Lærdómsviðmið Sjúkraliðabraut Þrep 1 Lærdómur áfanga

felur í sér yfirsýn og getu til að hagnýta þekkingu og færni.

Nemandi skal geta hagnýtt þá almennu þekkingu og færni sem hann hefur aflað sér í hjúkrunarfræði og heilbrigðisgreinum. Hann skal þekkja sögu og þróun hjúkrunarfræðinnar og þá hugmyndafræði sem hjúkrunarstörf byggjast á. Hann skal þekkja þá grunnþætti sem hafa áhrif á líkamlegt, andlegt og félagslegt heilbrigði. Hann skal geta sýnt fram á almenna siðferðisvitund, færni í samskiptum, umburðarlyndi og skilning á eigin getu.

Nemandi skal geta hagnýtt sértæka þekkingu og færni í hjúkrunarfræði og heilbrigðisgreinum sem hann hefur aflað sér til þess að takast á við hjúkrunarstörf sem tengjast sértækum störfum sjúkraliða. Nemandi skal geta hagnýtt sértæka þekkingu í hjúkrun til ákvarðanatöku og til að meta gæði hjúkrunar út frá gagnrýnni og skapandi hugsun. Hann skal geta sýnt fram á almenna siðferðisvitund, umburðarlyndi og skilning á eigin getu.

Þetta gerir kröfu um að nemandi sýni sköpunarhæfni, innsæi, frumkvæði og hæfni til að tjá hugmyndir sínar, skoðanir og tilfinningar á margvíslegan hátt.

Nemandi skal geta hagnýtt þá sérhæfðu þekkingu og færni í hjúkrunarfræði og heilbrigðisgreinum sem hann hefur aflað sér til að takast á við viðfangsefni sjúkraliðastarfsins. Fagleg hæfni nemanda skal bera vott um djúpan skilning og víðtæka þekkingu á hugtökum og aðferðum í hjúkrunarfræði og heilbrigðisgreinum.

Nemandi skal geta forgangsraðað viðfangsefnum og greint hvaða hjúkrunarmeðferðir eigi við hverju sinni, samkvæmt viðurkenndum flokkunarkerfum í hjúkrunarfræði. Nemandinn skal geta beitt, rökstutt og ígrundað þær hjúkrunarmeðferðir sem hann framfylgir samkvæmt hjúkrunaráætlun hverju sinni. Þessar athafnir gera kröfu um að nemandi sýni sjálfstraust og sjálfstæði í vinnubrögðum, búi yfir ábyrgðartilfinningu, víðtækri fagþekkingu og færni, hæfni í að meta aðstæður og bregðast við óvæntum aðstæðum á faglegan hátt.

Nemandi skal geta hagnýtt þá sérhæfðu þekkingu og færni sem hann hefur aflað sér í hjúkrun og heilbrigðisgreinum til að takast á við nám i heilbrigðisgreinum á háskólastigi.

Nemandi skal geta greint hvaða hjúkrunarmeðferðir eigi best við í breytilegum aðstæðum og komið með úrræði. Hann skal geta þróað sjálfan sig í starfi á skapandi hátt.
Nemandi skal geta miðlað þekkingu sinni til annarra og hagnýtt sérhæfða þekkingu og færni í hjúkrun. Nemandi skal geta leiðbeint skjólstæðingum og öðrum á jákvæðan hátt.

Nemandi skal hafa aflað sér almennrar þekkingar í heilbrigðisgreinum og hjúkrunarfræðinnar með áhorfi, lestri, hlustun, umræðum eða öðrum samskiptum. Nemandi skal þekkja umönnunarhugtakið og hvað felst í því. Hann skal þekkja sögu heilbrigðisfræðinnar og áhrif framfara í heilbrigðisvísundum á heilbrigði einstaklinga og þjóða. Nemandi skal geta útskýrt hvað felst í hugtökunum heilbrigði og sjúkdómsástand. Nemandi skal þekkja hjúkrunarsögu, hugmyndafræði og helstu skipulagsform hjúkrunar. Hann skal hafa þekkingu á mikilvægi skipulags við hjúkrunarstörf og hvaða þættir tilheyra nánasta umhverfi skjólstæðingsins. Nemandinn skal hafa þekkingu á lausnamiðuðu ferli í hjúkrunarstörfum. Nemandi skal hafa þekkingu á lögum um réttindi skjólstæðinga sinna. Nemandi skal þekkja siðareglur sjúkraliða.

