From Chattha Savgayana (CS) Released by Dhammavassarama 法雨道場

Ekunapabbasatima pariccheda

Rajadvayadipano

1. Evam tasmim mate tassa, katabbam sadhukariya.

Mahadipado senavho, adaya balavahanam.

2. Agamma nagaram raja, ahosi dharani tale.

Adikappamhi rajunam, dassanto cariyam piya.

3. Saddho mahadhano suro, muttacagi niralayo.

Yacayogo mahabhogo, sampannabalavahano.

4. Kittiya’malabhutaya, tatha tejo gunena ca.

Sannipatamva so canda-suriyanam nidassayi.

5. Asavkinna gunakinno, suvicinna gunaguno.

Nitthinnapapo nibbinna-samsaro saradassano.

6. Bhariya tassa ya asi, savghatam so bhisecayi.

Mahesibhave datvana, pariharam yathabhatam.

7. Mahindam nama sappabbam, kanittham bhataram sakam.

Datva dakkhinabhagam so, oparajje’bhisecayi.

8. Antepure’parajjhitva, so rabba avadharite.

Saputtadaro vutthaya, abbato malayam aga.

9. Uppajjittha (CS:pg.321) tada putto, rabbo savghaya deviya.

Dassento’va panadassa, kumara rupamattano.

10. Raja tam jatamattam’va, disva santhutthamanuso.

Siddhattham lumbinijatam, raja suddhodano viya.

11. Dhabbapubbagunupeto, thapetva dipamekakam;

Jambudipe’pi kasine, rajjayoggoti me suto.

12. Namadana dineyeva, pariharena sabbaso.

Oparajje bhisibcitva, dakkhinam desamassa’da.

13. Yuvarajapi malaye, vasanto’va mahipatim.

Aradhetva upayena, anubbato sabhatara.

14. Nikayattaya va sihi, saddhim bhikkhuhi agato.

Disva rajanamettheva, sandhim’kasi akuppiyam.

15. Ya tassa yuvarajassa, bhariya tissa namika.

Rajini sa vijayittha, dhitaram savghanamikam.

16. Kittinama’paraya ca, bhariya sapi kho pana.

Vijayi putte cattaro, tatha ekabca dhitaram.

17. Tada rajapi cintetva, evam sati kanitthako.

Nissavko mayi hotiti, samma mantihi mantiya.

18. Dhitaram yuvarajassa, surupim rupanamikam.

Kassapassa’tta puttassa, vivaham karayi budho.

19. Dakkhinam desamasseva, kanitthassa sadapayi.

Rajaputtassa padapi, paccekam bhogamattano.

20. Rajjamhi sabbam tasseva, paribhogaya dapayi.

Kevalantu vicaresi, dipam dipa hitavaho.

21. Tesam samvasamanvaya, ubhinnam pubbakamminam.

Dhabbapubbagunupeta, vijata puttadhitaro.

22. Katva sabbopaharena, dathadhatu mahamaham.

Aruyha varapasadam, ratanavham mahipati.

23. Tada sovannayassapi, sambuddhassa pura thitam.

Subbam pittham sayam disva, kasma evanti samvadi.

24. Tato (CS:pg.322) amacca ahamsu, najanasi mahipati.

Mahapitunarindassa, kale tava narissaram.

25. Panduraja idhagamma, dipametam vinasiya.

Sabbam saragatam dipe, samadaya gato iti.

26. Tam sutva lajjito raja, sayam viya parajito.

Tadaheva niyojesi, amacce balasavgahe.

27. Tada’va kira agabchi, pandurajakumarako.

Paribhuto sarajena, rajjattham kata nicchayo.

28. Raja disva’ti santuttho, kattabbam tassa kariya.

Mahatittha mupagamma, pattanam sematraso.

29. Mahantam balakayabca, tassopakaranani ca.

Anunam patiyadetva, devasenamva sajjitam.

30. Pandurajakumarena, saddhim senapati sakam.

Gantva tam pandurajanam, hantvanikamito pura.

31. Ratanam sabbamadaya, datva rajjam imassa ca.

Na cireneva ehiti, uyyojesi mahayaso.

32. Sopi evam karomiti, patissutva mahipatim.

Vinditva balamadaya, namamaruyha tam khane.

33. Paratiram tato gantva, samvulaha balavahano.

Vinasayanto paccantam, varesi madhuram puram.

34. Dvarani pidahitvana, pacchindittha gatagatam.

Tato aggim khipapesi, gopurattala kotthake.

