Ana səhifə

Wohaniri na uiguithania


Yüklə 0.56 Mb.
səhifə5/7
tarix26.06.2016
ölçüsü0.56 Mb.
1   2   3   4   5   6   7

B. Kuira muhitia “ni ndakuohera.”

1. Kuira mundu ucio ungi “ni ndakuohera” niundu wagiriiruo guikuo na wendo; no to muhaka kan wa bata hingo ciothe. Guika uguo nogutumike ta kindu kia haro kuri muhitia, kana undu ucio wahota guikuo naihenya muno, na utume muhitia agie na uhoro wa kuigitira, na ongerere matihio mangi iguru ria maria ma tene. Makiria, mundu niabatii kurora na kuihuga iguru ria guthii kuri muhitia kumuonia ati niumuoheire ni tondu undu ucio no urehe maundu mangi moru kuma kuri mundu ucio ungi.

2. Smedes augaga atiriri, mbere ya kuohanira ubatii: (A) Guiciria (kugia na umenyo muiganu iguru ria maundu martia mekikire); (B) Guthima undu ucio; (C) Kuaria na murata ka mutarani; (D) Uigue (uhote kumenya uria uraigua na gitumi); na (E) Hoya (Kuohanira ni giko kiritu gia guika—tubatii gukoruo turi na uma na Ngai, na guitikira ati ni turabatara uteithio wake, na tuhoe uteithio ucio na tuutumire riria kuagiriire). Thutha wa uguo, riria watua itua ria kuira mundu ucio ungi ati niumuoheire ubatii: (A) Kugia na ihinda ria kuigana; (B) Kumenya uguati na kuuthima; (C) Eterera kionereria; (D) wike udnu ucio ugereire haraihu (aria uguru ria maundu mangi mbere; thikiriria gwa kahinda kanini; ika undu ucio thatha wa meciria makinyaniru); (E) Ika undu ucio thutha wa kuanjiriria miario thiini wa uma, na undu wa kuigua ati niundu mukinyaniru, akiragira mundu ucio ungi wega; (F) Ndukagie na meciria matingu; (G) Thondeka; (H) Ukuhihie undu ucio; (I) Iga undu ucio utheri-ini; na (J) Uhe mundu ucio ungi ihinda (cenjia uhoro angikoruo ndarenda mwarie uhoro ucio; reke ecirie iguru riaguo; mureke athii na muthire wake wee mwene) (Smedes 1984: 138-39, 145-46).

3. Maundu maingi megii kuira mundu ciugo cia wohanire maita maingi cikoraguo thiini wa maundu maya marumiriire21:

a. Muhitia niaherete na akahoya muhera. Muhitia noakoruo ehariirie kuigua ciugo ici cia bata urenda kumuira. Ririkana wohaniri ndukikuo kiahinya—ni wiiyenderi waku. Icokia riaku riega ria uhoreri norikoruo ati, “No nyende gukuohera no he kahinda kanini, kana atia?”

b. Muhitia ndaherete kana akahoya muhera, no giconoko nikiyumbite hatari na nganja. Wahota kuhe muhitia wohanire wirigiriire ati niakuhoya muhera (undu uria angikoruo akiaga guika ni tondu wa thoni) thutha wa kuamukira wohaniri; angiaga kugaruruka niubatii guthii ukimenyaga ati niweka uria kuagiririire na kungihoteka.

c. Ngwatanirogatagati-ni kanyu na muhitia nigathukite, na miena yeri muri arakaru. Mundu uria areigua Atari murakaru muno no anjiririe mubango uyu wa uguithanio thiini wa undu wa kuhera ari wee mwene, na undu ucio no urehe uhoti wa mundu ucio ungi kahora guitikira kuonania kiehe giake, undu uria uhinguraga murango wa wohaniri.

d. Mahitia mekikire mahinda maraya na muhitia niamire thiini wa muturire waku ringi. Kahinda kaga kuoneka ga kuonania wohaniri kuri muhitia angikoruo mundu ucio niakuite, kana ndangioneka ringi.no riri, nouhote kuonania wohaniri waku na ciiko (ta uria tukugite hau kabere) kana wonanie wohaniri waku kuri mundu wa muhiriga wao, kana ruriri kana kanitha, kana utumire kanitha, muhiriga kugia na mucemanio wa wohaniri.

e. Muhitia ndari na meciria ati niakuhingite. Mundu niabataire kurehe maundu maria matene na njira ya ugi, na ukoruo ukimenya ati kana kuri thina ungiarahuka kana hihi niundu mwega makiria kuri mundu ucio ungi.
C. Cionereria ingi cia barabara ya wohaniri.

