CAPUT 14
DE PROCESSIONE IN TRANSLATIONE SACRARUM RELIQUIARUM
Ecclesia et viæ, per quas transeundum est, quantum fieri potest, decentius ornentur. Sacerdotes et Ministri vestibus induti albi vel rubri coloris, prout Sancti, quorum Reliquiæ transferuntur, exposcunt, et omnes cum luminaribus accensis procedant, decantantes Litanias (pag. 74), cum invocatione Sanctorum, quorum Reliquiæ deferuntur, et Hymnum Te Deum (pag. 169), et Psalmum Laudáte Dóminum de cælis (pag. Error: Reference source not found), cum duobus sequentibus, et alios Psalmos et hymnos de Proprio vel de Communi eorum Sanctorum, quorum Reliquiæ transferuntur.
TITULUS X
Kýrie, eléison.
Christe, eléison.
Kyrie, eléison.
Jesu, exáudi nos.
Pater de cælis, Deus, miserére nobis.
Fili, Redémptor mundi, Deus, miserére.
Spíritus Sancte, Deus, miserére.
Sancta Trínitas, unus Deus, miserére.
Jesu, Fili Dei vivi, miserére.
Jesu, splendor Patris, miserére.
Jesu, candor lucis ætérnæ, miserére.
Jesu, rex glóriæ, miserére.
Jesu, sol justítiæ, miserére.
Jesu, Fili Maríæ Vírginis, miserére.
Jesu, amábilis, miserére.
Jesu, admirábilis, miserére.
Jesu, Deus fortis, miserére.
Jesu, pater futúri sǽculi, miserére.
Jesu, magni consílii ángele, miserére.
Jesu, potentíssime, miserére.
Jesu patientíssime, miserére.
Jesu, obedientíssime, miserére.
Jesu, mitis et húmilis corde, miserére.
Jesu, amátor castitátis, miserére.
Jesu, amátor noster, miserére.
Jesu, Deus pacis, miserére.
Jesu, auctor vitæ, miserére.
Jesu, exémplar virtútum, miserére.
Jesu, zelátor animárum, miserére.
Jesu, Deus noster, miserére.
Jesu, refúgium nostrum, miserére.
Jesu, pater páuperum, miserére.
Jesu, thesáure fidélium, miserére.
Jesu, bone pastor, miserére.
Jesu, lux vera, miserére.
Jesu, sapiéntia ætérna, miserére.
Jesu, bónitas infiníta, miserére.
Jesu, via et vita nostra, miserére.
Jesu, gáudium Angelórum, miserére.
Jesu, rex Patriarchárum, miserére.
Jesu, magíster Apostolórum, miserére.
Jesu, doctor Evangelistárum, miserére.
Jesu, fortitúdo Mártyrum, miserére.
Jesu, lumen Confessórum, miserére.
Jesu púritas Vírginum, miserére.
Jesu, coróna Sanctórum ómnium, miserére.
Propítius esto, parce nobis, Jesu.
Propítius esto, exáudi nos, Jesu.
Ab omni malo, líbera nos, Jesu.
Ab omni peccáto, líbera.
Ab ira tua, líbera.
Ab insídiis diáboli, líbera.
A spíritu fornicatiónis, líbera.
A morte perpétua, líbera.
A negléctu inspiratiónum tuárum, líbera.
Per mystérium sanctæ Incarnatiónis tuæ, líbera.
Per Nativitátem tuam, líbera.
Per infántium tuam, líbera.
Per diviníssimam vitam tuam, líbera.
Per labóres tuos, líbera.
Per agoníam et passiónem tuam, líbera.
Per crucem et derelictiónem tuam, líbera.
Per languóres tuos, líbera.
Per mortem et sepultúram tuam, líbera.
Per resurrectiónem tuam, líbera.
Per ascensiónem tuam, líbera.
Per Sanctíssimæ Eucharístiæ institutiónem tuam, líbera.
Per gáudia tua, líbera.
Per glóriam tuam, líbera.
Agnus Dei, qui tollis peccáta mundi, parce nobis, Jesu.
Agnus Dei, qui tollis peccáta mundi, exáudi nos, Jesu.
