Uvumo Lokholo lweWestminster

9. Ngentando ekhululekileyo

1. 
   UNkulunkulu wanika intando yomuntu leyonkululeko yemvelo, engabanjwa ngamandla kumbe ngemfanelo epheleleyo yemvelo imiselwe okuhle kumbe okubi^a.
   
2. 
   Umuntu, ekusimo sakhe esimsulwa, wayelenkululeko lamandla okuthanda lokwenza lokho okuhle njalo okuthokozisayo kuNkulunkulu^b; kube kanti kulokuguquka, ukuthi angawa kuso^c.
   
3. 
   Umuntu ngokuwela kwakhe esimeni sesono walahlekelwa ngokupheleleyo yiwo wonke amandla okuthanda loba yikuphi okuhle komoya okuhamba losindiso^d; ukuthi, engumuntu wemvelo, ophambene ngokupheleleyo lalokhokulunga^e, njalo efile esonweni^f, kalakho ngamandla akhe ukuziguqula kumbe ukuzilungisela khona^g.
   
4. 
   Nxa uNkulunkulu eguqula isoni, njalo esisa kusimo somusa, uyasikhulula kukubotshwa kwaso kwemvelo ngaphansi kwesono^h, njalo ngomusa wakhe kuphela usinika amandla ukuze ngokukhululeka sithande njalo senze lokho okuhle ngokwasemoyeniⁱ, kube kanti ngokunjalo, ukuthi ngesizatho sokubola kwaso okuseleyo kasithandi ngokupheleleyo, kumbe kuphela, lokho okulungileyo, kodwa sithanda lalokho okubi^k.
   
5. 
   Intando yomuntu yenziwa ikhululeke ngokupheleleyo langokungaguqukiyo ukwenza okuhle kodwa, kusimo sodumo kuphela^l.
   

5. 10. Ngokubizwa okuphumelelayo

1. 
   Bonke labo uNkulunkulu abamisele ngaphambili impilo, njalo bona labo bodwa, uyathokoza ngesikhathi sakhe esimisiweyo njalo esemukelekayo, ukubabiza ngokuphumelelayo^a, ngeLizwi langoMoya wakhe^b, bephuma kulesosimo sesono lokufa abaphakathi kwaso ngemvelo, baye emuseni losindiso ngoJesu Kristu^c, ekhanyisa ingqondo zabo ngokwakomoya langokusindisayo ukuqedisisa izinto zikaNkulunkulu^d, esusa inhliziyo yabo yelitshe, njalo ebapha inhliziyo yenyama^e, esenzantsha intando zabo, njalo ngamandla obuninimandla bakhe ebamisela lokho okulungileyo^f, njalo ngokuphumelelayo abadonsele kuJesu Kristu^g, kube kanti ngokunjalo, ukuthi beza ngokukhululeka okupheleleyo, besenziwa bavume ngomusa wakhe^h.
   
2. 
   Lokhukubizwa okuphumelelayo kungomusa kaNkulunkulu okhululekileyo okhethekileyo kuphela, kungabangelwa layiluphi ulutho ngitsho olubonwe ngaphambili emuntwiniⁱ, onjengofileyo kulokho, kuze kuthi lapho esevuswe wenziwa mutsha nguMoya oyiNgcwele^k. Ngalokhu unikwa amandla okuphendula lolubizo, lokugona umusa awuphiwayo lawulethelwayo kulo^l.
   
3. 
   Insane ezikhethiweyo, zisifa zisezinsane, zizalwa kutsha njalo zisindiswe nguKristu ngoMoya^m, osebenza ngesikhathi, langendawo, langendlela ayithandayoⁿ. Banjalo labo bonke abanye abantu abakhethiweyo abangelakho ukubizwa okwangaphandle ngokusebenza kweLizwi^o.
   
