Taarifa ya tume ya taifa ya uchaguzi kuhusu uchaguzi wa rais, wabunge na
|
|  Yüklə 4.81 Mb.
|
Misaada ya Washirika wa Maendeleo Kupitia Programu ya Kukuza Demokrasia Tanzania (DDTP) na Mradi wa Kusaidia Uchaguzi (ESP)Baada ya mashauriano Kati ya Serikali, Tume ya Taifa ya Uchaguzi na UNDP ilikubaliwa kuanzisha Programu ya Kukuza Demokrasia Nchini (Deepening Democracy Tanzania Programme) na Mradi wa Kusaidia Uchaguzi (Election Support Project) kwa nyakati tofauti.
Programu hii ilianzishwa tarehe 30 Januari, 2007 ili kusaidia na kuendeleza juhudi za Serikali za kukuza Demokrasia baada ya Uchaguzi Mkuu wa mwaka 2005. Programu hii iligharimu kiasi cha Dola za Marekani 21,543,396.72 (Sh. 28,006,415,736.00). Programu hii ilitekelezwa kwa njia ya “National Execution” (NEx), ambapo Taasisi zilizohusika katika Programu zilipelekewa fedha na UNDP kwa ajili ya kutekeleza shughuli zilizohusika. Taasisi hizo ni Msajili wa Vyama vya Siasa, Kituo cha Demokrasia, Bunge, Baraza la Wawakilishi, “African Peer Review Mechanism” (APRM) na Tume za Uchaguzi (NEC na ZEC) kama inavyooneshwa kwenye Jedwali Na. 4. Jedwali Na. 4: Mgawanyo wa Fedha za Programu ya DDTP
Kiwango cha kubadili fedha ni Dola 1 ya Marekani = Sh. 1,300/= Washirika wa Maendeleo waliochangia Programu hii ni UNDP, DFID(UK), Sweden, Denmark, Netherlands, CIDA na Norway.
Kati ya fedha zote zilizotolewa na DDTP kwa Tume za Uchaguzi, Tume ya Taifa ya Uchaguzi ilipata kiasi cha Dola za Marekani 11,106,974.49 (Sh.14,439,066,837/=). Fedha hizo zilitumika kwa ajili ya kuijengea uwezo Tume, kugharamia Uboreshaji wa Daftari la Kudumu la Wapiga Kura, kuiwezesha Tume kuandaa Mpango Mkakati, kuandaa Mkataba wa Huduma kwa Mteja na Mkakati wa Utoaji wa Elimu ya Mpiga Kura.
Fedha zilizotolewa na DDTP zilitumika kwa shughuli zinazooneshwa katika Jedwali Na. 5. Jedwali Na. 5: Mchanganuo wa Fedha za DDTP Mwaka 2007 – 2009
Kiwango cha kubadili fedha ni Dola 1 ya Marekani = Sh. 1,300/= Programu hii ilimalizika mwezi Juni, 2010. Kufikia Desemba 2009, shughuli zilizokuwa zinaendelea kutekelezwa na Tume za Uchaguzi (NEC na ZEC) zilijumuishwa kwenye shughuli za ESP.
Mradi wa Kusaidia Uchaguzi (ESP) ilizinduliwa tarehe 15/06/2010 na kuendeleza kazi mbalimbali zilizoanza na kutekelezwa na Programu ya DDTP ambazo zililenga zaidi kufanikisha Mchakato wa Uchaguzi Mkuu wa mwaka 2010. Mradi huu tofauti na DDTP ulisimamiwa na kutekelezwa na UNDP kwa njia ya Direct Execution (DEx) ambapo baada ya kukubaliana shughuli/kazi hutekelezwa moja kwa moja na UNDP kwa kufuata Sheria na Kanuni za UNDP. Mradi huu ulichangiwa Jumla ya Dola za Marekani Milioni 28 na Washirika wa Maendeleo mbalimbali wakiwemo; UNDP, DFID(UK), Sweden, Finland, European Union, Denmark, Netherlands, Switzerland, Ireland, Canada, Germany, Norway, na Belgium. Mgawanyo wa Fedha zilizotolewa na ESP ni kama inavyooneshwa katika Jedwali Na. 6. Jedwali Na. 6: Mgawanyo wa Fedha za Mradi wa ESP
Kiwango cha kubadili fedha ni Dola 1 ya Marekani = Sh. 1,445/=
Kati ya fedha zote zilizotengwa na ESP kwa Tume za Uchaguzi, Tume ya Taifa ya Uchaguzi ilipata kiasi cha Dola za Marekani 3,104,070.00 (Sh.4,485,381,150/=) kabla ya Uchaguzi Mkuu. Fedha hizo zilitumika kwa:- Ununuzi wa Vifaa vya Uchaguzi kama vile: Masanduku ya Kura, Lakiri na Wino usiofutika; Kuboresha Mifumo ya Kompyuta; Mafunzo kwa Watumishi; Kuweka vifaa vya usalama katika majengo ya Tume; na Kuboresha maghala ya Tume. Aidha, baada ya Uchaguzi Mkuu, 2010 jumla ya Dola za Marekani 2,393,000.00 (TSh.3,457,885,000) zimetengwa kwa ajili ya shughuli zifuatazo:- Kuendeleza TEKNOHAMA, Mafunzo kwa Watumishi, Matengenezo ya vifaa vya Upigaji wa Picha na Nishati ya Jua, kuweka vifaa vya Usalama katika Kituo cha Maandalizi ya Daftari na maghala, na Ukarabati wa maghala.
Fedha zilizotolewa na ESP zilitumika kwa shughuli zinazooneshwa katika Jedwali Na. 7. Jedwali Na. 7: Mchanganuo wa Fedha za ESP Mwaka 2010 – 2011
Kiwango cha kubadili fedha ni Dola 1 ya Marekani = Sh. 1,445/= (c) Mafanikio ya Mradi wa ESP Kwa ujumla Programu imefanikiwa kwa kiasi kikubwa kwa sababu malengo yaliyotarajiwa katika kuzijengea uwezo Tume za Uchaguzi za NEC na ZEC, Vyombo vya Habari, Vyama vya Siasa na Asasi za Kiraia yalitimizwa. Aidha, Mradi huu ulisaidia kuhamasisha makundi maalumu kushiriki katika Uchaguzi hususan Wanawake, Vijana na watu wanaoishi na Ulemavu. | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||