Ana səhifə

Wohaniri na uiguithania


Yüklə 0.56 Mb.
səhifə4/7
tarix26.06.2016
ölçüsü0.56 Mb.
1   2   3   4   5   6   7

b. Hoya urekeri.

(1) Ririkana ati “kuhoya murekera ni kuria mundu uria uhitiirie guika undu: gukuuhora na wira waku” (Jeffress 2000: 161). Kuria kugia na mucemanio wanyu unyu ene ni njira ya bata ya ukinyaniria—kuaria na mundu ucio ungu kumuhotithagia kuigua mgambo wa thauti iti, kuona uthiu witu, guthima thiomi cia mwiri na kuria ciuria cia kurumirira, iria ciagaga kuoneka niundu wa kuaraniria na thimu kana marua..17 makiria gucemania na mundu kuonanagia uma wa undu ucio, na niundu wa uguo ukagia na uma wa kuenda kuoheruo. Uguo niundu wa ma angingoruo niuguthii na kana urihe thogora nginya kuria uracemania na mundu ucio. Ota uria Jeffress augaga ati,”mahinda na wirutiri uria uheaguo niundu wa undu wa muthemba uyu no ukoruo uri munene, no ndungihota kuigananio na gikeno gia kugia na thamiri njega” (Ibid.).

(2) Kuhoya muhera ni makiria ya kuga, “njohera.” Ni hamwe na guitikira ruo ruria rurehaguo niundu wa guitikira turi ahitia. Undu ucio ni wa ma makiria kuri andu mari thiini wa wathani. (Muhiano; muthuri, muciari kana muandikani) riria guatuika ati abatii kuinyihia na ahoe muhera kuri mundu uri rungu rua wathani wake (muhiano; mutumia, ciana, mwandikuo). No riri, “tungikoruo no twende gukoruo turi na wiathi, no muhaka tuitikire ruo ruria rukanagia na kunyihio guku” (Enright 2001: 254).18

(3) Jeffress aroraga njira inya cia kuria mundu akuohere: (A) Ndugakue andu aria angi. Angikoruo kuri mundu wa gatatu kana mundu uria urahoya urekeri, niakoretuo thiini wa thina uyu, ubatii kurora mwena waku wa mahitia maku. (B) menya mahitia maria wikite. Ndukanyihie undu uria wikite kana warie thiini wa undu wa oiguru tu. Mundu ucio ungi nioi uria wikite; no we arenda kumenya ati wee niuramenya uhoro ucio thiini wa uma wothe. (C) Itikira ruo ruria uiguithitie. Mundu ucio ungi arenda kumenya ati wee niuramenya ruo ruria utumite rugie. Guitikira guaku (kana kuga ati, “ni ruo runene ruru” [kana kieha, kana thoni] undu uyu utumite ugie naguo”) undu ucio no utume mundu ucio ungi ahote gukuohera. (D) Uria mundu ucio ungi akuohere. Ndubatii tu kumbura mehia maria wikite, na kurikia miario yaku na kuira mundu ucio ungi akuohere thiri iria utumite agie naguo kugera mahitia maku. Ndungiathana woheruo; kana wicirie ati mundu ucio ungi abatii gukuohera niundu wa wega wake we mwene. Handu ha uguo, Jeffress augaga ati kuhoya muhera no uge undu wa muthemba uyu: “ni njui ati ninguhitiirie thiini wa__________. Ni nguika oro uria ndahota kuona ati undu ucio ndikaucokera ringi, ona gutuika ninjui ati gutiri undu ingika kueheria ruo runene ndaguikirire. Uria ndekire ni mahitia, na gutiri mundu ungiurio tiga nii mwene. Ndoka kuri wee umuthi gukuria kana no wone handu thiini wa ngoro yaku kunjohera maundu macio nguikite.” (Jeffress, 2000: 163)

(4) Chapman na Thomas marumagirira mutaratara uhianaine wa makinya matano, kuhera na kuhoya murekera: (A) Onania kuirira (Uguni nit a ati., “njohera.”); (B) guitikira mawiko maku (uguo nit a kuga ati., “Nii ndimuihia.”); (C) Guchokia indo (uguo nit a kuga ati, “Niatia ingika guthondeka maundu maya?”); (D) Na ngoro ya ma hera (uguo nit a kuga ati., “Ni ngugeria kuaga guika uguo ringi.”); na (E) hoya muhera (uguo nit a kuga ati., “Ndakuria na gitiyo unjohere wenda?”) (Chapman na Thomas, 2006: passim).

