Wohaniri na uiguithania
|
|  Yüklə 0.56 Mb.
|
Copyright © by Jonathan Menn and Equipping Pastors International 2007-2010. All rights reserved.  WOHANIRI NA UIGUITHANIA Mwandiki Ni Jonathan M. Menn B.A., University of Wisconsin-Madison, 1974 J.D., Cornell Law School, 1977 M.Div., Trinity Evangelical Divinity School, 2007 Equipping Pastors International 714 S. Summit St., Appleton, WI 54914 (920) 734-0709 jonathanmenn@yahoo.com www.equippingpastors.com Mweri wa Gatano 2007; Kueruhio, Mweri wa Mugwanja 2007; Kweruhio, Mweri wa Gatatu 2008; Kweruhio, Mweri wa Ikumi 2008 Kweruhio, Mweri wa Kanana 2009; Kweruhio, Mweri wa Muguanja 2010. METHA YA MARIA MARI HO WOHANIRI…………………………………………………….………………………..………………………2 Mandiko ma Bata Makuroruo……………………………..………………………..….………………….........2 I. Wohaniri ni ngoro ya muhianire wa Ngai…………………………………...………..……………………...2 II. Tuathituo ni Kristo—uri undu uria wa bata wigii ukristiano—kuohera andu aria angi………….…….2 III. Atumwo matuirire kugera kuandika na ngerekano yao tuohanagire.…………………….......................4 Kumenya na Kurutithia Wira Wohaniri Thiini wa Miturire Itu.…………………………...……...…...........5 I. Wohaniri TI……………………………………………………………………………...………......................5 II. Wohaniri NI……………...…………………………………………………………...…………………….....8 III. Itumi cia kiria kingituma ati nomuhaka tuohere aria matuikite uru……………...……........................10 IV. Wohaniri na uheri……..……………………………………………………………...…………………….12 V. Kuamukira kuoheruo iguru ria mehia maku kuri Ngai na andu arian angi...…………..……………....15 VI. Uria mundu ohanagira………………………………………………………………………...…………...19 VII. Kuiyohera……………………………………………………………………………………...…………...24 UIGUITHANIO………………………………………………...………………………..………………..........25 Mandiko Ma Bata Ma Kuroruo……………………………………………….....…………………................25 I. Ngai niatuiguithanitie nake mwene na agatuhe utungata wa kuiguithania (2 Akor 5:16-21)…………..25 II. Ngai niathukangitie mihaka yothe iria igiragia kuiguithanio kwa andu aona aria magayukanite muno (Aefe 2:11-22)………………………………………….…………………...…...……………….25 III. Kuiguithanio guitu mundu na uria ungi nikuri na bata wa kiroho, na nigutarainie na ugoci witu hari Ngai (Mat 5:21-26)…………………………………………………… ………………….............26 IV. Akristiano ni maathituo ni Kristo na atumwo guika uria wothe mangihota gutura thiini wa thayu na uiguithanio na andu othe ………………………………………………………….........................27 V. Kristo hamwe na atumwo nimonanirie uiguithanio thiini wa miturire yao…........................................27 VI. Riria tuaremwo ni kueheria ngui turi aiki Ngai athaga kanitha kuingirira niguo urehe ugi, utonga, wathani nigetha thina ucio uthire (Mat 18:16-17; Afil 4:2-3; 1 Akor 6:1-8)………...……27 Kumenya na Kurutithia Wira Uiguithanio Thiini wa Miturire Itu…………..………………...….….........28 I. Ngurani ya wohaniri na uiguithanio…………….…………………………………...………......................28 II. Gitumi kia uiguithanio gukuruo ni wa bata…………………………………………….………………...28 III. Njira ya kuiguithania………….…………………………………………………………...…...................29 KURIA MOHORO MAYA MARUTITUO…….………………………………….………..