Ana səhifə

İş yeri: Bakı, Azərbaycan Tabeçilik: Şirkət Rəhbərinə


Yüklə 21.04 Kb.
tarix27.06.2016
ölçüsü21.04 Kb.
Tikinti Şirkəti Baş Memar vəzifəsinə ixtisaslı və peşəkar memarları dəvət edir.

Vəzifənin adı: Baş Memar

İş yeri: Bakı, Azərbaycan

Tabeçilik: Şirkət Rəhbərinə

Ərizələrin son təqdim olunma tarixı: 09 May, 2007




Əsas vəzifə öhdəlikləri:

  • Memar-dizaynerlərdən ibarət olan memarlıq-layihə şöbəsinin işçilərinə rəhbərlik edir;

  • Layihələndirilən obyektlərin memarlıq və landşaft layihə işlərinə texniki rəhbərliyi təmin etmək;

  • Şöbə işçiləri arasında iş bölgüsünü müəyyənləşdirmək və təyin etmək və iqtisadi cəhətdən daha səmərəli layihə həllini seçmək və layihə üzrə işlərin dəyərini əsaslandırmaq yolu ilə layihələndirilən obyektlərin yüksək texniki-iqtisadi (texniki-səmərəli) səviyyəsini təmin etmək;

  • Sifarşçilərlə işin aparılması: Sifarişçilərlə şəxsən əlaqələrin saxlanması və onların layihələndirilən obyektin üslub və memarlıq həllinə dair tələblərini öyrənilməsi;

  • Bütün texniki və layihə sənədlərinin nəzərdə tutulmuş və təsdiq olunmuş plana əsasən vaxtlı-vaxtında təvhil verilməsini təmin etmək;

  • Tərtib olunmuş, hazırlanmış layihə sənədlərinin texniki reqlamentlərə, standartlara, normalara, qaydalara və təlimatlara uyğun olmalarına nəzarət etmək;

  • Tikilən obyektdə müəllif nəzarətini təmin etmək.



Şəxsi keyfiyyətlər:

  • Liderlik və rəhbərlik bacarıqları (şirkətin məqsədlərinə nail olmaq üçün digərlərini həvəsləndirmək və onları müvafiq səlahiyyətlər vermək bacarığı);

  • Ticarət prinsiplərini başa düşmək (problemlərə xərc və gəlir nöqteyi nəzərdən baxmaq bacarığı);

  • Təsir göstərmək və inandırmaq bacarığı (digərlərinin razılığını almaq və yaxud davranışlarını dəyişmək məqsədilə onlara təsir göstərmək bacarığı);

  • Strateji düşüncə tərzi (problemlərin, hadisələrin və yaxud fəaliyyətlərinin sonraki nəticələrini qiymətləndrmək bacarığı);

  • Təşkil etmək və planlaşdırmaq bacarığı (iş planlarını və qrafikləri müəyyən etmək və onların riayət olunmasına nəzarət etmək bacarığı);

  • Ünsiyyət yaratmaq bacarığı (həmsöhbətlərin xüsusiyyətlərini nəzərə alaraq ayrı-ayrı adamlarla və yaxud bir grup insanlarla ünsiyyətdə olduqda aydın və səlis danışmaq bacarığı);

  • İşə həvəsli (meyllilik) olmaq (məqsədlərə nail olmaq üçün gərgin iş aparmağa niyyətli (qərarlı) olmaq);

  • Yaradıcılıq və innovasiyalıq (peşəkar məsələlərin həlli üçün yeni və orijinal üsullar tapmaq bacarığı);

  • Şəxsiyyətlərarası düşüncə tərzi (ünsiyyət zamanı insanların xasiyyət səciyyələrini nəzərə ala bilmək, həmsöhbətə hörmətlə yanaşmaq);

  • Görülən işlərdə nəticə etibarilə yüksək keyfiyyət və səmərəlilik (məhsuldarlıq) əldə etməyə meyilli olmaq (təşəbbüs, səy göstərmək);

  • Qərarlar qəbul etməyə hazır olmaq, təşəbbüs göstərmək;

  • Bədii (incə) zövqə və fəza düşüncəsinə malik olmaq;

  • Hazırlanmış layihənin memarlıq konsepsiyasını Sifarişçi ilə müzakirə zamanı nəzəri və praktik cəhətdən izah edib müdafiə edə bilmək bacarığı.



Tələb olunan biliklər:

  • Layihələndirmə üsulları və texniki-iqtisadi hesablamaların aparılması;

  • Layihələndirilən obyektlərə dair texniki, bədii, iqtisadi, ekoloji, sosial və digər tələblər;

  • Dizayn həllinin reallaşdırılması üçün regional və yerli təbii, iqtisadi, ekoloji, sosial və digər şərtlərin xüsusiyyətlərini;

  • Tikinti materiallarının və konstruksiyaların növləri və xüsusiyyətlərini;

  • Ətraf mühitin qorunması tələblərini;

  • Layihələndirmə və tikintiyə dair qabaqcıl yerli və xarici təcrübəni;

  • Yuxarı və digər nəzarət orqanların qərarları, sərəncamları və əmrlərini, obyektlərin layihələndirməsi, tikintisi və istismarına dair metodik, normativ və rəhbər materialları;

  • Layihə-smeta sənədlərinin hazırlanması və tərtib olunması üçün standartlar, texniki şərtlər və digər tələbləri;

  • Tikinti texnologiyasını;

  • Layihələndirmə və tikintinin aparılması üçün texniki vasitələr;

  • İqtisadiyyat, əməyin, istehsalın və idarəçiliyin təşkil olunmasının əsaslarını;

  • Əməyin mühafizəsi qaydaları və normaları;

  • Işgüzarlıq etiketi.


Tələb olunan peşə-ixtisas səviyyəsi:

  • Müvafiq sahədə ali təhsil (Memar diplomu);

  • Azərbaycan dilini yazılı və şifahi surətdə əla bilmək;

  • İngilis və rus dillərini bilmək arzu ediləndir;

  • Müvafiq sahədə iş təcrübəsi 5 ildən az olmamaq şərtilə;

  • Tikinti Şirkətlərində iş təcrübəsi üstünlük təşkil edəcək;

  • Arzu edilən yaş həddi 25-40;

  • İş üçün müvafiq kompüter proqramlarını bilmək (ArchiCAD, AutoCAD, 3dMax, Corel Draw, Photoshop);

  • Əllə eskizləri çəkmək bacarığı;

  • Müstəqil və grup daxilində işləmək bacarığı;

  • Fikrini detallar üzərində cəmləşdirmək və bir necə işi eyni zamanda aparmaq imkanı (bacarığı);

  • Yaxşı səxsiyyətlərarası və ünsiyyət bacarıqları.



Ərizələr. Yuxarıda göstərilən tələblərə uyğun olan namizədlər öz tərcümeyi-hallarını (CV) göstərilən elektron poçtuna rashada@yenimemar.baku.az göndərə bilərlər.


Verilənlər bazası müəlliflik hüququ ilə müdafiə olunur ©atelim.com 2016
rəhbərliyinə müraciət