(5) Sande akoraguo na mihiano wa makinya mugwanja uria etaga ndemwa mugwanja cia uheri: (A) Aria na mundu wothe ukonainie. Herera mundu wothe ukonainie na ndeto ino ya mahitia maku; (B) Eheranira na kiugo angikoruo . Kiugo “angikoruo” (muhiano, “ndakuhoya undekere angikoruo ni njihitie”) undu ucio niuthukagia muhera ni tondu kuonanagia ati nduramenya kana niwikite mahitia. Uguo nogu kuga maundu ta, “hihi nogukoruo nihititie, na niingigeririe makiria,” “ndingithukiria maundu uguo tiga ni kunoga,” na “njohera niundu ninguhitiiirie no niwe unjugitiri,” maundu macio mothe mathahagia muhera wothe na ugathukia kuonania uheri mukinyaniru; (C) Itikira maundu maria mo. Uro uria uri na uma wa maundu maria mo riria uraumbura, noguo kuri na uhoti mwega wa kuoheruo; (D) Itikira gutihio—niubatii kuonania ati niuramenya uria mundu ucio ungu araigu ruo; (E) Itikira maumirira. Guitikira maumirira ma maundu maria wikite oro hamwe na kugeria kuriha, na kuonania muhera wa ma; (F) Cenjia mitugo yaku. Ira mundu ucio uhitiirie njira iria ugutumira gucenjia mitugo yaku thiini wa kahinda karia karoka; (G) Hoya muhera (ugie na ihinda). Ungioya makinya macio na ngoro yothe ukihoya muhera no woheruo. Thutha wa kuhoya muhera ni ihinda riaku ria gueterera mundu ucio ungi auge undu. No riri, mundu ndabatii gutindika mundu ucio ungi nigetha atue matua ma naihenya, no riri; mundu ucio muhitirie niabatie kugia na kahinda ga guiciria, kuhoya na guthuthuria muhera waku na mahitia maku. (Sande 2004: 126-34).

(6) No gukoruo ati mundu uria tubatii kuhoya muhera niakuite, kana hihi ndangioneka ringi, kana arege kuaria naithui. Kana, mundu ucio no akoruo ndari na undu wa guikirira, kana ari na uru muingi. Ona guatuika ati undu ucio ti mwega, angikoruo nitugite na muhera wa ma, na tugeka uria wothe tungihota na guitikira maundu mothe na maumirira mothe tukametikira, na tugacokia indo na nginya tukahera (na tugacenjia mithiire itu) na tukahoya kurekeruo no tugie na ngoro ya kumenya ati Ngai ona kana mundu owothe ndangituicukira uru owothe uria utari wageria guthondeka.” (Jeffress 2000: 164).

c. Gukura thiini wa Kristo na gutuika mundu mwega niundu wa maundu maku maria ugereire.

