From Chattha Savgayana (CS) Released by Dhammavassarama 法雨道場

Tevisatima pariccheda

Yodhalabho

1. Balalakkhanarupeti (CS:pg.130) Tejojavagunehi ca.

Aggo hutva mahakayo, So ca kandulavarano.

2. Nandimitto suranimilo, mahasono gotthayimbaro.

Theraputtabhayo bharano, velusumano tatheva ca.

3. Khabjadevo phussadevo, labhiyya vasabhopi ca.

Ete dasa mahayodha, tassa’hesum mahabbala.

4. Ahu elararajassa, mitto nama camupati.

Tassa kammantagamamhi, pacinakhandarajiya.

5. Cittapabbatasamanta, ahu bhaginiya suto.

Kosohitavatthaguyho, matulasseva namato.

6. Durampi parisappantam, daharam tam kumarakam;

Abajjha nandiya katyam, nisadamhi abandhisu.

7. Nisadam kaddhato tassa, bhumiyam parisappato.

Ummaratikkame nandi, sa chajjati yato tato.

8. Nandimittoti bayittha, dasanagabalo ahu.

Vuddho nagaramagamma, so upatthasi matulam.

9. Thupadisu asakkaram, karonto damile tada.

Urum akkammapadena, hatthena itaram tuso.

10. Gahetva sampadaletva, bahikkhapatim thamava.

Deva antaradhapenti, tena khittam kalevaram.

11. Damilanam khayam disva, rabbo arocayim sutam.

“Sahottam ganhathetam”ti, vuttam katum na sakkhisum.

12. Cintesi (CS:pg.131) nandimitto so, “evampi karato mama.

Janakkhayo kevalabhi, natthi sasanajotanam.

13. Rohane khattiya santi, pasannam ratanattaye.

Tattha katva rajasevam, ganhitva damile’khile.

14. Rajjam datva khattiyanam, jotessam Buddhasasanam”.

Iti gantva gamanissa, tam kumarassa savayi.

15. Matuya mantayitva so, sakkaram tassa karayi.

Sakkato nandimitto so, yodho vasi tadantike.

16. Kakavanno tissaraja, varetum damilisada.

Mahagavgaya titthesu, rakkham sabbesu karayi.

17. Ahu dighabhayo nama, rabbob’ba bhariya suto.

Kacchakatitthe gavgaya, tena rakkhamakarayi.

18. So rakkhakaranatthaya, samanta yojanadvaye.

Mahakulamha ekekam, puttam anapayi tahim.

19. Kotthivale janapade, game khandakavitthike.

Sattaputto kulapati, savgho nama’si issaro.

20. Tassapi dhutam pahesi, rajaputto sutatthiko.

Sattamo nimilo nama, dasahatthibalo suto.

21. Tassa akammasilatta, khiyanta chapi bhataro.

Rocayum tassa gamanam, na tu mata pita pana.

22. Kujjhitva sesabhatunam, patoyeva tiyojanam.

Gantva suraggameyeva, rajaputtam apassiso.

23. So tam vimamsanatthaya, dure kicce niyojayi.

Cetiya pabbata sanne, dvara mandalagamake.

24. Brahmano kundalo nama, vijja te me sahayako.

Samuddapare bhandani, tassa vijjanti santike.

25. Gantva tam tena dinnani, bhandakani idha’hara.

Iti vatvana bhojetva, lekham datva vissajjayi.

26. Tato nava yojanabhi, anuradhapuram idam.

Pubbanheyeva gantvana, so tam brahmana maddasa.

27. “Nhatva (CS:pg.132) vapiyam tata, ehi”ti aha brahmano.

Idha’nagata pubbatta, nhatvana tissavapiyam.

28. Mahabodhibca pujetva, thuparame ca cetiyam.

Nagaram pavisitvana, passitva sakalam puram.

29. Apana gandhamadaya, uttara dvarato tato.

Nikkhammuppala khettamha, gahetva uppalani ca.

30. Upagami brahmanam tam, puttho tena’ha so gatim.

Sutva so brahmano tassa, pubbagamamidhagamam.

31. Vimhito cintayi evam, “purisa janiyo ayam.

Sace janeyya elaro, imam hatthe karissati.

32. Tasma’yam damila’sanne, vasetum neva arahati.

Rajaputtassa pituno, santike vasamarahati”.

33. Eva mevam likhitvana, lekham tassa samappayi.

Punnavaddhana vatthani, pannakare bahupi ca.

