From Chattha Savgayana (CS) Released by Dhammavassarama 法雨道場

Atthacattalisatima pariccheda

Ekarajako

1. Tato (CS:pg.314) tassa’nujo seno, chattam ussapayi pure.

Piyam’va puttam passanto, satte sabbe mahadhano.

2. Cariyam pubbarajunam, samacari yathabhatam;

Apubbampi ca vattesi, cariyam dhammasamhitam.

3. Bhikkhunam bhikkhuninabca, batinam dipavasinam.

Macchanam migapakkhinam, kattabbam sa samacari.

4. Mahindam paratiram so, gatam yojiyamarayi.

Evam so suvisodhesi, rajjapaccatthike’khile.

5. Mahadanam pavattesi, yacakanam dhanesinam;

Bhikkhunam brahmananabca, manubbam rajabhojanam.

6. Ahesum anujatassa, mahindo kassapo tatha.

Udayoti tayo tesu, mahindo yuvarajako.

7. Hutva tassanuvattanto, sakkaccam tamupatthahi.

Savghanamasi rajassa, bhariya tassa rajini.

8. Kilanattham samuddassa, gate rajini pattanam.

Udayo adipadoso, ohino nagare tada.

9. Nalanamam gahetvana, dhitaram manilaniya.

Rakkhitam rajarakkhaya, pulatthinagaram aga.

10. Raja tasmim akujjhitva, sandhim katva akuppiyam.

Mahadipadam pesetva, tosatva tam idhanayi.

11. Evam samagga te asum, tato patthaya khattiya.

Rakkhanta sasanam lokam, vasimsu susamahita.

12. Tato kenaci kalena, panduraja mahabalo.

Jambudipa idha’gamma, dipa ganhitumarabhi.

13. Raja (CS:pg.315) sutva mahasenam, pesuyittha tadantikam.

Amaccanam vivadena, thaddhotaro naradhipo.

14. Panduraja vinasento, sabbam tam desamuttaram.

Khandhavaram nivesesi, mahatalitagamake.

15. Vasanta damila ettha, bahavo ye tahim tahim.

Sabbe tam pakkhiyahesum, tato so balava ahu.

16. Tattha ganta mahasena, rabbo yujjhitumarabhi.

Hatthikkhandhagato pandu-rajapi samupavisi.

17. Ahu damilasenasa, passanti samino mukham.

Sampattabalahussaha, tadatthe cattajivita.

18. Dipasena tu samina-mabhavena nirussukka.

Yujjhanti paribhinditva, palayittha tato tato.

19. Otaritthamahasena, pandurajassa tavkhane.

Marasenava gacchanti, vicunnenti mahajanam.

20. Raja senaya bhinnattam, sukka sabbam samadiya.

Hatthasaram puram hitva, malayabhimukho gato.

21. Tato hatthim samaruyha, yuvaraja mahindako.

Yujjhanto sakasenaya, palatattam samekkhiya.

22. Ekename na sakka ve, sabbe etehi maritum.

Etesam na ca nicanam, hatthesu maranam sukham.

23. Tasma varam me maranam, maya eveti cintiya.

Hatthikkhandhagatoyeva, chindi so sisamattano.

24. Tam disva bahavo sise, tattha chindimsu sevaka.

Tam disva damili sena, hatthatuttha pamodisa.

25. Etam sabbam samekkhitva, adapado sakassapo.

Turavgavaramaruyha, susannaddho mahayudho.

26. Viharamupasavkamma, abhayam ekakova so.

Tadisampi mahasenam, ogahetva vidarayi.

27. Supanno viya ganhanto, bhujagena salilala ye.

So tam sabbam nivattesi, attanabca sugopayi.

28. Asso (CS:pg.316) ekova dissittha, turavgavalisannibho.

Attano so janam kabci, apassanto’nugaminam.

29. Kim me ekena verinam, puritena manoratham.

Kalantareham jivanto, puressam me manoratham.

30. Tasma gantumva yuttanti, nimphotetva mahabalam.

Nibbhayova mahayodho, kondivatamupagami.

31. Panduraja mahasena, aggahesi tato puram.

Sisam tam yuvarajassa, pandurajassa dassayum.

32. So tam disva ca jhapetva, rajunam pandudesinam.

Sabbamalahane kiccam, tassa katum niyojayi.

33. Sabbam saram harapesi, bhandagaramhi rajino.

Agganhittha gahetabbam, vihare nagarepi ca.

34. Pasade ratane sabbe, sovannamsatthubimbakam.

Silamaya munindassa, cakkhubhuka manidvayam.

35. Tatha sovannapatte ca, thuparamamhi cetiye.

Suvanna patimayo ca, viharesu tahim tahim.

36. Sabbam gahetva nissaram, lavkadipa makasi so.

Chaddayittha puram ramma, yakkhabhakkhita rupakam.

37. Raja’pi rakkham datvana, mahamagge tahim tahim.

Gavgadvaya mukhe vasam, kappesi parisavkito.

38. Panduraja tato saddhim, katum sihalasamina.

Amacce tattha pesesi, disva te sihaladhipo.

39. Sunitva sasanam tesam, sabbam tam sampaticchiya.

Dutanam karayitvana, yathakamena savgaham.

40. Hatthidvayam sadatvana, sabbamabharanampi ca.

Tassa pesesi duteso, attanopi hitavahe.

41. Panduraja sitam sabbam, disva santutthamanaso.

Niyyatetvana dutanam, tadaheva mahapuram.

42. Nikkhamitva pura gantva, na cireneva pattanam.

Tattha aruyha navam so, saka desa mupagami.

43. Tato (CS:pg.317) agamma nagaram, silamegho mahipati.

Yathathane thapetvana, dipam vasi samahito.