Nemandi skal hafa aflað sér sértækrar þekkingar í hjúkrunarfræði og heilbrigðisgreinum, sem tengjast störfum sjúkraliða með áhorfi, lestri, hlustun, umræðum eða öðrum samskiptum.

Nemandi geti skilgreint hvað felst í faglegri umönnun og sérhæfðum hjúkrunarstörfum. Hann skal þekkja samhengi milli ástands skjólastæðinga og hjúkrunarþarfa.

Hann skal geta lýst hvað einkennir fagleg samskipti og þekkja áhrif menningarmunar í samskiptum.

Hann skal þekkja tengsl lífsmáta og sjúklegs ástands og gildi forvarna í viðhaldi heilsu.

Hann skal hafa sértæka þekkingu á þroskaferli mannsins og viðbrögðum við andlegu og líkamlegu álagi. Nemandi skal hafa sértæka þekkingu á siðfræði, siðareglum heilbrigðisstétta og þeim siðferðilegu álitamálum sem geta komið upp í heilbrigðisþjónustunni. Hann skal hafa aflað sér sértækrar þekkingar á þeim stofnunum þjóðfélagsins, sem fást við forvarnir og heilbrigðiseflingu. Nemandi skal hafa sértæka þekkingu á heilbrigðislögum og réttindum skjólstæðinga.

Nemandi skal hafa aflað sér almennrar og sértækrar þekkingar í hjúkrunarfræði og heilbrigðisgreinum sem tengjast störfum sjúkraliða, með áhorfi, lestri, hlustun, umræðum eða öðrum samskiptum.

Nemandi skal hafa faglegan og sértækan orðaforða til þess að geta lesið og nýtt sér þekkingu í hjúkrunarfræði og öðrum sérgreinum sjúkraliðanáms. Nemandi skal hafa þekkingu og skilning á þeim kenningum, hugmyndafræði og hjúkrunarskráningu sem sérhæfð hjúkrunarstörf byggjast á. Hann skal þekkja ólíkar samskiptaaðferðir milli einstaklinga og hópa og hvernig umhverfi og menning mótar samskipti manna.

Nemandi skal hafa sérhæfða þekkingu á siðfræði, siðareglum heilbrigðisstétta og þeim siðferðilegu álitamálum sem geta komið upp í heilbrigðisþjónustunni. Nemandi skal hafa sértæka þekkingu á forvörnum og heilsueflingu. Nemandi skal hafa sérhæfða þekkingu á því hvernig menningarmunur og trú skapar ólík viðhorf til heilbrigðis og sjúkdóma. Nemandi skal þekkja skipulag heilbrigðisstofnanna og lög heilbrigðis- og félagskerfisins.

Nemandi skal hafa aflað sérhæfingar í sjúkraliðastarfinu gegnum áhorf, lestur, hlustun, umræður eða önnur samskipti.

Nemandi skal geta greint þekkingu sína með umræðum, flokkun og samanburði og tengt hana hjúkrun og hjúkrunarstörfum.

Hann skal geta greint muninn á megindlegum og eigindlegum rannsóknaraðferðum sem notaðar eru við þekkingarþróun í hjúkrunarfræði.
Nemandi skal geta miðlað færni sinni með því að beita sértækum vinnubrögðum, verkfærum og aðferðum sem viðurkennd eru í sjúkraliðastarfinu. Nemandi skal geta miðlað þekkingu sinni skriflega, munnlega og með hjálp upplýsingatækninnar.

er bæði vitsmunaleg og verkleg. Hún felur í sér að geta beitt aðferðum og verklagi.

Nemandi skal sýna skilning á hlutverki sjúkraliða á heilbrigðisstofnunum og hafa aflað sér verklegrar þjálfunar við algeng störf sjúkraliða. Nemandi sýni skilning á mikilvægi trúnaðar og þagnarskyldu gagnvart skjólstæðingum.