……………......32 KINYITITHANIA: Wohaniri Umanite na Itua Iguru ria Gucokaniriria Kihiko na Ngwataniro cia Micii………………………………………….……………….…………………….........................33 WOHANIRI Mandiko ma Bata Makuroruo1 I. Wohaniri ni ngoro ya muhianire wa Ngai. A. Wohanire ni undu wa bata thiini wa muhianire na mitugo ya Ngai. 1. Ngai we mwene niagire uguo (Tham 34:6-7): 6 Ningi Yohava Ngai akihituka mbrer yake akanirira akiuga, "Yohova Ngai, muigua than a mutugi, ndahiuhaga kurakara na aiyuiruo nit ha na uma; 7uria ukinyagiria utugi wake kuri makiri ma andu na akohera waganu; mahitia na mehia; no ndari hindi atigaga mwihia athii Atari muherithie, akinyagiria waganu wa maithe kuri ciana cia ciana nginya ruciaro rwa gatatu na rwa" 2. Andu uyu niwamenyekanire ni angi, rora: Ndari 14:17-19; Thab 103:2-3; na Thab 130:3-4. 3. Wohaniri wa Ngai gutuohera mehia maitu wonanagia wihokeku wake kuri ithii—“Tungirira mehia maitu, We ni muihokeku na muthingu wa gutuohera na atutherie kuma thahu wothe” (1 Yohana 1:9). B. Wohaniri nikio gitumi na wira wa Yesu Kristo. 1. Kristo we mwene augire ati ari na uhoti wa kuohera nadu mehia (Mariko 2:3-12): 3 Nao magiuka kuri we makuite mundu wakuite ciiga, akuaniiruo ni arume ana. 4 Riria maremiruo kumukinyira niundu wa kirindi, magitharia maturubari’ na riria matoborire irima haria ari, magiikurukua mugeka uria mundu ucio akomeire 5 Nake Yesu ona witikio wao akira mundu ucio atiri, "Murio, mehia maku niwoheruo." 6 no andiki marua amwe maikarite hau magicuranagia thiini wa ngoro ciao 7 “nikii kingituma mundu uyu arie uguo? Uguo nikuruma Ngai; nuu ungiohera mehia tiga Ngai we wiki?”. 8 Oro rimwe Yesu akimenya thiini wa ngoro yake uria marecurania thiini wao, akimera, “nikii murecurania maundu maya thiini wa ngoro cianyu? 9 Niundu uriku muhuthu, kuira mundu uyu mukuu ciiga , ‘mehia maku nimoheruo;’ kana kuga, ‘ukira woe kibari wituare?’ 10 No nigetha kumenyeke ati muru wa Mundu na uhoti wa kuohera mehia guku thi”--- Akira mundu ucio, 11 “Ndakuira atiri, ukira woe kibari giaku na wituare mucii” 12 Nake agiukira ohindi iyo na akioya kibari giake na agiituara mbere ya andu othe makionaga, na makimaka muno na magikumia Ngai makiugaga atiri, “”Tutiri tuona undu wa muthemba uyu” (Mandiko mahianaine na maya megii uhoro uyu mari thiini wa Mat 9:2-8 na Luke 5: 17-26; rora hamwe na: Luka 7:48-50—Uhoti wa Kristo wa kuohera mehia niwamenyekire niangi); Luka 23:33-34—Kristo oheire andu ona ari mutharaba iguru) 2. Kuohera andu gwa Kristo ni ona ningi kwari gitumi kia wira wake guku thi; na nginya nokio gitumi kia Injiri, nokio kiaririo ni atumwo, na kiagiriiruo kuario ni itthui mahinda mothe: a. Atumwo 5:29-31—“29 No Petero na atumwo makiuga ‘tubatii guathikira ngai no tiandu 30 Ngai wa maithe maitu ariukirie Yesu, uria muroragite na njira ya kumwamba mutharaba iguru. 31 Niwe Ngai ambararitie guoko-ini guake kwa urio ari ta Muthamaki na muhonokia, nigetha kuheana uheri kuri Aisiraeli na wohaniri wa mehia. 32 naithui turi aira a uhoro ucio; na hamwe na Roho mutheru uria ngai aheanite kuri aria mamuathikagira”’ b. Atumwo 13:36-39—“36 Gitumi Daudi, thutha wa guika kuringana na wendi wa Ngai thiini wa mahinda make, niakuire, na agithikuo hamwe na maithe maitu na akibutha. 