Ana səhifə

Uvumo Lokholo lweWestminster


Yüklə 0.56 Mb.
səhifə1/27
tarix24.06.2016
ölçüsü0.56 Mb.
  1   2   3   4   5   6   7   8   9   ...   27
Uvumo Lokholo lweWestminster

Uvumo Lokholo lweWestminster
Lezithathelo zemibhalo ezilufakazelayo

Lubhalwe ngokwesibili

eZimbabwe ngo-2007
Isingeniso
Lolugwalo, “Uvumo Lokholo” lobuKristu, luguqulelwe eSindebeleni. Linguqulelo yenziwe ngabafundisi o P. Mzamo, A. Ndebele lo Dr. J. Tallach.
Lolugwalo, “Uvumo Lokholo” lweNhlangano yaBafundisi yeWestminster, lwabhalwa ngesiLungu, liqula labafundisi beNgilandi leSikotilandi bebuthene eWestminster ngo-1643-47. Lolugwalo lugoqela yonke imfundiso eqakathekileyo yeThestamente eLidala leLitsha. Lumumethe yonke imfundiso eqakathekileyo eyisiqokoqela seBhayibhili. Njalo le imfundiso ibhalwe ngezahluko ezicacileyo, ukuze umfundi walolugwalo aqedisise ngokulula afunda ngakho, ukuze ayazi imibhalo engcwele. 2 Tim. 3 vs. 15-17.
Umthandazo lesiloyiso sethu, yikuthi lolugwalo lufundwe yibo bonke abantu bakithi beZimbabwe, abasaziyo iSindebele, ngitsho lalabo abangaphandle kwaleli elakoMthwakazi.
Ingqondo ayelayo umphostoli uPawuli, lathi silayo ngoMthwakazi wonke: “Bazalwane, isifiso lomkhuleko wenhliziyo yami kuNkulunkulu ngoIsrayeli kungokosindiso lwabo. Ngoba ngiyabafakazela ukuthi balokutshisekela uNkulunkulu, kodwa kungenjengolwazi; ngoba bengakwazi ukulunga kukaNkulunkulu, njalo bedinga ukumisa okwabo ukulunga, kabazehliselanga ngaphansi kokulunga kukaNkulunkulu. Ngoba uKristu uyisiphetho somlayo ekulungeni kuye wonke okholwayo”. Rom. 10:1-4.
Inhloko zemfundiso zimunyethwe yilolugwalo.
1977 P. MZAMO

Izinhloko zeziNdaba


1. NgeMibhalo eNgcwele 3

2. NgoNkulunkulu langoZiqu-zinthathu ongcwele 9

3. Ngesimiso sikaNkulunkulu esilaphakade 12

4. Ngendalo 17

5. Ngokongamela 18

6. Ngokuwa komuntu, ngesono, langesijeziso saso 24

7. Ngesivumelwano sikaNkulunkulu lomuntu 27

8. NgoKristu UMlamuli 32

9. Ngentando ekhululekileyo 39

10. Ngokubizwa okuphumelelayo 40

11. Ngokulungisiswa 44

12. Ngokuma kwabantwana 48

13. Ngokungcweliswa 49

14. Ngokholo olusindisayo 51

15. Ngokuphendukela empilweni 53

16. Ngemisebenzi emihle 56

17. Ngophikelelo lwabangcwele 62

18. Ngokuqinisekiswa komusa losindiso 64

19. Ngomthetho kaNkulunkulu 70

20. Ngenkululeko yamaKristu lenkululeko yesazela 76

21. Ngenkonzo yokholo losuku lweSabatha 81

22. Ngezifungo lezithembiso ezisemthethweni 88

23. Ngomantshi welizwe 94

24. Ngomtshado lokuchithwa kwawo 98

25. Ngebandla 101

26. Ngobudlelwano babangcwele 104

27. Ngamasakramente 106

28. Ngobhabhathizo 108

29. Ngesidlo seNkosi 112

30. Ngezijeziso zebandla 116

31. Ngamasinodi lemibuthano 117

32. Ngesimo sabantu emva kokufa, langokuvuka kwabafileyo 119

33. Ngokwahlulela kokucina 121




1. NgeMibhalo eNgcwele


  1. Lanxa ukukhanya kwemvelo lemisebenzi yendalo lokongamela kubonakalisa ngandlela thize ukulunga, ukuhlakanipha lamandla kaNkulunkulu, ukuze abantu basale bengalazaba lokuzithethelelaa, kube kanti kakonelanga ukwembula lololwazi ngoNkulunkulu, lentando yakhe, oluyilo oluswelekayo kusindisob; ngakho kwayithokozisa iNkosi ngezikhathi ezehlukeneyo langendlela ezehlukeneyo ukuzembula yona, lokwazisa intando yayo ebandleni layoc; lemva kwalokho, kusenzelwa ukulondolozwa lokusatshalaliswa ngcono kweqiniso, lokuzinzisiswa lokududuzwa kwebandla kumelana lokungcoliswa yinyama lenzondo kaSathane lelizwe, ukubhala konked; okwenza imibhalo engcwele ibe ngesweleke kakhulue; lezondlela zamandulo zokuzibonakalisa kukaNkulunkulu ebantwini bakhe seziphelilef.

