From Chattha Savgayana (CS) Released by Dhammavassarama 法雨道場

Sattacattalisatima pariccheda

Pabcarajako

1. Accaye (CS:pg.307) pituno raja, uparaja ahosi so.

Samattho sakkumittanam, katum niggaha samgahe.

2. Sena namasi sappabba, mahesi tassa rajino.

Khuddaputta piya’tiva, rabbo kalyanadassana.

3. Adasi yuvarajattam, jetthaputtassa attano;

Adipade’parekasi, rajinipi ca dhitaro.

4. Datva thanantaram raja, tesam tesam yatharaham.

Janam savgahavatthuhi, savgahesi catuhipi.

5. Atha kenapi so gantva, hetuna manihirakam.

Vasanto kira assosi, paccanto kupito iti.

6. Tato senapatibceva, jetthaputtabca attano;

Gantva sadhetha tam desa-miti pesesi sajjukam.

7. Tesu tatthopayatesu, pisuna bhedacintaka.

Vatva yamkibci bhindimsu, te ubhopi naradhipe.

8. Tato (CS:pg.308) dve verino hutva, desam ganhitumarabhum.

Raja sutva khaneneva, duratissa mupagami.

9. Te ubho tattha ghatetva, tesam sabbam samadiya.

Hantva tam pakkhiye sabbe, pulatthinagaram gami.

10. Tada rohanadesamhi, bhogadhipatino suto.

Dathasivadipadassa, mahindo nama khattiyo.

11. Pituno so’parijjhitva, rabbo santikamagama.

Disva rajapi santuttho, tam savganhi yatharaham.

12. Tena mettim thiram katum, dhitaram deva namikam.

Tassa datvana pahesi, balam rohanamevaso.

13. So gantva rajasenaya, maddapetvana rohanam.

Jambudipam palapetva, pitaram rohanam labhi.

14. Mahavihare karesi, salakaggam thiram subham.

Kholakkhiyamunindassa, pariharaya dapayi.

15. Mahanamavhayam gamam, pujayitva yathabalam.

Vaddhamanadumindassa, jinnam gehabca kariya.

16. Rukkhanatthaya tassa;da, kotthagamam bahudayam.

Nilaramassa padasi, kalussam nama gamakam.

17. Loharupassa padasi, aramassa ca gamakam.

Jinnabca patisavkhasi, patimayo ca karayi.

18. Pasade cetiyo ceva, vihare ca anappake.

Pulatthinagare’kasi, vejjasalam mahadayo.

19. Tatha panda*viyabceva, bhogagamasamayutam.

Pitthasappinamandhanam, salayo ca tahim tahim.

20. Potthakesu likhapetva, atte samma vinicchite.

Rajagehe thapapesi, ukkotanabhayena so.

21. Nagavaddhananamassa, bhogagame bahu ada.

Lekhe’pubbe na varetva, paletva pubbasasanam.

22. Pitara (CS:pg.309) ca mahadanam, pubbamabbampi va katam.

Sabbam tamavinasetva, niccam so rakkhi sadaro.

23. Mahesi ca maharabbo, pubbani bahukarayi.

Kantakam cetiyam kasi, devi cetiyapabbate.

24. Karetva jayasenabca, pabbatam gamikassada.

Bhikkhusavghassa sa gamam, mahummarabca tassa da.

25. Silameghavhayam katva, bhikkhuninamupassayam.

Silameghavhaye dasi, bhikkhuninabca paccaye.

26. Gamaye’sum purakita, viharo tattha sadhanam.

Datva te me cayitvana, viharasseva dapayi.

27. Chadayitva maharukkhe, sabbe cetiyapabbate.

Nanarage dhaje ceva, patakayo ca pujayi.

28. Pubbaramakabhagampi, pasadam patisavkhari.

Ussanavitthim dubbhogam, subhogam tassa karayi.

29. Viharam giribhandabca, nattham pakatikam kari.

Bhogagame ca dapesi, bhikkhunam tannivasinam.

30. Ambuyyanamhi avasam, katva dappulapabbatam.

Bhikkhunam tisatassa’da, sampannacatupaccayam.

31. Karetva nilagallabca, aramam so manoramam.

Dakavaram bahuppadam, tassa dapesi kariya.

