Rituale romanum 1944
|
|  Yüklə 2.47 Mb.
|
LITANIÆ SANCTORUMKýrie, eléison. Christe, eléison. Kýrie, eléison. Christe, audi nos. Christe, exáudi nos. Pater de cælis, Deus, miserére nobis. Fili Dei, Redémptor mundi, Deus, miserére. Spíritus Sancte, Deus, miserére. Sancta Trínitas, unus Deus, miserére. Sancta María, ora pro nobis. Sancta Dei Génetrix, ora. Sancta Virgo vírginum, ora. Sancte Michaël, ora. Sancte Gábriel, ora. Sancte Ráphaël, ora. Omnes sancti Angeli et Archángeli, oráte. Omnes sancti beatórum Spirítuum órdines, oráte. Sancte Joánnes Baptísta, ora. Sancte Joseph, ora. Omnes sancti Patriárchæ et Prophétæ, oráte. Sancte Petre, ora. Sancte Paule, ora. Sancte Andréa, ora. Sancte Jacóbe, ora. Sancte Joánnes, ora. Sancte Thoma, ora. Sancte Jacóbe, ora. Sancte Philíppe, ora. Sancte Bartholomǽe, ora. Sancte Matthǽe, ora. Sancte Simon, ora. Sancte Thaddǽe, ora. Sancte Matthía, ora. Sancte Bárnaba, ora. Sancte Luca, ora. Sancte Marce, ora. Omnes sancti Apóstoli et Evangelístæ, oráte. Omnes sancti Discípuli Dómini, oráte. Omnes sancti Innocéntes, oráte. Sancte Stéphane, ora. Sancte Laurénti, ora. Sancte Vincénti, ora. Sancti Fabiáne et Sebastiáne, oráte. Sancti Joánnes et Paule, oráte. Sancti Cosma et Damiáne, oráte. Sancti Gervási et Protási, oráte. Omnes sancti Mártyres, oráte. Sancte Silvéster, ora. Sancte Gregóri, ora. Sancte Ambrósi, ora. Sancte Augustíne, ora. Sancte Hierónyme, ora. Sancte Martíne, ora. Sancte Nicolǽ, ora. Omnes sancti Pontífices et Confessóres, oráte. Omnes sancti Doctóres, oráte. Sancte Antóni, ora. Sancte Benedícte, ora. Sancte Bernárde, ora. Sancte Domínice, ora. Sancte Francísce, ora. Omnes sancti Sacerdótes et Levítæ, oráte. Omnes sancti Mónachi et Eremítæ, oráte. Sancta María Magdaléna, ora. Sancta Agatha, ora. Sancta Lúcia, ora. Sancta Agnes, ora. Sancta Cæcília, ora. Sancta Catharína, ora. Sancta Anastásia, ora. Omnes sanctæ Vírgines et Víduæ, oráte. Omnes Sancti et Sanctæ Dei, intercédite pro nobis. Propítius esto, parce nobis, Dómine. Propítius esto, exáudi nos, Dómine. Ab omni malo, libera nos, Dómine. Ab omni peccáto, líbera. Ab ira tua, líbera. A subitánea et improvísa morte, líbera. Ab insídiis diáboli, líbera. Ab ira, et ódio, et omni mala voluntáte, líbera. A spíritu fornicatiónis, líbera. A fúlgure et tempestáte, líbera. A flagéllo terræmótus, líbera. A peste, fame et bello, líbera. A morte perpétua, líbera. Per mystérium sanctæ Incarnatiónis tuæ, líbera. Per Advéntum tuum, líbera. Per Nativitátem tuam, líbera. Per Baptísmum et sanctum Jejúnium tuum, líbera. Per Crucem et Passiónem tuam, líbera. Per Mortem et Sepultúram tuam, líbera. Per sanctam Resurrectiónem tuam, líbera. Per admirábilem Ascensiónem tuam, líbera. Per advéntum Spíritus Sancti Parácliti, líbera. In die judícii, líbera. Peccatóres, te rogámus, audi nos. Ut nobis parcas, te rogámus. Ut nobis indúlgeas, te rogámus. Ut ad veram pœniténtiam nos perdúcere dignéris, te rogámus. Ut Ecclésiam tuam sanctam régere et conserváre dignéris, te rogámus. Ut Domnum Apostólicum et omnes ecclesiásticos órdines in sancta religióne conserváre dignéris, te rogámus. Ut inimícos sanctas Ecclésiæ humiliáre dignéris, te rogámus. Ut régibus et princípibus christiánis pacem et veram concórdiam donáre dignéris, te rogámus. Ut cuncto pópulo christiáno pacem et unitátem largíri dignéris, te rogámus. Ut omnes errántes ad unitátem Ecclésiæ revocáre, et infidéles univérses ad Evangélii lumen perdúcere dignéris, te rogámus. Ut nosmetípsos in tuo sancto servítio confortáre et conserváre dignéris, te rogámus. Ut mentes nostras ad cæléstia desidéria érigas, te rogámus. Ut ómnibus benefactóribus nostris sempitérna bona retríbuas, te rogámus. Ut ánimas nostras, fratrum, propinquórum et benefactórum nostrórum ab ætérna damnatióne erípias, te rogámus. Ut fructus terræ dare et conserváre dignéris, te rogámus. Ut ómnibus fidélibus defúnctis réquiem ætérnam donáre dignéris, te rogámus. Ut nos exaudíre dignéris, te rogámus. Fili Dei, te rogámus. Agnus Dei, qui tollis peccáta mundi, parce nobis, Dómine. Agnus Dei, qui tollis peccáta mundi, exáudi nos, Dómine. Agnus Dei, qui tollis peccáta mundi, miserére nobis. Christe, audi nos. Christe, exáudi nos. Kýrie, eléison. Christe, eléison. Kýrie, eléison. Pater