From Chattha Savgayana (CS) Released by Dhammavassarama 法雨道場

Ekunavisatima pariccheda

Bodhi agamano

1. Mahabodhirakkhanattham (CS:pg.109) attharasa rathe sabho.

Devakulani datvana, atthamacca kulani ca.

2. Attha brahmanakulani, attha vassakulani ca;

Gopakanam taracchanam, kulivganam kulani ca.

3. Tatheva pesakaranam, kumbhakaranameva ca;

Sabbe sabcapi seninam, nagayakkhanameva ca.

4. Hemasajjughateceva, datva atthattha manado;

Aropetva mahabodhim, navam gavgaya bhusitam.

5. Savghamitta mahatheri, sahe kadasa bhikkhunim;

Tatheva’ropayitvana, aritthapamukhepi ca.

6. Nagara nikkhamitvana, vibjatavimaticcaso;

Tamalitthim anuppatto, sattahene’va bhupati.

7. Accula rahi pujayi, devanaganarapi ca;

Mahabodhim pujayanta, sattahena’vupagamum.

8. Mahasamuddatiramhi, mahabodhim mahipati;

Thapapetvana pujesi, maharajjena so puna.

9. Mahabodhim maharajje, abhisibciyakamado;

Aggasira sukkapakkhe, dine patipade tato.

10. Uccaretum mahabodhim, tehiyeva’ttha atthahi;

Salamulamhi dinnehi, dhatuggatakulehi so.

11. Ukkhipitva mahabodhim, galamattam jalam tahim;

Ogahetva sanavaya, patitthapayi sadhukam.

12. Navam (CS:pg.110) aropayitva tam, mahatherim satherikam.

Maharittham mahamaccam, idam vacanamabravi.

13. “Aham rajjena tikkhattum, mahabodhimapujayim;

Eva meva’bhi pujetu, raja rajjena me sakha”.

14. Idam vatva maharaja, tire pabjaliko thito.

Gacchamanam mahabodhim, passam assunivattayi.

15. Mahabodhi viyogena, Dhamma soko sasokava.

Kannitva paridevitva, Agamasi sakam puram.

16. Mahabodhi samarulha, navapakkhandhi toyadhim.

Samanta yojane vici, sannisidi mahannave.

17. Pupphimsu pabcavannani, padumani samantato;

Antalikkhe pavajjimsu, aneka turiyani ca.

18. Devatahi anekahi, puja’neka pavattita;

Gahetubca mahabodhi, naga’kasum vikubbanam.

19. Savghamitta mahatheri, abhibbabalaparaga;

Supannarupa hutvana, te tasesi mahorage.

20. Te tasita mahatherim, yacitvana mahoraga;

Nayitvana mahabemadhim, bhujavgabhavanam tato.

21. Sattaham nagarajjena, pujahi vividhahi ca;

Pujayitvana anetva, navayam thapayimsu te.

22. Tadaheva mahabodhi, jambukolamidhagama;

Devanampiyatisso tu, raja lokahite rato.

23. Sumana samaneramha, pubbe sutatadagamo;

Maggasiradidinagho, pabhuti vacasadaro.

24. Uttaradvarato (CS:pg.111) yava, jambukolam mahapatham.

Vibhusayitva sakalam, mahabodhigatasayo.

25. Samuddasanasalaya, thane thatva mahannave;

Agacchantam mahabodhim, mahatheriddhiya’ddasa.

26. Tasmimthane kata sala, paka setum tamabbhutam.

Samuddasanasalati, namena‘si’dha pakata.

27. Mahatheranubhavena, saddhim therehi tehi ca;

Tadaheva’gama raja, jambukolam sa senako.

28. Mahabodha gamepiti-vegenun’no udanayam.

Galappamanam salilam, vigahetva suviggaho.

29. Mahabodhim solasahi, kulehi saha muddhana;

Adayo’ropayitvana, velayam mandape subhe.

30. Thapayitvana lamkindo, lamkarajjena pujayi;

Solasannam samappetva, kulanam rajjamattano.

31. Sayam dovarikathane, thatvana divase tayo;

Tattheva pujam karesi, vividham manujadhipo.

32. Mahabodhim dasamiyam, aropetva rathesubhe;

Anayanto manussindo, dumindam tam thapapayi.

33. Pacinassa viharassa, thane thanavicakkhano.

Patarasam pavattesi, sasavghassa janassa so.

34. Mahamahindathere’ttha, katam dasabalena tam;

Kathesi nagadamanam, rabbo tassa asesato.

35. Therassa sutva karetva, sabbanani tahim tahim.

Paribhuttesu thanesu, nisajjadihi satthuna.

36. Tivakkassa brahmanassa, gamadvare ca bhupati;

Thapapetva mahabodhim, thanesu tesu tesu ca.

37. Suddhavaluka santhare, nanapupphasamakule;

Paggahitadhaje magge, pupphagghikavibhusite.

38. Mahabodhim (CS:pg.112) pujayanto, rattindiva matandito.

Anayitva cuddasiyam, anuradha purantikam.

39. Vaddhamanakacchayaya, puram sadhu vibhusitam;

Uttarena ca dvarena, pujayanto pavesiya.

40. Dakkhinena ca dvarena, nikkhamitva pavesiya.

Maha meghavanaramam, catubuddhanisevitam.

41. Sumanasseva vacasa, padesam sadhusavkhatam;

Pubbabodhithitatthanam, upanetva manoramam.

42. Kulehi so solasahi, raja lavkaradharihi.

Oropetva mahabodhim, patittha petu mossajji.

