Dutiyapariccheda
Mahasammatavamsa
1. Mahasammata rajassa, vamsajo hi mahamuni;
Kappassadimhi raja’si, mahasammatanamako.
2. Rojo ca vararojo ca, tatha kalyanaka duve;
Uposatho ca mandhata, carako’pacara duve.
3. Cetiyo mucalo ceva, mahamucalanamako;
Mucalindo sagaro ceva, sagaro deva vanamako.
4. Bharato bhagiratho ceva, ruci ca suruci pica;
Patapo mahapatapo, panada ca tatha duve.
5. Sudassano ca neru ca, tatha eva duve duve;
Pacchima ca’ti rajano, tassa puttapaputtaka.
6. Asamkhiyayuka ete, atthavisati bhumipa;
Kusavatim rajagaham, mithilabcapi avasum.
7. Tato satabca rajano, chappabbasa ca satthi ca;
Caturasiti sahassani, chattimsa ca tato pare.
8. Dvattimsa atthavisa ca, dvavisati tato pare;
Attharasa sattarasa, pabcadasa catuddasa.
9. Nava satta dvadasa ca, pabcavisa tatopare;
Pabcavisam dvadasa ca, dvadasabca nava pica.
10. Caturasitisahassani, makhadevadikapi ca;
Caturasitisahassani, kalarajanakadayo.
11. Solasa yava okkatam, paputta rasito ime;
Visum visum pure rajjam, kamato anusasisum.
12. Okkamukho jetthaputto, okkakasa’si bhupati;
Nipuro candima candam-mukho ca sivi sabjayo.
13. Vessantara (CS:pg.9) maharaja, jali ca sihavahano;
Sihassaro ca iccete, tassa putta pa puttaka.
14. Dve-asiti sahassani, sihassarassa rajino;
Putta pa putta rajano, jayaseno tadantimo.
15. Ete kapilavatthusmim, sakyarajati vissuta;
Sihahanu maharaja, jayasenassa atrajo.
16. Jayasenassa dhita ca, namena’si yasodhara;
Devadaye devadaha-sakko nama’si bhupati.
17. Abjano ca’tha kaccana, asum tassa suta duve;
Mahesica’si kaccana, rabbo sihahanussa sa.
18. Asi abjanasakkassa, mahesi sa yasodhara;
Abjanassa duve dhita, maya catha pajapati.
19. Putta duve dandapani, suppabuddho ca sakiyo;
Pabca putta duve dhita, asum sihahanussare.
20. Suddhodano dhotodano, sakkasukkamitodano;
Amita pamitaca’ti, ime pabca ima duve.
21. Suppabuddhassa sakkassa, mahesi amita ahu;
Tassa’sum bhaddakaccana, devadatto duve suta.
22. Maya mahapajapati ceva, suddhodana mahesiyo;
Suddhodana maharabbo, putto mayaya so jino.
23. Maha sammatavamsamhi, asambhinne mahamuni;
Evam pavatte sabjato, sabba khatthiya muddhani.
24. Siddhatthassa kumarassa, bodhisattassa sa ahu;
Mahesi bhaddakaccana, putto tassa’si rahulo.
25. Bimbisaro ca siddhattha-kumaro ca sahayaka.
Ubhinnam pitaro capi, sahaya-eva te ahum.
26. Bodhisatto bimbisara, pabcavassadhiko ahu;
Ekunatimso vayasa, bodhisatto’bhinikkhami.
27. Padahitvana (CS:pg.10) chabbassam, bodhim patva kamena ca;
Pabcatimso tha vayasa, bimbisaramupagami.
28. Bimbisaro pannarasa-vasso’tha pitaram sayam.
Abhisitto mahapabbo, patto rajjassa tassa tu.
29. Patte solasame vasse, sattha dhammamadesayi;
Dvapabbaseva vassani, rajjam karesi so pana.
30. Rajje sama pannarasa, pubbe jinasamagama;
Sattatimsa sama tassa, dharamane tathagate.
31. Bimbisarasuto’jata-sattutam ghatiya’mati.
Rajjam dvattimsavassani, mahamittaddukarayi.
32. Ajatasattuno vasse, atthame muni nibbuto;
Paccha so karayi rajjam, vassani catuvisati.
33. Tathagato sakalalokaggatam gato;
Aniccatava samavaso upagato.
Iti’dha yo bhayajananim aniccatam,
Avekkhate sa bhavati dukkhaparaguti.
Sujanappasadasamvegatthaya kate mahavamse
Mahasammatavamso nama
Dutiyo paricchedo.
Tatiya pariccheda
Pathamadhammasamgiti
1. Pabcanetto (CS:pg.11) jino pabca-cattalisasama’samo.
Thatva sabbani kiccani, katva lokassa sabbatha.
2. Kusinarayayamaka-salanamantare vare.
Vesakhapunnamayam so, dipo lokassa nibbuto.
3. Savkhyapathamatikkanta, bhikkhu tattha samagata;
Khattiya brahmana vassa, suddha deva tatheva ca.
4. Sattasatasahassani, tesu pamokkhabhikkhavo;
Thero mahakassapova, savghatthero tada ahu.
