Maraq ifadəLƏRİNİn təQDİmatina dəVƏt azərbaycan Respublikası Kənd Təsərrüfatı Nazirliyi yanında

“İkinci Kənd Təsərrüfatının İnkişafı və Kreditləşməsi Layihəsi”

1. 
   Kənd Təsərrüfatının İnkişafı və Kreditləşməsi üzrə İkinci Layihənin maliyyələşdirilməsi üçün 5 oktyabr 2006-cı il tarixdə Azərbaycan Respublikası Beynəlxalq İnkişaf Assosiasiyası ilə Maliyyələşdirmə Sazişi imzalamışdır. Layihənin “Orta həcmli aqrobiznes üçün maliyyə xidmətləri” sub-komponentinə aqrobiznes üçün orta və uzun müddətli investisiyaların genişləndirilməsi üçün Kredit Xətti daxil edilmişdir. Bundan başqa Azərbaycan Hökuməti özünün büdcə vəsaitlərindən də bu məqsədlə vəsait ayırmağa razılaşmışdır.
   

2. 
   Layihənin İdarəetmə Qrupu (LİQ), Maliyyə Nazirliyi və münasib maliyyə qurumlarının hər biri ilə bağlanacaq Təkrar Kredit Sazişlərinin müddəa və şərtlərinə uyğun olaraq, layihənin son benefisiarlara təkrar kreditlərin verilməsi məqsədilə Layihə İdarəetmə Qrupu Borcalanın adından Kredit Xətti (təqribən 15.7 milyon ABŞ Dolları) vəsaitlərini münasib iştirakçı maliyyə qurumlarına (İMQ) yönəldəcəkdir. Bu benefisiarlara kənd təsərrüfatı məhsullarının istehsalı, emalı, saxlanılması və ya marketinqi ilə məşğul olan, hər hansı digər hüquqi şəxs və ya, hər hansı hüquqi formada istehsalçı təşkilatlar və ya qruplar, özəl fermerlər və ya özəl individuallar daxildir.
   

3. 
   İMQ olmaq üçün kommersiya bankları və lizinq şirkətləri qiymətlənmədən (diaqnostika) keçməli və maliyyə və idarəçilik meyarlarına hər zaman cavab verə bilməli, LİQ və Maliyyə Nazirliyi ilə imzalanmış Təkrar Kredit Sazişinin şərtlərinə daim əməl etməlidirlər.
   

4. 
   Dünya Bankı və Maliyyə Nazirliyi adından çıxış edən maliyyə sektoru mütəxəssisi tərəfindən aparılacaq diaqnostika İMQ-ların ümumi kredit vermə potensialı (zəruri işçi heyəti, biliyi, proseduraları, fiziki və digər resursları), maliyyə və kredit portfelinin icrası məsələlərini əhatə edəcək, lakin bunlarla məhdudlaşmayacaq. İMQ digərləri ilə yanaşı, qənaətbəxş maliyyə və menecment strukturuna, risk əsaslı kapital adekvatlılığına, qənaətbəxş vəsait keyfiyyətinə və kreditləşdirmə fəaliyyətinə, adekvat likvidliyə, təşkilati, menecment və texniki işçilərə və əməliyyatların səmərəli aparılması üçün tələb olunan digər resurslara malik olmalıdır. İMQ tətbiq olunan bütün qanun və qaydalara uyğun olmalıdır, və Beynəlxalq Audit Standartlarına əsasən keçirilmiş münasib auditor rəyi ilə illik auditlər üzrə hesabatları təqdim etməlidir.
   

5. 
   Bununla əlaqədar olaraq Kənd Təsərrüfatı Nazirliyi yanında Kənd Təsərrüfatı Kreditləri üzrə Dövlət Agentliyində fəaliyyət göstərən KTİKL-2-nin İdarəetmə Qrupu münasib bankları və lızinq şirkətlərini qeyd olunan xidmətlərin göstərilməsinə dair maraqlarını ifadə etməyə dəvət edir. Maraqlanan təşkilatlar bu xidmətlərin göstərilməsi üçün səriştəli olduqlarına dair məlumatları və tələb olunan meyarlara cavab vermələri barədə məlumatı təqdim etməlidirlər.
   

6. 
   Maraqlanan və yuxarıdakı 2-ci paraqrafda qeyd edilən müştərilərə xidmət göstərmək arzusunda olan banklar və lizinq şirkətləri əlavə məlumatları həftənin bazar ertəsi günündən cümə gününədək saat 09:00-dan 17:00-dək aşağıda göstərilən ünvandan əldə edə bilərlər.
   

7. 
   Maraq ifadələri aşağıdakı ünvana 5 Aprel 2007-ci il tarixədək təqdim edilməlidir.