From Chattha Savgayana (CS) Released by Dhammavassarama 法雨道場

Visatima pariccheda

Theraparinibbanam

1. Attharasamhi vassamhi, dhammasokassa rajino.

Mahameghavanarame, mahabodhi patitthati.

2. Tato dvadasame vasse, mahesi tassa rajino;

Piya asandhimitta sa, mata sambuddhamamaka.

3. Tato catutthe vassamhi, dhammasoko mahipati;

Tissarakkha mahesitte, thapesi visamasayam.

4. Tato tu tatiye vasse, sabala rupamanini;

“Mayapi ca ayam raja, mahabodhim ma mayati”.

5. Iti kodhavasam gantva, attano’nattha karika;

Mandukantakayogena, mahabodhi magha tayi.

6. Tato (CS:pg.116) ca tutthevassamhi, dhamma soko mahayaso.

Anicca tava sampatto, sattatimsasama ime.

7. Devanam piyatisso tu, raja dhammagune rato;

Mahavihare navakammam, tatha cetiyapabbate.

8. Thuparame navakammam, nitthapetva yatharaham;

Dipappasadakam theram, pucchi pucchitakovidam.

9. Karapessamaham bhante, viharesu bahu idha;

Patitthapetum thupesu, katham lacchama dhatuyo.

10. Sambuddhapattam puretva, sumanena’hata idha;

Cetiyapabbate raja, thapita atthi dhatuyo.

11. Hatthikkhandhe thapetva ta, dhatuyo idha ahara.

Iti vutto satherena, tatha ahari dhatuyo.

12. Vihare karayitvana, thane yojanayojane;

Dhatuyo tattha thupesu, nidhapesi yatharaham.

13. Sambuddhabhuttapattam tu, rajavatthughare subhe;

Thapayitvana pujesi, nanapujahi sabbada.

14. Pabcasatehi’ssareti, mahatherassa santike;

Pabbajjavasitathane, issarasamanako ahu.

15. Pabcasatehi vassehi, mahatherassa santike;

Pabbajjavasitathane, tatha vassagiri ahu.

16. Ya ya mahamahindena, therena vasita guha;

Sapabbataviharesu, sa mahindaguha ahu.

17. Mahaviharam pathamam, dutiyam cetiyavhayam;

Thuparamam tu tatiyam, thupapubbavgamam subham.

18. Catuttham tu mahabodhi-patitthapanameva ca.

Thupathaniyabhutassa, pabcamam pana sadhukam.

19. Mahacetiyathanamhi, silathupassa caruno;

Sambuddhagivadhatussa, patitthapanameva ca.

20. Issarasamanam (CS:pg.117) chattham, tissavapintusattamam.

Atthamam pathamam thupam, navamam vassagirivhayam.

21. Upasikavhayam rammam, tatha hatthalhakavhayam;

Bhikkhunupassake dve’me, bhikkhuni phasukarana.

22. Hatthalhake osaritva, bhikkhuninam upassaye.

Gantvana bhikkhusavghena, bhattaggahanakarana.

23. Hattasalam supaharam, mahapalikanamakam;

Sabbupakaranupetam, sampattaparicarikam.

24. Tatha bhikkhusahassassa, saparikkharamuttamam;

Pavaranaya danabca, anuvassakameva ca.

25. Nagadipe jambukola-viharam ta mhipattane.

Tissamahaviharabca, pacinarama meva ca.

26. Iti etani kammani, lamkajanahitatthiko;

Devanampiyatisso so, lamkindo pubbapabbava.

27. Pathameyeva vassamhi, karapesi gunappiyo;

Yava jivantunekani, pubbakammani acini.

28. Ayam dipo ahu thito, vijite tassa rajino.

Vassani cattalisam so, raja rajjamakarayi.

29. Tassa’cca ye tam kanittho, uttiyo iti vissuto.

Rajaputto aputtam tam, rajjam karesi sadhukam.

30. Mahamahindatthero tu, jinasasanamuttamam;

Pariyattim patipattim, pativedhabca sadhukam.

