Ana səhifə

Press-reliZ 28 May 2012-ci IL Bakı, Azərbaycan


Yüklə 10.41 Kb.
tarix27.06.2016
ölçüsü10.41 Kb.
R A T İ

Reportyorların Azadlıq və Təhlükəsizlik İnstitutu


PRESS-RELİZ
28 May 2012-ci il

Bakı, Azərbaycan



  • ELAN!

  • HƏBS EDİLƏN BAŞ REDAKTOR İŞGƏNCƏYƏ MƏRUZ QALIB


ELAN!
29 may, 2012-ci il tarixində saat 12:00-da Reportyorların Azadlıq və Təhlükəsizlik İnstitutunun mətbuat mərkəzində Neftçilərin Hüquqlarının Müdafiəsi Təşkilatı İctimai Birliyinin təşkilatçılığı ilə "Neft şirkətlərinin ətraf mühitə təsiri üzrə ekoloji reytinq cədvəlinin" təqdimatı keçiriləcək.

HƏBS EDİLƏN BAŞ REDAKTOR İŞGƏNCƏYƏ MƏRUZ QALIB

“Azadxeber.az” saytının baş redaktoru Nicat Əliyev həbs edildikdən sonra işgəncələrə məruz qalıb. Bu barədə bu gün (28 may) Reportyorların Azadlıq və Təhlükəsizlik İnstitutuna (RATİ) N.Əliyevin vəkili Anar Qasımlı məlumat verib.

Vəkil qeyd edib ki, O Yasamal rayon Polis İdarəsinə aparıldıqdan sonra idarədə polis əməkdaşları tərəfindən döyülərək, fiziki təzyiqə məruz qalıb. “Baş redaktor elə bir işgəncəyə məruz qalıb ki, gözlə baxanda bədənində hər hansı iz görünmür. Onu baş redaktoru olduğu saytda “gey”-lərlə bağlı mütəmadi olaraq yazılar dərc etməkdə ittiham ediblər”, - deyə qeyd edən A.Qasımlı habelə N.Əliyevi şantaj edildiyini bildirib.

“Nicata bildiriblər ki, ya narkotik ittihamını boynuna alacaqsan, ya da ki, ondan da ağır cinayətlə boynuna qoyacaqlar və 5 ildən çox müddətə onu həbsə atacaqlar. Habelə ona deyilib ki, əgər narkotik ittihamını boynuna almasa, evindən narkotik maddə çıxardacağıq, bu da ailə üzvlərinin də ittihamına səbəb olacaq”, - deyə qeyd edən vəkil əlavə edib ki, müdafiə tərəfi olaraq bununla bağlı müvafiq hüquqi addımlar atılacaq.

Xatırladaq ki, 2012-ci may ayının 20-də axşam saat 19-20 radələrində İslam dini yönlü “azadxeber.az” saytının baş redaktoru Nicat Əliyev “Memar Əcəmi” metro stansiyası yaxınlığında yerləşən "Killer" kişi geyimləri mağazasının qarşısında saxlanılaraq Yasamal rayonu Polis İdarəsinin 27-ci Polis Bölməsinə aparılıb. Daha sonra baş redaktora qarşı Cinayət Məcəlləsinin (CM) 234.1-ci maddəsi (qanunsuz olaraq narkotik vasitələri, psixotrop maddələri və ya prekursorları hazırlama, istehsal etmə, əldə etmə, saxlama, daşıma, göndərmə və ya satma) ilə ittiham irəli sürülüb və barəsində 2 ay müddətində həbs qətimkan tədbiri seçilib. Hal-hazırda Nicat Əliyev Kürdəxanı təcridxanasında saxlanılır.

MƏLUMATLARIMIZDAN İSTİFADƏ EDƏRKƏN RATİ-YƏ İSTİNAD EDİN

 

Reportyorların Azadlıq və Təhlükəsizlik İnstitutu (RATİ)



Ünvan: Azərbaycan, Bakı şəh., Behbudov 8, mənzil 85/86

tel: (+99 412) 408-08-42 ; 408-75-30, fax: (+ 99 412) 598-45-19

QAYNAR XƏTT + 994 12 408 75 30



e-mail: irfs.az@gmail.com

web: www.irfs.az skype: irfs.az


Verilənlər bazası müəlliflik hüququ ilə müdafiə olunur ©atelim.com 2016
rəhbərliyinə müraciət