Ana səhifə

Press information bureau government of india


Yüklə 38.5 Kb.
tarix24.06.2016
ölçüsü38.5 Kb.



PRESS INFORMATION BUREAU

GOVERNMENT OF INDIA


*******************

Dated Aizawl, 1st December, 2004



SSI SECTOR HNATHAWH




Lok Sabha

Tunlai khawvel thang zelah Small Scale Industries (SSI) te hmasawnna beiseiin Sawrkar chuan kawng hrang hranga hma lain technology tihphuisui, cluster development hmanga infrastructure siamthat, electronic infrastructure leh information technology (IT) dang dang chhawrin SSI chu a thuam tha mek zel a. Tin inventhawn nana customs duty tihsan te leh anti-dumping duties te bakah kawng dang dang a dapin a chhawr zel bawk.


2002-2003 leh 2003-2004 chhung khan SSI te hian Rs vbc 3,11,993 leh Rs vbc 3,57,733 vel an lalut niin a hriat a. 2002-2003 chhung atana chhinchhiah dan chuan ram chhungn industry hrang hrangte thawh chhuah 39.5% te hi SSI kutchhuak an ni a, tin ram danga thawnchhuah (export) Rs 86,013 hu, a vaia zaa 34 te chu SSI kuthnu bawk a ni. Tehkhinna atana chhawpchhuah danin 2001-02 khan 1) SSI thawhchhuah Rs vbc 282270 chu industry thawhchhuah zawng zawng za a 39.6 a ni a. 2) SSI in ram danga a bungraw hralhchhuah Rs vbc 71,244 hu chu a pumpui thua ramin a thawnchhuah za zela 34.3 a ni a, tun dinhmunah chuan SSI sector hi hnungtawlhna nei lovin hmalam a la pan zel a ni.
Sawrkar chuan small scale sector te tichangtlung tura tan la thar zelin SSI hnena interest tlem zawka loan pe in Small Industries development Bank of India (SIDBI) hnuaiah Rs vbc 10,000 hu Small and Medium Enterprises (SME) Fund chu sawrkarin a buatsaih a. April ni 1, 2004 atanga hmang tannin SIDBI Prime Lending Rate (PLR) awm sa interest 2% a hniamin SSI te hian loan an puk thei a ni. Hengte bakah Indian Banks Association (IBA) pawhin a member bank te SSI loan a bik taka an PLR a zira 2% a tihniam leh tisang turin a chah.
Small Scale Industries & Agro and Rural Industries Minister, Pu Mahabir Prasad-a chuan December ni 1 Lok Sabha thukhawm hmaah he thu hi ziakin a thlen a ni.
1.12.04

KVIC DIN THA LEH




Lok Sabha

October ni 14, 2004 khan India Sawrkar chuan Khadi & Village Industries Commission (KVIC) chu thiatin KVI Commission dina Commissioner thuneihna hnuaia sawikhawm a lo ni tawh a.


KVIC hnathawh thlithlaiin leh vilin leh thuam tha turin Sawrkar chuan Expert Committee din a titlu a, Committee hian KVIC Act, 1956 (61 of 1956), KVIC Rules 1957 leh a thu ken hrang hrangte thlithlaiin siam that ngai lai te siamtha tura beisei a ni a. Khadi & Village Industries tihphuisui leh scheme awmsa hrang hrang enkawlna hna thar siam kawngah leh sum lakluh lamah a bik takin thingtlang khua te ngaihven telin KVIC kutchhuak tilar zel turin tan a la mek a ni.

He thu hi Pu Mahabir Prasad, Small Scale Industries & Agro and Rural Industries Minister in December ni 1 a Lok Sabha a zawhna lo lut ziaka a chhanna a ni.