35. Evam sihalasenaya, pavitthaya sakam puram.

Sabbam vilumpamanaya, senavgam ghatayantiya.

36. Panduraja nisammetam, samadaya sakam balam.

Vegasa tam samagamma, yuddham katum samarabhi.

37. Asampunna balatta so, viddho sallena bhupati.

Hatthikkhandhagatoyeva, vihaya puramattano.

38. Palayitva gatathane, jivitam nijamessaji.

Bhariyava’ssa tenasi, sampatta jivitakkhayam.

39. Tato (CS:pg.323) sihalasenasa, pavittha nibbhaya puram.

Tattha sabbam vilumpittha, deva’sirapuram yatha.

40. Senapati tato raja-gehe bhattam samekkhiya.

Dipanitamimamha ca, tatratthabca maharaham.

41. Saram sabbamsamadaya, dese ca nagare thitam.

Katva issariyam tattha, vasevattiya attano.

42. Panduraja kumaram tu, tattha rajje’bhi sibciya.

Karetva pariharabca, desam tassa samappiya.

43. Yatharucim gahetvana, hatthi-asse nare’pi ca.

Tattha tattha yatha kamam, vasanto akuto bhayo.

44. Samudda tatamagamma, thatva tattha yathasukham.

Kilanto viya navam so, samaruyha visarado.

45. Mahatittha mupagamma, vanditva dharani patim.

Tam sasanam nivedetva, saram dassesi ahatam.

46. Raja sadhuti vatvana, karetva tassa savgaham.

Saddhim senaya agantva, pakatthaya sakam puram.

47. Jayapanam pivitvana, katva vijayamavgalam.

Mahadhagam pavattetva, yacakanam yatha rucim.

48. Sabbam pakatikam kasi, saram dipe niralayo.

Sovanna patimayo ca, yathathane thapapayi.

49. Subbam ratanapasade, pittham puresi satthuno.

Kasi rakkhapidhanena, nibbhayam dharanitalam.

50. Tato patthaya dipamso, arinam duppadhamsiyam.

Katva vaddhesi bhogehi, uttaradikurum piya.

51. Khinna pubbassa rajassa, kale dipamhi panino.

Nibbuta tam samagamma, ghamma viya valahaka.

52. Tassa visatime vasse, vihare abhayuttare.

Nikkhamitva gata hesum, pamsukulika bhikkhavo.

53. Yuvaraja mahindo so, dhumarajassa satthuno.

Karapayi gharam rammam, dassaneyyam manoramam.

54. Bodhigeham (CS:pg.324) karonto tam, disva vaddhakino tada.

Vamsena sakham ahacca, bhijjantam varabodhiya.

55. Kintu katabbametthati, yuvarajam nivedayum.

So tam tam mupasamkamma, mahapujaya pujiya.

56. Sace sattha, hitatthaya, sambhuto sabbapaninam.

Laddhum pubbassa’nagghassa, gharassa karaneti’dha.

57. Sakha gaccham tu uddhamva, katum sakka yathagharam.

Evamaradhayitvana, vanditva savgharam gato.

58. Tada sakha dumindassa, rattiyam uddhamuggami.

Tato kammakara sabbam, arocesum sasamino.

59. Yuvaraja’ti santuttho, bhaturabbo nivediya.

Mahapujaya pujesi, vissajjiya bahudhanam.

60. Tatha mahindasenavham, parivenabca kariya.

Savghassa’da sabhogam so, pubba pubbanicacini.

61. Ada saparisam bhattam, vattham chattamupahanam.

Tatha gamiyabhattabca, nahanabca sabhattakam.

62. Evam khuddanu khuddani, katva pubbani so vibhu.

Rabbo tettimsavassamhi, yathakammamupagami.

63. Atha raja matetasmim, kanitthamudayam sakam.

Tassa thane thapetvana, sabbam tasseva tassada.

64. Tulabharassa danena, dinanathe satappayi.

Dhammakammena sodhesi, nikayattayamekato.

65. Sonnathalisahassam so, muttahi paripuriya.

Thapetva manimekekam, tassopari maharaham.

66. Brahmananam sahassassa, suddhe ratanabhajane.

Bhojetva khirapayasam, dapetva hemasuttakam.

67. Tatha navehi vatthehi, acchadetva yatharucim.

Santappesi mahantena, pariharena pubbava.

68. Bhikkhunam dipavasinam, adasi ca ticivaram.

Ada sabbasamitthinam, vatthabca sumanoharam.