Hann skal geta sýnt fram á skilning á þeirri hugmyndafræði sem hjúkrun byggir á og taka tillit til hennar við hjúkrun skjólstæðinga sinna.
Nemandi skal geta greint milli mismunandi aðferða við hjúkrun skjólstæðinga sinna, beitt þeim aðferðum sem eiga við hverju sinni og unnið undir verkstjórn þeirra hjúkrunarfræðinga/sjúkraliða sem fara með málefni skjólstæðinga hverju sinni. Nemandi geti sýnt færni í beitingu þeirra tækja og tóla sem notuð eru í hjúkrun ásamt færni við að nota þær hjúkrunarvörur sem notaðar eru.
Nemandi skal geta miðlað færni sinni í hjúkrun með viðurkenndum vinnubrögðum og verklagi sem störf sjúkraliða byggja á hverju sinni. Nemandi geti tekið þátt og sýnt færni í þverfaglegu samstarfi heilbrigðisstétta og samskiptum við skjólstæðinga. Hann skal geta tjáð sig munnlega og skriflega um þær upplýsingar og athuganir sem hann gerir í sjúkraliðastarfinu. Sýnt færni í að afla og nýta sér upplýsingar í hjúkrunarskrá og öðrum gögnum um skjólstæðinga.
.

Nemandi skal hafa aflað sér þjálfunar í sértækum aðferðum og verklagi sjúkraliðastarfsins. Nemandi skal sýna sjálfstæði og frumkvæði í vinnubrögðum út frá þeirri þekkingu sem hann hefur aflað sér í sérgreinum sjúkraliðanáms og vera fær um að skipuleggja eigin störf.

Hann skal geta veitt hjúkrunarmeðferðir út frá mismunandi trúarlegum þörfum skjólstæðinga sinna og út frá mismunandi menningarlegum bakgrunni þeirra. Hann skal sýna færni í samskiptum í samræmi við siðfræði sjúkraliðastarfsins.

Nemandi skal hafa aflað sér þjálfunar og hafa vald á almennum og sértækum aðferðum hjúkrunar og verklagi sjúkraliðastarfsins.

Nemandi skal sýna færni í samskiptum við samstarfsfólk og skjólstæðinga og skilning á mikilvægi heildrænnar hjúkrunar. Sýna faglega umhyggju í starfi og geta útskýrt og metið mismunandi hjúkrunarþarfir skjólstæðinga. Nemandi sýni færni í þverfaglegu samstarfi heilbrigðisstétta og samskiptum við skjólstæðinga. Nemandi geti gert grein fyrir mikilvægi trúnaðar og þagnarskyldu við skjólstæðinga. Nemandi skal vera fær um að forgangsraða og skipuleggja eigin störf í krefjandi aðstæðum og sýna fagmennsku í starfi. Sýnt færni í að skipuleggja og forgangsraða hjúkrunarþörfum skjólstæðinga samkvæmt hjúkrunaráætlun. Nemandi sýni fagmennsku í störfum sínum og viðhaldi faglegri þekkingu.

Hann skal geta tjáð sig af öryggi um þær upplýsingar og athuganir sem hann gerir í starfi sínu, munnlega og skriflega. Sýnt færni í að afla og nýta sér upplýsingar í hjúkrunarskrá og öðrum gögnum um skjólstæðinga. Nemandi skal geta miðlað almennri, sértækri og sérhæfðri þekkingu sinni og reynslu með mismunandi aðferðum, munnlega, skriflega og verklega. Nemandi skal geta tekið leiðsögn á uppbyggilegan hátt og vera gagnrýninn á eigin störf.

Hann skal á faglegan hátt geta tekið þátt í umræðum og fræðslu um heilbrigðismál. nemandi skal geta nýtt sér kosti ólíkra miðla til þess að koma upplýsingum á framfæri.

Sýni færni í þverfaglegu samstarfi heilbrigðisstétta og samskiptum við skjólstæðinga.

Nemandi skal hafa öðlast færni í aðferðum og verklagi innan hjúkrunar og sjúkraliðastarfsins.

Nemandi skal geta miðlað færni sinni með því að beita sértækum vinnubrögðum, verkfærum og aðferðum. Nemandi skal geta miðlað fagþekkingu sinni á faglegan hátt skriflega, munnlega og með hjálp upplýsingatækninnar.