(1) Enright augaga ati niundu wa mahitia na uhoro wa kuhoya murekera guitu, tubatii ni: (A) Kuona maundu mega thiini wa gutorio guitu na mahitia maitu (uhotani witu maita maingi nduturutaga muno ta kuhotuo guitu); (B) Kumenya ati turi na hinya makiria niundu wa maundu maria tugereire (nitundu wa uhoti wa guthii kuri mndu uria tuhitiiirie na kumwira ati nituihitie, undu ucio utumaga tugie na hinya thiini wa kuhotoa kuria kungiuka); (C) Menya ati tutiri aiki (uguo ni ati, notubatare uteithio wa kugerera thiini wa maundu macio,19 na kumenya ati turi ta andu aria angi—tutiagiriiruo gukoruo na muitio na kuhuthia angi); (D) Gutua itua, na kuoya makinya maria mabatii, nigetha ndugacokere undu ucio ringi; na (E) Kugia na uhotana iguru ria thoni, giconoko kiria kiumanaga na uheri wa mehia na guitikira woheri urehaga. Maundu macio mothe maturehaga hakuhi na Kristo, na gututua andu mahianaine nake makiria.

(2) Maundu omaria matano maria Enright augaga tugiaga namo thutha wa kuamukira wohaniri nimonekaga kuri ithui, hatari mahitia ma mdunu, mundu ucio ungi ndari hingo angiturekera. Angikoruo nituikite maundu maria mothe tubatii guika, thiini wa wiathi na ukuri uria umanaga na, muhera, gucokia indo ciene na muhera ni maundu matangigirio kuri ithui ni tondu mundu ungi ndangirehe thiini wa wohaniri.

(3) Sande onake augaga ati no tugie na thayu na wiathi kuma kuri mehia maitu naundu wa kuruta wira hamwe na Ngai gutucenjia meciria maitu na mitugo itu ya matuku maria maguka. (Sande 2004: 134). Augaga ati Ngai niwe uri na uhoti na wendi wa gutukuria na gutugarura, na ati gutiri mehia kana mitugo thiini wa miturire itu itangitorio ni wega wa Ngai. Wira witu ni: (A) Kuhoya; (B) Guikenia thiini wa Mwathani; (C) Guthoma na (D) na kurutithia wira kiria tuathoma (Ibid.: 134-35).


VI. Njira ya kuohanira.20

A. Muhiano wa Worthington witaguo GUKINYIRA iguru rigii kuohanira.

Worthington akoraguo na muhiano wa makinya matano maria onanagia ta ari miramba itatu (Worthington, 2003: 73):





1. Ririkana matihio (R). Nigetha mundu ahote kuohera mauru maria ekituo, no muhaka tuhote kiitikia iguru ria mauru maria tuikituo na ruo ruria tuiguite.

a. No turege kana tunyihie gutihio ni tondu ni tutihitio muno. Kana no tuike maundu makiria;iguru ria tumaundu tunini, na tuicirie ati mutuhitiria ekire makiria ya uuguo, kana tuicirie undu ungi ta”Koruo undu uyu nduekikire, ingiri mundu mukenu, na muhotani, na ngahota guika maundu thiini wa muturire.” (Enright 2001: 110). Turabatara guthima na njira ya utheri iguru ria maitia, na uria matuikite, na uria tuikaga iguru riamo (rora, Sande 2004: 80: “Riria wahota kurora wira waku thiini wa thina muna, niwega kurora mathina ma mithemba iri. Ombere, waya gukoruo uri na meciria mahiu, maria matumaga uhinguo narua ni mitugo ya andu aria angi. Keri, wahota gukoruo niwe urehete thina ucio kugera mitugo ya mehia maku

b. Worthington atuhega njira cia guteithia kuririkana matihio. Tubatii kuanjia na mahoya, kuhoya niundu wa gukoruo ho kwa Ngai ari ta mugitiri witu na Roho Mutheru ahiana mututeithia. Nitubatii guituiria riria turaririkana ruo ruitu na maundu maria maturigiciirie, nigetha tutikae kuingira thiini wa kang’uri, guoya, kana meciria maingi. Geria kuririkana undu uria wekikire, na uria waiguire, na uhe maritua meciria maku (geria gukoruo na githimi ota uria kuahoteka) wirigiririe na njira ya kugia na ihinda ria kuhihia na thiini kahora. Geria kuona maundu na njira ya muonere wa mundu ucio ungi. Nihari bata wa kugeria kuohera mahitia mainini gukira mahitia maria manene oro rimwe.maundu macio mothe no makoruo mari na ruo, no riri nirio ikinya ria mbere thiini wa uhonio na ugima.

