Taarifa ya tume ya taifa ya uchaguzi kuhusu uchaguzi wa rais, wabunge na

səhifə	16/33
tarix	26.06.2016
ölçüsü	4.81 Mb.

1 ... 12 13 14 15 16 17 18 19 ... 33

Taratibu za Uteuzi wa Wagombea Udiwani

Utaratibu wa Uteuzi ulianzia kwa Mgombea mwenye sifa kujaza Fomu Na 8C na Fomu Na. 10 kukamilisha masharti mengine yaliyoainishwa na Tume kwa mujibu wa Sheria ya Uchaguzi na Kanuni za Uchaguzi wa Madiwani za mwaka 2010.

Mamlaka ya Uteuzi

Uteuzi wa Wagombea Udiwani ulifanywa na Wasimamizi Wasaidizi wa Uchaguzi wa ngazi ya Kata chini ya usimamizi wa Wasimamizi wa Uchaguzi.

Sifa na Masharti ya Uteuzi

Sifa za Mgombea Udiwani

Kwa mujibu wa Sheria ya Uchaguzi wa Serikali za Mitaa, Sura ya 292 ili mtu aweze kuteuliwa kugombea Udiwani hana budi kuwa na sifa zifuatazo; Awe:

Raia wa Tanzania;
Ametimiza umri wa miaka ishirini na moja (21) au zaidi;
Mkazi wa eneo la Halmashauri anayogombea;
Anaweza kusoma na kuandika kwa lugha ya Kiswahili au

Kiingereza;

Mwanachama na ni mgombea aliyependekezwa na Chama cha

Siasa;

Na kipato halali kinachomwezesha kuishi; na
Hajatiwa hatiani na Mahakama yoyote kwa kosa la kukwepa

kulipa Kodi ya Serikali katika kipindi cha miaka mitano kabla ya

tarehe ya Uchaguzi.

Masharti ya Uteuzi kwa Mgombea Udiwani

Kwa mujibu wa Sheria ya Uchaguzi wa Serikali za Mitaa, Sura ya 292 na Maelekezo ya Tume, ili mtu aweze kuteuliwa kuwa mgombea hana budi awe ametimiza masharti yafuatayo; Awe:

Amedhaminiwa na Wapiga Kura wasiopungua kumi (10) walioandikishwa Kupiga Kura katika Kata anayogombea;
Ametoa Tamko la kisheria mbele ya Hakimu kuthibitisha kuwa anazo sifa za kugombea;
Ameweka dhamana ya shilingi 5,000/= kwa Msimamizi wa Uchaguzi;
Hajatenda vitendo vilivyokatazwa kwa mujibu wa Sheria ya Gharama za Uchaguzi, 2010;
Amejaza Fomu zinazohitajika za Uteuzi ambazo ni Fomu Na. 8C na Fomu Na. 10 ya kukubali kutekeleza Maadili ya Uchaguzi; na
Amewasilisha picha nne (4) za rangi zenye ukubwa wa pasi ya kusafiria (Passport size photo).

Uchukuaji na Urejeshaji wa Fomu za Uteuzi na Fomu za Maadili

Tume ya Taifa ya Uchaguzi ilianza kutoa Fomu za Uteuzi (Fomu Na.8C) na Fomu za Maadili ya Uchaguzi (Fomu Na. 10) tarehe 6 Agosti, 2010 hadi tarehe 19 Agosti, 2010.
Tume ilitoa nafasi kwa Wagombea kuwasilisha Fomu za Uteuzi (Fomu Na. 8C) mapema kuanzia siku tatu kabla ya uteuzi kwa ajili ya kufanyiwa ukaguzi na kurejeshewa. Upokeaji rasmi ulifanyika Siku ya Uteuzi.