32. Arikari vihare ca, patisavkhasi jinnakam.

Salakaggabca pasadam, apubbamyeva karayi.

33. Vahadipe sakaresi, senaggabodhipabbatam.

Dhammam tisu nikayesu, vacayittha bahussute.

34. Ganhapesi ca bhikkhunam, ayopattesu ganthike.

Pubbanti vuttam sabbam so, na kibci parivajjayi.

35. Kulinanamanathanam, itthinam’da pilandhanam.

Bhojanam bhojanatthinam, bahu so dasi rattiyam.

36. Gunnam sassani padasi, kakadinabca bhattakam.

Tandulabca kumaranam, madhuphanitasamyuttam.

37. Evam (CS:pg.310) pubbani katvana, narindo so sapariso.

Bhutva pabcasu vassesu, medinim sampariccaji.

38. Tato tassa suto asi, sihalanam rathesato.

Sabbarupagunopeto, mahindo nama khattiyo.

39. So dhammikasilamegho, iccasi dharanitale.

Dhammadipo dhammadhajo, suddhadhammaparayano.

40. Pubbakehi narindehi, katam dhammapathanugam.

Sabbam kasi ahapetva, adhammam tu vivajjayi.

41. Rajaratanapasade, katum so navakammakam.

Sabbakalesu dapesi, getthumbadakavarakam.

42. Jinnabca patisavkhasi, pubbakammamakasi ca.

Rajjam katvana catusu, vassesu nidhanam gato.

43. Aggabodhi tato raja, chattam ussapayi pure.

Karento sabbasattanam, hitam sukhamasesato.

44. Dhatupujam sakaresi, satthusabbagunaraham;

Pitamahakatassa’pi, sambuddhassa mahamaham.

45. Udayaggadibodhibca, parivenam sakarayi.

Namam gahetva pituno, attano ca naradhipo.

46. Sabhogam parivenabca, katva tam bhutanamakam.

Sakacariyakassa’da, bhikkhunam tisatassa ca.

47. Rajasalaya dapesi, culavapiyagamakam.

Gamadvayabca dapesi, kalulamallavatake.

48. Pavesam vinivaresi, uposathadinesu so.

Macchamamsasuradinam, antonagaramattano.

49. Bhikkhu va cetiye va so, vanditva nikkhamam tato.

Valuka ha vinassantu, iti padesu vodhayi.

50. Yam yam sovaggiyam kammam, kammam nissaranavaham.

Vatthuttaye pasanno so, kammam tam sabbamacari.

51. Matupatthananirato, rattindivamahosiso.

Gantva tassa upatthanam, patova kira bhupati.

52. Sisam (CS:pg.311) telena makkhetva, ubbattetvana jallikam.

Nakhe visuddhe katvana, nahapetvana sadaram.

53. Acchadetva navam vattham, sukhasamphassamattano.

Vattham chadditamadaya, pelletva sayameva tam.

54. Tassa toyena sibcitva, sisam samakutam sakam.

Gandhamalahi tam samma, cetiyam viha pujiya.

55. Namassitvana tikkhattum, katva tam so padakkhinam.

Dapetva parisaya’ssa, vatthadini yatharucim.

56. Sahattheneva bhojetva, bhojanam tam maharaham.

Bhutthavasesam bhubjitva, samakiriyamatthake.

57. Bhojetva parisam tassa, rajabhojanamuttamam.

Sajjetva vasagehabca, sugandhaparivasitam.

58. Sahattha pabbapetvana, sayanam tattha sadhukam.

Pade dhoviya makkhetva, gandhatelena sanhakam.

59. Sambahento nisiditva, katva niddamupetakam.

Katva padakkhinam mabcam, tikkhattum sadhuvandiya.

60. Arakkhake niyojetva, dasekammakarepi ca.

Tassa pitthimakatvana, apakkameva pitthito.

61. Thatva adassane thane, tikkhattum puna vandiya.

Santuttho tena kammena, saranto tam punappunam.

62. Geham yati sajivantam, evameva upatthahi.

Ekada dasavadena, vanditva dasamattano.

63. Tenattano kathapesi, khamapetum sayam vaco.

Attanam bhikkhusavghassa, dapayitvana matara.