1. Ubatii kuohera mundu na kuiyendera kana kuaga kuohera mundu onahanini. Nduri hingo ungihotithio ni mundu kana guathuo kuohera.

2. Wohaniri ni gucagura na niundu woyaga umundu wothe; na niundu wa guthii nambere; na niundu woyaga mahinda (wahota kuoya muturire mugima); wohaniri ni wira (uriaga kahinda na kiyo kinene); wohaniri ni ugaruruku (nomuhaka ukugarure; thiini wa undu ucio niukuona, Kristo niakuona, na andu aria angi nimakuona, uria uhianaine na Kristo niundu wa wira uria urutituo thiini waku iguru rigii wohaniri). Ha uhoro wa ma, Klassen athiaga na mbere kuga uu: “Thiini wa njira ya kugegania, matihio matari mohere makurehagira muturire utari na mieke miingi: gucenjia na njira ya biu. Uhoro wa gutihangio na no ukuingirie thiini wa njira ya gutigana na iroto ciaku, meririria na merigirira maku.no riri, thiini wa ruo ruru rurikiru nokuo tungiona mathina manini. Na thiini wa undu uyu nituhotaga guithima uhoro wa witikio witu undu uria uri wa muanya muno thiini wa muturire. Na njira ya kuwika wega ni wira guo mwene. . . .

Ni thiini wa uhoro-ini wa wohaniri mundu mweru aumagira. Andu aingi matingienda maundu maya moneke thiini wao na mangiurio mangiuga ati, “ndirabatara kumenya maundu maingi.” No uma niate hatiri undu wa kurio kana mundu niakuenda. Ni njira ya kuheyo ihinda ringi na kamweke kangi.gutihio na njira ya magegania ni kuheyo kiheyo.” (Klassen n.d.: Restoring the self”)



3. Nowirigirire gutukaniruo; kana kugia na marakara matigarite; kana kuaga kumenya biu niatia kurekika; kana kugia na ndiru thiini wa maundu. Wohaniri ungiringithanio na kana kareruta guthii na maguru; koyaga makinya manini; gakagua thii; gakaigua ta gatakuenda guthii gakuenda gukuo ni nyina; no riri, thutha wa kahionda kanini gakagia na kohota gukinyukia haraya; akagia na umiriru na muthia-ini gagatengera; gakagia na wiathi.

4. Uhoti witu wa kuohera no tuteithike thiini wa kumenya uma ati kuihirio gutingiaga kuoneka. Matihio, ironda, kuhinguo, kuhitirio, thiini wa maundu manini na manene ni maundu makoraguo kuo hingo ciothe.andu niatungati ao ene; nimeciragia iguru ria andu aria angi, no mbere ya andu acio mageciria iguru ria oene nigetha matuarithie miturire yao na mbere. Angikoruo no uhote kumenya uguo, undu ucio utumaga uhote kumenya wega na guitikira mahitia ma andu aria angi mahiana ta mari maku. Ota uria Klassen augaga ati: “[uguati] ni gichunji kingi kia muturire, ota uria wendo, wira na mithako. Uguati ungi no uhote kuugitira na ungi ndungigitirika.riria mundu amenya ati uguati ucio niwekika na ndungigitirika, nihari bata kumenya ati kuagiriiire kugia na uhoro wa wohaniri iri ta njira ya muturire; na thiini wa undu ucio, gutiri undu ungirema.” (Klassen n.d.: “The forgiveness principle: Injuries happen”)
VII. Kuiyohera Wee Mwene.22

A. Ni kuri na uhoti wa kuiyohera wee mwene.

1. Smedes augaga ati, “kuonekaga ati no andu eri mari na uhoti na rutha rua kuheyana marua ma kuiyohera. Mundu wa mbere ni uria tuhitiiirie. Uria ungi ni Ngai uria uiguaga uru riria tuahitiria ciana ciake” (Smedes 1996: 96-97). Akongera akauga, “Riria mundu atuira tumuohere, no ahoyaga rutha rua kuiyohera wee mwene” (Ibid.: 97).

