From Chattha Savgayana (CS) Released by Dhammavassarama 法雨道場

Chapabbasatima pariccheda

Anuradhapurabhigamano

1. Yuvarajapade (CS:pg.355) tassa, thitassa’tha nayabbuno.

Ahu vijayabahuti, namam sabbattha pakatam.

2. Mahabbano nijanaya, tattha bherim caraviya.

Thapento sacive’neke, patirupe padantare.

3. Colanam maddanatthaya, rajaratthadhivasinam;

Caturo caturopaye, yo jayam tattha so vasi.

4. Colaraja sunitva tam, pulatthinagare thitam.

Senapatima pesesi, datvana balavahanam.

5. Senindam kajaraggama-samipam samupagatam.

Duppasayham viditvana, giriduggamaga tato.

6. Senindo kajaraggamam, vilumpitvana vegasa.

Tattha vatthumasakkonto, sadesam puna ragami.

7. Tato mahadipado’pi, agamma malaya lahum.

Mahata balakayena, sippatthalakamavasi.

8. Raja ramabbavisaye, rajino santikam jane.

Pesesi bahukesaram, dhanajatabca’nappakam.

9. Vicittavatthakappura-candanadihi vatthuhi.

Paripunna ca navayo, nekatitthe samosata.

10. Dhanaja tehi nekehi, karonto bhatasavgaham.

Tato tambalagamamhi, nivasittha mahabbalo.

11. Abbamabbaviruddhatta, rajaratthadhivasino.

Upaggamma jana sabbe, karam no denti sabbaso.

12. Vipakkhacolarajassa, bhindanta’nam maduddhata.

Ayuttake vihimsento, yathakamam caranti ca.

13. Tam (CS:pg.356) sutva colabhupalo, sampakopavasikato.

Senam mahantim datvana, pesesi sacivam nijam.

14. Mahatitthe’vahinno so, tattha tattha bahujane.

Ghatento savase katva, rajaratthadhivasino.

15. Anukkamena gantvana, kharano rohanam tada.

Ajjhotthari saseno sa, bhinno velovasagaro.

16. Rabbo paccatthika hutva, ravidevacalavhaya.

Ubho damilaseninda-vasam yata mahabbala.

17. Mahapakkhabalopete, te passiya camupati.

Rohanam sakalam khippam, mabbittha sakahatthagam.

18. Ekadasamhi so vasse, raja colabhibhutiya.

Palutthapabbate duggam, pavidhaya tahim vasi.

19. Colasena tadaselam, samanta samparikkhipi.

Tattho’bhayesam senana-mahu bhimsanakam ranam.

20. Rabbo bhata vinasetva, sabbam tam damilam balam.

Palayantam mahacola-samantabcanubandhiya.

21. Gahetvana siram tassa, gamasmim tambavitthike

Saddhim vahanayanehi, sarabhutadhanehi ca.

22. Tahim tam sakalam bhandam, netva rabbo padassiya.

Pulatthinagaram gantum, kalo iti samabravum.

23. Mahipalopi tam sutva, sacivanam vaco tada.

Mahata balakayena, pulatthinagaram gato.

24. Pavattimetam sakalam, sutva colanarissaro.

Tibbakopavasamyato, bhupalagahanatthiko.

25. Samam khippam samagamma, viro sagarapattanam.

Bhiyyopi mahatim senam, lamkadipamapesayi.

26. Tam vijaniya bhumindo, senindam pesayi sakam.

Balam mahantam datvana, colasenaya yujjhitum.

27. Gacchamano camunatho, so’nuradhapurantike.

Saddhim damilasenaya, vattesi tumulam ranam.

28. Patimsu (CS:pg.357) tasmim savgame, bhupalassa nara bahu.

Bhiyyopi damilayatta, jata tam ratthavasino.

29. Vihaya dharanipalo, pulatthinagaram tada.

Villikabanakam rattham, sampapuniya vegasa.