  2. Ngaphansi kwebizo lemibhalo engcwele, kumbe ilizwi likaNkulunkulu elilotshiweyo, khathesi sekugoqelwe izingwalo zeThestamente eLidala leLitsha, eziyilezi:

ZETHESTAMENTE ELIDALA:




UGenesise

(Gen)

UmTshumayeli

(Tshu)

UEksodusi

(Eks)

INgoma Yezingoma

(Ngoma)

ULevi

(Levi)

UIsaya

(Isa)

AmaNani

(Nani)

UJeremiya

(Jer)

UDuteronomi

(Dute)

IziLilo

(Lilo)

UJoshuwa

(Josh)

UHezekeli

(Hez)

AbaHluleli

(Hlu)

UDaniyeli

(Dan)

URuthe

(Ruthe)

UHoseya

(Hos)

1 USamuweli

(1 Sam)

UJoweli

(Jow)

2 USamuweli

(2 Sam)

UAmosi

(Amos)

1 AmaKhosi

(1 Kho)

UObadiya

(Obad)

2 AmaKhosi

(2 Kho)

UJona

(Jona)

1 Imilando

(1 Lan)

UMika

(Mika)

2 Imilando

(2 Lan)

UNahume

(Nah)

UEzra

(Ezra)

UHabakuki

(Hab)

UNehemiya

(Neh)

UZefaniya

(Zef)

UEsta

(Esta)

UHagayi

(Hag)

Ujobe

(Jobe)

UZekariya

(Zek)

Izihlabelelo

(Hlab)

UMalaki

(Mal)

Izaga

(Zaga)






ZETHESTAMENTE ELITSHA:




UMathewu

(Mat)

1 UTimothi

(1 Tim)

UMarko

(Mark)

2 UTimothi

(2 Tim)

ULuka

(Luka)

UTitosi

(Tit)

UJohane

(Joha)

UFilimoni

(Filim)

ImiSebenzi

(Seb)

AmaHeberu

(Heb)

AbaseRoma

(Roma)

UJakobe

(Jak)

1 AbaseKorinte

(1 Kor)

1 UPetro

(1 Pet)

2 AbaseKorinte

(2 Kor)

2 UPetro

(2 Pet)

AbaseGalathiya

(Gal)

1 UJohane

(1 Joha)

AbaseEfesu

(Efe)

2 UJohane

(2 Joha)

AbaseFiliphi

(Fil)

3 UJohane

(3 Joha)

AbaseKolose

(Kol)

UJuda

(Juda)

1 AbaseTesalonika

(1 Tes)

Isambulelo

(Isam)

2 AbaseTesalonika

(2 Tes)






Zonke zaphiwa ngokuphefumulelwa nguNkulunkulu, ukuze zibe ngumlayo wokholo lempilog.



  1. Izingwalo ezejwayelwe ukubizwa ngokuthiwa yiApokrifa, ezingaphefumulelwanga nguNkulunkulu, kazisingxenye yoluhlu lwemibhalo ephefumulelweyo. Ngenxa yalokho kazilagunya ebandleni likaNkulunkulu, futhi kazilakwemukelwa kumbe zisetshenziswe, okwedlula ezinye izingwalo ezilotshwe ngabantuh.

  2. Igunya lemibhalo engcwele okufanele ukholwe ngawo ulalelwe, aweyamanga kubufakazi baloba ngubani loba ibandla, kodwa leyame kuNkulunkulu ngokupheleleyo (yena oliqiniso uqobo) umlobi wawo; ngakho-ke ufanele wemukelwe, ngoba uyiLizwi likaNkulunkului.