69. Karetva (CS:pg.325) lohapasadam, vejayantasarikkhakam.

Vaddhesi patimam tattha, suvannaghatakottimam.

70. Sutva uposathagara-bhavam sabba mahesinam.

Tuccho yam neva hotuti, vasam savghassa tam aka.

71. Bhogagame ca tassada, rakkhake ca niyojayi.

Bhikkhu dvattimsamattahi, vasantuti niyamayi.

72. Gavgaya mariyadam so, karesi manimekhalam.

Toyaniddhamanabcaka, manihirakavapiya.

73. Katthuntanagare ceva, kanavapimca bandhayi.

Vejjasalabca karesi, cetiyamhi girimhi so.

74. Buddhagamaviharabca, viharam mahiyavganam.

Kutatissa viharabca, bhogagame na vaddhayi.

75. Mandalassa girissa’da, viharassa sagamake.

Uttaralhe ca karesi, pasadam parivenake.

76. Mahasenassa Buddhassa, gamam datvana rakkhake.

Dasi sobbhavihare ca, karesi patimagharam.

77. Bodhisatte ca vaddhesi, pasade manimekhale.

Silamayamunindassa, jinnagehampi karayi.

78. Raja tam bodhisattabca, sagharam tattha sannahi.

Alavalam dumindassa, gandhitva ka mahamaham.

79. Likhitva hemapattamhi, sabbaratanasuttakam.

Mahapujamaka tassa, abhidhammam kathapayi.

80. Anandapatimam netva, puram katva padakkhinam.

Parittam bhikkhusavghena, bhanapetva yathavidhim.

81. Parittodakasekena, janam katva niraturam.

Raja rogabhayam pevam, niharittha sadesato.

82. Abhisekam gahetvana, hemavaluka cetiye.

Anusamvaccharam katum, tam carittam likhapayi.

83. Ada masassa catusu, uposathadinesu so.

Catunnabca sahassanam, vatthadanam sabhattakam.

84. Vesakhakilam (CS:pg.326) kilittha, saddhim duggatakehi so.

Annam panabca vatthabca, tesam datva yatharucim.

85. Bhikkhusavghassa dipamhi, niccadanam pavattayi.

Santappesi ca danena, kapanaddhikavanibbake.

86. Tassa rabbo mahesi ca, savghanama akarayi.

Pabbatam savghasenavham, sabhogamabhayuttare.

87. Nilaculamanibcaka, silamaya mahesino.

Pujam sabbopaharehi, kasi satthussa sabbada.

88. Tassa senapatica’ka, senasenapativhayam.

Parivenam mahabhogam, suro tutthakanamako.

89. Evam sapariso katva, sapubbani mahayaso.

Pabcatimsatime vasse, devalokamupagami.

90. Tato tassa’nujo asi, udayo nama khattiyo.

Raja sabbappayogehi, hitesi dipavasinam.

91. Hutva so sayam raja, kanittham sakabhataram.

Mahadipadathanamhi, thapi kassapanamakam.

92. Raja cintiya batinam, katabbo savgaho iti.

Evam kassapanamassa, bhatuputtassa dhitaram.

93. Yuvarajassa tassa’ka, bhariyam senanamikam.

Dharesica sayam raja, aparam tissasavhayam.

94. Mahindassuparajassa, rajadhitaya kittiya.

Putto kittaggabodhiti, adipado vibuddhiko.

95. Coro hutva maharabbo, nikkhamitvana rattiyam.

Eko abbatavesena, samupagammarohanam.

96. Janam hattagatam katva, desam sabbam vinasiya.

Ghatapayittha tatrattham, so tam matulamattano.

97. Tam sutva dharanipalo, tasmim’tiva pakuppiya.

Anetum tamupayam so, gavesanto tatha tatha.

98. Bhatuputtam tamahuya, yuvarajam sakassapam;

Amantesi mahapubba, sahayo hoti me iti.

99. Kim (CS:pg.327) me kattabba’miccaha, paccaha dharanipati.

Putto tava mahindo so, vuddhippatto mahabalo.

100. Labhi rohanadesassa, matito pitito’pi ca.

Suro sabbasaho viro, kusalo katupasano.

101. Savgamayoggo matima, nipuno nayakovido.

Tam pesetva nayissama, papam matulaghatakam.

102. Tam sutva vacanam rabbo, kassapo bhasi sadaro.

Deva devena vutto’ham, gaccheyyam kintu me suto.