c. Smedes augaga ati, “Ruo ruria mundu atuikiraga uturagia kiuria kimwe: urenda guika atia nanii? Tutiendaga kugia naruo ruo na niturenda kururuta. No nitukuamite thiini waruo.no muhaka rutuike ruitu. Na tuanjagiriria kuiyoera ruo ruitu riria tuahota gucokia ciuria ciaruo. (Smedes 1996: 135). Ongagirira ati tukoraguo na maundu merit u: “No tugerie kuirigathinirithia, na tuikie undu ucio thiini wa meciria makiriganiro, haria ingituika ta huko na irutage wira rungu rua thi. Kana tuohanire na tuhonio. . . . Undu uria tuthuraga ni witu ithui ene. . . . Tuanjagia kuria maciaro ma ruo riria tuathikiriria ciuria ciuruo. Tuanjagia kuhona riria tuahota kuheana icokia riega” (Ibid.).

2. Kuigua Tha (E). Kuiguira tha muhitia—kumenya umundu wake, uria eciragia na maumirira ma maundu macio kuri wee, thiini wa kuona uguo na njira ya ma, angikoruo uri thiini wa kiratu giake, onawe wahota gukoruo no ungiekire uguo—uguo nikuanjia kumuona uria Ngai aramuona: kumuona ta mundu (uhiana ta we), no ti ta “kindu.” Haha nogukoruo niho handu haria haritu muno thiini wa utoria wa “wohaniri wa kimeciria”. Naundu wa hinya witu tutingihota, iguru ria kuenda thu citu. Thiini wa uhoti witu maita maingi tuiguaga ta tungienda guika thu citu uru, na maherithio ta uria ithui naithui tuaherithirio. Maita maingi tuiguaga ta tungitia mwaki kuma iguru umacine. No Yesu atuiraga tuitie kirathimo kuma iguru kimaguire. Tutingihota kuenda thu citu na njira iria Mwathani atuiraga na hinya witu—no thiini tu wa hinya wa Ngai. Ona angikoruo tutiri na tha, no tugie na njira cia kuiguanira than a kugia na tha niundu wa aria matuhitiirie—na makiria kuenda thu citu. Wohaniri wa ma, wa gutura na utari wa kugaruruka uringanaga na muiguire ngurani waku iguru ria mundu ucio ungi ugutihitie.

a. Gatagati-ini ka miaka 1985-1995 Worthington na arata ake mathomire iguru ria andu mahikanitie makiria ya 1000na makiringithania mithemba iri ya wohaniri: wohaniri niundu wa umithio waku wee mwene (uguo ni ati., “kuohanira nigetha ugie na kindu”—Kuohanira nigetha mundu aigue wega, na ahote guthii na mbere na muturire, na mangi maingi.) na wohaniri wa kuiguanira tha (uguo nit a kuga ati., “wohaniri wa uheani”—wohaniri ni tondu wee muhitirio nowe ungiheana kiria muhitia atangiona na arabatara; wohaniri). Muonere wake ni wa bata: “Andu aria mohaniire thiini wa gikundi kia “wohaniri niundu wa kiguni kia mundu we mwene” nimagiire na undu wa kuoheruo makiria na anaiheinya gukiria aria mohanagira niundu wa kuiguanira tha. . . . Ithaa rimwe kana mathaa manana—wohaniri niundu wa kiguni kia mundu kiimbe wari mwega makiria. Thiini wa andu aria nao mohaniire niundu wa kiguni kia aria mamahitiirie, ithaa rimwe riarehire maumirira manini muno. Mathaa manana marehire maumirira maingi—maita matano makiria ya wohaniri wa ithaa rimwe, na maita matatu makiria ya wohaniri wa kiguni kia mundu kiumbe.