34. Datva tam bhojayitva ca, pesesi sakhisantikam.

So vaddhamanacchayayam, gatva rajasutanti kam.

35. Lekhabca pannakare ca, rajaputtassa appayi.

Tuttho aha “sahassena, pasadetha iman”ti so.

36. Issam karimsu tassab’be, rajaputtassa sevaka.

So tam dasasahassena, pasadapesi darakam.

37. Tassa kesam likhapetva, gavgayeva nahapiya.

Punnavaddhana vatthayugam, gandhamalabca sundaram.

Acchadetva vilimpetva, mandayitva surupakam.

38. Sisam dukulapattena, vethayitva upanayum;

Attano pariharena, bhattam tassa adapayi.

39. Attano dasasahassa-agghanasayanam subham.

Sayanattham adapesi, tassa yodhassa khattiyo.

40. So (CS:pg.133) sabbam ekato katva, netva matapitantikam.

Matuya dasasahassam, sayanam pituno ada.

41. Tamyeva rattim agantva, rakkhathane addassayi.

Pabhate rajaputto tam, sutva tutthamano ahu.

42. Datva paricchadam tassa, parivarajanam tatha.

Datva dasasahassani, pesesi pitusantikam.

43. Yodho dasasahassani, netva matapitantikam.

Tesam datva kakavanna-tisso raja mupagami.

44. So gamanikumarassa, tamappesi mahipati.

Sakkato suranimilo, yodho vasi tadantike.

45. Kutumbarikannikayam, Hundarivapi gamake.

Tisassa atthamo putto, Ahosi sona namako.

46. Sattavassikakalepi, talagacche alubci so.

Dasa vassikakalamhi, tale lubcimahabbalo.

47. Kale na so mahasono, Dasa hatthi balo ahu.

Raja tam tadisam sutva, Gahetva pitusantika.

48. Gamanissa kumarassa, adasi posanatthiko.

Tena so laddhasakkaro, yodho vasi tadantike.

49. Giriname janapade, game nicchelavitthike.

Dasahatthibalo asi, mahanagassa atrajo.

50. Lakuntakasariratta, ahu gotthaka namako.

Karonti keliparihasam, tassa jettha cha bhataro.

51. Te gantva masakhettattham, kottayitva mahavanam.

Tassa bhagam thapetvana, gantva tassa nivedayum.

52. So (CS:pg.134) gantva tam khanamyeva, rukkhe imbarasabbite.

Lubcitvana samam katva, bhumim gantva nivedayi.

53. Gantvana bhataro tassa, disva kammanta mabbhutam.

Tassa kammam kittayanta, agacchimsu tadantikam.

54. Tadupadaya so asi, gotthayimbaranamako.

Tatheva raja pahesi, tambi gamanisantikam.

55. Kotipabbatasamanta, kittigamamhi issaro.

Rohano nama gahapati, jatam puttakamattano.

56. Samana namam karesi, gotthakahayarajino.

Darako so bali asi, dasadvadasavassiko.

57. Asakkuneyyapasane, uddhattum catupabcahi.

Kilamano khipi tada, so kilagulake viya.

58. Tassa solasavassassa, pita gadamakarayi.

Atthatimsavgulavattam, solasahatthadighakam.

59. Kalanam nalikeranam, Khandhe ahacca taya so.

Te patayitva teneva, Yo dho so pakato ahu.

60. Tatheva raja pahesi, tampi gamanisantike.

Upatthako mahasumma-therassa’si pita pana.

61. So mahasummatherassa, dhammam sutva kutumbiko.

Sotapattiphalam patto, vihare kolapabbate.

62. Sotu sabjatasamvego, arocetvana rajino.

Datva kutumbam puttassa, pabbaji therasantike.

63. Bhavanam anuyubjitva, arahattamapapuni;

Putto tena’ssa pabbayi, theraputtabhayo iti.

64. Kappakandaragamamhi, kumarassa suto ahu.

Bharano nama so kale, dasadvadasavassike.

65. Darakehi (CS:pg.135) vanam gantva’-nubandhitva sase bahu.

Padena paharitvana, dvikhandam bhumiyam khipi.

66. Gamikehi vanam gantva, solasavassiko pana.

Tatheva patesi lahum, miga gokannasukare.

67. Bharano so mahayodho, Teneva pakato ahu.

Tatheva raja vasesi, Tampi gamanisantike.

68. Girigame janapade, kutumbiyavganagamake.

Kutumpivasabho nama, ahosi tattha sammato.

