Balalar-Az. Com Abdulla Şaiq. Şeirlər. Layla

Ağlama çox, ey gözümün qarası!

Olma yemək-içməyin avarası,

Layla quzum, layla gözüm, yatgilən.

Rahat olub bir azca boy atgilən.

Böyü bir az, yeddi yaşa yetgilən,

Səhər tezdən dur, məktəbə getgilən;

Dərs oxuyub yazmağa səy etgilən;

Layla quzum, layla gözüm, yatgilən,

Rahat olub bir azca boy atgilən.

Hər gün oxu dərsini bülbül kimi;

Gəzmə küçələrdə gedib veyl kimi;

Layla quzum, layla gözüm, yatgilən.

Rahat olub bir azca boy atgilən.
Sən də çalış elm ilə şöhrət qazan,

Qalma cəhalətdə, olarsan yaman;

Elmlə abad olubdur cahan;

Layla quzum, layla gözüm, yatgilən.