Makiria, riria tuacokire kuri andu aya ciumia ithathtatu kuma hindi iyo, wohaniri thiini wa gikundi kia “niundu wa kiguni kia mundu kiumbe” niwaikurukite ugakinya nuthu ya riria mohanagiga. Thiini wa gikundi kia “wohaniri ni tondu wa tha” githimi kiaguo kiari iguru ona thutha wa marigiririo ma maundu mothe.” (Worthington, 2001: 13-14) Worthington arikagiriria ati: “wohaniri ni kiguni gitu. No koruo tuohanira ni getha tu tugie na kiguni, tugiaga na kiguni kinini thiini wa maundu maingi. No kuruo tuaheana kiheyo kia wohaniri kuri mundu uria urabatara kuoheruo, thiini wayo tuamukagira wiathi, thayu, na hihi ngwataniro igathondekuo. Wohanire umaga ta mai kuma thima mwaki. Wohaniri ututhambagia tugatuika atheru. Wohaniri niutuohoraga.” (Ibid.: 14)



b. Kuigua tha gukaga thiini wa ithimi ithatu: (1) Kumenya (uguo niati., umenye muonere uria mundu ucio ungi arona naguo); (2) Kumenya meciria (uguo niate.,wicirie na uigue ta mundu ucio ungi); na (3) Kuigua thaa (kuiguira mundu ucio tha, na uhoro wa kumumenya na thiini wa meciria kuhota gutuarana nake). Nigetha ugie na githimi kia iguru muno kia wohaniri ubatii kugia na githimi kinenen muno gia tha; kuiguanira tha ni kua bata.

c. Kurora maundu matiganite nikuongagirira uhoti wa kumenya, kuiguira tha andu aria angi: (1) “Mathugunda mahuthu” (uguo niati., guoya, meciria, kumaka, na gutihio) maundu macio makomagiria marakara, ururu, na kuigua kuenda kuhura mundu; (2) Andu matongoragio ni maundu maria marahitukira na maria mari namo; (3) Andu matuikaga omu thiini wa muturire (na niundu wa uguo makageria kuigitira maundu maria maroneka ta mari guitigirithio); (4) Andu makoraguo uria mari niundu wa maundu maria magereire ma thutha (no makoruo thiini wa guoya na marakara nitondu wa maundu maria managerera, kana mareretuo thiini wamo kana monire matuku maingi mahituku); (5) Andu maita maingi mekaga maundu mateguiciria mbere (undu uyu niwama makiria riria andu mekuo uru, kana kuonuo na muonere muru kana kuonuo ta mari a kuguoyohia); (6) Tutiri hindi tubatii kuriganiruo ati turi akristiano (na niundu wa uguo, kugera wega wa Ngai na uteithio war oho Mutheru niturihotaga kuhoota mathina maya na undu wa kuiyaura umundu witu wa tene, na gukoruo turi ama na kuendana,na kuihumba meciria ma Kristo, maria turi namo riu. [rora Aef 4:15, 20-32; 1 Akor 2:16]).

d. Njira mithemba miingi nicituteithie kuiguira tha andu aria angi: (1) Hoya niundu wa kiheyo gia tha; (2)Andika maundu ta ari we muhitia, ukierethaga mibango na mathugunda ma mundu ucio ukuhitiirie, na uria araigua kuma mwena wa muonere wake wa maundu; (3) Andika marua ma muhera thiini wa muonere wa muhitia; (4) Aria na giti gitari mundu, ukira muhitia meciria maku na muonere waku ta muhitia aikariire giti kiu,-----wituite ati wee niwe muhitia ,eretha gitumi kiria giatumire wike uguo, na ukiheraga niundu wa uria wikite; (5) Aria na murata kana ukoruo ho thiini wa gikundi kiraria uhoro wa wohaniri; (6) Wike undu wa kuonania muiguire waku kuri mundu ucio ungi; (7) Thugunda uhoro wigii tha cia Kristo niundu wa andu mahiana ta ucio; (8) Hoera mundu ucio [na ti ati muaki wa iguru mucine, no ati Ngai niakumukuhiriria, na amurathime, na amugarure atuike ta Kristo, ta maundu maya ariwe urehoera makike kuri we]; (9) Wicirie iguru ria mehia maingi, uhuthu, uria wanahitiria na gutihia na kuhinga, na gutumira nadu aria angi.

