Monyomonyo mombasa

Kifula nguwo cha tarehe ikenda mori ghwa karandadu mwaka wa 2012,msikiriri wapo ni isuwirio japo andu kokose kuko kwasinda pinana,karibu dhighimunue gha viwachenyi andenyi ya monyomonyo ra viwachenyi,niwange mdawana wa kenyu beki ujoka na kuseya Geoffrey Mwamburi.

Ligi yekimbiria kikombe cha mbunge Masoud Mwalimu Mwahima aja likoni yaghoreka kudumbuka ituku cha kesho aje msarigho ghotua kukabwagha.

Timu ya Survival kufuma Likoni Peleleza,ikuanagha maghegho na Gorilla fc ya Mtongwe,ni msarigho ghubirie wakoni ghwaghoreka kuwonekana ni mashabiki walazi.

Kuririkanye Gorila fc yedengia kwa msarigho ugho gho tua kwa kuikaba Paranja fc wokoni ya Mtongwe mabao 4-2 gha penants,kwa kukatana ndighi yefungana awi awi andenyi ya dakika mrongo ikenda.

Iro redeeka mechi ra ghadi na ghadi re tua aje wukoni Survival fc ya Likoni Peleleza yedeimichira machi Gazab fc ya Maweni Misufini mabao awi kwa noti.

Msimi wa imbiri wadajineka lakini mweri na nusu na uja wa kawi ukingira mfukonyo elfu mrongo wunyanya na timu rose mrongo iwi na idadu richezere ligi ihi radanekwa mpira ghumweri kila.

MONYOMONYO MOMBASA.

Baada yefuma aje Likoni atanaa dingie kaunti ya Kilifi,aje timu ya Kakoneni All Stars ndiyo yawangwa wasimi wa ligi ya Mazingira kwa msarigho ghotua lumalwakenyi ituku ja linu andenyi ya kiwacha cha Kakoneni.

Msarigho ugho ghuwokieghe saa ikumi,ghodezoya kwa iseghe aje Kakoneni wedewonyera kuiwusa kwa msarigho ghwapo kuboie.

Timu iyo yawangwa wasimi wa mwaka ughu wa ligi ihi kwa kuifunya shighadi Mlanga Heroes kwa mabao 4-3 kuidia penants.

Hata huwo maza ndazi sa iri kuhusu ligi ihi nikaiyagha na kurimumua njumwa ichaa.

MONYO MONYO MODA KIMONU

Msarighi wa wasimi wa ligi ra wujerumani Borussia Dortmund, Robert Lewandowski, wawoka iseghe jelola mfu na klabu mbaha ya Manchester United uku ni kunughiria madedo gha mshapa wa timu ya isanga ja Poland Frank Smuda.

Lewandowski, kimu ichi uifungie Borussia Dortmund mabao mrongo idadu,ighuo wajilongozie isanga jake ja Poland kukatana ndighi refungana ibao jimweri kwa jimweri na wugiriki andenyi ya msarigho ghwa imbiri kabisa ghwa Euro mwaka ughu.

Wokoni,mshapa kukakunda mwange kocha Smuda waghamba wasarighi wadadu wakufuma Poland Lukasz Piszczek, Kuba Blaszczykowski na Lewandowski, wose wajingira kwa iseghe jekimbiria kufuma klabu rawo.

Kwa mawoni ghake kocha uho waghora wasarighi awo wisighagha klabu iyo aje Lewy waghoreka kuwadana na klabu ya Manchester United, Piszczek namwoni ulole mswara na klabu ya Real Madrid.

Lewandowski wasighara miaka iwi kwa kandarasi yake na Dortmund kudumbuka ela matawiriano ghadi ya omoni na washapa wa klabu iyo ghemchiria matuku ghachukie icho,kwa chija chighorikie kwamba ngolo ya msarighi uho ndeiko kwa klabu iyo.

Kuvikia itanaa Manchester United yameria kumshoa modo ghoodea mbai kufuma isanga ja Japan Shinji Kagawa ukoghe ukinyangalukia klabu ya Dortmund na wokoni yeko kwa iseghe jewiiwa Luka Modric wa Tottenham, Leighton Baines wa Everton na msarighi wa ghadi na ghadi wa Newcastle United Cheick Tiote.

MONYO MONYO MODA KIMONU

Klabu ya chelsea yameneka chaghu madawana wa miaka 15 na wokoni usarighagha wulalo ghwa ghadi na ghadi charly musonda kufuma klabu ya wubelgiji iwangwaga anderlecht.

Hata huwo.msarighi uwo wakunda katanishwa ni mshapa wake johan boskamp na wasarighi wamu sa xavi and iniesta
kwawuja msarigho ghwake kwaboie shuu.

Klabu zima sa Barcelona ratimie kumghua mdawana uhu mtini ela rikalemwa.

Dikitanyana na maza iro sigha dibeghe ghamu,misarigho yelola msimi wa misarigho ya Euro mwaka ughu moda kimono yawokie kwa iseghe kio cha ighuo,kwa sherehe rerughua shughuli iyo kiwachenyi Warsaw.

Baada ya sherehe iro,wana wa mzinyi Poland wedengia kiwachenyi kusarigha na wugiriki kwa misarigho ya kipughi cha imbiri A na timu rose rikafuma ibao jimweri kwa jimweri wokoni kwa msarigho ghumu wurusi ikawudua Czech Republic mizata ina kwa ghumweri.

Robert Lewandowski, msarighi wa imbiri wa Borussia Dortmund ughorikie kuifuma klabu iyo na kuwadana na Manchester United, nuo uinekie Poland ibao dakika ya 17 na wambao wugiriki wikajikua matirilonyi baada ya msarighi wawo Papastathopoulos kuwingwa kwa kuwonyerwa kadi ya rangi ya mbagha dakika rienda dumbuka 44.

Kimu cha kawi wugiriki wedewunja ibao ijo dakika ya 51 kuidia msarighi Dimitris Salpingidis na wokoni dakika ya 70 wikapata penant baada ya mlindiri mwange golikipa wa Arsenal, Wojciech Szczesny, kumghusha Salpingidis na huwo kunekwa kadi nyekundu ela penanti ya Giorgos Karagounis ikafunywa shighadi ni kipa namba iwi Przemyslaw Tyton.

Dikimumua gha msarigho ghwa kawi Russia wedekora modo kwa kukiria kufunga mabao awi kwa noti ghifungilo ni Alan Dzagoev, Dakika ya 15, na Roman Shirokov, Dakika ya 24.

Kimu cha kawi Czech Republic wedepata bao jawo jieka dakika ya 45 jikingirwa ni Vaclav Pilar lakini Russia wikachiria ghamu awi kuidia wasarighi Alan Dzagoev na Roman Pavlyuchenko dakika ra 79 na 82.

Huwu nawededanya na oho wuholanzi weak kiphachenyi wikidunguana na Denmark ima danu saa inya kasoro dakika ikumi na isanu msarigho ighu ghukadumbuka mechi mbaha izaghanwe ghadi ya Wujerumani wikiwuduana na Wureno.