43. Hatthato muttamattasa, asitiratanam nabham;

Uggantvana thita mubci, chabbanna rasmiyo subha.

44. Dipe patthariya’hacca, brahmalokam thita ahu;

Suriyatthavgamanayava, rasmiyo ta manorama.

45. Purisa dasasahassani, pasanna patihariye;

Vipassitvana’rahattham, patvana idha pabbajum.

46. Orohitva mahabodhi, suriyatthavgame tato;

Rohiniya patitthasi, mahiyam kampi medini.

47. Mulani tani uggantva, katahamukhavattito;

Vinandhanta kataham tam, otarimsu mahitalam.

48. Patitthitam mahabodhim, jana sabbe samagata;

Gandhamaladi pujahi, pujayimsu samantato.

49. Mahamegho pavassittha, himagabbha samantato;

Mahabodhim chadayimsu, sitalani ghanani ca.

50. Sattahani mahabodhim, tahimyeva adassana;

Himagabbhe sannisidi, pasadajanani jane.

51. Sattaha tikkame megha, sabbe apagamimsu te;

Mahabodhi ca dissittha, chabbanna ramsiyopi ca.

52. Mahamahindattheroca, savghamitta ca bhikkhuni.

Tattha’gabchumsaparisa, raja saparisopi ca.

53. Khattiya (CS:pg.113) kajaraggame, candanaggama khattiya.

Tivakka brahmano ceva, dipavasi janapi ca.

54. Devanubhavena’gabchum, mahabodhi mahussukka;

Mahasamagame tasmim, patihariyavimhite.

55. Pakkam pacinasakhaya, pekkhatam pakka’makkhatam;

Thero patantamadaya, ropetum rajino ada.

56. Pamsunam gandhamissanam, punne sonna katahake.

Mahasanassa thane tam, thapitam ropa’yissaro.

57. Pekkhatamyeva sabbesam, uggantva attha avkura.

Jayimsu bodhitaruna, atthamsu catuhatthaka.

58. Raja te bodhitarune, disva vimhitamanaso.

Setacchattena pujesi, abhisekamadasi ca.

59. Patitthapesi atthannam, jambukolamhi pattane;

Mahabodhi thita thane, navayo rohane tada.

60. Tivakkabrahmanagame, thuparame tatheva ca;

Issarasamanarame, pathame cetiyavgane.

61. Cetiya pabbata rame, tatha kajaragamake;

Candanagamake cati, ekekam bodhilatthikam.

62. Sesa catupakkajata, dvattimsa bodhilatthiyo;

Samanta yojanathane, viharesu tahim tahim.

63. Dipavasi janasseva, hitatthaya patitthite;

Mahabodhi dumindamhi, sammasambuddha tejasa.

64. Anulasasa parisa, savghamittaya theriya;

Santike pabbajitvana, arahattamapapuni.

65. Arittho so pabcasata-parivaro ca khattiyo.

Therantike pabbajitva, arahattamapapuni.

66. Yani setthikulana’ttha-mahabodhimidhaharum.

Bodhaharakulaniti, tani tena pavuccare.

67. Upasika viharoti, bate bhikkhunupassaye.

Sasavgha savghamitta sa, mahatheri tahim vasi.

68. Agarattayapamokkhe (CS:pg.114) agare tattha karayi.

Dvadasa tesu ekasmim, mahagare thapapayi.

69. Mahabodhisametaya, navaya kupayatthikam;

Ekasmim piya mekasmim, arittam tehi tevidum.

70. Jate abbanikayepi, agara dvadasapi te;

Hatthalaka bhikkhunihi, valabjayimsu sabbada.

71. Rabbo mavgalahatthi so, vicaranto yathasukham.

Purassa ekapassamhi, kandarantamhi sitale.

72. Kadambapupphagumbante, atthasi gocaram caram;

Hatthim tattharatam batva, akamsu tattha alhakam.

73. Atheka divasam hatthi, naganhi kabalani so.

Dipappasadakam theram, raja so pucchitam matam.

74. Kadambapupphagumbasmim, thupassa karanam kari;

Icchatiti mahathero, maharajassa abravi.

75. Sadhatukam tattha thupam, thupassa gharameva ca;

Khippam raja akaresi, niccam janahiterato.

76. Savghamitta mahatheri, subbagarabhilasini;

Akinnatta viharassa, vussamanassa tassa sa.

77. Vuddhatthini sasanassa, bhikkhuninam hitaya ca.

Bhikkhunupassayam abbam, icchamana vicakkhana.

78. Gantva cetiyageham tam, pavivekasukham bhusam;

Divaviharam kappesi, viharakusala’mala.

79. Theriya vandanatthaya, raja bhikkhunupassayam.

Gantva tattha gatam sutva, gantvana tattha vandiya.

80. Sammoditva taya saddhim, tatthagamanakaranam;

Tassa batva adhippayam, adhippaya vidu vidu.

81. Samanta thupagehassa, rammam bhikkhunupassayam;

Devanampiyatisso so, maharaja akarayi.

82. Hatthalhakasamipamhi (CS:pg.115) kato bhikkhunupassayo.

Hatthalhakaviharoti, vissuto asi tena so.

83. Sumitta savghamitta sa, mahatheri mahamati;

Tasmibhi vasam kappesi, ramme bhikkhunupassaye.

84. Evam lamka lokahitam sasanavuddhim;

Samsodhento esa mahabodhi dumindo.

Lamkadipe ramme mahameghavanasmim,

Attha sigham kalamanekabbhutayuttoti.

Sujanappasadasamvegatthaya kate mahavamse