From Chattha Savgayana (CS) Released by Dhammavassarama 法雨道場

Timsatima pariccheda

Dhatugabbharacano

1. Vanditvana (CS:pg.168) maharaja, sabbam savgham nimantayi.

“Yavacetiyanitthana, bhikkham ganhatha me”iti.

2. Savgho tam nadhivasesi, anupubbena so pana.

Yavanto yava sattaham, sattahamadhivasanam.

3. Alattho’paddhabhikkhuhi, te laddha sumano’va so.

Attharasasu thanesu, thupathanasamantato.

4. Mandape karayitvana, mahadanam pavattayi.

Satthaham tattha savghassa, tato savgham vissajjayi.

5. Tato bherim carapetva, itthaka vaddhaki lahum.

Sannipatesi te asum, pabcamattasatani hi.

6. Katham karissasi ne’ko, pucchito aha bhupati.

“Pessiyanam satam laddha, pamsunam sakatam aham.

7. Khepayissami ekka’ham, tam raja patibahayi.

Tato upaddhupaddhabca, pamsu dve ammanani ca.

8. Ahamsu raja patibahi, caturo tepi vaddhaki.

Atheko pandito byatto, vaddhaki aha bhupatim.

9. “Udukkhale kottayitva, aham suppehi vattitam.

Pimsapayitva nisade, etam pamsunamammanam.

10. Iti vutto anubbasi, tinadinetthano siyum.

Cetiyamhiti bhumindo, indatulyaparakkamo.

11. “Kam santhanam cetiyam tam, karissasi tuvam iti.

Pucchitam tamkhanamyeva, vissakammo tamavisi.

12. Sovannapatim to yassa, purapetvava vaddhaki.

Panina varimadaya, varipitthiyamahani.

13. Phalika (CS:pg.169) lolasadisam, mahaphubbulamutthahi.

Ahi’disam karissati, tussitvana’ssa bhupati.

14. Sahassaggham vatthayugam, tatha’lavkara paduka.

Kahapanani dvadasa-sahassani ca dapapi.

15. “Itthaka aharapessam, apilento katham nare”.

Iti raja vicintesi, rattimbatvana tam maru.

16. Cetiyassa catuddhare, aharitvana itthaka.

Rattim rattim thapayimsu, ekekahapahonaka.

17. Tam sutva sumanoraja, cetiye kammamarabhi.

Amulamettha kammabca, na katabbanti bapayi.

18. Ekekasmim duvarasmim, thapapesi kahapane.

Solasasatasahassani, vatthanisu bahuni ca.

19. Vividhabca alavkaram, khajjambhojjam sapanakam.

Gandhamalaguladica, mukhavasakapabcakam.

20. “Yatharucitam ganhantu, kammam katva yatharucim.

Te tatheva apekkhitva, adamsu rajakammika.

21. Thupakammasahayattam, eko bhikkhunikamayam.

Mattikapindamadaya, attana abhisavkhatam.

22. Gantvana cetiyatthanam, vaddhetva rajakammike.

Adasi tam vaddhakissa, ganhantoyeva janiso.

23. Tassa karam viditvana, tatthahosi kutuhalam.

Kamena raja sutvana, agato pucchi vaddhaki.

24. Deva ekena hatthena, pupphana’daya bhikkhavo.

Ekena mattikapindam, denti mayham aham pana.

25. Ayam agantuko bhikkhu, ayam nevasiko iti.

Janamineva’ti vaco, sutva rajasamappayi.

26. Ekobalattham dassetum, mattika dayakam yatim.

So balatassa dassesi, so tam rabbo nivedayi.

27. Jatimakulakumbheso (CS:pg.170) mahabodhavgane tayo.

Thapapetva balatthena, raja dapesi bhikkhuno.

28. Ajanitva pujayitva, thitasse’tassa bhikkhuno.

Balattho tam nivedesi, tada tam jani so yati.

29. Kelivate janapade, piyavgallanivasiko.

Thero cetiyakammasmim, sahayattam nikamayam.

30. Tassitthikavaddhakissa, batako idha agato.

Tassitthika samattena, bato katvana itthakam.

31. Kammiyevaddhayitvana, vaddhakissa adasitam.

So tam tattha niyojesi, kolahalamahosi ca.

32. Raja sutvava’ tam aha, “batum sakka tamitthikam”.

Janantopi na sakkati, rajanam aha vaddhaki.

33. “Janasi tam tvam theramti”, Vutto ama”ti bhasito.