2. Angikoruo mundu uria uhitiiirie niakuoheire, niki kingituma wage kuiyohera wee mwene? Angikoruo niwikite undu wothe wa kuonania muhera, gucokia indo, kugia na kieha na kuhoya muhera, no mundu ucio ungi arege gukuohera, uhoro wa gukoruo wee niurahota kuiyohera niguo wa bata makiria, na ubatii kuirigirira Ngai nigetha akuohere, gukira kugia na mehia ma kuaga kuohanira ma mundu ucio ungi.

3. Angikoruo Ngai niakuoheire-ri, wee niwe uu wage kuiyohera mahitia , mehia, na waganu uria wikite—na niundu wa mature ma ngoro utumite anria angi magie namo? Ungiaga kuiyohera wee mwene, ureiga iguru ria Ngai, uria ukuoheire wee. Angikoruo niuguo, macio matuikaga mehia ma muitiyo.
B. Ona angikoruo uhoro wa kuiyohera ni muritu gukira kuohera angu aria angi, ubataire guikuo kahinda karia kagiriiire.

1. Uhoro wa ma ni ati, mundu uria wihiirio niwe uri na uhoti wa wohaniri kuri mundu uria uhititie; no ha uhoro wa “kuiyohera” gutumaga ukoruo miena yeri thiini wa ihinda rimwe. No riri, tuikaga maundu thiini wa njira imwe: tuithekagirira; tukehenia; tugekenerera; tugetihangia; tukeraumu. Angikoruo niuguo-ri, nikii kingigiria tuiyohere?

2. No tuhote kuiyohera ota uria tuohagira andu aria angi. Niturabatara gutuika na uma iguru ritu ithuii ene, tumenye mahitia maitu, na tumbure mahitia maitu na tuhere na tugaruruke kuma kuri njira citu njuru. Uguo, uhoro wa kuiyohera ni njira ya wiathi makiria na uri ngurani na njira ya kuohera aria angi maregete kuhera: uhoro wa kuiyohera nit a uria Ngai wee mwene atuohagira—ota uria Ngai atuohagira na wohaniri urehaga ugima witu (ngwataniro njega na umundu witu kiumbe). Makiria, uhei na wiriri ni cia bata thiini wa kuiyohera.

3. Ota uria mithemba iria ingi ya wohaniri, tuiyohagira ni tondu wa maundu maria moru tuikite, maundu maria tuicukagira na maria tungicukiruo, no ti ni undu kana uria turi. No turumirire njira iria ya GUKINYIRA wohaniri iria tutumagira kuohera aria angi nigetha tuhote kuiyohera ithuii ene. Makiria ahtiri na uhoro wa kuaga kuiira ati “Ngai niakuoheire, nanii nindakuohera.” Notucokere ciugo icio tuiire ithui ine mahinda maria tuagia na nganja. No tuhote kuandika aruna aitu, arata aitu, atingatiri iguru ria gututeithiriria na uhoro wa kuiyohera guitu. No tutuike mundu uria woheiruo na tutige kuihuramutue iguru ria maundu maria ngai atuoheire, na undu uria tuikite maundu omothe thiini wa uhoti witu kuhotithia uhoro wa wohaniri kuma kuri mundu ucio ungi.

4. Kuiyohera no gukoruo kuri na umithio wa kurehe mbica njega iguru ritu hatari Kristo. Maita maingi nituonaga uritu wa guitikira ati nituikite uru—ona mahinda maingi maundu ma mitugo miuru. Tuihenagia thiini wa kuiira ati “ithui tutihiana ta andu aria angi” aria amehenanagia, makaiya, makoragana, makanyitana kiahinya, kana mageka maundu maingi moru muno. Undu uria tubatii kumenya wega (rora, Mat 5:21-32; Mariko 7:14-23). Gucemania na mauru thiini wa ngoro citu gututeithagia kugia na umenyo makiria witu ithui-ene, na ugateithia kweheria muitiyo, na ugatuteithia thiini wa njira ya kuinyihia. Ota uria uhoro wa kuohera andu aria angi wonekaga ari “kimenyithia kia nanja na giathi-inii” kia wohaniri wa kiroho uria Kristo atuhete ithui, uguo kuiyohera no gutume wohaniri wa kristo gukinyanira na njira ya umundu nay a kuigua.
UGIGUITHANIA
Mandiko Ma Bata Ma Kuroruo
I. Ngai niatuiguithanitie nake we mwene, na agatuhe utungata wa kuiguithania (2 Akor 5:16-21):

