixi.
In quorum fidem testimonium hoc mea manu subscripsi.
(Locus Sigilli) N.N. Parochus.
Si unus ex iis, qui Matrimonium contrahere velint, sit alterius Parœchiæ, antequam admittatur, Parochus, in cujus ecclesia Matrimonium celebrari debet, publicationem in ejus parœcia rite factarum fidem scriptam habeat, quæ asservetur, et res tota exprimatur in ipsomet libro matrimoniorum, hac ratione:
Publicationes ejus Matrimonii factæ sunt etiam a R. D. N., Parocho ecclesiæ S. N., sub cujus cura dictus N. (vel dicta N.) habitat, ut ex ipsius Parochi scripto, servato apud me, apparet. Publicationem autem prima facta est die..., secunda die..., tertia die..., inter Missarum solemnia, nullumque impedimentum canonicum detectum est.
Ubi vero Ordinarii consensu (quod scripto constare debet) publicationes aliquæ omittendæ interdum sint, ita notetur:
Anno Domini..., die..., mensis..., publicationum una die festo rite facta, reliquis vero omissis, ex facultate scripto concessa a Reverendissimo D. Episcopo N. (vel ejus Vicario N.), sub die... datis, etc., infrascripti tenoris, quam penes me servo cum aliis hujusmodi facultatibus, nulloque canonico impedimento allato, ego, etc., ut supra.
Si autem publicationes omnes omittendæ sint, ita scribatur:
Anno Domini..., die...mensis..., publicationibus omnibus omissis, ex facultate, etc., ut supra.
Ceterum si alteri Presbytero ab Ordinario vel a Parocho ipso facultas facta sit conjugendi aliquos, id in libro proprii Parochi sic adnotetur:
N. Presbyter vel Capellanus ecclesiæ S. N., de licentia Reverendissimi D. Episcopi N. (seu ejus Vicarii N.) aut mea, quæ penes me exsistat, N., filium N., et N., filiam N., etc., in Matrimonium conjunxit, etc., ut supra. Et ego N., Parochus hujus ecclesiæ S. N., testor, rem ita se habere, et mea manu subscripsi.
Quod si ex publicationibus compertum sit, conjuges aliquo consanguinitis aut affinitis gradu conjunctos esse, et nihilominus ad contrahendum fuerit cum ipsis Apostolica auctoritate dispensatum, annotetur gradus consanguinitatis vel affinitatis dispensatæ, et compendium decreti super ea relati cum die et anno, ac Notarii de illo rogati nomine, hoc modo:
Anno Domini..., die..., mensis..., præmissis publicatione ac comperto impedimento secundi (vel tertii) gradus consanguinitatis (vel affinitatis, seu alio quovis impedimento), inter N. et N., etc., obtentoque per eos Apostolicæ Sedis mandato de dispensando, et cum eis per Reverendissimum. D. Episcopum N., auctoritate dispensato sub die..., mensis..., anno..., ut constat ex Actis Notarii Officii prædicti Episcopi, eos in Matrimonium conjunxi, etc., ut in prædicta formula.
Publicationes autem factæ in diversis parœciis, sponsi videlicet et sponsæ, ab utroque Parocho in libro notari debent, etiamsi Matrimonium non sequatur. Quo in casu ita scribetur:
Anno Domini..., tribus continuis diebus festis, nempe diebus..., mensis..., ego N., Parochus ecclesiæ S. N., inter Missarum solemnia publicationes habui Matrimonii contrahendi inter N., filium N., parœciæ S. N., et N., filiam N., parœciæ S. N.; nullumque canonicum impedimentum ab aliquo allatum est. In quorum fidem, etc.
|
Yüklə 2.47 Mb.