44. Bhataram dutiyam katva, udayam nama khattiyam.

Mahadipadam tassa’da, sogattham dakkhinam disam.

45. Sopi kho na cireneva, katva pubbam yatharaham.

Rogenekena samphuttho, pavittho maccuno mukham.

46. Kassapo adipadopi, pulatthinagare vasam.

Yojetva pandurajena, ahosi kira marito.

47. Tada kassapanamassa, putta asum maharaha.

Adipadassa cattaro, dhabbalakkhana sabbuta.

48. Yo senam sabbapathamo, seno nama kumarako.

Suro viro mahussaho, rajabharakkhamo samo.

49. Raja mahadipadattam, tassa datva yathavidhim.

Bhogattham dakkhinam desam, savahana mupadisi.

50. Rohanadhipatissa’sum, putta kittaggabodhito.

Cattaro dhitaro tisso, dassaneyya manorama.

51. Tada jetthasutam tassa, mahindam nama khattiyam.

Pituccha marayitvana, desam ganhi sasadhanam.

52. Bhataro te tayo tasmim, Samruttha bhatu ghatane.

Adaya bhagini tisso, Rabbo santikamagamum.

53. Rajapi disva tetiva, mamayanto dayaluko.

Sabbe devakumareva, sukham vaddhesi pemava.

54. Tato kassapanamam so, tesam jettham narissaro.

Desam tam ganha yahiti, datva balamapesayi.

55. So’pi gantvana tam hantva, rohanam kasinampi tam.

Katva hatthagatam tattha, vasittha nirupaddavo.

56. Atha so bhataro dve’pi, senabca udayam tatha.

Pakkositvana, bhajetva, desam tehi sahavasi.

57. Raja (CS:pg.318) ta sadhu vaddhetva, vayapattasu tisu so.

Rajakabbasu dhabbasu, devaccharasu rupisu.

58. Thapetva rajini thane, uparajassa dapayi.

Savghanamam mahabhogam, datva rajjasarikkhakam.

59. Kanittho uparajassa, mahindo nama bhatuko.

Atthi sabbagunopeto, sabbasatthavisarado.

60. Tassa’dasi duve raja, rajakabba manohara.

Tissavhakitta namabca, datva bhogam yatharucim.

61. Evam karonto batinam, samgaham so yatharaham.

Aradhento ca danadi-savgahehi mahajanam.

62. Raja dasayi rajunam, dhammehi samupagato.

Samacaranto pubbani, paribhubjittha medinim.

63. Pamsukulika bhikkhunam, katva’ritthamhi pabbate.

Mahabhogam adaramam, nimmitam viya iddhiya.

64. Pariharabca tassada, rajarahamasesato.

Aramike ca bahavo, dase kammakarepi ca.

65. Pasadam sova karesi, vihare jetanamake.

Anekabhumim bhumindo, Buddhabhumigatasayo.

66. Vaddhetva tattha karetva, sabba sovannayam jinam.

Santhapetva mahabhogam, vasapesi ca bhikkhavo.

67. Mahadi parivenamhi, karesi sumanoharam.

Pasada maggisandamddham, tasmimyeva viharake.

68. Katva viravkuraramam, vihare abhayuttare.

Mahasavghika bhikkhunam, theriyanabca dapayi.

69. Pubbaramabca karesi, sampanna catupaccayam.

Saddhim so savghanamaya, deviyapi ca attano.

70. Mahaviharetayeva, saddhim karesi bhumipo.

Avasam savghasenavham, mahabhogam mahamati.

71. Karetva sabbasovannam, kesadhatu karandakam.

Mahapujam pavattesi, rajjam vissajji uttamo.

72. Cetiyassa (CS:pg.319) girissada, kanavapim bahudayam.

Bhikkhunam dipavasinam, dapesi ca ticivaram.

73. Pulatthi nagare kasi, vapiyo thusavapiya.

Senaggabodhimavasam, gamaramika sabbutam.

74. Tasmimyeva ca karesi, mahapalim subhojanam.

Mahapalibca sabbesam, mahanettampi pabbate.

75. Vejjasalampi karesi, nagarassa ca pacchime.

Anathanam pavattesi, yagudanam sakhajjakam.

76. Pamsukulika bhikkhunam, paccekabca mahanasam.

Katva dapesi sakkaccam, niccam bhojanamuttamo.

77. Hutva mahadipado’yam, kappura parivenake.

Uttaralhe ca karesi, paricchede sanamake.

78. Tulabharabca padasi, tikkhattum so mahadhane.

Pubbamabbampi so’kasi, raja nanappakarakam.

79. Savghanamapi sa devi, uttaramhi viharake.

Katva mahindasenavha-vasam vasesi bhikkhavo.

80. Araddho dappulavhassa, kale rajassa dhimabho.

Mahadevena so asi, rammo dappula pabbato.

81. Darukassapanamena, tatha kassaparajikam.

Ubhopi te vippakate, raja so vasamapayi.

82. Bhaddo senapati tassa, bhaddasenapati’vhayam.

Parivenampi karesi, dasabhogasamayutam.

83. Uttaro ca amacco’ka, vihare abhayuttare.

Vasamuttarasenavham, ramma muttarapaccayam.

84. Vajiro nama tattheva-vasam vajirasenakam.

Kasi rakkhasanamoca-vasam rakkhasanamakam.

85. Tato visati vassesu, pulatthi nagare vasam.

Pandurajakatam karam, saranto saradassano.

86. Dadanto viya senassa, surassavasarabcaso.

Pahaya dipam dipo’va, mahavata hato gato.

87. Bhogo (CS:pg.320) anicca saha jivitena.

Pageva te bandhujana sahaya.

Naradhipam passatha ekameva.

Samagatam maccumukham sughoram.

Sujanappasadasamvegatthaya kate mahavamse