Qaydalar, İcra və Təlimatlar Giriş

görüşündə təsdiqlənib

İanələr və digər gəlirlər Transparency International təşkilatının korrupsiya ilə mübarizəsinə yönəlir. Bu vəzifəni yerinə yetirmək üçün Transparency International maliyyə dayağına ehtiyac duyur. Etibarlı və müxtəlif mənbələrdən gələn maliyyə dayanaqlılığı təşkilatın müstəqilliyinin, nüfuzunun təmin edilməsinə və daha effektiv fəaliyyətin göstərilməsinə şərait yaradır.

Transparency International təşkilatının milli bölmələri və katiblik müxtəlif maliyyə mənbələrindən maliyyələşir. Fondlar, hökumət, özəl sektor, fərdi ianələr, üzvlük haqları, nəşriyyat gəlirləri, tədbirlər və digər fəaliyyət növlərindən, o cümlədən yardım fondundan. Maliyyə mənbələrinin müxtəlifliyi TI-ın müstəqil fəaliyyətinin təmininə şərait yaradır. İanə ya konkret layihə, yada ümumi işin aparılması üçün ayrılır. Əsasən, milli bölmələr və təşkilat özləri fərdi şəkildə maliyyələşirlər. Katibliyin maliyyələşməsinə Donorla iş bölməsi rəhbərlik edir və Transparency International təşkilatının maliyyələşməsini koordinasiya edir. TI idarə heyətinin alt komitəsi hesab edilən, Maliyyə Əməliyyat Qrupu, hərəkatın maliyyə təşəbbüslərini icra edir və bunlara nəzarəti həyata keçirir. Bu qurum qarşıya çıxan məsələlərin həllində məsləhətçi rolunda iştirak edir və aşağıda qeyd edilən proseduru həyata keçirir. TI öz ədalətliliyini, aşkarlığını və bütövlüyünü risk altına ala bilməz. TI etibarlılığına hər hansı şübhə yaradacağı ehtimal edilən maliyyə vəsaitini almamalıdır.

TI-ın əsas siyasəti ondan ibarətdir ki, heç bir halda maliyyələşmə aşağıda qeyd edilən şərtlər ödənmədiyi təqdirdə həyata keçirilməməlidir.

• TI-ın öz siyasətini həyata keçirməkdə müstəqilliyinə maneə olmamalıdır.

• Təşkilatın bütövlüyünə və etibarlılığına təhlükə yaratmamalıdır.

Bu qaydalar TI təşkilatının bütün qurumları üçün eynidir və maliyyənin növündən və həcmindən asılı olmayaraq istənilən donora aiddir (bu sənəddə göstərilməyən qaydalar istisna olmaqla). Bu qaydalar mövcud donorlardan gələn yeni maliyyələşmələrə və eyni zamanda gələcək donorlara da şamil edilir. Bununla belə, bu şərtlər müxtəlif nəşrlərdən,.

TI qurumları öz fəaliyyətlərini icra edə bilmələri üçün geniş həcmdə maliyyəyə ehtiyac duyur. Amma bu heç bir halda ayrılan maliyyə vəsaiti TI-ın iş prinsipinin pozulmasına şərait yaratmamalıdır. TI müstəqillik və etibarlılıq şərtlərinə riayət olunması çərçivəsində istənilən mənbədən maliyyələşmə qəbul edə bilər. TI 1000 avrodan yüksək ianələrin siyahısını göstərməli və bunu ictimaiyyət üçün açıq etməlidir. Bunu bölmələrin illik hesabatlarında və öz internet səhifələrində göstərməlidirlər. Analoji olaraq eyni qaydalar Katibliyə də aiddir. Əgər müəyyən bir mənbədən alınan vəsait, təşkilatın müstəqilliyini təhlükə altına qoyarsa və ya donorun ictimaiyyət arasındakı rolu, TI-ın nüfuzuna risk təşkil edərsə bu maliyyədən imtina edilməlidir. TI üçün ianələr cəmiyyətin nəzarəti üçün açıq olmalıdır. TI-ın müstəqilliyi onu tələb edir ki, digər təşkilatlar və fərdi şəxslər kimi, donorlar da tənqid üçün açıq olsun. Korrupsiyada günahlandırılan donor TI tərəfindən müdafiə edilmir. TI özəl sektorda fəaliyyət göstərən korporasiyalar və donorlar tərəfindən də maliyyə cəlb edə bilər. Bu heç bir halda o demək deyil ki, təşkilat həmin şirkətlərin qaydalarını və ya hərəkətlərini dəstəkləyir. Məsləhətdir ki, potensial ianə verən şirkət (BMT Qlobal Paktı, Biznes Prinsiplər və s kimi.) etik standartlar qarşısında ictimai öhdəlik götürsün və TI orqanları həmin şirkətdən hər hansı ianə qəbul olunmamışdan əvvəl, etik standartlara riayət edəcəkləri barədə öhdəlik götürsünlər. TI heç bir halda korrupsiyada ittiham edilən şirkətdən ianə ala bilməz, istisna o halda ola bilər ki, şirkət, qəbul edir ki, bu hal qaydaların pozulmasından doğan səhvdir və qaydaların pozulması faktı araşdırılıb və lazımı tədbirlər görülüb, ya qaydalar dəyişdirilib, ya da gələcəkdə bu halların təkrarlanmasına yol verilməməsi üçün müvafiq addımlar atılıb. TI o cür təşkilatlarla işləməyi üstün tutur ki, onlar korrupsiyanın qəbul edilmədiyi biznes mühitində fəaliyyət göstərirlər.

TI idarə heyətinin məsuliyyətidir ki, TI-ın etibarlılığına və müstəqilliyinə ləkə ola biləcək hallara imkan verməsin. Hər hansı bir üzv və ya idarə heyəti üzvü etibarlılığına şübhə ilə yanaşılan bir donordan ianə alındığı və ya alınmaqda olduğu ehtimalı qənaətinə gələrsə, bunun yoxlanılması proseduru aşağıdakı kimi icra edilir. TI ilə bağlılığı olan istənilən digər şəxs də məhz bu qaydalara əməl edə bilərlər.

1.TI üzvü olan və ya İdarə heyətində təmsil edilən hər hansı bir şəxs qəbul edilən və qəbul edilməkdə olan istənilən ianənin, təşkilatın müstəqilliyinə və yaetibarlılığına təhlükə kəsb etməsi qənaətində olarsa konkret olaraq həmin qurumunun icraçı rəhbərinə və ya idarə heyətinin diqqətini buna cəlb etməlidir. Ehtiyac yaranacağı təqdirdə qurumun idarə heyətinin icraçı direktoru və ya rəhbəri Transparency International təşkilatının qurumu hesab edilən Maliyyə Əməliyyat Qrupuna müraciət edib, maliyyə vəsaitinin həmin donordan alıb-almaması məsələsini həll etməlidir.

2. Hansısa TI qurumu, hər hansı bir özəl təşkilatdan il ərzində 100 000 avrodan (və ya büdcəsinin 20%-dən artıq) artıq maliyyə vəsaiti alırsa bununla bağlı TI idarə heyətinin Maliyyə Əməliyyat Qrupu ilə məsləhətləşmələr aparmalıdır.