Forvaltningsplan for jotunheimen nasjonalpark

9.2. Statens Naturoppsyn (SNO) sine oppgåver: Dei praktiske arbeidsoppgåvene i Jotunheimen nasjonalpark og Utladalen landskapsvernområde

Dei tradisjonelle oppsynsoppgåvene i naturvernområde og i utmark generelt har i aukande grad gått over frå å vere kontrollerande oppgåver til å bli informasjonsarbeid overfor brukarar og å halde oversikt over naturtilstanden i områda (miljøovervaking).

Statens naturoppsyn

Verksemda til SNO er basert på eigne oppsynsstillingar i kombinasjon med kjøp av tenester og samarbeid med andre oppsynsordningar lokalt og regionalt. Dette gjeld bl.a. fjelloppsynet i regi av fjellstyra, oppsyn i regi av bygdealmenningar, Statskog Fjelltjenesten i Nord-Norge og politiet. Særleg er samordning med politiet viktig når det gjeld oppgåver knytt til kontroll. Oppsyn som er tildelt avgrensa politimynde er ved direkte utøving av dette myndet underlagt lokalt politi. Samarbeidet med andre aktørar innan naturoppsyn er stadfesta i eigne avtaler med Norges Fjellstyresamband, Norsk Allmenningforbund og Statskog.

SNO har 2 naturoppsynsstillingar knytt til Jotunheimen nasjonalpark og Utladalen landskapsvernområde. Stillingane er lokaliserte til Klokkarhaugen i Vang i Valdres og til Norsk Fjellmuseum i Lom. Oppsynsarbeidet blir utført i nært samarbeid med følgjande oppsynsordningar:

- Vågå fjellstyre

- Luster kommune
I tillegg til at SNO kjøper oppsynstenester frå desse 3 oppsynsordningane har det vore kjøpt oppsynstenester frå enkeltpersonar og -firma.
Oppsynsarbeidet blir planlagt og gjennomført i nært samarbeid med forvaltningsstyresmakta både gjennom dagleg dialog og møter/synfaringar. Prioriteringane byggjer i tillegg på innspel frå lag/organisasjonar (td Den Norske Turistforening) og andre brukergrupper (td reiselivet). Sentrale ”møtepunkt” for oppsynet er årleg bestillingsdialog med forvaltningsstyresmakta (rapportering og prioritering av tilsyn og tiltak), årleg fagsamling for tilsynsutvala og årlege oppsynssamlingar.
Statens naturoppsyn og anna oppsyn har dei siste åra hatt om lag halve arbeidstida i felt og den andre halvparten inne (kontorarbeid, kurs, førebuing av feltarbeid m.m.) Gjennomsnittleg vert om lag 44% av oppsynet si arbeidstid i verneområda vart brukt til feltarbeid, om lag det same på kontorarbeid, og resten til klargjering og reise. I felt vert det gjennomført både rettleiing/informasjon til brukarar og meir politimessige oppgåver. Talet på meldte forhold har vore kring 3 i året.
Hovudoppgåvene for oppsynet i Jotunheimen nasjonalpark og Utladalen landskapsvernområde:

• informasjon og rettleiing til brukere og dei som besøker området

• halde oversikt over utviklingstendensar i området

• halde oppsyn/oversikt med status på natur- og kulturverdiane i området, med særleg vekt

på sårbare og trua arter

• kontrollere, rapportere og reagere på brudd på verneforskriftene og anna lov-/regelverk

• følgje opp vilkår gjeve av forvaltningsstyresmakta i samband med dispensasjonar

• ha god kontakt med og gje faglege innspel til forvalningsstyresmakta

• ha god kontakt med og gje faglege innspel til informasjonssentra

• utføre eller sjå til at skjøtseltiltak blir utført etter fastsatt plan/vedtak

9.3. Årsmelding

Statens naturoppsyn har i samarbeid med fylkesmennene kvart år f.o.m. 1992 gjeve ut ei årsmelding for Jotunheimen nasjonalpark og Utladalen landskapsvernområde. Årsmeldinga er viktig både som ei oppsummering og i eit historisk perspektiv m.o.t. dokumentasjon. Det blir teke sikte på å halde fram med ordninga med ei årsmelding.