16 Kuoguo kuma riu, tutiri hindi turicoka kumenya mundu na mounere wa mwiri; ona gutuika nitumenyete kristo kuringana na mwiri, no riu tutimumenyaga na njira ino ringi. 17 uguo-ri, mundu angikoruo ari thiini wa Kristo, wee ni kiumbe kieru; maundu matene nimahituku; ta rora maundu meru nimoneku. 18 maundu mothe riu maumite kuri Ngai, uria utuiguithanitie nake we mwene na agatuhe utungata wa uiguithania, 19 uguo nikuga ati, ngai ari thiini wa Kristo akiiguithania thii kuri wee mwene, hatari gutara mahitia maria mahititie, na niatuhete kiugo gia uiguithanio. 20 Uguo-ri, turi turi aririria a Kristo ota ari Ngaiarathaitha thi kugera kuri ithui; tuamuthaitha naundu wa Kristo muiguithaniei na Ngai. 21 atumire uria utoi mehia atuike mehia iguru ritu, nigetha tutuike uthingu wa Ngai thiini wake.23
II. Ngai nieheretie mihaka yothe iria yanagiririria uiguithanio wa andu ona aria mari na ngurani nene muno (Aef 2:11-22): 11 Kuoguo, ririkanai ati tene mwari andu a nduriri thiini wa mwiri, aria metaruaga na irua riria ria andu—12 ririkanai ati mahinda-ini macio mwari eherenie na Kristo, na mukeherio thiini wa muhiriga wa Isiraeli, mwari ageni iguru ria irikaniro cia kiraniro, mutiari na kirigiriro na mutiari na Ngai thiini wa thi. 13 No riu thiini wa Kristo Yesu inyui mwari kuraya nimurehetuo hakuhi kugera thakame ya Yesu. 14 Nigukoruo we mwene niwe thayu witu uria wanyitithanirie ikundi cieri cituike umwe na agithukia ruthingo ruria rua tugayanitie, 15 na undu wa guthukangia thiini wa mwiri wake uthu, uria watho wa kurumiriruo wari naguo thiini wa mikire yaguo, nigetha thiini wake ahote gutuma eri matuike mundu umwe mweru, na njira ya kurehe thayu, 16 na nigetha amaiguithanie thiini wa mwiri umwe thiini wa Ngai mutharaba iguru, naundu wa kuraga uthu. 17 “Nake agiuka akihunjia thayu kuri inyui mwari kuraya, na thayu kuri aria mari hakuhi”; 18 nigukoruo kugera hari we nituri na njira kugera Roho umwe. 19 uguo riu mutiri ageni na agenda, no muri aturi hamwe na atheru na muri a nyumba ya Ngai, 20 na mugakuo thiini wa muthingi wa anabii na atumwo, Kristo ariwe ihiga ria koine, 21 uria ariwe thiini wake nyumba yothe inyitithanitio, na igakura gutuika hekeru theru ya Mwathani, 22 na ni thiini wayo murakuo gutuika giikaro kia Ngai thiini wa Roho (rora hamwe na, Arom 10:12; 1 Akor 12:13; Agal 3:28; Akol 3:11).
A. Ngurani nene muno thiini wa kirikaniro kiria gikuru gatagati-ini ka andu, na iria yuikanie muno yari ngurani ya Aisiraeli na andu a nduriri; no thiini wa Kristo ngurani iyo ndituire; na niundu wa ugo, andu othe nimaiganaine mbere ya Ngai.
B. Gitumi ni tondu uthu uria munene muno na ruthingo ruria runene gatagati-ini ka andu Kristo niarumomorire, na maundu mangi ma uthu onamo nimamomoriruo; uguo-ri, thiini wa Kristo gutituire mihaka iguru ria uiguithanio wa mithemba ina ya andu.
C. Gitumi gia Kristoniate tutuike mundu umwe mweru na tukoruo na thayu; kuoguo, gukoruo na urumwe na thayu mundu na uria ungi ni “kionereria kia nanja gia kuonania”ati turi thiini wa Kristo.
D. Uria Ngai ekire niundu witu (ta uria tuerethuo hau iguru) niundu ubatii gutuika wa mbere thiini wa miturire itu kuri andu aria angi (ota uria Paulo araria thiini wa Aefseo).