30. Nihaccamaccayugalam, tam ratthadhitthitam tada.

Tahim vasamakappesi, sabhate sannipatayam.

31. Attanamanubandhantam, sutva colacamupatim.

Gantva vatagirim nama, samayabbu siluccayam.

32. Upaccakaya selassa, tattha duggam nivesiya.

Ranam karonto temasam, damile patibahayi.

33. Kesadhatukanathassa, maritassa purarane.

Bhata kanittho sampatta, mahapakkhabalo tada.

34. Maranam sakabhatussa, saranto rutthamanaso.

Sakalam parivattesi, guttahalakamandalam.

35. Atho lamkissaro tattha, khippam gantva mahabbalo.

Thane maccutthale nama, khandhavaram nibandhiya.

36. Khadiravganiduggamha, palapetvana tam rane.

Thana kubulagalla ca, yujjhanto tam palapayi.

37. Vihaya puttadaradi-sabbam nekadhanam balam.

Palayamano so rattham, colayatta magalahum.

38. Tada narissaro tata, tassa sabbam samadiya.

Gantva tambalagamamhi, navam duggam nivesiya.

39. Anukkamena gantvana, mahanagahulavhaye;

Purevasi susajjento, balam colehi yujjhitum.

40. Tato raja samavhaya, sacive dve mahabbale.

Pesesi dikkhinam passam, vasam netum tahim jane.

41. Sampesesi mahamacca-yugalam kakkhalam vibhu.

Coladappavinasaya, tato vela mahapathe.

42. Pesita dakkhinam passam, amacca’me mahabbala.

Muhunnaruggamaduggam, badalatthalameva ca.

43. Vapinagaraduggabca (CS:pg.358) Buddhagamakameva ca.

Tilagullam mahagallam, mandagallakameva ca.

44. Anuradhapurabcati, gahetvana kamena te.

Vattenta savase rattham, mahatitthamupagata.

45. Pesita sacivadvetu, tato vela mahapathe.

Vilumpanta chagamadi-khandhavare tahim tahim.

46. Pulatthinagarasannam, kamena’gamma pesayum;

Dute rajantikakhippa-magantum vattatitiha.

47. Disasa dvisu yanehi, sacivehi pavattitam.

Vikkamati sayam sutva, kalabbu so mahipahi.

48. Sigham sannayha senavgam, samaggam vidikovido.

Ummulanayacolanam, puratamha’bhinikkhami.

49. Gaccham gavgaya mahiya-vganathupantike vibhu.

Senanivesam karetva kabcikalam tahim vasi.

50. Kamenagamma thanabbu, pulatthinagarantike.

Bandhapesi mahaviro, khandhavaram thiram varam.

51. Tattha tattha thita sura, cola ye kakkhala’khila.

Pulatthinagare yuddham, katum sannipatimsu te.

52. Nikkhamma nagara gantva, cola bahi maharanam.

Katva parajita bhita, pavissa nagaram sakam.

53. Gutta sesapuradvara, gopurattalanissita.

Mahahavam bahussaha, pavattesum bhayavaham.

54. Diyaddhamasam yujjhanti, nagaram tamuparundhiya.

Sadhetum nevasa’sakkhi, bhupalassa mahacamu.

55. Maharabbo mahavira, mahasura mahabbala.

Mahabhata mahamana, ravidevacaladayo.

56. Ullavghitvana pakaram, pavissa sahasa puram.

Khanena damile sabbe, mulaghaccamaghatayum.

57. Evam laddhajayo raja, tada vijayabahuso.

Carapesi nijanaya, bherim bhurimatipure.

58. Tam (CS:pg.359) sutva sakasenaya, vinasam colabhupati.

Sihala balavantoti, bhiyyo senam na pahini.

59. Viro asesanihatuddhata colasettho;

Vibbu susadhutthapitakhilarajarattho.

Itthannuradhapurasetthamativa hattho.

Vassamhi pabcadasame gami rajasettho.

Sujanappasadasamvegatthaya kate mahavamse