Tam bapanattham appesi, Balattham tassa tupati.

34. Balattho tena tam batva, rajanubbayupagato.

Katthahalaparivene, theram passiya mantiya.

35. Therassa magamanahabca, gatithanabca janiya.

“Tumhehi saha gacchami, sakam gamamn”ti bhasiya.

36. Rabbo sabbam nivedesi, raja tassa adapayi.

Vatthayugam sahassaggham, mahaggham rattakambalam.

37. Samanake parikkhare, bahuke sakkharampi ca.

Sugandha telanalibca, dapetva anusasitam.

38. Therena saha gantva so, dissante piyagallake.

Theram sitaya chayaya, sodakaya nisidiya.

39. Sakkharapanakam datva, pade telena makkhiya.

Upahanani yojetva, parikkhare upanayi.

40. Kulupagassa (CS:pg.171) therassa, gahita me ime maya.

Vatthayugamtu puttassa, sabbe tani dadami vo.

41. Iti vatvana datva te, gahetva gacchato pana.

Vanditva rajavacasa, rabbo sandesamaha so.

42. Mahathupe kayiramane, satiyakammakaraka.

Anekasavkhahi jana, pasanna sugatim gata.

43. Cittappasadamattena, sugate gati-uttama;

Labbhatiti viditvana, thupapujam kare budho.

44. Ettheva bhatiya kammam, karitva itthiyo duve.

Tavatimsamhi nibbatta, mahathupamhi nitthite.

45. Avajjitva pubbakammam, ditthakammaphala ubho.

Gandhamala’diyitvana, thupam pujetumagata.

46. Gandhamalahi pujetva, cetiyam abhivandisum.

Tasmim khane bhativavka-vasi thero mahasivo.

47. Rattibhage mahathupam, vandissamiti agato.

Tadisvana mahasatta-pannirukkhama passito.

48. Adassayitva attanam, passam sampattimabbhutam.

Thatva tasam vandanaya, pariyosane apucchitam.

49. “Bhasate sakalo dipo, Dehobhasena vo idha.

Kinnukammam karitvana, Devalokam ito gata.

50. Mahathupe katam kammam, tassa ahamsu devata.

Evam tathagate heva, pasado hi mahapphalo.

51. Pupphadhanattayam thupe, itthikahi citam citam.

Samam pathaviya katva, iddhimanto’va sidayum.

52. Nava vare citam sabbam, evam osidayimsu te.

Atha raja bhikkhusavgha-sannipata makarayi.

53. Tatthasitisahassani (CS:pg.172) sannipatamhi bhikkhavo.

Raja savghamupagamma, pujetva abhivandiya.

54. Itthakosidanehetum, pucchi savgho viyakari.

“No sidanattham thupassa, iddhimantehi bhikkhuhi.

55. Katam etam maharaja, na idani karissate.

Abbathattamakatva tam, mahathupam samapaya.

56. Tam sutva sumano raja, thupakammamakarayi.

Pupphadhanesu dasasu, itthika dasakotiyo.

57. Bhikkhusavgho samanere, uttaram sumanampi ca.

“Cebhiya dhatugabbhattham, pasane meghavannake.

58. Aharatha”ti yojesi, te gantva uttaram kurum.

Asiti ratanayama, vitthare ravibhasure.

59. Atthavgulani bahale, ganthipupphanibhe subhe.

Chameghavannapasane, aharimsu khanetato.

60. Pupphadhanassa upari, majjhe ekam nipatiya.

Catupassamhi caturo, mabjusam viya yojiya.

61. Ekam pidhanakatthaya, disabhage puratthime.

Adassanam karitva te, thapayimsu mahiddhika.

62. Majjhamhi dhatugabbhassa, tassa raja akarayi.

Ratanamayam bodhirukkham, sabbakaramanoramam.

63. Attharasa rataniko, khandho sakhassa pabca ca.

Pavalamayamulo so, indanile patitthito.

64. Susuddharajatakkhandho, manipattehi sobhito.

Hemamayapandupatta, phalo pavala-avkuro.

65. Atha mavgalika tassa, khandhe pupphalatapi ca.

Catuppadanam pantidha, hamsapanti ca sobhana.

66. Uddham caruvitanante, mutta kim kinijalaka.

Suvanna ghantapantidha, damani ca tahim tahim.

67. Vitana (CS:pg.173) catukonamhi, muttadamakalapako.

Navasata sahassaggho, eke ko asilambito.