103. Vamso me palito hoti, pasado ca tavadhipa.

Tasma kalamahapetva, yam icchasi tatha kuru.

104. Sutva ativasantuttho, narindo tassa tam vaco.

Mahantham balakayam so, sabbaso patiyadiya.

105. Mahata pariharena, mahindam rajapotakam.

Rakkhitum tam niyojetva, vajiraggabca nayakam.

106. Tuccham viya puram katva, sabbabca balavahanam.

Sabbopakaranabceva, anunam tassa dapiya.

107. Sayam tamanugacchanto, padasa’va narissaro.

Uyyojesi mahapubba, gaccha rukkhati medinim.

108. Mahindo so mahindo’va, devasena purakkhato.

Gacchanto suvirocittha, devasuramahahavam.

109. Tato gantva na cirena, guttasalamupagami.

Tato janapada sabbe, mandalika ca ratthiya.

110. Tena matulaghatena, papakena upadduta;

Gantva tam parivaresum, laddho no samiko iti.

111. Patanto sopi kho coro, thitova girimandale.

Sabbam hatthagatam katva, rajabhandam mahagghiyam.

112. Hatthi asseca adaya, gantva malayamaruhi.

Mahindasena ghatenti, tassa senam tahim tahim.

113. Padanupadamasse’va, gacchanti hatthi-assake.

Disva malayapadamhi, gahetva ettha so iti.

114. Tattha (CS:pg.328) pavisimaddanti, sabbam malayakananam.

Nadiyo pallale ceva, karonti maggasadise.

115. Balakova janam disva, sabbam ratanamattano.

Kodhabhibhuto chaddesi, nadi sobbhatatadisu.

116. Ekakova niliyittha, vane pabbatakandare.

Gavesanto jano disva, tamaggahi naradhammam.

117. Tamadaya’ti tuttho so, jano agamma sajjukam.

Mahindamupadassesi, nisinnam guttasalake.

118. So tam disva hasitvana, Bhutto kim rohano”iti.

Nayakassa niyyatetva, Vajiraggassa rajino.

119. Sayam senam samadaya, mahagamamupagato.

Rohana dhipati hutva, karonto lokasavgaham.

120. Janam pakatikam katva, balakena vibadhitam.

Sasanabca yathathane, thapetva tena nasitam.

121. Puppharame phalarame, karayitva tahim tahim.

Vapiyo’pi ca ganhitva, bandhapetva mahanadim.

122. Sabbattha sulabham katva, savghassa catupaccayam.

Dutthe ca patibahetva, mandalike ca ratthiye.

123. Core ca parisodhetva, katva vigatakantakam.

Tosayanto’khilam lokam, cagabhogasamappito.

124. Upasaniyo vibbuhi, sevaniyo dhanatthihi.

Kapparukkhupamo sabba-yacakanam hitavaho.

125. Hitva dubbinayam dese, pubbakehi pavattitam.

Samacaranto dhammabca, vasam tattheva kappayi.

126. Adipadam gahetvana, vajiraggo vinayako.

Anuradhamupagamma, rajanamabhidassayi.

127. Rajapi disva tam kuddho, khippam pakkhippa carake.

Rakkhavaranamassada, vihethesi ca sabbaso.

128. Adasi (CS:pg.329) ca tulabharam, tikkhattum so mahayaso.

Thuparamamhi thupabca, hemapattena chadayi.

129. Katva tattheva pasadam, bhikkhusavgham nivasiya.

Vihare nagare ceva, patisavkhasi jinnakam.

130. Kadambanadiya’kasi, nijjharam thirabandhanam.

Mariyadam pavaddhesi, vapiyam so mayettiyam.

131. Tattha niddhamanamca’ka, anuvassampi bhumipo.

Civarattham suvatthani, susanhani ca dapayi.

132. Dubbhikkhe danasalayo, karetva sabbapaninam.

Mahadanam pavattesi, mahapalibca vaddhayi.

133. Dadhibhattabca dapesi, nikayattayavasinam.

Niccam duggatabhattabca, yagubceva sakhajjakam.

134. Evamadini pubbani, katva sovaggiyani so.

Ekadasahi vassehi, gato devasahabyatam.

135. Tassekadasavassesu, vissattham sonnameva tu.

Ahu satasahassanam, tayo dasahi sammitam.

136. Sudujjayam pandunaradhiraja,

Mekoparo rohanamuggaduggam.

Katva’pi ete savase narinda,

Sayam vasam maccumupagamimsu.

Sujanappasada samvegatthaya kate mahavamse