64. Dhanamatthagghanam batva, bhujisso asi buddhima.

Evam pubbaparo hutva, katva dipassa savgaham.

65. Ekadasahi vassehi, devalokamupagami.

Tassanujo dappulo’tha, raja hosi tadaccaye.

66. Sabbam pubbakarajunam, cariyam so samacari.

Tada mahindanamassa, puttarohanasamino.

67. Pitara (CS:pg.312) nihata’gabchum, rajanam matulam sakam.

So te disva pavattim tam, sutva datva mahabalam.

68. Pahesi pitara yuddham, katum bandhu hite rate.

Mahindopi tathabhavam, viditva rohanadhipo.

69. Yuddham patipadeyeva, tesam’kasi mahabalo.

Te ubhopi palayimsu, datva senaya nayakam.

70. Punagantva mahipalam, sevamana idha’vasum.

Pitapi tena santuttho, abbena sakabandhuna.

71. Yujjhanto maranam gabchi, batisopi mato kira.

Tada’da bhagineyyassa, raja kittaggabodhino.

72. Sabbarupagunopetam, dhitaram deva namikam.

So dappulam thapetvana, sevattham tassa rajino.

73. Sayam senavgamadaya, rohanam samupagami.

Rohanadhipati hutva, sabbakarasamappito.

74. Puttadhitahi vaddhento, vasam tattheva kappayi.

Rajakasi dumindassa, gharam jinnam navam thiram.

75. Sovannakhacitam kammam, mavgalena ca tassa so.

Attano rajabhavassa, satthuparamitaya ca.

76. Sammanucchavikam katva, mahapujam pavattayi.

Jinnam karesi pasadam, hatthikucchiviharake.

77. Vahadipassa aramam, lavaravabca pabbatam.

Vihare jetaname ca, katva sovannayam munim.

78. Vaddhetva bodhigehamhi, pujamkasi acintiyam.

Anusamvaccharam dipe, vatthadanam pavattayi.

79. Mahapalibca vaddhesi, bhattaggamavalokayi.

Tulabharabca dapesi, jinnabca patisavkhari.

80. Carittam pubbarajunam, palesi manavajjiyam.

Tassa’si vajiro nama, senapati mahapati.

81. Kacchavalam sakaresi, aramam pamsukulinam.

Thuparamamhi thupassa, gharam chadesi sadhukam.

82. Itthakahi (CS:pg.313) suvannahi, hemadvare ca karayi.

Evam solasavassani, katva rajjam naradhipo.

83. Agama sabbasattanam, gantabbam desameva so.

Tasmim rajini sampatte, devalokam tada ahu.

84. Aggabodhisanamo’tha, anabherim carapayi.

Pita tassa sabhatussa, puttam mahindanamakam.

85. Rajjattham sakaputtanam, adipadam na karayi.

Adaram so sabandhunam, kanitthanampi katave.

86. Asahanto palayittha, paratiram samakulo.

Te samagamanam sutva, pesayitva mahabalam.

87. Karetva yuddhametehi, sisam tesam saganhayi.

Nikayesu vicaretva, kattabbam sabbameva so.

88. Dipe’pi sakale kasi, papacaranivaranam.

Bhikkhu culaviharesu, yagum ganhanti sabbada.

89. Mahavihare tam sutva, raja nibbinnamanaso.

Kanthapitthimahagamam tatha yabalagamakam.

90. Telagamam bahudabca, dakavaram padapiya;

Yagum gahetum yojesi, viharesu’pi bhikkhavo.

91. Tato patthaya tam yagum, sabbe ganhimsu sadara.

Dipe bherimca rapetva, sannipatiya yacake.

92. Suvannam sopadapesi, yathiccham divasattayam.

Evamadim sa katvana, pubbavam vassehi tihi ca.

93. Vatthuttayapasadassa, phalam passitumattano.

Raja dibbena yanena, gacchanto viya so mari.

94. Evam anicca vata sabbadehino;

Sabbabbunopeva mupeti maccum.

Pahaya tasma bhavaragajatam.

Budho subuddhivibhave bhaveyya.

Sujanappasadasamvegatthaya kate mahavamse