5. Satthusarirasarira-dhatukiccani kariya.
Icchanto so mahathero, satthu dhammaciratthitim.
6. Lokanathe dasabale, sattahaparinibbute;
Dubbhasitam subhaddassa, Buddhassa vacanam saram.
7. Saram civaradanabca, samatte thapanam tatha;
Saddhammathapanatthaya, munina’nuggaham katam.
8. Katum saddhammasamgitim, sambuddhanamate yati;
Navavgasasanadhare, sabbavgasamupagate.
9. Bhikkhu pabcasateyeva, mahakhinasave vare;
Sammanni ekenune tu, anandattherakarana.
10. Puna anandatthera’pi, bhikkhuhi abhiyacito;
Sammanni katum samgitim, sa na sakka hi tam vina.
11. Sadhukilanasattaham, sattaham dhatubhajanam;
Iccaddhamasam khepetva, sabbalokanukampaka.
12. Vassam vasam rajagahe, kassama dhammasavgaham;
Nabbehi tatta vatthabba-miti katvana nicchayam.
13. Sokaturam (CS:pg.12) tattha tattha, assasento mahajanam;
Jambudipamhi te thera, vicaritvana carikam.
14. Asalhisukkapakkhamhi, sukkapakkhathitatthika;
Upagamum rajagaham, sampannacatupaccayam.
15. Tattheva vassupagata, te mahakassapadayo;
Thera thiragunupeta, sambuddhamatakovida.
16. Vassanam pathamam masam, sabbasenasanesu’pi;
Karesum patisavkharam, vatvana’jatasattuno.
17. Viharapatisavkhare, nitthite ahu bhupati;
Idani dhammasamgitim, karissami mayam iti.
18. Kattabbam kintiputthassa, nisajjathanamadisum;
Raja katthati pucchitva, vuttathanamhi tehi so.
19. Sigham vebharaselassa, passe karesi mandapam;
Sattapanniguhadvare, rammam devasabhopamam.
20. Sabbatha mandayitva tam, attharapesi tattha so;
Bhikkhunam gananayeva, anagghattharanani ca.
21. Nissaya dakkhinam bhagam, uttaramukhamuttamam;
Therasanam supabbattam, asi tattha maharaham.
22. Tasmim mandapamajjhasmim, puratthamukhamuttamam;
Dhammasanam supabbattam, ahosi sugataraham.
23. Raja’rocayi theranam, kammam no nitthitam iti;
Te thera theramananda-manandakaramabravum.
24. Sve sannipato ananda, sekhena gamanam tahim;
Na yuttante sadatthe tvam, appamatto tato bhava.
25. Iccevam codito thero, katvana viriyam samam;
Iriyapathato muttam, arahattamapapuni.
26. Vassanam dutiye mase, dutiye divase pana;
Rucire mandape tasmim, thera sannipatimsu te.
27. Thapetva’nandattherassa, anucchavikamasanam;
Asanesu nisidimsu, arahanto yatharaham.
28. Thero’rahattapattim (CS:pg.13) so, bapetum tehi nagama;
Kuhim anandatthero’ti, vuccamane tu kehici.
29. Nimmujjitva pathaviya, gantva jotipathena va;
Nisidi thero anando, attano thapitasane.
30. Upalithero vinaye, sesadhamme asesake;
Anandattheramakarum, sabbe thera dhurandhare.
31. Mahathero sakattanam, vinayam pucchitum sayam;
Sammannu’palithero ca, vissajjetum tameva tu.
32. Therasane nisiditva, vinayam tamapucchi so;
Dhammasane nisiditva, vissajjesi tameva so.
33. Vinayabbunamaggena, vissajjitakamena te;
Sabbe sajjhayamakarum, vinayam nayakovida.
34. Aggam bahussutadinam, kosarakkham mahesino;
Sammannitvana attanam, thero dhammamapucchi so.
35. Tatha sammanniya’ttanam, dhammasanagato sayam;
Vissajjesi tamananda-tthero dhammamasesato.
36. Vedehamunina tena, vissajjitakamena te;
Sabbe sajjhayamakarum, dhammam dhammatthakovida.
37. Evam sattahi masehi, dhammasamgiti nitthita;
Sabbalokahitatthaya, sabbalokahi tehi sa.
38. Mahakassapatherena, idam sugatasasanam;
Pabcavassasahassani, samattham vattane katam.
39. Ativa jatapamojja, sandharakajalantika;
Samgitipariyosane, chaddhakampi mahamahi.
40. Acchariyani ca’hesum, lokenekaninekadha;
Thereheva katatta ca, theriyayam parampara.
41. Pathamam savgaham katva, sabbalokahitam bahum;
Te yavatayukam thatva, thera sabbepi nibbuta.
42. Thera’pi (CS:pg.14) te matipadipahatandhakara,
Lokandhakarahananamhi mahapadipa.
Nibbapita maranaghoramahanilena,
Tenapi jivitamadam matima jaheyyati.
Sujanappasadamsamvegatthaya kate mahavamse
Pathamadhammasamgitinama Tatiyo paricchedo.
|