38 Kuoguo, rekey kumenyeke kuri inyui endwa ati, kugera kuri we kuoheruo kwa mehia nikurahunjio kuri inyui 39 na kugera kuri we mundu wothe wetikia niarohoruo kuma maundu-ini mothe, maria watho wa Musa utangiahotire kumohora.” c. Akol 1:13-14—“13 Gitumi niatuhonokirie kuma nduma ya gikuu, na agituingiria thiini wa uthamaki wa Muriu uria mwende 14 uria thiini wake nikuri ukuri na wihaniri.” d. Rora hamwe na: Luka 24: 46-47; Atumwo 2: 38; 10:43; 13:38-39; 26:15-18; Aef 1:7; 1 Yohana 2:12. II. Tuathituo ni Kristo—uri undu uria wa bata wigii ukristiano—kuohera andu aria angi. A. Ihoya ria Mwathani rira tubatara kuohera aria angi, ota uria tuoheiruo (Mat 6:9-15): 9 Hoyagai uu: “Ithe witu uri iguru, Ritwa riaku riamuruo. 10 Uthamaki waku uke. Wendi waku wikuo guku thi ta uria wikaguo matuini. 11Utuhe umuthi irio ciagutuigana 12 nautuohere mawihia maitu, ota uria tuohagira aria matuihitie. 13 na ndugatutuare magerio-ini, no utuhonokagie uru-ini. [Niundu uthamaki ni waku, ona hinya ona kugocuo tene na tene, Ameni] 15 No mungiaga kuohera aria angi, nake Ithe wanyu ndangimuohera mahitia manyu. (uhoro uhianaine na yuyu uri thiini wa Luka 11:2-4) 1. Ungirora nowone ati gicigo karia tu Yesu attirithiirie thiini wa ihoya ria Mwathani ni iguru ria wohaniri. 2. Menya kuna atikuaga kuohanira ni mehia. 3. Undu wa muicho Kristo amenyithanirie wega ati lkuoheruo guitu ni Ngai kuringanaga na kuohera andu aria angi: Nagi atuohagira, angikoruo nituohera aria angi; no Ngai ndangituohera angikoruo tutingiohera andu aria angi. Ota uria D. A. Carson augaga; “Andu mayeheragia thiini wa wohaniri wa Ngai mangikoruo nimomitio ngoro ni ururu wao ati matingiohera aria angi. Thiini wa undu wa muthemba ucio, monanagia kuaga guthuthika, kuaga muhera, na kuaga kumenya bata wa wohaniri, na kuaga umenyi wa ati onao mari thiini wa mehia nduri hingo ungihera” (Carson 2002: 79) B. Ngerekano ya Yesu aria nene muno thiini wa Mathayo2igii kuohera andu aria angi (Mat 18:21-35): 21 Ningi Petoro agiuka kuriwe na akimwira atiri, “Mwathani, ni maita maigana muru ma maitu angihitiria na ndimuohera? Maita mugwanja?” 22 Yesu akimwira atiri, “nii ndinauga maita mugwanja, no ninginya maita mirongo mugwanja maita mugwanja. 23 Niundu wa gitumi giki uthamaki wa iguru ungiringithanio na muthamaki uria wendire gutara mathabu make na ndungata ciake. 24. Riria anjirie guika mathabu, ngombo imwe iria yari na thiri wake wa taranda ngiri ikumi ikirehuo kuri we. 35. No nitondu ndari na uhoti wa kuriha, mwathi wake akiruta watho endio, hamwe na mutumia wake na ciana ciake, na kiria giothe ari nakio na thiri wake urihuo. 26 Kuoguo ndungata iria ikiiguithia thin a ikiinyihia mbere ya mwathi wake, ukiuga atiri, “ngiririria nanindikuriha ciothe” Mwathi wa ngombo iyo akiigua than a akimurekia na akimuohera thiri wake. 28 No ngombo iyo ikiumagara na ikiona ngombo ingi yari na thiri wayo wa Dinarri igana rimwe; na akimunyitithia akimwia atiri ‘ndiha thiri wakwa.’ 