1.12.04
J & K, ASSAM LEH INDIA HMAR-CHHAK STATE ZAWNG ZAWNGAH MOBILE
PM THURAWN ANGIN PRE-PAID SERVICE HAWN A NI TA
Jammu & Kashmir leh India Hmar-chhak bial fanga zin Prime Minister chuan huhang neiin, Telecom Department chuan December ni 1 atang khan Jammu & Kashmir leh Hmar-chhak state zawng zawngte tan a thuhmuna mobile hman theihna tur leh an pre-paid mobile service a hawng ta.

Pre-paid mobile service inkaihhruaina danina a tarlan na ah post/courier hmangin pre-paid SIM card a chah theih dawn a, tin a chahtuten an hmu ngei a ni tih finfiah hnnuah chauh a nung thei thung ang. Roaming facility erawh a tel lo thung.


February 2, 2004 atang khan Assam leh hmar-chhak state ah te hian Pre-apid mobile service hi Central Sawrkarin a lo khap tawh a, Jammu & Kashmir lamah pawh mobile service tan a nih atang phat khan khap a lo ni tawh bawka, November thlaa heng state te tlawha Prime Minister a zin atang erawh kha chuan Telecom Department pawhin pre-paid mobile service chu tharthawh leh a tum ta a ni.
1.12.04
FIRFIAK DO CHUNGCHANGAH HOME MINISTER

Home Minister, Pu Shivraj Patil-a chuan mahni inring tawk taka kan kal thin a tul a tih thu a sawi a, Border Security Force Raising Day vawi 39-na December ni 1 khan lawmpuiin he thu hi a sawi. September 11, 2001 atang khan khawvel mipuite rilru leh thinlung chu hmunkhatah infin khawmin a huhova firfiak beih runpui thlak a lo ni a. Amaherawhchu hetih rualin keini ram ngeia firfiakte laka kan invenhimna hi kan thlahdul tur erawh a ni chuang lo, a ti. Firfiak dona ah hian mahni inrin tawkna kan neih a tul hle a ni, tiin a sawi. Sipai leh mi naran a sang tela Jammu & Kashmir leh Hmar-chhak bial firfiakte kut utara an boral thin chu pawi a ti hle a, hemi kawnga BSF chanvo pawh a lianin a pawimawh hlein a hriat thu a sawi bawk. Kumin ringawtah pawh khan BSF officer leh jawan 57 laiin ram tan an nunna an lo hlan tawh a, Sawrkar chuan BSF hi tanpuiiin ralthuam changkang ber ber leh inbiakpawhna khawl te leh a tul dangte nena thuam a tiam a ni.


Hun hmasa lamah Force in a mamawh angin reserve batallion leh batallion thar din a tulzia BSF Director General, Pu Ajay Sharma pawhin a sawi.
Raising Day parade endikin contingent te chibai bukna chu Home Minister hian a chhang let a, hnathawh that leh huaisen lawmman President’s Police Medal BSF officer leh jawan thenkhat a hlan bawk.

Khawvela ramri venghimtu sipai pawl lian ber chu Border Secutiry Force hi a ni a, tunah hian officer leh sipai nuai 2 vel a nei a. . Sector chhak leh thlang ramri hrul kilometer 6500 bial a a venhim bakah hian ramchhung venhim leh hna tul dang, tuuilian leh lirnghing tuar chhawmdawl thlengin a thawk a ni.


1.12.04

PAWNGSUAL THUBUAIAH ARMY A KHAUH

Indian Army chuan kumin October 24 zana Vairengte CIJW School bul, National Highway 54 a pawngsual thlen chungchang chu ngawrh takin a la chhui mek zel a.


Hemi chungchanga rinhlelh sipai pahnihte chu Army Act inkaihhruaina dan anga na taka hrem an ni a. Sipai pakhat hi a hna atanga ban a ni a, a pakhat zawk pawh zilhhauna na tawk tak nen a hun hmaa a hna atanga chawlhtir a ni bawk.
1.12.04
No. A-4/17/04-Pub/AZL 03122004 1500hrs


Verilənlər bazası müəlliflik hüququ ilə müdafiə olunur ©atelim.com 2016
rəhbərliyinə müraciət