Ihanang minsia itu bunun iniqumisan tu hapav
|
|  Yüklə 29.5 Kb.
|
| 102年全國語文競賽原住民族語朗讀（丹群布農語）高中學生組 編號3號
ihanang minsia itu bunun iniqumisan tu hapav ihanang minsia iniqumisan tu hapav ti a, ukang qanian,uka amin a timut sin sanavan, vali sin buan a maszang amin tu malidumdum, diqanin hapav-i, matus mutmutan, matukazhav haiza amin madain tu luvluv, mudadan a bunun-a maqa dan-a mutmuttan amin, ihan mutmuttan kikilim-i danum na qudan. haiza tu qanian, mikdi dainga a bunun mudadan, a-sain ukiliman naqudan tu danum, nitu niap tu naqaisaq kilim danum, mutmutan musasu tu madumdum, madia a mipakaliva tu sikuzakuza, tan-aun na lukis, ismut, sinisaipu, luqai maqtu babazbaz sin tusasaus taazaun, uqansiapin ainka amin kilim daum qu, tupaun bunun ainka tu maqtu naupa taqu nami tu na i-saq maqtu ukiliman nanum, tupa ainka amin tu kananaka kilim, ni amin am maqansiap tu isa na maqtu ukiliman-i naqudan tu danum, muqatu maqa bunun mudadan a, maszan utaazan naita qa nanum tu qalinga, miliskin a bunun tu isaq tuza ainka qu danum tu, asa-a bunun tanam maqusia batu mabatu, maqi tainahanu nanum a na haina nanum tu qalin-nga. mudadan a bunun a maqusia batu tanam mabatu, tuzatu panhan a matu-ka danum, in-a bunun maqansiap tu iita a luqai sin numa ququ-an danum, taisandu-un a danum, santinpaq-a danum, tinquza a amin a luqai sin duma, tiuni-ki tinquzau a manman-a tinquza tu qalinga mastan madain, mstan sia sakut tu kalinga maszan tuza biqvaq madain dainga a kalinga, tinquza amin na minsaia hapavti tu diqanin, tinsingqal a diqanin, mainatudip, minsaia hapavti tu iniqumisan kitnga aiza qanian sin sanavan, aizain amin masial tu hivhiv sunbangun, mainatudip amin na lukis, ismut, sinisaipu nastuti, luqai mudan sanvasvas amin kilim kan-anak naqudan tu danum, ni-in a bunun mapising kanmamaqmut mudadan, aupa masingqalin a diqanin, usaduanin amin mapinqumis tu danum. |