Ana səhifə

Press-reliZ 12 iyul 2010-cu IL Bakı, Azərbaycan elan! elan! elan!


Yüklə 23.99 Kb.
tarix25.06.2016
ölçüsü23.99 Kb.
R A T İ

Reportyorların Azadlıq və Təhlükəsizlik İnstitutu


PRESS-RELİZ
12 iyul 2010-cu il

Bakı, Azərbaycan

  • ELAN!

  • ELAN!

  • ELAN!

  • MİLLİ TELEVİZİYA VƏ RADİO ŞURASININ NÜMAYƏNDƏSİ MƏHKƏMƏ PROSESİNƏ QATILMAYIB

  • ZÜLFÜQAR XEYİRBƏRLƏ BAĞLI MƏHKƏMƏ PROSESİ İYULUN 13-DƏ DAVAM ETDİRİLƏCƏK

  • VİCDAN MƏHBUSLARINA DƏSTƏK MARAFONU        



ELAN!
13 İYUL SAAT 12.00-DA Reportyorların Azadlıq və Təhlükəsizlik İnstitutunun (RATİ) mətbuat mərkəzində Beynəlxalq Ədalət Körpüsü (İBJ) təşkilatının dəstəklədiyi “Məhkumların vaxtından əvvəl azadlığa buraxılma hüquqlarının təmin edilməsi üzrə ictimai təşəbbüslər” layihəsinin təqdimatı keçiriləcək. Tədbir adı çəkilən təşkilatın 2010-cu il üçün elan etdiyi fərdi qrant müsabiqəsinin qaliblərindən biri Cəfərov Rəsul tərəfindən təşkil ediləcək.

Tədbirə müvafiq dövlət qurumlarının nümayəndələri, hüquq müdafiəçiləri, jurnalistlər, QHT rəhbərləri, diplomatik korpus nümayəndələri və maraqlanan bütün şəxslər dəvətlidir.



Əlaqə saxlamaq üçün: Rəsul Cəfərov +994 50 586 35 37; +994 55 754 35 16
ELAN!

13 İYUL SAAT 13.00-DA Reportyorların Azadlıq və Təhlükəsizlik İnstitutunun (RATİ) mətbuat mərkəzində "Kür" Vətəndaş Cəmiyyəti Qərargahının növbəti toplantısı keçiriləcək.

Tədbirə jurnalistlər, hüquq müdafiəçiləri, diplomatik korpus və aidiyyəti dövlət qurumlarının nümayəndələri dəvətlidirlər.


ELAN!
14 İYUL SAAT 12.00-DA Reportyorların Azadlıq və Təhlükəsizlik İnstitutunun (RATİ) mətbuat mərkəzində “Dalğa” gənclər hərəkatının həmtəsisçisi Ramin Hacılı “”Dalğa” Gənclər Hərəkatına qarşı qara piarı kim və nə səbəbdən təşkil edir?” mövzusunda mətbuat konfransı keçirəcək.

Tədbirə jurnalistlər, hüquq müdafiəçiləri və diplomatik korpus nümayəndələri dəvətlidir.



MİLLİ TELEVİZİYA VƏ RADİO ŞURASININ NÜMAYƏNDƏSİ MƏHKƏMƏ PROSESİNƏ QATILMAYIB
Bu gün (12 iyul) Səbayel Rayon Məhkəməsində hakim Kəmalə Əmirxanovanın sədrliyi ilə Milli Televiziya və Radio Şurasına (MTRŞ) qarşı iddia üzrə keçirilməli olan məhkəmə prosesi baş tutmayıb. Buna MTRŞ-nın nümayəndəsinin məhkəmə prosesinə qatılmaması səbəb olub. Hakim prosesi təxirə salaraq, növbəti prosesi 19 iyul saat 14.30-a təyin edib.

Xatırladaq ki, “Televiziya və Alternativ Media İnkişaf Mərkəzi” İctimai Birliyinin təsisçisi Rəsul Cəfərov və “Mühakimə” qəzetinin baş redaktoru Yaşar Ağazadə Bakı və Abşeron yarımadasında yayımlanacaq radionun müvafiq tezlikdə fəaliyyətə başlaması üçün lisenziya almaq məqsədilə MTRŞ-ya müraciət ediblər. MTRŞ kifayət qədər boş qalmış tezliyin olduğunu bildirsə də, tezlik ayırmaqdan və lisenziya verməkdən imtina etmişdir. İddiaçılar MTRŞ-nın hərəkətindən şikayət verərək dövlət qurumunun hərəkətinin qanunsuz hesab edilməsini və iddiaçılara lisenziya verilməsinin bu quruma həvalə olunmasını xahiş ediblər.



ZÜLFÜQAR XEYİRBƏRLƏ BAĞLI MƏHKƏMƏ PROSESİ İYULUN 13-DƏ DAVAM ETDİRİLƏCƏK

İyulun 9-da Səbail rayon Məhkəməsində hakim Kəmalə Əmirxanovanın sədrliyi ilə jurnalist Zülfüqar Xeyirxəbərə fiziki xəsarətlər yetirmiş Əziz Əhmədova qarşı Cinayət Məcəlləsinin 221-ci maddəsi (xuliqanlıq) ilə cinayət işi üzrə məhkəmə prosesi  keçirilib.

Bu barədə Reportyorların Azadlıq və Təhlükəsizlik İnstitutuna (RATİ) Z.Xeyirxəbərin nümayəndəsi, Media Hüququ İnstitutunun hüquqşünası Fariz Namazlı məlumat verib.