3. Kiheyo kia wohaniri gitari na muiyendo (A). Utuiria wonanagia ati angikoruo andu matiri uhoti wa kuigua tha matingihota kuohanira. No riri, ona andu aria magiaga na tha niundu wa aria mamahitiirie matimohagira.

a. Akristiano mabatii guiciria iguru ria mehia mao maria moheiruo ni Ngai,na mahitia maria tuaneka andu na magatuohera. Uhoro wa lkuhota kumenya umundu witu na uhuthu witu gutumaga tuhote kuohera makiria aria matuhitiirie. Kiambiriria tungiririkana giconoko gitu na thoni, nitubatii kuririkana wiathi na thayu uria tuagiire naguo riria tuoheiruo mahitia maitu. Kuinyihia na ngatho nicio hinguro cia ukristiano iria citumaga tuicirie uhoro wa aria angi makiria.

b. Wendo wa kuirutira iguru ria andu aria angi; ni uhoro wa kuheana na kuaga gueterera guceokerio—ni kuohora;ni kuambarararia;no gukoruo ari gucenjania muoyo. Ni kiheyo kiria Kristo atuhete, na ni kiheyo kiria akristiano mabatii kuheyana kuri andu aria angi na nikio andu aria angi matuheyaga. Wohaniri kuringana na Smedes ni, “hinya uria munene wa wendo” ,ona guatuika rumena ni rutuheaga hinya wa kuhota gutura thiini wa thii ino iri na mauru maingi . . . rumena rutikoraguo na hinya wa guturia matuku maingi tiga okuhota kuirihiria. No ni wohaniri uthereragia njui cia uhonio niundu wa matuko ma rucio. Thiini wa mahinda maraya uhoro wa wohanire ni uri uhoti muingi gukira rumena” (Smedes 1984: 146). Mukrstiano uria murikiru muno ni mundu murikiru thiini wa ngatho, mundu uri na ngatho ndari hingo angiaga kuohanira.

4. Kuirutira kuohanira kuri andu othe (C).Wohaniri uria wa bata na wa mbere ni wa kuiyohera we mwene—thiini wa ngoro, meciria na muoyo waku; wiheane kuri andu othe kuohanira thatha wa gutua itua na kugia na “wohaniri wa itua” kana hihi wohaniri wameciria maku.

a. Wieane kuri andu othe thiini wa itua riria watua thiini wa hitho nigetha uhoote nganja iguru ria ati kana niurohera wega mundu uria ukuhitiirie, nganja iria ingiuka thiini wa meciria maku thutha wa maundu macio, riria weciria uru iguru ria mundu ucio ukuhitiirie. Undu wa muthemba ucio, kuineana kuri andu iguru ria kuohanira ni undu umwe na uhoro wa kubatithio kana kuria giathi kia Mwathani—ni kionereria kia nanja na giakuonania wega wa kiroho iguru ria wohaniri uria uheanite.