4. 
   Abanye, abangakhethwanga, lanxa bengabizwa yikusebenza kweLizwi^p, babelemisebenzi eminye ejwayelekileyo kaMoya^q, kube kanti kabasoze beze ngeqiniso kuKristu, ngakho-ke bangeke basindiswe^r; akukhulunywa phela ngabantu abangavumiyo ukholo lobuKristu, bangeke basindiswe langayiphi enye indlela ngitsho, lanxa bangaze bakhuthale ukubumba impilo yabo ngokokukhanya kwemvelo lomthetho waleyonkonzo abayivumayo^s. Ngakho ukuqinisa lokuphikelela ukuthi bangasindiswa, kuyalimaza kakhulu, lokufanele kwenyanywe^t.
   

6. 11. Ngokulungisiswa

1. 
   Labo uNkulunkulu ababizayo ngokuphumelelayo, labo uyabalungisisa ngesihle^a; hatshi ngokufaka ukulunga kibo, kodwa ngokuxolela izono zabo, njalo ngokubabala lokubemukela bona njengabalungileyo; kungasi ngenxa yento esetshenziswe phakathi kwabo, kumbe eyenziwe yibo, kodwa ngenxa kaKristu yedwa; hatshi ngokubabalela ukholo ngokwalo, isenzo sokukholwa, loba kuyikuphi ukulalela okuvumelana levangeli, njengokulunga kwabo, kodwa ngokubalela kibo ukulalela lokonelisa kukaKristu^b, bona besemukela njalo beseyama kuye lokulunga kwakhe ngokholo; lolukholo kabalalo ngokwabo, luyisipho sikaNkulunkulu^c.
   
2. 
   Ukholo lusemukela luseyama ngokunjalo kuKristu lokulunga kwakhe, yilo lodwa indlela yokulungisiswa^d; kube kanti kalulodwa emuntwini olungisisiweyo, kodwa luhlezi luhamba ndawonye lazo zonke ezinye izisa ezisindisayo, njalo kalusikholo olufileyo kodwa lusebenza ngothando^e.
   
3. 
   UKristu, ngokulalela langokufa kwakhe, wahlawula ngokugcweleyo umlandu wabo bonke labo abalungisiswayo ngalindlela, njalo wenza ukonelisa okufaneleyo, okuqotho, njalo okugcweleyo kukulunga kukaYise esikhundleni sabo^f. Kube kanti njengoba wanikelelwa bona nguYise^g, njalo ukulalela lokwenelisa kwakhe kwamukelwa esikhundleni sabo^h; futhi kokubili ngesihle, hatshi langaluphi ulutho olukibo; ukulungisiswa kwabo kungomusa wesihle kuphelaⁱ; ukuze kokubili ukulunga okupheleleyo lomusa owaneleyo kaNkulunkulu kudunyiswe ekulungisisweni kwezoni^k.
   
4. 
   UNkulunkulu kulo lonke iphakade wamisa ukulungisisa bonke abakhethiweyo^l, njalo uKristu ekugcwalisekeni kwesikhathi wafela izono zabo, wavuka njalo ukuze balungisiswe^m; lanxa kunjalo kabalungisiswa kuze kuthi uMoya oyiNgcwele, ngesikhathi esifaneleyo, afake uKristu kibo ngempelaⁿ.
   
5. 
   UNkulunkulu uyaqhubeka ukuxolela izono zalabo abalungisisiweyo^o; njalo lanxa bengasoze bawe kusimo sokulungisiswa^p, kube kanti kungenzakala ngezono zabo ukuthi bangene ngaphansi kwentukuthelo kaNkulunkulu njengoyise, njalo kungabuyiselwa kibo ukukhanya kobuso bakhe, baze bazithobe, bavume izono zabo, bacele uxolo njalo bavuselele ukholo lophenduko lwabo^q.
   
6. 
   Ukulungisiswa kwamakholwa ngaphansi kweThestamente eLidala, kuzo zonke lezizimo, kwakukunye njalo kufanana lokulungisiswa kwamakholwa ngaphansi kwesivumelwano esitsha^r.