From Chattha Savgayana (CS) Released by Dhammavassarama 法雨道場

Satthima pariccheda

Kumarodayo

1. Rohane nivasittha’va, jayabahumahipati;

Mittavha rajini ceva, tada kalamakamsu te.

2. Sirivallabhajaya’tha, janesi sugala duve.

Manabharanakam puttam, puttim lilavatimpi ca.

3. Manabharanabhupala-devi’pi ratanavali.

Mittam pabhavatibcapi, alabhi dhitaro duve.

4. Passantassa ubho tayo, dhitaro virabahuno.

Tada mahadipadassa, evam asi vitakkitam.

5. Lokabhisammate sabba-bhupalanvayamuddhani.

Visuddhe somavamsamhi, abhijata mayam pana.

6. Pihaniyatarakara, sabbasattisamunnata;

Nanavijjasu nipuna, hatthi-assadisukkhama.

7. Tatha pekakina ve’te, tayo vikkamabahuna.

Parajayam paribhavam, papita bahuso rane.

8. Sununo susamatthassa, visodhetu mimam malam.

Na dissate patubhavo, aho no appapubbata.

9. Janavadakilitthena (CS:pg.376) rajattenapi kim mama.

Idani visayasavgam, hitva kalyanakammasu.

10. Appamattassa satatam, netabba vasara’iti.

Niyyatetva amaccanam, sabbam rajjavicaranam.

11. Tahim satta’tthamasabhi, vasam rattiyamekada.

Devarajaghareseyyam, kappesi silasamyato.

12. Tato paccusakalamhi, devaputtam mahiddhikam.

Vicittavatthabharanam, gandhamalavibhusitam.

13. Ularatararupena, dehobhasena attano;

Obhasentam asesa’sa, suriyabca na bhuggatam.

14. Vadantam supine evam, adakkhi daranipati.

Pasidassu mahabhaga, pitobhava mahipati.

15. Dhabbalakkhanasampanno, icchitatthassasadhako.

Vinito lokakuhara-byapitejo parakkamo.

16. Anabalayasokitti-bhasuro saggunakaro.

Lokasasanasamvuddhi-karo puttavaro tava.

17. Labbhissate maharaja, na cirasseva sampati.

Puttadaradhivuttham tam, puram khippam payahiti.

18. Pabujjhitvana sabjata-pitivegotha rattiya.

Vibhataya tatopovkha-gamam gabchinaruttamo.

19. Yatha ditthappakarantam, kathesi supinam subham.

Mahesi pamukhanam so, amaccanam mahipati.

20. Saddhim mahesiya tattha, patthento puttamuttamam.

Cintonto danasiladim, subham nanappakarakam.

21. Athekadivasamkale, paccuse supine pana;

Sabbalakkhanasampannam, sabbasetam manoharam.

22. Dantipotavaram dantam, kanne ganiyapemato.

Pavisantamivattanam, seyyagabbham mahesiya.

23. Sampassiya pabujjhitva, utthaya sayanavara.

Sabjatapitipamojja-vegapinitamanaso.

24. Tayam (CS:pg.377) velayamedasu-seyyagabbham mahesiya.

Pavissasupinam tassa, yathadittham pakasayi.

25. Ahampi tadisam hatthi-potakam sayanam mama.

Padakkhinam karitvana, thitam sonde samadiya.

26. Akaddhitvana sayanam, samaropiya pemato.

Alivgim supinamhiti, devi capi tamabravi.

27. Ubho te abbamabbassa, ditthamevam pakasiya.

Utthapesum pahatthava, vitaniddarunam tada.

28. Tato pato upatthatu, mupayatam purohitam.

Nemittake ca pucchimsu, sunitva te pamodita.

29. Na cirasseva puttassa, dhabbalakkhanasalino.

Uppattiya avassam’va, bhavamtabbanti kittayum.

30. Tam sunitva amacca ca, tatha nagaravasino.

Avindimsu janindo ca, sabbepiti mahussavam.

31. Tato patthaya sotthanam, patthayam patthivobhusam.

Bhikkhusavghena bahuso, bhanapesi parittakam.

32. Manimuttadikam cittam, mahagghamanuvasaram.

Pariccaji danamukhe, yacakanamanekaso.

33. Purohitadivippehi, vedavedavgavibbuhi;

Vattapesi ca homadi-vidhanam sotthi sammatam.

34. Suvinatthe vihare ca, dhatugabbhe ca vapiyo.

Jinna ca patisavkhattum, yojayi rajakappike.