29 nayo ngombo iyo ikiiguithia thin a ikianjia kumuthaitha ikiuga atiri, ‘ngiririria na nindikuriha ciothe.’ 30 No we akirega kumuohera na akimuikithia korokoro-ini nginya riria angiriha thiri wothe. 31 Kuoguo riria ngombo iria ingi cionire uria guekika, makiigua uru muno na makimuthitaka kuri mwathi wao. 32 nake riria a mutumaniire akimuira atiri, ‘we ngombo ino njaganau, nii nguoheire thiri ucio wothe nitondu niuthaithire. 33 Kai we utangigiire na tha iguru ria ngombo iria ingi, ota uria ngiire na tha nawe?’ 34 nake mwathi ucio, agicinuo ni marakara, akimuneana kuri aherithania nginya riria akariha thiri wake wothe. 35 Ithe witu wa iguru noguo angika kuri mundu owothe wanyu ungiaga kuohera muru waithe kuma ngoro-ini.” C. Ngeekano iria ndaya muno thiini wa Luka na thiini wa Bibiria yothe ni iguru ria wohaniri (Luke 15:11-32): 11 Nake akiuga atiri, “Mundu umwe ari na ariu eri. 12 uria wari munini akira ithe atiri, ‘Awa, nengera igai riakwa’ Uguo ithe akigayania utonga wake kuri oeri. 13 na matuku maingi matanathira, muriu uria munini agicokaniriria indo ciake ciothe, na agithii bururi wa kuraya, na akinyarira indo ciake na miturire miuru. 14 Riria aninire indo ciothe, gukigia na ng’aragu nene thiini wa bururi, nake akigia na thina mauingi muno. 15 Nake agithii akiandikuo wira wa kuriithagia nguruwe, thiini wa bururi ucio. 16 No ona irio cia nguruwe ciari hinya kuoneka ehunie nacio gitumi ni tondu gutiri mundu wa muheaga kindu. 17 no0 riria acokereiruo ni meciria make, akiuga atiri, ‘Ni ngombo cigana cia awa cirri na irio cia kuigana, nanii guku ndirakua ni ng’aragu? 18 ni gnukira thii kuri awa nanii ngumuira atiri, “Awa, ninjihitie iguru nathi na kuri wee; 19 ona ndibatii guituo mwana wau ringi; ndua ta umwe wa ngombo ciaku”’ 20 Kuoguo agiukira na agithii kuri ithe. No riria ari haraihu agiuka, ithe akimuona na akimuiguira tha, na akimuteng’erera na akimuhimbiria na akimumumunya. 21 nake muriu ucio akimwiria atiri, ‘Awa, ninjihitie iguru na maitho-ini maku; ndibatii guituo mwana waku ringi’ 22 No ithe akira ngombo ciake atiri, “Ihenya, murehe nguo iria njega muno na mumuikira, na mumuikire mbete kiara-ini giake na iratu maguru-ini make; na murehe ndegwa noru, muthinji niguo turie na tucanjamuke; 24 nigukoruo mwana uyu wakwa arari mukuo na niariukite; niarorite na nionekete” nao makianjia guchanjamuka. 25 Riu-ri muriu wake uria munene ari mugunda, na riria okaga na akuhiriria mucii, akiigua nyumbo na nduhio. 26 Agituma umwe wa ngombo ciake na akigeria kuria gitumi kia nduhio icio. 27 Nake akimwira atiri, ‘muru wa thoguo niokire na thoguo amuthinjira mdegwa iria noru nitondu niamuamukira ari mugima’ 28 Nowe akirakara na akirega kuingira; nake ithe akiuma agiuka kumuthaitha. 29 Nowe agicokeria ithe akimwira atiri,’Ta rora! Thiini wa miaka miingi ndurite ngutungataire na ndiri ndauna watho waku ona umwe; na nduri wahe ona kaburi ndianire na arata akwa; 30 no riria muruguo oka, uria uninite utonga waku na maraya, wamuthinjira ndegwa noru.’ 31 nake akimuira atiri, ‘Muru wakwa, we ukoretuo hamwe nanii mahinda mothe, na kiria giothe ndinakio nigiaku. 