69. Velo janapado tassa, sumano giribhojako.

Sahayassa sute jate, pannakarapurassara.

70. Gantva ubho sakam namam, darakassa akarayum.

Tam vuddham attano gehe, vasesi siribhojako.

71. Tasse’ko sindhavo posam, kabcina rohitum ada.

Disva tu velusumanam, ayam arohako mama.

72. Anurupo’ti cintetva, Pahattho hesitam aka.

Tam batva bhojako “assam, Aroha”ti tamahaso.

73. So assam aruhitva tam, sigham dhavayi mandale.

Mandale sakale asso, ekabaddho adissi so.

74. Nisidi dhavato ca’ssa, vassaharo’va pitthiyam.

Mocetipi uttariyam, bandhatipi anadaro.

75. Tam disva parisa sabba, ukkutthim sampavattayi.

Datva dasasahassani, tassa so giribhojako.

76. Rajanucchaviko’yamti, hattho rabbo adasi tam.

Raja tam velusumanam, attanoyeva santike.

77. Karetva (CS:pg.136) tassa sakkaram, vasesi bahumanayam.

Nakulanagarakannikayam, game mahinda donike.

78. Abhayassan’time putto, devonama’si thamava.

Isakam pana khabjatta, khabjadevoti tam vidum.

79. Migamam gamavasihi, saha gantvana so tada.

Mahise anubandhitva, mahante utthitutthite.

80. Hatthena pade ganhitva, bhametva sisamatthake.

Asumha bhumim cunneti, tesam atthini manavo.

81. Tam pavattim sunitvava, khabjadevam mahipati.

Vasesi aharapetva, gamanisse’va santike.

82. Cittalapabbata’sanne, game kapitthanamake.

Uppalassa suto asi, phussadevoti namako.

83. Gantva saha kumarehi, viharam so kumarako.

Bodhiya pujitam savkham, adaya dhamithamasa.

84. Asanipatasaddova, saddo tassa maha ahu.

Ummatta viya asum te, bhita sabbepi daraka.

85. Tena so asi ummada-phussa devoti pakato.

Dhanusippam akaresi, tassa vamsagatam pita.

86. Saddavedhi vijjuvedhi, valavedhi ca so ahu.

Valukapunnasakatam, baddhadhammasatam tatha.

87. Asano dumbaramayam, atthasolasa-avgulam;

Tatha ayo lohamayam, pattamdi caturavgali.

88. Nibbedhayatikannena, kando tena visajjito.

Thale atthusabham yati, jale tu usabham pana.

89. Tam sunitva maharaja, pavattim pitusantika.

Tampi anapayitvana, gamanimhi avasayi.

90. Tuladharanagasanne, viharavapi gamake;

Mattakutumbissa suto, ahu vasabhanamako.

91. Tam (CS:pg.137) sujatasariratta, labhiya vasabham vidum.

So visativassuddesamhi, mahakayabalo ahu.

92. Adaya so katipayo, puriseyeva arabhi.

Khettatthiko mahavapim, karonto tam mahabbalo.

93. Dasahi dvadasahi va, vahitabbe dhurehipi.

Vahanto pamsupinde so, lahum vapim samapayi.

94. Tena so pakato asi, tampi adaya bhumipo.

Datva tam tassa sakkaram, gamanissa adasi tam.

95. Vasabhodakavaroti, kam khettam pakatam ahu.

Evam labhiyavasabho, vasi gamanisantike.

96. Mahayodhanametesam, dasannampi mahipati;

Puttassa sakkarasamam, sakkaram karayi tada.

97. Amantetva mahayodhe, dasapi ca disampati.

“Yodhe dasadase’keko, esatha’ti udahari.

98. Te tatheva’nayum yodhe, tesampaha mahipati.

Tassa yodhasahassapi, tatheva pariyesitum.

99. Tatha tepa’nayum yodhe, tesampaham mahipati.

Punayodhasahassassa, tatheva pariyesitum.

100. Tatha tepa’nayum yodhe, sabbe sampindita tu te.

Ekadasasahassani, yodhasatam tatha dasa.

101. Sabbe te laddhasakkara, bhumipalena sabbada.

Gamanim rajaputtam tam, vasimsu parivariya.

102. Iti sucaritajatabbhutam, Suniya naro matima sukhattiko.

Akusalapathato parammukho, Kusalapathe’bhirameyya sabbadati.

Sujanappasadasamvegatthaya kate mahavamse
Yodhalabho nama Tevisatimo paricchedo.