35. Dinam nayante kalyana-kammene’vam narissare.

Na ciram santhahi gabbha-varo kucchimhi deviya.

36. Tatovagamma tam hattha-pahattho so narissaro.

Mahantam deviya gabbha-pariharamadapayi.

37. Paripakkagabbha devi, kamena janayisukam.

Samaye bhaddanakkhatta-muhuttenabhilakkhite.

38. Suppasanna asesa ca, disayo tamkhane ahu.

Samirane ca vasimsu, sugandhimudusitala.

39. Dantinam (CS:pg.378) kobcanadena, hayanam hesitena ca.

Rajavganam tadajatam, mahakolahala kulam.

40. Accheratisaye evam, patubhute anekadha.

Disva tam vimhayappatto, manabharanabhupati.

41. Sutva nijassa puttassa, tada sabjatasasanam.

Amatenabhisittova, pitipunnamanoratho.

42. Mocapetva tada kara-ghare baddhe bahujane.

Danam ularam samana-brahmananam padapayi.

43. Amaccapamukha capi, janapuranivasino.

Kadalitoranadihi, rajadhani manekadha.

44. Alavkaritva sakalam, sumanditapasadhita.

Chanam mahantam vattesum, katipaham manoramam.

45. Vede vuttavidhanena, jatakammadikam vidhim.

Sabbam samapayitvana, kumarassa’vanipati.

46. Purohitadayo vippe, tato lakkhanapathake.

Anapetvana sakkara-sammanavidhipubbakam.

47. Niyojesi kumarassa, lakkhananam patiggahe.

Sadhakam sakalam tassa, yatthapadadilakkhanam.

48. Upadhariya mahamacca-ganamajjhagatassa te.

Rajino deviya capi, pakasesum pamodita.

49. Lavkadipam thapetvana, jambudipatalampi ca.

Ekacchattavkitam katva-nubhottum nipuno iti.

50. Te santappiya bhogehi, bhiyyo pucchittha sadaram.

Sandissamanam yamkibci, arittham atthi natthi’ti.

51. Dighayuko kumaro’yam, kibci pabbayate vata.

Janakaritthayogo’ti, te mahipatino’bravum.

52. Tassarijanasammaddi-patapabhujayo gato.

So parakkamabahu’ti, anvatthanamamaggahi.

53. Kannave dhamahabceva, annupasanamavgalam;

Karapiya vidhanabbu, yathavidhimasesato.

54. Rabbo (CS:pg.379) vikkamabahussa, saputtuppattisasanam.

Vattum sadute pesesi, pulatthinagaram tada.

55. Tehiso bhagineyyassa, mahabhagattanampi ca.

Janakaritthayogabca, sutva vikkamabahuso.

56. Dhabbam vijayarajadi-rajamalaya nayakam.

Manimva bhasuram mayham, bhagineyyam janesiso.

57. Hani yakacisatatam, yatha tassa na hessati.

Tatha mamantikeyeva, kumaro ettha vaddhatam.

58. Aladdham labhitum labham, laddhabca parirakkhitum.

Sabbatha na samatthoyam, putto gajabahu mama.

59. Surabhavadiyutto’pi, mahindavhaparosuto.

Nihino matugottena, na rajjassa raho mama.

60. Thitassa vikkajatena, nekaso sabcitena me.

Rajjassa bhagineyyo’va, kamam bhagi bhavissati.

61. Itipesesi dute so, anetum tam kumarakam.

Kumara bharanam datva, sesam sarabcupayanam.

62. Sabbam dutamukha sutva, virabahu mahipati.

Tassetam vacanam yuttam, vuttam mehita buddhiya.

63. Tathapi ca nijarittha-patikaratthamidisam.

Orasam puttaratanam, pesetum na’nurupakam.

64. Kibca tattha kumaramhi, nite vikkama bahuno.

Pakkho laddhamahavaha-balo viya hutasano.

65. Accunnatena mahata, tejasa sabjalissati.

Hanireva vatamhakam, mahati hessate bhusam.

66. Iti hatthe gatanam so, dutanam thanayam sakam.

Apesetva visajjesi, pasadiya manena so.

67. Saputtadarehi (CS:pg.380) samaggavasam,

Naradinatho nivasam tahimso.

Tibbena phuttho mahatagadena,

Rajjena saddhim vijahittha desam.

Sujanappasadasamve gatthaya kate mahavamse