Lənkəranda yeniyetmə və gənclər üçün yeni layihəyə start verildi
|
|  Yüklə 331.5 Kb.
|
| “Lənkəranda yeniyetmə və gənclər üçün yeni layihəyə start verildi”
PRESS-RELİZ 2010-cu ilin iyul ayından etibarən MAGİYA ictimai birliyi tərəfindən Lənkəranda ““Save the Children” (“Uşaqların Xilası”) Beynəlxalq Təşkilatı milli “Ümidli Gələcək” Gənclər Təşkilatı ilə birgə Avropa Birliyi və “Statoil” şirkətinin maliyyə dəstəyi əsasında Azərbaycan Respublikası Əmək və Əhalinin Sosial Müdafiəsi və Təhsil Nazirlikləri, o cümlədən Qadın, Ailə və Uşaq Problemləri Üzrə Dövlət Komitəsi ilə əməkdaşlıq çərçivəsində “Yeniyetmələr üçün həyat bacarıqları” adlı proqram”ın həyata keçirilməsinə başlanılmışdır. Bu məqsədlə MAGİYA ictimai birliyi ilə “Osman Mirzəyev adına Qarışıq Tipli Uşaq Evi”, “Lənkəran Peşə Litseyi”, “Əqli və Fiziki Cəhətdən Qüsurlu Uşaqlar üçün Xüsusi İnternat Məktəbi” və Lənkəran Məşğulluq Mərkəzi arasında təlim-təhsil və məşğulluq sahəsində yeniyetmə və gənclərin həyat bacarıqlarının artırılması istiqamətində müvafiq anlaşma memorandumları imzalanmışdır. Artıq 13-14 oktyabr 2010-cu il tarixlərində MAGİYA ictimai birliyi tərəfindən “Əqli və fiziki cəhətdən qüsurlu uşaqlar üçün xüsusi internat məktəbi”nin yeniyetmə və gəncləri arasında həyat bacarıqlarının artırılması məqsədi ilə müvafiq sorğular da keçirilmişdir və bu sorğuların əsasında adı çəkilən müəssisənin yeniyetmə və gəncləri üçün qarşıda həyat bacarıqlarının artırılması istiqamətində müvafiq təlimlərin həyata keçirilməsi nəzərdə tutulmuşdur. 
MAGİYA ictimai birliyinin mətbuat katibliyi |