31. Lamkadipamhi dipetva, lamkadipo mahagani;

Lamkayaso satthu kappo, katva lamkahitam bahum.

32. Tassa uttiyarajassa, jayavassamhi atthame;

Antovassam satthivasso, cetiyapabbate vasam.

33. Assayujassa masassa, sukkapakkhathame dine;

Parinibbayite netam, dinam tannamakam ahu.

34. [Nibbutassa (CS:pg.118) mahindassa, atthamiyam dine pana,

Tena tam divasam nama, atthamiyati sammatam.]

35. Tam sutva uttiyo raja, sokasallasamappito.

Gantvana theram vanditva kanditva bahudha bahum.

36. Asittagandhatelaya, bahum sovannadoniya;

Theradebham khipapetva, tam donim sadhuphussitam.

37. Sovannakutagaramhi, thapapetva alavkate;

Kutagaram gahayitva, karento sadhukilitam.

38. Mahata ca janoghena, agatenatato tato;

Mahata ca baloghena, karento pujanavidhim.

39. Alavkatena maggena, bahudha’lavkatam puram;

Anayitvana nagare, caretva rajavithiyo.

40. Mahaviharam anetva, ettha pabhambamalake;

Kutagaram thapapetva, sattaham so mahipati.

41. Toranaddhajapupphehi, gandhapunnaghatehi ca;

Viharabca samanta ca, mandiham yojanattayam.

42. Ahu rajanubhavena, dipantu sakalam pana;

Anubhavena devanam, tatheva’lavkatam ahu.

43. Nanapujam karayitva, sattaham so mahipati;

Puratthimadisabhage, theranam baddhamalake.

44. Karetva gandhacitakam, mahathupam padakkhinam;

Karonto tattha netva tam, kutagaram manoramam.

45. Citakamhi thapapetva, sakkaram antimam aka;

Cetiyabcettha karesi, gaha petvana dhatuyo.

46. Upaddhadhatum (CS:pg.119) gahetva, cetiye pabbatepi ca.

Sabbesu ca viharesu, thupe karesi khattiyo.

47. Isino dehanikkhepa-katathanabhi tassa tam.

Vuccate bahumanena, isibhumavganam iti.

48. Tato pabhutya’riyanam, samanta yojanattaye;

Sariram aharitvana, tamhi desamhi dayhati.

49. Savghamitta mahatheri, maha’bhibba mahamati;

Katva sasanakiccani, tatha lokahitam bahum.

50. Ekunasatthivassa sa, uttiyasse’va rajino;

Vassamhi navame kheme, hatthalhaka-upassaye.

51. Vasanti parinibbayi, raja tassapi karayi.

Therassa viya sattaham, pujasakkara muttamam.

52. Sabba alavkata lamka, therassa viya asi ca.

Kutagaragatam theri-deham sattadinaccaye.

53. Nikkhametvana nagaram, thuparama puratthato;

Cittasala samipamhi, mahabodhipa dassaye.

54. Theriya vutthathanamhi, aggikicca makarayi;

Thupabca tattha karesi, uttiyo so mahipati.

55. Pabcapi te mahathera, theraritthadayopi ca;

Tatha’neka sahassani, bhikkhu khinasavapi ca.

56. Savghamitta pabhutiyo, ta ca dvadasatheriyo;

Khinasava bhikkhuniyo, sahassani bahuni ca.

57. Bahussuta mahapabba, vinayadijanagamam;

Jotayitvana kalena, payata’niccatavasam.

58. Dasavassani so raja, rajjam karesi uttiyo.

Evam aniccata esa, sabbalokavinasini.

59. Tam (CS:pg.120) etam atisahasam atibalam na variyam naro.

Janantopi aniccatam bhavagate nibbindateneva ca.

Nibbindo viratim ratim na kurute papehi pubbehi ca.

Tasse’sa-atimohajalabalatajanampi sammuyhatiti.

Sujanappasadasamvegatthaya kate mahavamse