Sande erethaga ati uhoro witu wa uiguithania na kurehe thayu ubatii kumana na gukoruo tuiguithanitio na Ngai kugera hari Kristo: “marua ma Paulo kuri Aefeso mari na uhoro uyu wa guthondeka thayu. Icunji ithatu cia mbere cierethaga mubango wa magegania wa Ngai wa uhonokio. Thiini wa gicunji gia kana, Paulo akanjia gutueretha uria tubatii guika uguru rigii uria Kristo atuikiire. Rora wega kiria Paulo aigite iguru kiri kiambere thiini wa kurutira wira uhoro uria mwega: ‘Ota muohuo niundu wa Mwathani, ngumuria muture miturire iringaine na mwito uria mwitituo naguo. Mutuike enyihia na ahoreri; akiririria na gukiraniriria mundu na uria ungi thiini wa wendo. Mugie na kio guturia urumwe wa Roho kugera kuohanio na thayu’ (Aef. 4:1-3). Kiugo gia kingiriki kiria kirugurituo kuga ‘mwikire kio’ thiini wa gacunji gaka ni undu umwe na, kuirutaniria, kugeria muno, na kio. Ni kiugo kiria murutani wa haro angiatumirire akienda gutuma andu makahurane mbara thiini wa Coliseum: ‘Mugerie na hinya wothe mukoruo muri muoyo umuthi!’ Uguo noguo akristiano mabatii kuruira thayu na urumwe umthi. Maita maingi kuirutira ngoro nuthu na kugeria hanini gutiringaine na uria Paulo ari naguo thiini wa meciria make.” (Sande, 2004: 52)


III. Uhoro witu wa kuiguithanio mundu na uria ungi niuri na ubata wa kiroho, na niukonainie na guthathaiya Ngai (Mat 5:21-26): 21 “Nimuiguire ati andu a tene meriruo ati, ‘Mitikanoragane’ na ‘na mundu uria wothe ukoragana niagacirithio.’ 22 No ngumuira atiri, uria wothe ungirakarira muru wa ithe niabatii gucirithio; na uria ungira muru wa ithe, Wee uri mundu wa tuhu’ niakahotuo ni cira; na uria ungiuga ati, ‘wee uri kirimu’, abatii guikio mwakini wa Yehanamu.  23 Kuoguo-ri, rira mukurehe iheyo cianyu kigongona-ini, nah au uririkane ati uri na undu na muru wa thoguo, 24 tiga muhothi waku hau kigongona-ini na uthi; mbere wambe uiguithanie na muru wa thoguo, ucoke urehe muhothi waku.  25 Iguithania na muguthitangi riria muri njira-ini, nigetha ndagaguikie kuri mucirithania, nake mucirithania agutuare kuri muthigari, nawe uikio korokoro.  26 Oma ndamuira atiri, mutiri hingo muriuma kuu mutarihite ona hera ya muico.”24
A. Thiini wa gicigo giki Yesu aronania uria uhoro wa uiguithanio na Ngai ukonainie na uhoro witu wa kuiguithania na andu.
B. Gicunji giki kironania bata uria Ngai ekiraga iguru ria uiguithanio gatagati ka andu—ni uhoro wa kugia na “ngoro ya uthamaki.”

Dallas Willard erethaga uritu wa murugamo wa Mat 5:23-24: “Urugamite na atungatiri a kigongona thiini wa hekaru, uri hakuhi kuruta igongona riaku kuri Ngai. Ni mahinda maria matheru muno thiini wa muturire wa mundu mwihokeku. Na uhoro wari ati gutiri kindu kingitithia igongona riri tiga maundu mangi ma bat makiria megi magongona mangibatara guikuo naihenya.

Oro rimwe, uri gatagati ka maundu macio mothe, uririkane muru wa thoguo mutaraiguithania nake. Wamenya uria uri undu wa bata ngoro yake kugia na wiathi, na uria iraturuo ni undu wa thina uria uri gatgati-ini kanyu, urugamie igongona. Umagarae uthii ukamwethe niogetha muthondeke maundu. Undu ucio wonanagia ngoro ya wendi mwega ya uthamaki.