  3. Singahugwa njalo sicindezelwe yibufakazi bebandla ukuze sihloniphe imimbhalo engcwele ngokwesaba langokuphakamak. Lokuba indaba le ngeyasezulwini, lamandla emfundiso, lobukhosi bendlela yokubhala, lokuvumelana kwengxenye zonke, injongo yawo wonke (ingeyokunika udumo lonke kuNkulunkulu), ukwembulwa okugcweleyo kwendlela eyodwa yosindiso lomuntu, okunye ubuhlekazi obunengi obungeqathaniswe, lokuphelela kwawo konke, kuyibufakazi obubonisa sobala ukuthi uyiLizwi likaNkulunkulu; kube kanti, ukuqinisekiswa kwethu okupheleleyo lokuqiniseka kweqiniso elingelamposiso legunya likaNkulunkulu elikuwo kuvela kumsebenzi wangaphakathi kaMoya oyiNgcwele, ofakaza ngalo kanye leLizwi ezinhliziyweni zethul.

  4. Lonke icebo likaNkulunkulu ngazo zonke izinto ezidingakalayo kusenzela olwakhe udumo, usindiso lomuntu, ukholo, lempilo, kubekwe ngokucacileyo emibhalweni, kumbe ngezilandela muva ezilungileyo lezidingekayo lingatholwa livela emibhalweni; okungamelanga kwengezwe kulo lanini, kumbe ngezembulo zikaMoya ezintsha kumbe ngemikhuba yabantum. Lanxa kunjalo semukela ukuthi ukukhanyisa kwangaphakathi kukaMoya kaNkulunkulu kufanelele ukuqedisisa okusindisayo kwalezozinto ezembulwa eLizwinin, lokuthi zikhona ezinye izizatho mayelana lokukhonza uNkulunkulu, lokubuswa kwebandla, ezejwayelekileyo ezenzweni zabantu lasenhlalweni yabo, ezimele zikhokhelwe yikukhanya kwemvelo lenhlakanipho yobuKristu, ngokwemilayo ejwayelekileyo yeLizwi, efanele inanzelelwe kokuphelao.

  5. Izinto zonke emibhalweni kazicacanga ngokwazo ngokufananayo, kumbe ukuba sobala kubo bonke ngokufananayop, kube kanti lezozinto ezifanele ukwaziwa lokukholwa lokulondolozelwa usindiso, zibekwa obala kangaka njalo zembulwa kwenye indawo yemibhalo loba kwenye, ukuze kungabi ngabafundileyo bodwa, kodwa labangafundanga, nxa besebenzisa indlela eyejwayelekileyo, bangazuza ukuqedisisa okweneleyo ngazoq.

  6. IThestamente eLidala ngesiHeberu (okwakuyilo ulimi olwalukhulunywa ngabantu bakaNkulunkulu ekadeni) leThestamente eLitsha ngesiGriki, (okwakuyilo ulimi olwalusaziwa lwejwayelekile ezizweni, ensukwini zokubhalwa kwalo), wona aphefumulelwa nguNkulunkulu ngokwakhe, langokulondoloza kwakhe lokongamela kwakhe okukhethekileyo, zigcinwe zicengekile kuzo zonke izikhathi, ngakho-ke aqothor, ukuze kuzo zonke impikisano ngokholo ibandla lifanele ukudlulisela kuwo ekucinenis. Kodwa ngenxa yokuba indimi zendulo zingaziwa ngabantu bonke bakaNkulunkulu, abalelungelo lokwenza emibhalweni, bayalaywa ekwesabeni uNkulunkulu ukuyifunda lokuyihlolat, yikho-ke ifanele iguqulelwe kundimi zabantu bezizwe zonke efika kuzou, ukuze, iLizwi likaNkulunkulu lihlezi ngokugcweleyo kubo bonke, bamkhonze ngesimo esemukelekayow, njalo, ngokubekezela langokududuzwa yimibhalo, bathembex.

  7. Isimiso esingelamposiso sengcazelo yemibhalo yimibhalo ngokwayo; ngakho-ke, nxa kulombuzo mayelana lomutsho oqinisileyo logcweleyo wemibhalo (ongelakunengi kodwa okukodwa), kufanele uhlolwe njalo waziwe ngezinye izindawo ezichasisa ngconoy.

  8. UMahluleli ongaphezulu, okungaye zonke impikiso ngokholo ziyaphethwa, lazo zonke izimiso zenkundla, imibono yabalobi bendulo, imfundiso zabantu, leyomuntu ngamunye, ifanele ihlolwe, okumele seyame esigwebeni sakhe, kungebe ngomunye ngaphandle kukaMoya oyiNgcwele ekhuluma emibhalweniz.
  1   2   3   4   5   6   7   8   9   ...   27


Verilənlər bazası müəlliflik hüququ ilə müdafiə olunur ©atelim.com 2016
rəhbərliyinə müraciət