Wagombea Udiwani Walioteuliwa

Kwa ujumla idadi ya Wagombea 7,934 waliteuliwa kugombea kupitia Vyama vya Siasa mbalimbali katika jumla ya Kata 3,335. Aidha, katika Kata 600 Wagombea wa CCM walipita bila kupingwa.
Jedwali Na. 19: Idadi ya Wagombea Udiwani Walioteuliwa

Na.	Chama	Idadi ya Wagombea Udiwani	Jinsia
Na.	Chama	Idadi ya Wagombea Udiwani	ME	KE
1.	AFP	11	9	2
2.	APPT-MAENDELEO	27	19	8
3.	CCM	3,335	3,112	223
4.	CHADEMA	1,864	1,786	78
5.	CHAUSTA	23	17	6
6.	CUF	1,575	1,510	65
7.	DP	41	33	8
8.	JAHAZI ASILIA	26	14	12
9.	MAKINI	13	8	5
10.	NCCR-MAGEUZI	280	251	29
11.	NLD	37	26	11
12.	NRA	43	26	17
13.	SAU	97	81	16
14.	TADEA	15	11	4
15.	TLP	285	258	27
16.	UDP	188	167	21
17.	UMD	42	25	17
18.	UPDP	32	22	10
Jumla		7,934	7,375	559

Mchoro Na. 6: Walioteuliwa Kugombea Udiwani

Wagombea Udiwani mia sita (600) walipita bila kupingwa kutokana na baada ya Wagombea wengine kuenguliwa na Msimamizi wa Uchaguzi/ Tume kwa sababu ya kukosa sifa au kutokana na kujitokeza kwa mgombea mmoja pekee katika Kata husika. Wagombea wote waliopita bila kupingwa ni wa Chama cha Mapinduzi (CCM), kama inavyooneshwa kwenye Kiambatisho H.

Pingamizi Dhidi ya Uteuzi

Pingamizi dhidi ya Uteuzi wa Madiwani ziliwasilishwa na kufanyiwa Uamuzi kwa Wasimamizi Wasaidizi wa Uchaguzi wa Kata. Msimamizi wa Uchaguzi alikuwa na mamlaka ya kupitia Uamuzi wa Msimamizi Msaidizi wa Uchaguzi wa Kata. Wagombea ambao hawakuridhika na Uamuzi wa Msimamizi wa Uchaguzi walikata Rufaa kwa Tume ya Taifa ya Uchaguzi.

Rufaa kutokana na Uteuzi

Jumla ya Rufaa 122 ziliwasilishwa Tume baada ya uamuzi uliotolewa na Wasimamizi wa Uchaguzi kupingwa na Wagombea husika. Rufaa ishirini na mbili (22) zilikubaliwa na Rufaa 100 zilikataliwa. Miongoni mwa sababu za rufaa hizo ni:-

Mgombea si mkazi wa Halmashauri husika;
Mgombea ni mtumishi wa Serikali;
Mgombea ana Uraia wa nchi mbili; na
Mgombea ana mkataba wenye maslahi na Halmashauri husika.

Jedwali Na. 20: Uamuzi wa Tume juu ya Rufaa za Wagombea Udiwani

Na.	Chama	Idadi ya Rufaa	Rufaa Zilizokubaliwa	Rufaa Zilizokataliwa
1	CCM	45	2	43
2	CHADEMA	35	13	22
3	CUF	34	5	29
4	NCCR-MAGEUZI	2	0	2
5	TLP	5	2	3
6	UDP	1	0	1
	Jumla	122	22	100

1 ... 12 13 14 15 16 17 18 19 ... 33

Taarifa ya tume ya taifa ya uchaguzi kuhusu uchaguzi wa rais, wabunge na

Taratibu za Uteuzi wa Wagombea Udiwani

Mamlaka ya Uteuzi

Sifa na Masharti ya Uteuzi

Uchukuaji na Urejeshaji wa Fomu za Uteuzi na Fomu za Maadili

Wagombea Udiwani Walioteuliwa

Pingamizi Dhidi ya Uteuzi

Rufaa kutokana na Uteuzi