Nigetha tuhote kugia na mbica njega makiria ya undu uyu, tubatii kuiyona thiini wa igongona ria kuamuruo thiini wa utungata wa gutuika mutungatari kana ungi wa bata, kubatithio, kana kihiko. Riria igongona rirathii nambere, ume na uthii ugacarie mundu mutaraiguithanitie nake muiguithanie na ona ndari hakuhi. Undu ucio ungionania wendo wa uthamaki na urungiriru.” (Willard 1997: 156)
IV. Akristiano nimathituo ni Kristo na atumwo guika undu uria wothe mangihota gutura thiini wa thayu na uiguithanio mundu na uria ungi.

A. Kristo atuathire gutura na thayu mundu na uria ungi (Mariko 9:50): Cumbi nimwega; no ungiaga mucamo, ungikiagirio nikii? Giai na cumbi thiini wanyu na mugii na thayu mundu na uria ungi.
B. “Marua mothe thiini wa Kirikaniro Kiria Kieru nimari na watho wa gutura thiini wa thayu mundu na uria ungi” (Sande 2004: 51).

1. Arom 12:18: Angikoruo kuahoteka,na gukuringana nainyui, mugie na thayu na andu othe. (rora hamwe na, 2 Akor 13:11; 1 Athes 5:13)

2. Arom 15:5-7: 5 Riu Ngai uria uheanaga umiriru na ukiririria amuhe meciria mamwe mndu na uria ungi kuringana na Yesu Kristo; 6 nigetha thiini wa urumwe na mugambo umwe mugocithie Ngai na Ithe wa Mwathani witu Yesu Kristo. 7 uguo-ri, iyukaniai mundu na uria ungi, ota uria Kristo atuiyukirie thiini wa riri wake.

3. 1 Akor 1:10: Riu ngumuringiriria endwa, naundu wa ritwa ria Mwathani witu Yesu Kristo, ati inyui othe muitikanirie, gutigakoruo na ngayukano gatagati kanyu,no mutuike umwe thiini wa meciria na itua rimwe.

4. Akol 3:15: Na mureke thayu wa Kristo wathage ngoro cianyu, ota uria mwitituo thiini wa mwiri umwe; na mutuike andu a gucokia ngatho.
V. Kristo hamwe na atumwo monanagia uiguithanio thiini wa miturire yao.

A. Kristo nionanirie uiguithanio thiini wa muturire wake guku thii (Arom 5:8-11): 8 No Ngai onanirie wendo wake kuri ithui, ona riria tuari ehia, Kristo agikua ithenya ritu. 9 Makiria tugatuika athingu kugera thakame, nitukahonokio kuma kuri marakara ma Ngai kugera kuri we. 10 Tondu angikoruo riria tuari thu nituaiguithanirio na Ngai kugera gikuo kia muruwe, makiria tuiguithanitio riu nitukahonokio kugera muoyo wake. 11 na to uguo tu, nitukumagia Ngai kugera Yesu Kristo, uria kugera kuri we tugite na uiguithanio.
B. Kristo niathiaga nambere kuonania uiguithanio thiini wa wira wake ta muthinjiri Ngai (Ahib 7:23-25): 23 Na muthinjiri Ngai wa matuku ma tene, guoko kumwe, mari aingi nitondu nimagiragiririo guthii na mbere ni gikuu, 24 no we, gitumi aturaga tene na tene, uthinjiri wake ni wa gutura. 25 Kuoguo, ari na uhoti wa kuhonokia tene na tene aria makuhagiriria Ngai kugera kuri we, gitumi ni tondu aturaga akimahoera matuku mothe (rora hamwe na Arom 8:34; 1 Yohana 2:1)
C. Atumwo nimonanirie uiguithanio thiini wa miturire yao (ringithania, Mat 20:20-24na Atumwo 1:13-14; Atumwo 15:36-40 na 2 Tim 4:11;rora hamwe na, Phlm 10-18).
VI. “Riria tuaremwo ni kunina ngui turi aiki Ngai athaga kanitha kuingirira na urehe ugi waguo, utonga waguo na wathani iguru ria guteithia thina icio (Mat 18:16-17; Phil 4:2-3; 1 Cor 6:1-8) (Sande 2004: 14).25

A. Gitumi ni tondu kanitha ni mwiri umwe, uri na ciiga nyingi ngurani cirri na iheyo ngurani, ni hari bata wa kuruta andu aria agima, ogi, mari na gitiyo matuike atarani, kana andu a guteithania iguru ria uiguithanio gatagati-ini ka undu a kanitha (na ona andu matari a kanitha)
B. “Aiguithania no marute mawira maingi thiini wa thinamuna” (Sande 2004: 191).