68. Ravicandatara rupani, nanapadumakani ca.

Ratanehi kataneva, dhitane appitana’yum.

69. Atthuttarasahassani, vattani vividhani ca.

Mahagghananaravgani, vitane lambitana’yum.

70. Bodhim parikkhipitvana, nanaratanavedika.

Mahamalaka muttahi, santharetu tadantare.

71. Nanaratana pupphanam, catugandhudakassa ca.

Punna punnaghatapanti, bodhimule katana’yum.

72. Bodhi pacina pabbatte, pallavkekoti-agghake.

Sovanna Buddhapatimam, nisidapesi bhasuram.

73. Sariravayavatassa, patimaya yatharaham;

Nanavannehi ratanehi, kata surucira ahum.

74. Mahabrahma thito tattha, rajatacchatta dharako.

Vijayuttarasavkhena, sakko ca abhisekado.

75. Vinahattho pabcasikho, kalanago sanatiko.

Sahassahattho maro ca, sahattisaha kimkaro.

76. Pacinapallavkanibha, tisu sesadisasu ca.

Kotikotidhanaggha ca, pallavka atthata ahum.

77. Bodhim ussisake katva, nanaratanamanditam.

Koti dhanagghakamyeva, pabbattam sayanam ahu.

78. Sattasattaha thanesu, tattha tattha yatharaham.

Adhikare akaresi, brahmayacanameva ca.

79. Dhammacakkappavattabca, yasapabbajanampi ca.

Bhaddavaggiya pabbajjam, jatilanam damanampi ca.

80. Bimbisaragamabcapi (CS:pg.174) rajagehappavesanam.

Veluvanassagahanam, asitisavake tatha.

81. Kapila vatthugamanam, tatha ratana cavkamam.

Rahulanandapabbajjam, gahanam jetavanassa ca.

82. Ambamule patihiram, tavatimsamhi desanam.

Devorohanapatihiram, therapabhasamagamam.

83. Mahasamaya suttantam, rahulovadamevaca;

Mahamavgalasuttabca, dhanapalasamagamam.

84. Alavakavgulimala, apalaladamanampi ca.

Parayanakasamitim, ayuvossajjanam tatha.

85. Sukaramaddavaggaham, sivgivannayugassa ca.

Pasannodakapanabca, parinibbana meva ca.

86. Devamanussa paridevam, therena padavandanam;

Dahanam agginibbanam, tattha sakkara meva ca.

87. Dhatuvitavga donena, pasadajanakani ca.

Yebhuyyena akaresi, jatakani sujatima.

88. Vessantara jatakantu, vittharena akarayi.

Kusinapurato yava, bodhimanti tatheva ca.

89. Catuddisam te cattaro, maharaja thita ahum.

Tettimsadeva putta ca, battimsa ca kumariyo.

90. Yakkhasenapati-attha, visati ca tato pari.

Abjalipaggahadeva, pupphapunnaghata tato.

91. Naccaka devataceva, turiyavadaka devata.

Adasagahaka deva, pupphasakha dhara tatha.

92. Padumadigahaka deva, abbe deva ca nekadha.

Ratanagghiya panti ca, dhammacakkana meva ca.

93. Khaggadharadevapanti, devapatidhara tatha.

Tesam sise pabcahattha, gandhatelassa purita.

94. Dukulavattika (CS:pg.175) panti, sadapabjalita ahu.

Phalikagghiye catukkanne, ekeko ca mahamani.

95. Suvannamani muttanam, rasiyo vajirassa ca.

Catukkannesu cattaro, katha’hesum pabhassara.

96. Medavannakapasana, bhittiyamyeva ujjala.

Vijjata appita asum, dhatugabbhevibhusita.

97. Rupakanettasabbani, dhatugabbhe manorame.

Ghanakotti mahemassa, karapesi mahipati.

98. Kammadhitthayako ettha, sabbam samvidahi imam.

Indagutto mahathero, chalabhibbo mahamati.

99. Sabbam rajiddhiya etam, devatanabca iddhiya.

Iddhiya ariyanabca, asambadham patitthitam.

100. Nitthantam sugatabca pujiyatamam lokuttamam nittamam.

Dhatu tassa vicunnitam janahitam asimsata pujiya.

Pubbam tam samamicca’cecca matima saddhagunalavkato.

Titthantam sugatam viya’ssa munino dhatu ca sambujaye.

Sujanappasadasamvegatthaya kate mahavamse