32 No nitukubatii gukena na tukunguiye, gitumi ni tondu muru wa thoguo uyu, niarakuite na niariukite niarorite na nionekete’” D. Yesu anyitithanagia wohaniri witu na wendo witu (LukaNingi 7:36-50): 36 ningi umwe wa afarisai akimunyita ugeni kuria irio hamwe nake, na akiingira nyumba-ini yake na magiikara metha-ini. 37 Na nikuari mutumia thiini wa itura wari muihia; nake riria aiguire ati yesu ari metha-ini thiini wa nyumba ya mubarisayo ucio, akireha maguta manungi wega, 38 nake arugamite thutha wake maguru-ini make akiriraga, agiitaga maithori maguru-ini ma Yesu, akianjia kumagiria na njuiri yake, na akimamumunyaga na akimahakaga maguta. 39 Riria mubarisai uria wetite Yesu onire uguo, akiuga na ngoro yake atiri, ”Angikoruo mundu uyu ni munabii niangiamenya mutumia uyu nuu na ni mundu wa muthemba uriku uramuhutia, ati ni muihia” 40 Nake yesu akimucokeria akimuira, “Simioni, ni ndi na undu nguenda gukuira” nake akimucokeria, “uge, Murutani.” 41 akombithania ambeca nimari na akombi eri: umwe ari na thiri wa dinarii Magana matano, nake uria ungi mirongo itano. 42 “Riria maremiruo nikuriha, na undu wa tha ciake akimohera eri. Kuogu-ri niuriku wao ungienda mundu yu makira?” 43 Simioni akiuga atiri, “Nguihoka ni uria woheiruo muno.” Nake yesu akimwira atiri, “Niwauga wega.” 44 Akigaruruka kuri mutumia, akira Simioni atiri, “Niukuona mutumia uyu? Nyingirire nyumba yaku; ndunahe mai ma guithamba maguru, nowe athabia maguru makwa na maithori make na akamahura na njuiri ciake. 45”Wee nduna mumunya, nowe kuma hindi iria njukire ndari aratiga kumumunya maguru makwa. 46 Wee ndunahaka maguta maguru makwa, nowe niahaka maguru makwa maguta. 47 Niundu wa gitumi giki, ndakuira atiri, mehia make, maria mari maingi, nimoheruo, na nikio anyenda makiria; no uria woheruo tunini anyendaga ohanini.” 48 Ningi akira mutumia ucio atir, “niwoheruo mehia maku.” 49Nao aria mari hamwe nake metha-ini makiurania oene atiria, “mundu uyu nuu urohanire nginya mehia?.” 50 Nake akira mutumia ucio atiri, “Witikio waku niwakuhonokia, thii na thayu.” E. Yesu makiria anyitithanagia wohaniri witu na muturire witu wa mahoya na uhoro wa Ngai gutuohera (Mariko 11:23-26): 23 “Uma nadumuira atiri, mundu owothe ungira kirima giki, ‘Thenga na uikio iriya-ini,’ na agi guthangania thiini wa ngoro yake, no etikie ati uria auga niguguikika, undu ucio niugekika. 24Kuoguo ngumuira atiri, maundu mothe maria mokahoya na muitie, mwetikia nimukagia namo. 25 Riria mukarugama kuhoya, uhanagirai, mungigakoruo na undu na mundu ungi nigetha ithe wanyu uri iguru amuohere mehia manyu. 26 [no mungiaga kuohanira, onake ithe wanyu uria uri iguru ndari hingo angimuohera mehia manyu.”] 1. Ririkana ati Yesu aririe ciugo ici thutha wa kuingira Yerusalemu na mukunguiyuo munene, kahinda kanini atanambwo. Ona gutuika maundu maria mothe maritio ni Yesu nimabata, maundu maria maririo hakuhi na uhoro-ini wa gukuo giake ni mongagirirka bata makiria. 