Agnus Dei, qui tollis peccáta mundi, miserére nobis, Jesu.
Jesu, audi nos.
Jesu, exáudi nos.
Orémus. Oratio
Dómine Jesu Christe, qui dixísti: Pétite, et accipiétis; quǽrite, et inveniétis; pulsáte, et aperiétur vobis: quǽsumus, da nobis peténtibus diviníssimi tui amóris afféctum, ut te toto corde, ore et ópere diligámus, et tua numquam laude cessémus.
Sancti Nóminis tui, Dómine, timórem páriter et amórem fac nos habére perpétuum: quia numquam tua gubernatióne destítutis, quos in solidáte tuæ dilectiónis instítuis: Qui vivis et regnas in sǽcula sæculórum.
R. Amen.
Kýrie, eléison.
Christe, eléison.
Kýrie, eléison.
Christe, audi nos.
Christe, exáudi nos.
Pater de cælis, Deus, miserére nobis.
Fili, Redémptor mundi, Deus, miserére.
Spíritus Sancte, Deus, miserére.
Sancta Trínitas, unus Deus, miserére.
Cor Jesu, Fílii Patris ætérni, miserére.
Cor Jesu, in sinu Vírginis Matris a Spíritu Sancto formátum, miserére.
Cor Jesu, Verbo Dei substantiáliter unítum, miserére.
Cor Jesu, majestátis infinítæ, miserére.
Cor Jesu, templum Dei sanctum, miserére.
Cor Jesu, tabernáculum Altíssimi, miserére.
Cor Jesu, domus Dei et porta cæli, miserére.
Cor Jesu, fornax ardens caritátis, miserére.
Cor Jesu, justítiæ et amóris receptáculum miserére.
Cor Jesu, bonitáte et amóre plenum, miserére.
Cor Jesu, virtútum ómnium abýssus, miserére.
Cor Jesu, omni laude digníssimum, miserére.
Cor Jesu, rex et centrum ómnium córdium, miserére.
Cor Jesu, in quo sunt omnes thesáuri sapiéntiæ et sciéntiæ, miserére.
Cor Jesu, in quo hábitat omnis plenitúdo divinitátis, miserére.
Cor Jesu, in quo Pater sibi bene complácuit, miserére.
Cor Jesu, de cujus plenitúdine omnes nos accépimus, miserére.
Cor Jesu, desidérium cóllium æternórum, miserére.
Cor Jesu, pátiens et multæ misericórdiæ, miserére.
Cor Jesu, dives in omnes qui ínvocant te, miserére.
Cor Jesu, fons vitæ et sanctitátis, miserére.
Cor Jesu, propitiátio pro peccátis nostris, miserére.
Cor Jesu, saturátum oppróbriis, miserére.
Cor Jesu, attrítum propter scélera nostra, miserére.
Cor Jesu, usque ad mortem obédiens factum, miserére.
Cor Jesu, láncea perforátum, miserére.
Cor Jesu, fons totíus consolatiónis, miserére.
Cor Jesu, vita et resurréctio nostra, miserére.
Cor Jesu, pax et reconciliátio nostra, miserére.
Cor Jesu, víctima peccatórum, miserére.
Cor Jesu, salus in te sperántium, miserére.
Cor Jesu, spes in te moriéntium, miserére.
Cor Jesu, delíciæ Sanctórum ómnium, miserére.
Agnus Dei, qui tollis peccáta mundi, parce nobis, Dómine.
Agnus Dei, qui tollis peccáta mundi, exáudi nos, Dómine.
Agnus Dei, qui tollis peccáta mundi, miserére nobis.
V. Jesu, mitis et húmilis Corde.
R. Fac cor nostrum secúndum Cor tuum.
Orémus. Oratio
Omnípotens, sempitérne Deus, réspice in Cor dilectíssimi Fílii tui, et in laudes et satisfactiónes, quas in nómine peccatórum tibi persólvit, iísque misericórdiam tuam peténtibus tu véniam concéde placátus, in nómine ejúsdem Fílii tui Jesu Christi: Qui tecum vivit et regnat in sǽcula sæculórum.
R. Amen.
|
Yüklə 2.47 Mb.