b. Nikuri na njira ngurani cia guguteithia kuiheana iguru ria wohaniri kuri muingi: (1) Kunyitithia mutugo meciria maku iguru ria kuaga kumenereria mundu ungi riria meciria moru moka (niwega kuiira atiri,“reke undu ucio uthii,” kana “tiga guetha mahitia”; “cenjia uhoro ucio thiini wa meciria” riria meciria moru maingira). Hamwe na uguo, wicirie , thugunda, ona wandike maundu mega ma mundu ucio ungi. (2) Onania wohaniri waku. Andika mahitia macio guoko-ini guaku; na ucoke uthambwie guoko maita maingi na wira muingi ukiuruta mandiko macio nimatharukaga. Kana woe ihiga inene na guoko guaku gutambarukite (ihiga ta riria Yesu erire andu aria marehire mutumia mutharia mamuhure na mahiga nyuguto) [Yohana 8:7]); meciria na ruo ruria ukuigua unyitite ihiga reke makoruo meciria na ruo rua kuaga kuohanira—angikoruo uritu wa wendi wa kuirihiria no ukoruo uri munene muno ati ndungihota kuukua ringi, rekia ihiga thi rihiana ta kionereria kia wohaniri. Kana wandike mahitia macio karatathi-ini ucoke ugacine gatuike muhu. Kana wandike mahitia macio karatathi-ini na ukahurire mucumari rubao iguru ruhiana mutharaba, kana ugatige rungu rua mutharaba kanitha-ini wanyu. Thiini wa guika maundu macio mothe, ririkana uraruta kuaga wohaniri waku na ruo ruaku kuri Yesu—riu niwe umakuite; nduri na bata wa kumakua ringi. (3) Andika wohaniri waku. Andika iratathi ria wohaniri riria ungiiga riguteithagie thiini wa mahinda ma nganja, ukaririkana ati niwoheire mundu ucio biu (4) Ira mundu uhoro wigii wohaniri waku. Ira Ngai, wire wee mwene, murunaguo, murata mwihokeku, mutungatiri waku; na andu aria angi othe mangiguteithia hindi ya nganja. (5) Ika maundu kuri mundu ucio makumuonia ati niwamuoheire. Riria maundu maku matuika mutugo, nimaguikira hinya itua ria wohaniri uria wekire na uhoro wa than a wendo uria wonanagia.

5. Rumia wohaniri (H). Meciria na kuigua ta utohaniire no moke thiini witu (ota uria meciria ma mehia mokaga ta—kuiririria, ukoroku, muitiyo, na mangi maingi—no marahuke thiini witu). Kuona mundu ucio kana gukoruo handu hana, kana kuririkana tariki cia kiririrkano kia undu ucio, kana kuigua undu muna,kana riria turi anogu, kana riria turi oiki, kana tukagia na meciria maingi nokurehe meciria matari bata kana kuigua ta tutohaniire. Ni thiini wa mahinda macio tubatii kunyitia uhoro wa wohaniri uria tuohaniire na tukiwonania kuri muingi.

a. Nikuri na njira mithemba miingi ingituteithia kunyitia wohaniri thiini wa mahinda ta macio: (1) Kumenya ati ruo rua matihio ma kuririkana ti rumwe na kuaga kuohanira (kuaga kuohanira kubataraga guiciria; na ngugetikire kuingira thiini wa meciria ma kuirihiria); (2) Tiga guikara thiini wa meciria moru (niwega kuiyeheria thiini wamo na njira ya—kuina, kuhoya, kugoca Ngai, ika maundu ma gugutithia—handu ha guikara thiini wa meciria ma rumena na meciria ma gukuiguithia ruo); (3) Wiririkanie ati niwohaniire (na wiririkanie maita maria maingi wanerutira thiini wa muingi kuonania wohaniri waku); (4) Etha kugia na uma ringi kuma kuri murata (mundu uria muaritie nake iguru ria uhoro ucio wa wohaniri na noahote gukumiriria riria uri na nganja kana meciria maingi); (5) Tumira iratathi riria wathonekira (thoma “iratathi ria wohaniri”, irua ria wohaniri kana mandiko maria mangi mothe wandikire iguru ria wohaniri ucio); (6) Rora ringi, wicirie ringi na wike maundu macio ringi megia muhiano wa gukinyira wohaniri.

