From Chattha Savgayana (CS) Released by Dhammavassarama 法雨道場

Catuvisatima pariccheda

Dvebhatikayuddham

1. Hatthassa (CS:pg.138) tharukammassa, kusalo katupasano.

So gamanirajasuto, mahagame vasi tada.

2. Raja rajasutam tissam, dighavapimhi vasayi.

Arakkhitum janapadam, sampanna balavahanam.

3. Kumaro gamanikale, sampassanto balam sakam.

“Yujjhissam damilehi”ti, piturabbo kathapayi.

4. Raja tam anurakkhanto, “oragavgam alam” iti.

Varesi yavatatiyam, so tatheva kathapayi.

5. Pita me puriso honto, ne’vam vakkhati teni’dam.

Pilandhatuti pesesi, itthalavkaramassa so.

6. Raja’ha tassa kujjhitva, “karotha hemasavkhalim.

Taya tam bandhayissami, nab’batha rakkhiyo hi so.

7. Palayitvana malayam, kujjhitva pituno aga.

Dutthattayeva pitari, ahu tam dutthagamani.

8. Raja’tha arabhi katum, mahamavgalacetiyam.

Nitthite cetiye savgham, sannipatayi bhupati.

9. Dvadasa’sum sahassani, bhikkhu cittalapabbata.

Tato tato dvadaseva, sahassani samagamum.

10. Katvana cetiyamaham, raja savghassa sammukha.

Sabbe yodhe samanetva, karesi sapatham tada.

11. “Puttanam kalahatthanam, na gacchissama no”iti.

Akamsu sapatham sabbe, tam yuddham tena nagamum.

12. Catusatthi vihare so, karapetva mahipati.

Tattakaneva vassani, thatva maritahim tada.

13. Rabbo (CS:pg.139) sariram gahetva, channayanena rajini.

Netva tissa maharamam, tam savghassa nivedayi.

14. Sutva tissakumaro tam, agantva dighavapito.

Sarirakiccam karetva, sakkaccam pituno sayam.

15. Mataram kandulam hatthim, adiyitva mahabbalo.

Bhatubhaya dighavapim, agamasi lahum tato.

16. Tam pavattim nivedetum, dutthagamani santikam.

Lekham datva visajjesum, saccemacca samagata.

17. So guttahalamagantva, tattha care visajjiya.

Mahagamamupagantva, sayam rajje’bhisecayi.

18. Matattham kandulatthabca, bhatulekham visajjayi.

Aladdha yavatatiyam, yuddhaya samupagami.

19. Ahu dvinnam mahayuddham, culavganiyapitthiyam.

Tattha nekasahassani, patimsu rajino nara.

20. Raja ca tissamacco ca, valavadighutunika.

Tayoyeva palayimsu, kumaro anubandhite.

21. Ubhinnamantare bhikkhu, mantayimsu mahidharam.

Tam disva “bhikkhusavghassa, kammam” iti nivatti so.

22. Kappakandaranajjaso, javamalititthamagato.

Raja’ha tissamaccam tam, “chatajjhatta mayam”iti.

23. Suvannasarake khitta-bhattam niharitassa so.

Savghe datva bhubjanato, karetva catubhagakam.

24. “Ghosehi kala”micca’ha, Tisso kalamaghosayi.

Sunitva dibbasotena, Rabbo sakkhaya dayako.

25. Thero piyavgu dipattho, theram tattha niyojayi.

Tissam kutumbikasutam, so tattha nabhasa’gama.

26. Tassa tisso karapatta-adaya’dasi rajino.

Savghassa bhagam sambhagam, raja patte khipapayi.

27. Sambhagam (CS:pg.140) khipi tisso ca, sambhagam valavapi ca.

Na icchitassabhagabca, tisso pattamhi pakkhipi.

28. Bhattassa punnapattam tam, adatherassa bhupati.

Ada gotamatherassa, so gantva nabhasa lahum.

29. Bhikkhunam bhubjamananam, datva alopabhagaso.

Pabcasatanam so thero, laddhehi tu tadantika.