2. Ririkana ati thiini wa uhoro uyu, Yesu niacokerire ciugo iria augire agikira hinya na kuhinyiriria iguru ria urekeri thiini wa ihoya ria mwathani. Uhoro ucokagiruo nigetha wonanie bata waguo. III. Atumwo matuirite tuohanagire, thiini wa marua na ngerekano. A. Paulo atuathite tuohanagire (Aef 4:32): Na mutuganage mundu na uria ungi, mugie na ngoro ya tha, mukiohanagira mundu na uria ungi ota uria Ngai thiini wa kristo amuoheire (rora hamwe na, 2 Akor 2:7; Akol 3:13). Carson augaga itiriri iguru ria muhari uyu: “Undu ti ati nokuoheruo tuoheiruo, na ati niundu wa uguo tubatii kuohanira, no ni ati ngai we mwene thiini wa kristo, niatuoheire, na kuoguo thiri witu ndungitaruo. Gutiramakania uru uria tungikoruo tuikituo, ndungiigananio na mehia maria tuikite mbere ya Ngai. No Ngai niatuoheire. Tungihota kumenya kuehererio gua thiri uyu wa wohaniri, tungihota kuona unene wa thiri uria tuari naguo kuri Ngai, kuahera aria angi gutingikoruo kuri thina.” (Carson 2002: 80-81) B. Paulo athondekire ngerekano ya wohaniri (2 Akor 2:10-11): 10 No mundu uria wothe mungiohera undu-ini owothe, ona nii ni ndimuoheire, angikoruo ninjoheire undu owothe, njikite uguo ni undu wanyu mbere ya uthiu wa Kristo, 11nigetha Saitani ndakone kamueke; gitumi nitui ngungo ciake. 1. menya ati wohaniri wa Paulo haha wari niundu wa kanitha (“niundu wanyu”). Makiria, niamenyaga ati undu uria areka (angikoruo noihanagira kana undu wa kuaga kuohanira) undu ucio wothe wekaguo “mbere ya uthio wa Kristo.” 2. Menya ningi ati kuaga wohaniri nigutumaga Saitani agii na kanya kuri ithui. 3. Undu uria uri wa ma kuri Paulo ni wama kuri ithui ona ithui, makiria andu ta ithui aria oata Paulo turi thiini wa utongoria wa kanitha: a. Gukoruo tukiohanira kana tutakuohanira nikuhutagia kanitha nanjira njuru kana njira njega. b. Ona guatuika tutimuiguaga kana tukamuona, undu uria wothe tuikaga (wohaniri kana kuaga kuohanira mauru maria mekuo kuri ithui) undu ucio wikaguo mbere ya uthiu wa kristo—na nitugatuiruo ni Kristo tuaga gutuika ohaniri. c. Kuaga wohaniri guitu kuheaga saitaniuhoti wa kuruta wira kugera kuri ithui, na kihutati na ithui, thiini wa kanitha na kihutati gia kanitha. Kuaga kuohanira guitu kurehaga ngerekano njuru kuri andu aria angi, nao magatuika andu matari na wohaniri onao—kanitha niundu wa uguo ukagayukana, ukagia na ururu; Saitani nowe ugaciraga thiini wa undu uyu. Angikoruo nituri na wohaniri notuhote kurutana thiini wa maundu mothe mandikituo hau iguru turi thiini wa hinya wa Roho, na tutari na uhinga. Thiini wa undu ucio, Saitani ndari hingo angiona kanya ga kuruta wira thiini witu na kugera kuri ithui kana kuri kanitha. C. Stefano, mundu uria wa mbere kuraguo niundu wa ukristiano, niatuonirie ngerekano ya goro (thutha wa Kristo), thiini wa kuohera aria mamuragire, riria akuaga. (Atumwo 7:59-60): 59 magithii nambere na kuhura Stefano na mahiga riria etanaga kuri Mwathani akiug atiri, “Mwathani Yesu, amukira ngoro yakwa!” 60 Nake akigua maru-ini, agikaya na mugambo munene, “Mwathani, ndukamatarire mehia maya!” arikia kuga undu ucio agikoma. Kumenya na Kurutithia Wira Wohaniri Thiini wa Miturire Itu I. Wohaniri TI.3 A. Wohaniri TI “guita ‘uru” ati “wega” kunyihia ndihio, gukiririria uru, na kuga “uguo weka ti uru muno,” kana “hatiri thina” kana gukoruo na “ngurani” na mundu uria wekuo kana weka uru. 1. Wohaniri ni kumenya ati uria mundu ucio ungi atuika ni uru—ha uhoro wa ma, uru makiria ati Kristo atikirire aherithio na oraguo niundu wa mehia ma muthemba ucio (na niundu wa mahitia mangi omothe). 