b. Tuika muohaniri makiria. Undu uyu woyaga mahinda mothe ma muturire wa mundu, no uteithagia guthondeka muhianire wa Kristo thiini waku. Makiria, uhoro wa kugeria gutuika mundu wa kuohanira makiria utumaga utuike undu wa uma na kuunyitia, wohaniri uria uheaga mundu niundu wa gitumi kia mahitia Nikuri na njira ngurani cia gutuma utuike mundu uri na wohaniri makiria: (1) Rora gitumi kiria kiratuma wende gutuika mundu muohaniri makiria (ira Mwathani athuthurie ngoro yaku; mathugunda maku ni mari na mweyendo,kana ni tondu urenda guathikira na kuirigiriria thiini wa maundu, kana wohaniri waku uri thiini wa ngatho, wendo, na tha?); (2) Menya kironda kiria kinene kuma kuri maundu maria mekikire na wohanire (uria urahota kuohera maundu na guthoma kuma kuri mo uguo noguo uri na uhoti wa kuhonia ironda); (3) Uhera kironda kimwe gwa kimwe (wirutanirie kiguia na wohaniri wa kimeciria na wohaniri wa itua; ugithii na mbere kurutira wira uhoro wa gukinyira wohaniri wa ma, niwega guthima uthii wa nambere waku nigetha wone uria urathii na mbere); (4) Menya aria atoria thiini wa wohaniri (guthoma kana kuaria iguru ria andu aria manahota kuohanira makiria undu ucio noukoruo uri wa gukuongerera hinya); (5) Wimenye wee mwene (kuaga kuohanira no gutuike mutugo muru, kuoguo niwega kugia na uma waku wee mwene na kuaga kugia na muthithu muingi iguru ria wagi wa wohaniri); (6) Nyihia njira njuru na urimire maundu mega (wirutanirie gutuika mundu wa maundu mega thiini wa maundu makiria ya wohaniri; rora maundu to maria ukuaga guika no nginya maria uguika nigetha ugie na ngumo njega—muhiano ni ati, menya mitugo iria ubatii kugia nayo na umiandike na njira iria ugutumira kugia nayo: uguo nit a kuga ati, “Angikoruo ni urari [mwendi] andu muno ingiciria niwega [kugeria gucokia ngatho, na kumamenya makiria, na kumathikiriria] maita maingi.”); (7) Garura maundu maku matene maria ui (tumira than a wecirie Yesu akihoreria mundu ucio ugutihitie; undu ucio no utume ugarure muonere na meciria ma matihio ma tene); (8) Thondeka mubango ya kugaruruka—geria kurora muturire waku thiini wa umenyi na kuimenya, na kuihe kahinda ga kuhoya na guiciria, kubanga na kuhuruka (miturire iria ikoraguo thiini wa mihang’o ya mithemba miingi ikoraguo iri miritu thiini wa wohaniri, na kuiguiruo tha, na wendo ni kuagaga niundu wa uguo.); (9) Onania wohaniri thiini wa maundu maria mangicirio (kuonania wohaniri mbere iguru ria maundu maria mangioneka guteithagia guthondeka na kluihaririria thiini wa undu ungibatara wohanire riria ungioneka); (10) Gia na wohaniri muthenya na uria ungi (riria urabanga muthenya waku, niwega guiciria iguru ria andu aria ugukoruo nao thiini wa muthenya ucio—umahoere, na riria maundu ma ruo moka, thondeka uhoro wa wohaniri oro rimwe); (11) Uteithio kuma kuri mundu uria wohokete (arata aria wohokete, atungatiri,andu angi marutituo na mari na umenyi wa mandiko na uhoro wa umenyi wa wohaniri no mateithiririe thiini wa maundu megii mataro na uteithio); (12) Anjiriria matangatho megii kuenda thu ciaku (uri wiki kana na gikundi thiini wa kanitha, muhoye, mubange, na murutithie wira mibango iguru ria guika wega kuri thu ciaku—onania uhoro wa kuonania Kristo kuri andu aria matangiendeka).
1   2   3   4   5   6   7


Verilənlər bazası müəlliflik hüququ ilə müdafiə olunur ©atelim.com 2016
rəhbərliyinə müraciət