Sande augaga ati maundu maya no makoruo ni hamwe na: (1) guteithia andu aria mataraiguithania gutua matua ma kugia na thayu; (2) guthondeka ukinyaniria na undu wa guteithia andu guthikaniriria wega; (3) guteithia kuamure uma thiini wa guthikiriria wega, na thiini wa njira ya kuria ciuria, na guteithia andu acio na uma makiria; (4) kumahe mataro iguru ria guika uhoro-ini wa thina ucio (ota uria kuirituo thiini wa Mat 18:17 na 1 Akor 6:1-8); (5) kunyita mbaru uheri na wiriri kuri miena yeri na njira ya kuonania mitugo iria ingionekana itari ya Bibiria; (6) gutongoria thiini wa maundu ma Biriria na ngerekano cia guteithia andu aya mari na kuaga kuiguithania kugera mirugamo na ngerekano cia Bibiria; (7) kuma kuri umenyi na ugi wao mecirie iguru ria kihonia gia thina ucio (Ibid.).


Kumenya na Kurutithia Wira Wohaniri Thiini wa Miturire Itu. 26
I. Nguran ya wohaniri na uiguithania.

A. Wohaniri ni giko kiega kuri mundu ungi iguru ria mutugo wake muru; uiguithanio ni andu eri magiuka hamwe gucokaniriria ngwataniro iria kuihokana guthukite (uguo ni ta., guthukia mihika ya ngwataniro).

“Kuoyaga amundu umwe kuohera. Kuoyaga eri gucokanirira.

Wohaniri wonekaga thiini wa mundu uria utihitio. Ucokaniririo wonekaga thiini wa ngwataniro kuri andu eri.

No tuhote kuohera mundu onaatangutuira tumuohere. No tutingiiguithanio na mundu atangituika niahera.

Tuohagira onakoruo tutingihota guitikia na kuihoka mundu ucio tuohera ati ndagatuhitiria ringi. Uiguithanio no uker angikoruo no tuhote kuihoka ati mundu ucio ndagatuhitiria ringi.

Wohaniri nduri undu wohanagio naguo.” (Smedes 1996: 27)


B. Kuringithania ngurani gatagati-ini ka wohaniri na uiguithanio.27

Wohaniri Uiguithania

Nuu? Mundu umwe Andu eri kana aingi

Ni kii? Kiheyo kuheyanwo Kuriha thogora ti kuheyo

Atia? Gucenjanio ruo Gucenjanio kwa mitugo

Ku? Mwiri-ni waku Thiini wa ngwataniro

Njira iriku? Muthemba wa GUKINYIRA wohaniri Ndaraca ya uiguithanio
II. Gitumi kia uiguithania gukoruo ni wa bata.
A. Uiguithania ni uira wa hinya wa Ngai, wonanagia wathiki witu iguru ria riathani riria ria bata muno Yesu atuheire utuku mbere ya gukua guake.

1. Utuku wake wa mwisho guku thi mbere ya kuambwo guake, Yesu akiuga uu: Riathani rieru nirio ngumutigira, ati mwendanage mundu na uria ungi, ota uria nii ndimwendete, uguo endanagai. Naiundu wa uguo andu nimarimenyaga ati muri arutuo akwa, angikoruo nimukwendana. (Yohana 13:34-35)

2. Gutari uiguthanio nituremaguo nikuonia thi undu umwe uria uri wa bata makiria ati turi arutuo a Kristo.
B. Uiguithania utuikiraga hinyakuregana na kuingiriruo ni thu.
1   2   3   4   5   6   7


Verilənlər bazası müəlliflik hüququ ilə müdafiə olunur ©atelim.com 2016
rəhbərliyinə müraciət