noster secreto usque ad V. Et ne nos indúcas in tentatiónem. R. Sed líbera nos a malo. Psalmus 69 Deus, in adjutórium meum inténde: * Dómine, ad adjuvándum me festína. Confundántur et revereántur, * qui quærunt ánimam meam. Avertántur retrórsum, et erubéscant, * qui volunt mihi mala. Avertántur statim erubescéntes, * qui dicunt mihi: Euge, euge. Exsúltent et læténtur in te omnes qui quærunt te, * et dicant semper: Magnificétur Dóminus: qui díligunt salutáre tuum. Ego vero egénus, et pauper sum: * Deus, ádjuva me. Adjútor meus, et liberátor meus es tu: * Dómine, ne moréris. Glória Patri. V. Salvos fac servos tuos. R. Deus meus, sperántes in te. V. Esto nobis, Dómine, turris fortitúdinis. R. A fácie inimíci. V. Nihil profíciat inimícus in nobis. R. Et fílius iniquitátis non appónat nocére nobis. V. Dómine, non secúndum peccáta nostra fácias nobis. R. Neque secúndum iniquitátes nostras retríbuas nobis. V. Orémus pro Pontífice nostro N. R. Dóminus consérvet eum, et vivíficet eum, et beátum fáciat eum in terra, et non tradat eum in ánimam inimicórum ejus. V. Orémus pro benefactóribus nostris. R. Retribúere dignáre, Dómine, ómnibus, nobis bona faciéntibus propter nomen tuum, vitam ætérnam. Amen. V. Orémus pro fidélibus defúnctis. R. Réquiem ætérnam dona eis, Dómine, et lux perpétua lúceat eis. V. Requiéscant in pace. R. Amen. V. Pro frátribus nostris abséntibus. R. Salvos fac servos tuos, Deus meus, sperántes in te. V. Mitte eis, Dómine, auxílium de sancto. R. Et de Sion tuére eos. V. Dómine, exáudi oratiónem meam. R. Et clamor meus ad te véniat. V. Dóminus vobíscum. R. Et cum spíritu tuo. Orémus. Oratio Deus, cui próprium est miseréri semper et párcere; súscipe deprecatiónem nostram; ut nos, et omnes fámulos tuos, quos delictórum caténa constríngit, miserátio tuæ pietátis cleménter absólvat. Exáudi, quǽsumus, Dómine, súpplicum preces, et confiténtium tibi parce peccátis: ut páriter nobis indulgéntiam tríbuas benígnus, et pacem. Ineffábilem nobis, Dómine, misericórdiam tuam cleménter osténde: ut simul nos et a peccátis ómnibus éxuas, et a pœnis, quas pro his merémur, erípias. Deus, qui culpa offénderis, pœniténtia placáris, preces pópuli tui supplicántis propítius réspice; et flagélla tuæ iracúndiæ, quæ pro peccátis nostris merémur, avérte. Omnípotens, sempitérne Deus, miserére fámulo tuo Pontífici nostro N., et dírige cum secúndum tuam cleméntiam in viam salútis ætérnæ: ut, te donánte, tibi plácita cúpiat, et tota virtúte perfíciat Deus, a quo sancta desidéria, recta consília, et justa sunt ópera, da servis tuis illam, quam mundus dare non potest, pacem: ut et corda nostra mandátis tuis dédita, et hóstium subláta formídine, témpora sint tua protectióne tranquílla. Ure igne Sancti Spíritus renes nostros, et cor nostrum, Dómine: ut tibi casto córpore serviámus, et mundo corde placeámus. Fidélium, Deus, ómnium cónditor et redémptor, animábus famulórum, famularúmque tuárum remissiónem cunctórum tríbue peccatórum: ut indulgéntiam, quam semper optavérunt, piis supplicatiónibus consequántur. Actiónes nostras, quǽsumus, Dómine aspirándo prǽveni, et adjuvándo proséquere: ut cuncta nostra orátio, et operátio a te semper incípiat, et per te cœpta finiátur. Omnípotens, sempitérne Deus, qui vivórum domináris simul et mortuórum, omniúmque miseréris, quos tuos fide et ópere futúros esse prænóscis: te súpplices exorámus; ut, pro quibus effúndere preces decrévimus, quosque vel præsens sǽculum adhuc in carne rétinet, vel futúrum jam exútos córpore suscépit, intercedéntibus ómnibus Sanctis tuis, pietátis tuæ cleméntia, ómnium delictórum suórum véniam consequántur. Per Dóminum nostrum Jesum Christum Fílium tuum: Qui tecum vivit et regnat in unitáte Spíritus Sancti Deus, per ómnia sǽcula sæculórum. R. Amen. V. Dóminus vobíscum. R. Et cum spíritu tuo. V. Exáudiat nos omnípotens et miséricors Dóminus. R. Amen. V. Et fidélium ánimæ per misericórdiam Dei requiéscant in pace. R. Amen. Vacante Apostolica Sede, loco invocationis Ut Dóminum Apostólicum et omnes ecclesiásticos órdines, etc., dicatur: Ut omnes ecclesiásticos órdines, etc., Versus autem Orémus pro Pontífice nostro N. cum suo Responsorio, et Oratio pro eodem Pontifice omittuntur.
|