Ikinya ria 8: Muhitia onanie than a muhera niundu wa gutihania kuria atihanirie. Na njira ya kureka muhitia erethe iguru ria mahitia na ruo undu ucio uheanaga umenyo wa ati muhitirio niaramenyeka wega na niaranyituo mbaru. Undu uyu urehaga uhoro wa than a na ugatithiriria thiini wa wohaniri wa kimeciria. Andu aingi no makoruo mari na wiyendi muingi na mage kuigua kana kuonanania tha kuri mundu ucio ungi. Mutarani no ateithie thiini wa kuria ciuria ta, “Riria mutumia waku augire ari na ruo ruingi na agokira utuku kurira-ri, undu uci uguiciria uhiana atia?” mutarani no ere andu aya eri marikiririe thiini wa kuonania uria mundu araigua iguru ria uria ungi.
Ikinya ria 9: Muhtia athondeke mubango wa gutiga mutugo ucio. Nigetha mundu ahoe muhera na njira ya ma, abatii guthondeka mubango wa kurigiriria guika undu ucio ringi muturire-ini. Wohaniri wonekaga wega riria undu muna wkuo na kuagia na mubango wa kuroruo waiguo. Mubango ucio ubatii kumenyeka na ubatii guthondekuo ni muhitia na agiteithiririo ni muhitirio na mutarani. Mutarani no ahoe Roho Mutheru arehe meciria thiini wa hakliri na no auge atiri: “nikii kingigiria wanjiririe na undu owothe ungienda kuga na kuihena hari guo na ugithii na mbere maundu mangi na meciria mangi nimaguka?” Mutarani andike na ahinyiririe andu acio kurumirira maundu macio na kumaiga handu hega..
Ikinya ria 10: Muhitirio onanie tha kuri ruo rwa muhitia. Mathina ma kihiko marehaga ruo rua mithemba miingi kuri muhitia na ona kuri muhitirio. Mitugo ya muhitia no ikoruo yerethuo thiini wa maundu maria mahitukite na ikarurumuka. Makiria muhitia niari na thoni cia gutuma murunawe agie na ruo. Mutaranai no ere muhitirio atiri: “nindiramenya ati mahitia ma mutumia waku nimakureheire ruo thiini waku, no onake niturona ari na ruo. No uhote gutumira ciugo cia guteretha uria araigua?” Na thiini wa ikinya ria 8, mutarani agateithia andu aya kugia na tha.
Ikinya ria 11: Aririria iguru ria itua na kuirutira kureka maundu mathire. Mutarani akaririkania andu acio mathungumutho thiini wa ikinya ria 1 iguru ria wendo na wohaniri na na njira ya wohaniri wa itua. Angikoruo muhitirio niathura kuohera, abatii kuiheana hari kureka maundu macio mathire biu, na kuaga kumatumira ta ari kindi kia mbara thiini wa matuku maria magoka. Uguo ti kuga ati mahitia mau matingiariririo ringi, no riri kurutira wira undu ucio niurabatarania. Mathungumuthu ni mabatii gukoruo ho iguru ria uria maundu macio matarikoraguo magithiururuka thiini wa meciria na ngoro citu na njira ya kuhoreria marakara kana ruthuru rungioneka thiini wa meciria matuku ma thutha. (Rora mathungumutho iguru ria kuineana thiini wa muingi iguru ria wohaniri na kunyitia wohaniri hari gicigo kia V. “Wohaniri na Uiguithanio,” hau iguru).
Ikinya ria 12: Kuoya wohaniri na njira ya kuandika. Gutuma wohaniri ukoruo uri mukinyaniru, andu aya eri mabatii kuandika maundu macio makuohera na maria makuoheruo. Mutarani no auge: “Riri ni rio ihinda, angikoruo [mundu A] niarenda, niari na kihoto riu gia kuhoya muhera mbere yakwa hiana ta muira. [Mundu B] no akiuge kana niakuohanira kan acha.” Wohaniri muandike mbere ya muira wikiraga hinya itua ria kuohanira riria rigituo nario. Andu aingi mariraga, magakumbataniria, kana makagua maru-ini kuonania uheri wao na kuiguanira tha iguru ria mahitia macio. Thutha wa wohaniri kuoneka mutarani abatii kuroka thaa na muthanya ucio na kuira andu acio mandike handu matakariganiruo. Mutarani no auge: “Wohaniri wachario na waheanwo thaa 11:32AM mweri ici. Ngumuria na gitiyo murore mahinda maya namuthenya uyu gitumi ni tondu ihinda riri ni itheru maitho-ini ma Ngai. Kungikagia kiuria gia kana niwohaniire kan nganja ociothe, ngumuria mukagia na undu wa kurora muthenya uyu kana muhurire thimu ni tondu ndari muira.”
Ikinya ria 13: Giko gia igongona ria gukunguira. Giko gia gukunguira gatagati ka andu acio eri gikiraga hinya itua riria matua ria wohaniri, na kumateithia kumenya, kimeciria, kiroho na gutuma itua riao riture. Mutarani no orie: “Mugukunguiya wohaniri wanyu na njira iriku—undu wa kionereria kia wohaniri wanyu—undu wa igongona?” andu acio eri no mecirie kuandika maundu macio mothe karatathi ini na macoke magacine, kana mahande muti wa kiririkano, kana mandikanire marua ma wendo, kana maheane iheyo, kana meke kaundu karia ka bata kuri-o ga kuonania nimanjiriria muturire mweru wa wohaniri mari hamwe ringi. Mahinda macio mothe no makoruo mari ma ukuro, ma gucenjia muturire, na makoruo makugarura mundu na uria ungi, kugarura ngwataniro ya kihiko, na kumarehe hakuhi mundu na uria ungi thiini wa wongerereku wa wendo hamwe na Kristo.
|