30. Bhagehi pattam puretva, akase khipi rajino.

Disva’ gatam gahetva tam, tisso bhojisi bhupatim.

31. Bhubjitvana sayabjapi, valavabca abhojayi.

Sattaham cumbatam katva, raja pattam visajjayi.

32. Gantvana so mahagamam, samadaya balam puna.

Satthisahassam yuddhaya, gantva yujjhi sabhatara.

33. Raja valavamaruyha, tisso kandula hatthinam.

Dve bhataro samagabchum, yujjhamana rane tada.

34. Raja karim karitvan’to, valavamandalam aka.

Tathapi chiddam no disva, lavgha petum matim-aka.

35. Valavam lavghayitvana, hatthinam bhatiko’pari.

Tomaram khipi cammamva, yatha chijjati pitthiyam.

36. Anekani sahassani, kumarassa naratahim.

Patimsu yuddhe yujjhanta, bhijja ceva mahabbalam.

37. “Arohakassa vekalla, itthi mam lavghayi”iti.

Kuddhokari tam calento, rukkhameka mupagami.

38. Kumaro aruhi rukkham, hatthi samimupagami.

Tamaruyha palayantam, kumaro manubandhi so.

39. Pavisitva viharam so, mahathera gharamgato.

Nipajjahettha mabcassa, kumaro bhatunobhaya.

40. Pasarayi mahathero, civaram tattha mabcake.

Raja anupadam gantva, “kuhim tisso”ti pucchatha.

41. “Mabce (CS:pg.141) tattha maharaja”, iti thero avoca tam.

Hettha mabceti janitva, tato nikkhamma bhupati.

42. Samantato viharassa, rakkham karayi tam pana.

Pabcakamhi nipajjetva, datva upari civaram.

43. Mabcapadesu ganhitva, cattaro dahara yati.

Matabhikkhuniyamena, kumaram bahi niharum.

44. Niyamanantu tam batva, idha maha mahipati.

“Tissa tvam kuladevatanam, sise hutvana niyyasi.

45. Balakkarena gahanam, kuladevehi natthi me.

Gunam tvam kuladevanam, sareyyasi kadacipi”.

46. Tatoyeva mahagamam, agamasi mahipati.

Anapesi ca tattheva, mataram matugaravo.

47. [Vassani atthasatthimso, attha dhammatthamanaso.

Atthasatthivihare ca, karapesi mahipati.]

48. Nikkhamito so bhikkhuhi, tissoraja suto pana.

Dighavapim tatoyeva, agamab’bataro viya.

49. Kumaro godhagattassa, tissatherassa aha so.

“Saparadho aham bhante, khamapessami bhataram.

50. Veyyavaccakara karam, tissam pabcasatani ca.

Bhikkhunamadiyitva so, thero raja mupagami.

51. Rajaputtam thapetvana, thero sopana matthake.

Sasavgho pavisi saddho, nisidaviya bhumipo.

52. Upanayi yagu-adim, thero pattam vidhesiso.

“Kinti vutto’bravi tissam, adaya agata”iti.

53. “Kuhim coro”ti vutto ca, thitathanam nivedayi.

Viharadevi gantvana, chadiyathasi puttaka.

54. Raja’ha (CS:pg.142) theram “bato vo, Dasabhavo idani no.

Samaneram pesayetha, Tumhe me sattavassikam.

55. Janakkhayam vinayeva, kalaho na bhaveyya no.

Raja savghassa doseso, bhamghe dandam karissati.

56. Hessata’gatakicca vo, Yagadim ganhathati so.

Datva tam bhikkhusavghassa, Pakkositvana bhataram.

57. Tattheva savghamajjhamhi, nisinno bhatara saha.

Bhubjitva ekatoyeva, bhikkhu savgham visajjayi.

58. Sassakammani karetum, tissam tattheva pahini.

Sayampi bherim caretva, sassakammani karayi.

59. Iti veramanekavikappacitam, Samayanti bahum api sappurisam.

Iti cintiya kohi naro matima, Na bhaveyya paresu susanta manoti.

Sujanappasadasamvegatthaya kate mahavamse