F. Namazlı prosesdə zərərçəkən Zülfüqar Xeyirxəbərin ifadə verdiyini bildirib və əlavə edib ki, “Karvan” çay evinin inzibatçısı Zaur Qafarov və hadisə yerində olaraq jurnalistə zor tətbiq etmiş Fövqəladə Hallar Nazirliyinin (FHN) əməkdaşının da təqsirləndirilən şəxs qismində cəlb olunması və Cinayət Məcəlləsinin 163-cü (jurnalistlərin qanuni peşə fəaliyyətinə mane olma), həmçinin FHN-in əməkdaşının Cinayət Məcəlləsinin 309.2 (zor tətbiq etməklə vəzifə səlahiyyətlərini aşma) maddələri ilə məsuliyyətə cəlb olunması barədə əvvəlki prosesdə qaldırdığı vəsatət də müzakirə edilib.

Fariz Namazlı həmçinin qeyd edib ki, növbəti prosesdə vəsatətlə bağlı qərar veriləcək və eyni zamanda zərərçəkən tərəfin şahidləri dindiriləcək.

Növbəti proses 13 iyul saat 10:00-a təyin edilib. 

Xatırladaq ki, 18 fevral 2010-cu il tarixində, həmin vaxt “SalamNews” agentliyində müxbir işləyən Zülfüqar Xeyirxəbər “Karvan” çay evində baş vermiş partlayışla bağlı məlumat hazırlamaq istəyərkən fiziki təzyiqə məruz qalıb. Özünü kafenin sahibi kimi təqdim edən Zaur Qafarov onu təhqir edib və peşə fəaliyyətini yerinə yetirməyə mane olub.  Daha sonra isə Fövqəladə Hallar Nazirliyinin əməkdaşı onu itələyə-itələyə ərazidən kənarlaşdırmaq istəyib. Bu zaman orada olan Əziz adlı şəxs ona zərbə endirib.

VİCDAN MƏHBUSLARINA DƏSTƏK MARAFONU        

  


Reportyorların Azadlıq və Təhlükəsizlik İnstitutu (RATİ) qarşıdan gələn 22 İyul Milli Mətbuat Günü  ilə əlaqədar həbsdə olan 3 vicdan məhbusuna (”Gündəlik Azərbaycan” və “Realnıy Azerbaydjan” qəzetlərinin baş redaktoru Eynulla Fətullayev, bloggerlər Emin Milli (Abdullayev), Adnan Hacızadə) və onların ailələrinə maddi və mənəvi yardım göstərmək məqsədi ilə “Vicdan Məhbuslarına Dəstək” xeyriyyə marafonu keçirir. İyunun 22-dən iyul ayının 22-dək davam edəcək marafonda yığılmış məbləğ jurnalistlərin  ailələrinə paylanacaq. Marafonda iştirak etmək könüllüdür və 18 yaşına çatmış hər bir Azərbaycan və xarici ölkə vətəndaşları iştirak edə bilər. Marafonda həm fərdi həm də kollektiv şəkildə iştirak etmək mümkündür. Marafonda iştirak üçün minimal və maksimal məbləğ məhdudiyyəti yoxdur. Beləliklə marafonda imkanından asılı olmayaraq söz azadlığını dəstəkləyən hər bir şəxs iştirak edə bilər. Sonda marafonda yığılmış məbləğ və iştirakçıların adları RATİ-nin internet saytında və mətbuatda dərc ediləcək, həmçinin vicdan məhbuslarının ailə üzvlərinə təqdim olunacaq. Adının dərc olunmasını istəməyən marafon iştirakçısı şərti adla (kodlaşdırılmış ad) iştirak edə bilər. Şəffaflığın təmin edilməsi üçün qəbzin 1-ci hissəsi iştirakçıda, 2-ci hissəsi isə təşkilatçıda qalır.

Qeyd edək ki, hər üç şəxs hakimiyyəti tənqid etdiklərinə görə həbs olunduqları üçün, yerli və beynəlxalq ictimaiyyət onları vicdan məhbusu kimi tanıyıb. Eynulla Fətullayev 2007-ci ilin aprel ayından, Emin Abdullayev və Adnan Hacızadə isə 2009-cu ilin iyul ayından həbsdədirlər.

Marafonda iştirak etmək istəyən hər bir şəxs RATİ-nin (+ 994 12) 418-03-34, (+ 994  12) 418-55-34, (+ 994 77) 398-48-38,  (+ 994 70) 398-48-38, (+ 994 55) 816 40 04) nömrəli telefonlara və irfs.az@gmail.com elektron ünvanına müraciət edə bilər.

MARAFONDA İŞTİRAK ET, VİCDAN MƏHBUSLARINA DƏSTƏK OL!

MƏLUMATLARIMIZDAN İSTİFADƏ EDƏRKƏN RATİ-YƏ İSTİNAD EDİN

 

Reportyorların Azadlıq və Təhlükəsizlik İnstitutu (RATİ)



Ünvan: Azərbaycan, Bakı şəh., Behbudov 8, mənzil 85/86

tel: (+99 412) 418-03-34, fax: (+ 99 412) 598-45-19

24 saat ərzində aktiv olan qaynar xətt: (+ 994 055) 816 40 04

e-mail: irfs.az@gmail.com

web: www.irfs.az skype: irfs.az


Verilənlər bazası müəlliflik hüququ ilə müdafiə olunur ©atelim.com 2016
rəhbərliyinə müraciət