2. Kuga ati mahitia ti mahitia, kana “ti undu munene,” kana kuga “hatiri na thina” uguo ni gutiganiria uhoro wa ma—undu ucio utueheragia kuma kuri Kristo na Ngai, Gitumi: Ngai ni uma (Thama 34:6; Thab 25:5, 10; 33:4; 40:10-11; 43:3; 57:10; 86:15; 89:14; 117:2; 119:142, 151; 138:2; Isa 65:16); Kristo ni uma (Mat 22:16; Mariko 12:14; Yohana 1:14, 17; 3:21; 8:45-46; 14:6; 18:37; Aef 4:21); na nitubatii gukoruo turi na uma thiini witu, mbere ya ngai, iguru ria andu aria angi (Thab 51:6; 86:11; 145:18; Thim 3:3; 16:6; 23:23; Yohana 4:23-24; Aef 4:25). 3. Wohaniri ti uhoro wa muthako. Riria tuohera mundu uguo ti kuga ati niturakumia undu uria ekite, kana kureka mundu ucio oke atuike undu ucio ringi, kana kureka undu ucio wikike ringi. Wohaniri ubataraga kugia na muonere mwega wa kumenya ngurani ya wega na uru, na guitar maundu macio uria mari— gitumi ungihota tu kuohera “mauru” uria uri na uhoti wa gugutihia. B. Wohaniri TI uhuthu— kuohanira TI kuga ati niworuo ni uhoti waku na unene waku kana “umundu waku.” 1. Kuohera mundu niundu wa uru uria aguikiite ni undu uria muritu muno ungika thiini wa muturire waku. Oro uria mahitia mari na itihia inene, noguo giko kia wohaniri kiri kinene gia kuohera muhitia. 2. Kuoyaga hinya—hinya wa mwiri, wa meciria, na wendi wa mitugo—kuhota kuohera muhitia uria ugutihitie muno. No riri, Yesu niatuhete roho Mutheru; nituri na uhoti wa gutuma tuhote kuohanira, ota uria Yesu ahotire gutuohera, niundu wa mehia maitu na kumuraga. Riria tuarumirira wathikiri Ngai, thiini wa uma wa Kiugo giake, na thiini wa hinya wa Roho wake, niatuheaga witikio na uhoti wa guika maundu maria maritu, ni tondu niguo undu uria mwagiriru guika—kuohera andu aria matuhitiirie muno (Arom 4:19-22; 14:4; 1 Akor 10:13; Aef 3:20-21; 6:10-16; Ahib 2:18; 7:25; Yuda 24). 3. Mundu no ecirie ati wohaniri wikiraga maundu maingimuno kuri mundu uria wihiirio, makiria ya muhitia. No riri, Jeffress augaga atiri, “Ngai ndatueheragia thiini wa amundu ati ni tondu ni maritu kana timega. Kwa muhiano wicirie iguru ria ciugo ici cia bata cia Yesu kuma ithomo ria kirima-ini: Nimuaiguire ati nikari kwarie, ‘Ritho kwa ritho, na igego kwa igego.’ No ngumuira atiri, mutigacindane na mundu muru; no mundu angimugutha ruhi ruthia rua urio, mugarurirei ona rua umotho onaruo. Na mundu angienda kumutuara igoti-ini nigetha oye nguo yaku, munengere nginya igoti onario. Na mundu owothe ukamuatha guthii mairu imwe, thii nake mairo igiri (Mathaya 5:38-41). Rora ti thiini wa uhandu haria Yesu aguetire haha, onanitie na akaigirira murigo kuri muhitirio, no ti kuri muhitia. Uria uhitiirio abatii kugarura ruthia ruu rungi, kuheana ona igoti, na guthii mairu ingi ya keri” (Jeffress 2000: 45; rora hamwe na, Sande 2004: 148-49; na Worthington 2003: 68, “Tutiohanagira ni tondu niundu muhuthu, no ni tondu niundu uria ubatii na kuringana na kuonania wendo wa Ngai na wohaniri kuri ithui ene.”).
|